( Nje  veshtrim   biografik,   sipas   rrefimeve   te   vellezerve   dhe   femijeve  te saj)

(Pjesa  e  dyte)

Continue reading Lumturia – motra jone →

 (Nje  veshtrim  biografik,  sipas  kujtimeve   te  vellezerve  dhe  femijeve  te  saj).

                                           ( pjesa  e  pare)

Zonja  e  Madhe  e  Binajve,  koshtanakja,  bije  e  Teme  Adushit  dhe  e  Bejushes, e  martuar  ne  Kalivac  te  Tepelenes  me  Xhevitin,  te  birin  e  Malko  Binos  dhe  te  Jeminese,  pas  gati  15  vjet  martese  solli  ne  jete  femijen  e  pare,  ne diten  e  Ujit  te  Bekuar,  me  6  janar  1940. Ishin  kohe  te  trazuara.  Kishte  nisur  Lufta  e  Dyte  Boterore  dhe  Shqiperia  ishte  nen  pushtimin  e  fashizmit  italian.  Varferise  te  skajshme  te  banoreve  kalivacas  iu  shtua nje   zgjedhe  e  re,  ajo  e  pushtuesve  fashiste.  Disa  kalivacas  qene  me  fat;  ata  u  punesuan  ne  ndermarrjet  qe  hapen  fashistet  per  kryerjen  e   puneve  botore,  ose  ne  ndermarrje  te  tjera   te  organizuara  prej  tyre.  Ne  Kalivacin  “ rrebel ”,  ishte  ne  hapat  e  pare  nje  lloj  kundershtimi  ndaj  pushtimit  te  huaj,  fillimisht   i  heshtur  e  me  pas  shperthyes,   i   nxitur  nga   vendas  te  arsimuar  si  Sulo  Beqir  Sulaj;  Muharrem  Hasan  Nelaj  etj.  Me  pas,  kjo  shkendije  u  shnderrua,  dita  –  dites  ne  nje  levizje  antifashiste,  te  cilen  e  futen  ne  hullite  e  Luftes  Nacionalclirimtare  te  rinjte  antifashiste  qe  vepronin  ne  fshat,  ne  ilegalitet  te  plote.  Si  femije   i  pare, motra  jone  e  vetme,  pruri  gezim  ne  deren  tone  e  ne  familjen  e  re  kalivacase.  Nuk  dime  nga  u  nis  cobani   i  dhenve,  yzmeqar   i   vellezerve  Muharrem  e  Beshir  Haxhiut,  nga  Hasanimerajt  dhe  Zonja  e  Madhe  e  Binajve, nje fshatare e thjeshte nga Koshtani,  qe   i  vune  emrin  vajzes  se  tyre  Lumturi.  Gjendja  sociale  e  yzmeqarit  dhe  ekonomia  e  familjes  te  re  nuk  e  justifikonin  kete  emer.  Ndoshta  ne  kete  ceshtje  kane  ndikuar  mendjet  e  ndritura  te  pleqve  perparimtare  te  mehalles  Ahmetaj,  ose  idete  e  bartesve  te  te  rinjve  perparimtare  te  kohes.  Sido  qe  te  kete  ndodhur,  Lumturia  jone  nuk    e  pati  jeten,  sic   i  vune  emrin.  Femijerine,  Ajo  e  percolli  ne  skamje  e  ne  ngushtesi  ekonomike,  si  shume  bashkemoshatare  te  saj,  nga  ato  qe  nuk  kishin  as  hi  ne  vater.  Pas  Lumturise  erdhi  ne  jete  Niaziu.  Sipas  mentalitetit  te  kohes  shtepia  e  Xhevit  Malkos,  mbare   fisi  e  miqesia,  perjetuan  nje  gezim  te  papare.  Ne  Binaj  u  ndez  daveti;  u  theren  shume  berra  e  rakia  u  derdh  si  lume;  buciti  kenga  labce – vence  e  u  tunden  dyshemete  nga  vallja  e  kenduar,  per  te  festuar  ardhjen  ne  jete  te  trashegimtarit  te  mallit  e  te  gjese,  nipit  te  Malko  Binos,   i  cili  shtegtoi  ne  Turqi  e  nuk  u  kthye  por  humbi,  pa  nam  e  pa  nishan  dhe  nuk   i  dihet  as  fundi;  as  varri.  Xheviti  bonjak,  fluturonte  nga  gezimi  e  u  ngjit  deri  ne  Teqene  e  Baba  Dero  Dorzes,  per  te  marre  emrin  e  djalit  qe  kishte  lere  ne  ate  prag.

U  rritem  si  binjake,  ndonese   motra  ime  ishte  lindur,  gati  tre  vite  me  pare.  Nuk  ziheshim  kurre,  por  duheshim  shume,  si  moter  e  vella.  Ne  ate  fukarallek  te  madh  ne,  femijet,  gezoheshim  jo  me  kukullat,  sic  ndodh  sot,  por  kur  nena  jone,  Zonja  e  Madhe,  priste  e  na  qepte,  me  dore,  ndonje  petk  te  ri.  Deri  ne  klasen  e  pare  te  shkolles  fillore,  te  dy,  vella  e  moter,  vishnim  te  njejtin  fustan  (  ne  ate  moshe  vishja  fustan,  si  vajzat).  I  veshur  me  fustan  dhe   i  zbathur,  capitesha  me  veshtiresi   neper  rruget  me  gure   te  mehalles  Ahmetaj,  duke  perplasur  kembet  neper  ato  popla  qe  mbushnin  sokaket. Mbaroi  Lufta  e  Dyte  Boterore.  Fshati  yne,  vertet  u  clirua  nga  pushtuesit  e  huaj,  por  ajo  ra  ne  nje  pushtim  tjeter;  ne  ate  te  skamjes  e  te  mjerimit.  Pas  meje,  familja  jone  u  shtua  dhe  me  nje  femije  tjeter  te  seksit  mashkull,  te  cilit  i  vune  emrin  Selam.  Kur  vellai  im  ishte   akoma  ne  shpergenj  e  perkundej  ne  djepen  e  drunjte  te  pergatitur  nga  mjeshtri  drugdhendes  Asim  Cali,   i  doli  ne  gushe  nje  pucer  e  zeze,  e  cila   i  mori  jeten.  E  mjekuan  plakat,  me  metoda  te  mjekesise  popullore,  por  shpetimi   i  jetes  se  tij  qe   i  pamundur. Ashtu  si  Selami,  e  pati  fatin  dhe  vellai   i  Reshatit  e   i   Nelos,  Pertefi,  te  cilin  e  zuri  fruthi,  me  temperature  te  larte  dhe  ashtu,  prinderit  e   cuan  ne  Shkoze,  tek  gjyshja  Qerime,  ku  Ai  u  perkeqesua  e  nderroi  jete.  Viti  1945,  rezultoi   i  mbrapshte  per  Binajt.  Ne  ate  vit,  nga  ky  nenfis  u  happen  6  varre. U  ndane  nga  jeta  tre  pleqte  e  Binajve:  Nelo  Binua,  bashkeshortja  e  tij  Zadeko  e  me  pas  nena  e  Xhevitit,  Jemineja.  Nuk  i  mbijetuan   semundjes  banale,  dy  djemte:  Selami  dhe  Pertefi  si  dhe  pasuan  dy  gjema  te  renda:  vdekja  e  Resmi  Nelos  dhe  e  Behijes  shtatzene;  vajzes  te  madhe  te  Resul  Nelos  dhe  gruas  se  tij –  Mbetes.  Resmi  Nelua  vdiq  shume   i  ri  dhe  nga  nje  semundje  e  rendomte,  (nga  pleviti ). Mjekesia  e  asaj  kohe  ishte  larg  te  qenit  bashkekohore,  si  me  personel mjekesor  dhe  me  medikamente.  Mbaj  mend  se,  per  cdo  semundje,  infermjeri  ( se  mjek  nuk  gjendej),  te  rekomandonte  mjekimin  me  kinine.  Kur  vdiq  Resmi  Nelua,  plaka  Jemine Bazja  dhe  Behija  nuse  e  qane  ate,  me  ligje,  tek  varri.   Metodat  popullore  te  mjekimit,  perfshi  hedhjen  ne  djerse  dhe  veshjen  e  lekures,  nuk  dhane  asnje  rezultat  per  permiresimin  e  shendetit  te  Resmiut.  Ai  u  nda  nga  jeta  dhe  la  pas  Zonjen  e  Vogel  te  Binajve,  e  cila  ishte  jo  vetem  shume  e  bukur,  por  dhe  ne  moshe  qe  nuk   i  kalonte  te  njezetat. Resmi  Nelua  la  dhe  dy  djem  te  mitur:  Reshatin  dhe  Nelon,  te  cilet  ishin  per  koromanen  e  bukes.  Reshati  ishte  moshatar  me  Lumturine,  kurse  une  kishja  ardhur  ne   jete  6  muaj  perpara  se  te  lindete  Nelua.

• 

Te  dy  djemte  qe  la  pas  Resmi  Nelua,  ishin  femije  parashkollore   kurse  ekonomia  familjare  e  tyre  ishte  tejet  e  varfer.  Ata  banonin  ne  nje  perdhese,  pa  tavan  e  pa  dysheme,  te  ftohte  akull  me  vater  e  me  oxhak,  te  shtruar  me  shur  ( balte  e  bardhe )  e  perzier  me  bajga  lope.  Muret  dhe  catia  ishin   ndertuar  me  gure  te  bardhe  gelqeror.  Ata  nuk  dispononin  shtroje  e  mbuloje,  por  mblidheshin,  me  frymen  e  njeri – tjetrit  mbi  nje  minder  ( plisnok )  e  mbuloheshin  me  nje  rrogozhan ( jorgan   i  sajuar ).  Veshja  e  tyre  ishte  keq  e  mos  me  keq  dhe  barkun  nuk  e  ngopnin  me  buke.  Vdekja  e  Resmi  Nelos  ishte  nje  gjeme  e  madhe;  ajo  u  ndie  thelle,  si  ne  familjen  e  ngushte  e  ne  fis  dhe  me  gjere.  Zonja  e  Vogel  e  Binajve,  mbeti  e  ve,  me  dy  femije  te  mitur  dhe  ne  nje  moshe  fare  te  re.  U  bene  te  shtatat  e  Resmiut.  Ne  ate  rast  u  mblodhen  tarafi   i   Zonjes  vejushe  dhe  te  afermit  e  Resmiut.  Sipas  tradites,  gruaja  e  ve,  pa  kaluar  shtate  dite  nga  vdekja  e  burrit,  detyrimisht  duhet  te  deklaronte,  nese  do  te  dilte  nga  shtepia  e  burrit  e  do  te  kthehej, tek  prinderit  e  saj,  apo  do  te  vazhdonte  jeten,  duke  u  angazhuar  me  rritjen  e  femijeve  qe  i   la  burri  i   ndjere. Per  gruan  e  re  krijohej  nje  situate  teper  e  rende.  Ajo  duhet  te  perballonte  dhimbjen  qe   i  shkaktoi  humbja  e  bashkeshortit  dhe  njekohesisht  te  mendonte  per  te  ardhmen  e  saj  e  te  femijeve  qe  kishte  sjelle  ne  jete.  Zonja  e  Vogel  e  Binajve,  ne  kundershtim  me  pjekurine  e  moshes  adoleshente,  kur  e  pyeten  per  vendimin  qe  do  te  merrte,  Ajo  u  pergjigj,  prere:  “ Ky  qe  fati  im;  djemte  nuk   i  braktis  e  nga  shtepia  nuk  do  te “dal”;  une  do  te  lidh  ne  koke  shamine  e  zeze  te  zise  e  do  ti  shtrohem  punes  per  te  rritur  keta  “dy  yje”  qe  me  la  jetime  Resmi Nelua”!  Nje  ulerime  pasoi  fjalet  e  saj;  ata qe  u  ndodhen  rreth  vatres,  burra  te  mencur  dhe  esnafe,  bertiten  njezeri: “ ashkosun ”,  qe  ne  Turqisht  do  te  thote,  bravo,  apo =  te  lumte!

Po  ne  ate  nate,  ne  takimin  e  burrave  u  shtrua  dhe   problemi  per  ti  gjetur  nje  mbeshtetje,  vejushes  te  re  e  te  bukur  dhe  dy  djemve  te  saj.  Sipas  tradites  vendase,  pleqesia  iu  drejtua,  ne  radhe  te  pare  Resul  Nelos,   i  cili  ishte  vella   i   te  ndjerit  qe  te  behej  mbeshtetje,  derisa   te  mekembeshin  djemte,  aq  sa  te mund  te  jetonin  me  vete.  Resuli   nuk  e  pranoi  kete  kerkese  me  justifikimin  se  ishte  shume  fukara  dhe  se  kishte  ne  vater  shume  femije,  per  te  ushqyer.  U  hodh  Xheviti,  kusheri   i  pare   i  te  ndjerit.  Deklarata  e  tij  e  cilter  dhe  fisnike  permbante  shume  ndershmeri  e  perkushtim  per  te  perballuar  kete  situate  te  rende.  Xheviti,   i  cili  ishte  rritur  bonjak,  dyerve  te  botes,  u  tha  burrave  te  atij  kuvendi  mortor:  “ Do  ti  bashkojme  te  dyja  familjet  dhe, keshtu  do  te  jene  bashke  fatet  e  7-te  njerezve.  Keshtu,  do  te  jemi  me  te  forte,  per  te  perballuar  hallin  e  madh  qe  na  ka  zene”.  Ky  vendim   i  tij  ishte  burreror  ( grate  nuk  pyeteshin  ne  ate  kohe), e   u  erdhi  per  shtat  si  njerezve  te  trungut  te  Nelajve  e  kusherinjve  te  tyre,  ne  mehalle  dhe  atyre  te  pertej  lumit –  Qyrajve.  U  gezuan  te  gjithe  ata  qe  ia  donin  te  miren  asaj  familje,  te  mbetur  pa  kryefamiljar.  Me  te  drejte  u  gjykua  se  tashme,  vejusha  dhe  dy  djemte  e  saj  bonjake  do  te  kishin  nje  mburoje  te  forte  dhe  nje  mbeshtetje  te  sigurte. Tek  Xhevit  Malkua,  te  gjithe  sa  e  njihnin,  kishin  besim  ne  ndershmerine  dhe  ne  drejtesine  e  karakterit  te  tij.  Fisnikeria  e  tij   njihej   e  cmohej  nga  te  gjithe.

Qysh  te  nesermen  e  asaj  dite,  nisi  puna  per  bashkimin  e  te  dyja  familjeve.  U  tha;  u  be.  U  bashkua  cdo  gje:  Shtepia;  placket;  puna;  trojet;  arat e  cdo  gje  qe  deri  atehere  kishte  qene  ne  pronesi  te  sejciles  familje.  Meqenese  bashkimi  mund  te  ishte   i  perkohshem,   (sa  te  mekembeshin  djemte),  familjet  ruajten  identitetin  e  sendeve  qe  u  bashkuan.  Sejcili  i  dinte  kufijte  dhe  sendet  e  tij.  Per  te  banuar,  te  dyja  familjet  vendosen  te  sistemoheshin  ne  shtepine  e  Reshatit  ( pas  vdekjes  te  Resmiut,  si  kryefamiljar  u  njoh  Reshati,  djali   i  madh   i  te  ndjerit.  Ajo  ndodhej  ne  kufi  me  domenet  e  Musa  Mehmetit  dhe  me  ato  te  Muharrem  Kamberit.  Trualli  dhe  shtepia  rrethoheshin  nga  udha  qe  te  conte,  tek  shtegu   i  avllise  te  Muharrem  Kamberit  e  me  tej,  tek  Guri   i  Kalit  ( afer  Kryes  te  Shtepise,  ka  qene  nje  gur,  tek   i  cili,  kaloresit  ua  hipnin  kuajve ).  Pas  vdekjes  te  Behijes,  vajzes  te  madhe  te  Mbetes  dhe  te  Resul  Nelos,  e  cila  ishte  e  martuar  me  Tefik  Barjam  Isufaj,  nga  Hasanimerajt,  Agai  ( Resul  Nelua),  u  shperngul  ne  Gurishte,  ne  token  qe   i  la   i  ati,  ku  ngriti  dy  kasolle  ne  buze  te  Perroit  te  Veldonit:  njeren  per  te  pritur  miqte;  tjetren  per  te  ndezur  zjarrin  dhe  per  te  mbledhur  femijet.  Nje “rrip”  trualli  ku  kishte  kasollen  ne  vendbanimin  e  meparshem,  perposh  avllise,  kur  u  shperngul  Agai  ne  Gurishte,  e  mori  familja  e  ribashkuar.

Me  kujtohet  inventari   i  sendeve  qe  dispononim,  si  familje,  ne  ate  kohe.  Seksioni  yne   i  perdheses  me  dy  dhoma,  kishte  rene brenda  dhe  Xheviti  fukara,  nuk  kishte  mundesi  ekonomike  qe ta  ngrinte,  prandaj  u  ngjeshem  rreth  vatres,  ne  pjesen  e  shtepise  qe   i  kishte  rene  ne  pjese  Reshatit.  Ne  pjesen  tone  te  shtepise,  kur  catia  nuk  kishte  rene,  ne  fund  te dhomes   ndodhej   nje  tezgjah  druri  ku  punonte  qilima  e  rroba  per  shtroje  Zonja  e  Madhe  e  Binajve.  Kur  u  shemb  catia,  tezgjahu  u  shkaterrua  plotesisht  e  nuk  pati  nge,  as  te  holla,  per  ta   ngritur  serish  ne  kembe.  Ne  shtepine  e  Reshatit,  ne  fund  te  saj  ishte  nje  stive  me  rroba.  Ne  kete  stive  rrobash  ishte  grumbulluar  e  gjithe  pasuria  e  luajtshme  ( shtroje  e  mbuloje)  e  te  dyja  familjeve.  Ne  palet  e  asaj  stive,  e  cila  ishte  e  ndertuar  me  dru  dhe  e  fiksuar  pas  murit  ishin  stivosur:  nje  dyshek,  i  mbushur  me  lesh  deleje,  nje  jastek,  dhe  nje  jorgan,  i  thurur,  me  rrombe,   i  mbushur  me  pambuk. Ato  i  kishte  prure  Nelo  Binua,  kur  u  kthye  nga  kurbeti  qe  beri  ne  Anadol.  Keto  shtroje  mjaftonin  vetem  per  nje  njeri;  kur  ne  shtepi  vinin  me  teper  se  nje  mik  ( ato  ishin  per  te  fjetur  miqte ),  per  te  kaluar  naten,  i  dyti  e  veshtiresonte  punen  dhe  e  zonja  e  shtepise  ndihej  ngushte.  Plaku  Nelo  Bino  kishte  prure  nga  kurbeti  dhe  mjaft  ene  te  bakerta  dhe  nje  batanije  te  kuqe  e  cila,  nga  perdorimi   i  gjate,  ishte  tripsur  ( holluar )  mjaft  e  i  kishte  dale  boja.  Kur  Nelua  grindej  me  Zadekon  (  gruan  e  tij )  dhe  me  femijet,  hidhte  pas  kraheve  batanijen, dilte  ne  shkalle  dhe,  ne  zemerim  e  siper  u  thosh  familjareve: ” Nuk  rri  me  me  ju,  vikot  e  mutit;   do  vete  tek  Xheviti ”… dhe  kalonte  ne  deren  ngjitur,  duke  mburrur  kunaten  Jemine  dhe  te  rene  e  saj,  Zonjen  e  Madhe  te  Binajve.  Kur  i  kalonte  inati,  plaku  Nelo, i harronte  ato  qe  kish  thene,  hidhte  perseri  rroben  e  kuqe  ne  krah  e  kthehej  tek  e  ndara  tjeter  e  perdheses.

Kur  u  kthye  nga  Anadoli,  Nelo  Binua,  mes  rrangullave  e  dhuratave  te  shumta  pruri  dhe  nje  kazan  te  madh  prej  bakri  me  kapacitet  bartes  rreth  50  litra   i  cili  perdorej  per  te  mbledhur  vajin  e  ullirit  dhe  per  te  nxjerre  niseshtene.  Kur  u  nda  Xheviti,  nga  plaku  Nelo  dhe  bijte  e  tij,  kazani   i  ra  ne  pjese  Xhevitit.  Ai  u  kujdes  per  te  dhe  e  ruajti  gjate,  deri  ne  fund  te  jetes  se  tij,  qe   i  takon  fillimvitit  1975.  Nga  sendet  e  vyera  qe  solli  kurbetliu  Nelo  Bino  ndoshta  ia  vlen  te  permendet  nje  mulli   kafeje  prej  tunxhi,  cilesor,  i  cili   i  ra  ne  pjese  Resmiut.  Mulliri   i  kafese,  i   rralle  ne  ate  kohe,  ishte  i  preferuari  e  i  kerkuari  ne  tere  fisin  e  me  gjere.  Zonja  e  Vogel  e  Binajve, si  menaxhere  e  mullirit,   bente  sherr  e  shamata,  kur  ndonje  gjitone,  bluante,  ne  vend  te  kafese,  elb  te  pjekur,  me  mullirin  e  mire  te  saj.

Nelo  Binua  u  la  djemve  dhe  Xhevitit  pak  truall.  Aq  ngushte  ishin  Binajt  per  truall,  sa  nuk  kishin  vend  as  per  te  ndertuar  nje  vend  septik  per  nevojat  fiziologjike.  Bahceja  mbi  shtepine  e  Binajve  ishte  e  Mane  Tafilit.  Per  te  zgjeruar  truallin  qe  trashegoi  nga  xhaxhai, Xheviti  u  detyrua  te  shkembente  lopen  e  vetme  te  familjes,  Sorrilen  e  cila  ushqente  me qumesht  4  femije  e  kater  te  rritur  te  asaj  shtepie,  me  bahcen  qe  kufizohej  me  truallin  e  Abedin  Kahremanit  dhe  ne  anen  tjeter  me  arishten  e  Musa  Mehmetit.  Ne  krye  te  saj       ishte  kopshti  i  Hysni  Metes.  Ne  anen  Lindore  te  bahces  ishte  kullote,  e  perbashket ( nje vnd  i  varur  e  me  gure,  deri  tek  germadhat  e  shtepise  te  Ramo  Nebiut )  per  te  gjithe  mehallen  dhe  fshatin.  Nga  dera  e  shtegut  te  Hysni  Metes  dhe  perpara  portes  te  Mane  Tafilit  deri  tek  vendi  ku  mblidheshin,  pa  i  thirrur  njeri,  burrat  e  mehalles  Ahmetaj,  ne  kuvend  sporadik,  i  quajtur  Buze,  zbriste,  tangent  nje  udhe,  e  ngushte  me  gure,  e  cila  kufizonte  dhe  mbronte  bahcen  e  Abedin  Kahremanit.  Kafshe  pune  e  prodhimi,  nuk  kishim;  paga  e  yzmeqarit  te  dhenve  qe  merrte  Xheviti  dhe  lakrat  e  egra  qe  mblidhnin  dy  Zonjat  nga  fusha  na  mbanin  te  gjitheve,  me  ushqim  dhe  perballonin  harxhet  e  shtepise.

Sipas  tradites  vendase,  kunata  e  madhe,  Nena  jone,  e  cila  kishte  ardhur  ne  ate  prag   perpara  Zonjes  te  Vogel  te  Binajve,  kishte  ne  dore   “frenat”  e  ekonomise  te  perbashket.  Ajo  mbante  ne  brezmek  celsat  dhe  menaxhonte  te  ardhurat  e  familjes.  Poshte  stives  te  rrobave,  afer  deres, ishte  vendosur  nje  bucele  uji,  me  kapacitet  bartes  rreth  30  litra.  Ajo  ishte  e  ndertuar  prej  listelave  me  dru  vidhi  te  presuara  e  te  fiksuara  me  nje  rreth  flete  metalike).  Bucela  rridhte  dhe  vende  – vende  e  kishin  izoluar,  me  balte.  Kur  regjej  balta,  bucjela  rridhte  perseri  e  lagte  vendin  ku  ishte  vendosur.  Prandaj,  prinderit  tane,  e  kishin  ngritur  ate,  nga  vatra ( lexo  nga  sheshi  i  shtepise ),  me  2 – 3  pllaka   guri  gelqeror.  Ne  krah  te  saj,  ndodhej  nje  sepete,  nga  ato  ku  dikur  futnin  pajen  nuset,  celsat  e  se  ciles  i  mbante  vetem  Zonja  e  Madhe.  Ajo  e  perdorte  ate  arke  druri  me  zbukurime  per  te  magazinuar  zairene  dhe  rezervat  e  familjes  te  cilat,  jo  vetem  qe  shiteshin  me  pakice,  por  dhe  nuk  gjendeshin  ne  treg.  Sheqeri,  kafeja,  mielli  i  grurit,  gjalpi  e  sende  te  tjera  ushqimore,  me  vlere,  zinin  vendin  kryesor  ne  “ magazinen ”  e  nikoqires  te  shtepise.  Aty  gjeje  dhe  ndonje  kokerr  ftoi,  ndonje  shege,  nje  grusht  me  arre  apo  me  bajame,  nje  varg  me  palafike,  disa  kokrra  dardhe  dimerore,  ndonje  “ duce ”  me  raki  te  mire,  te  mblojtur  per  miq  te  rralle,  e  ndonje  send  tjeter  ushqimor.  Ne  sepete  mbahej  dhe  niseshteja, mielli  i  grurit,  i  situr,  i  destinuar  per  te  pritur   miqte  me  petulla  e  me  paluze  dhe  vaji  i  ullirit  ose,  po  te  ishte  e  mundur,  gjalpi  i  mblojtur  per  kete  qellim.  Me  duhet  te  them  se  ne  ato  kohe,  ishte  luks  i  madh  te  qerasje  mysafiret  me  kafe,  si  kjo  e  sotmja.  Vetem  ndonje  dere  e  kamur,  ose  ndonje  familje  tregtari  “e  zene ”  mire  ekonomokisht  dhe  vetem  per  miq  shume  te  larget  e  te  nderuar,  mund  te  nxirrte  kafe  per  qerasje.  Ne  vend  te  kafese, te  ardhurve  ne  shtepi,  nikoqirja  u  nxirrte  nje  filxhan  me  sherbet  ose  me  kafe  elbi  dhe  nje  filxhan  raki.

Zonja  e  Madhe  e  Binajve  ishte  bije  ne  fshatin  Koshtan  te  Tepelenes.  Si  e  tille  ajo  konsiderohej  malesore,  ashtu  si  grate  qe  ishin  martuar  ne  Kalivac  por  qe  ishin  bija  ne  Levan,  Allkomemaj,  Rabije,  Izvor,  xhaxhaj,  Kamcisht,  Amanikaj  dhe  ne  fshatrat  e  krahines  te  Buzit.  Mes  tipareve  te  tjera  dalluese,  ato  kishin  nam  te  mire  dhe  si  amvisa  qe  gatuanin  paster  e  me  shije.  Si  e  tille,  Nena  jone  u  caktua  te  bente  gatimin  ( gatim  i  thencin ),  per  pjesetaret  e  familjes  tone,  te  bashkuar.  Nje  nga  detyrat  e  saj  kryesore,  ishte  te  priste  e  te  percillte  me  nderime e me gatime,  sic  u  takonte,  miqte  e  shtepise.  Lumturia,  qe  e  vogel,  mesoi  nga  e  ema  te  gatuante   si  Ajo.  Kete  “ mjeshteri ”,  Ajo  e  persosi  dhe  e  pasuroi  kur  u  rrit  e  kur  vajti  nuse  ne  nje  dere  “te  kamur ”,  sic  qe  ajo  e  Sulo  Barjam  Llakaj,  ne  krahes.

Nje  nate,  kur  nuk  ishja  me  teper  se  4  vjec,  Nena  jone  me  cilesine  e  nikoqires  qe  mban  ne  dore  tiganin,  po  zjente  qull,  ne  vater. Qulli  ishte  per  te  ushqyer  te  gjithe  anetaret  e  familjes.  Ne,  te  kater  femijet  ishim  grumbulluar  rreth  zjarrit  dhe  ngroheshim  e   veshtronim  qullin  qe  zjente.  Mezi  prisnim  te  zjente  ai  ushqim  shume  i  deshiruar  dhe  te  futnim  dicka  te  ngrohte  ne  stomaket  bosh.  Si  pekuli  i  familjes  dhe  pinjoll  i  diganxhijes,  po  e  veshtroja  Nenen  time  ne  drite  te  syrit,  me  shprese  se  mos  bente  ndonje  leshim.  Kishja  zgjatur  doren  drejt  saj  dhe  kerkoja,  me  kembengulje  e  me  perunjesi  qe  ajo  te  me  privilegjonte.  E  lodhur  nga  punet  e  renda  te  dites,  e  merzitur  dhe  e  bezdisur  nga  tymi  qe  nuk  i  ndahej  si  dhe  nga  bezdija  qe  i  krijonim  ne,  duke  i  drejtuar  duart,  ajo,  mori  nga  tigani  nje  luge  me  qull  te  perveluar  e  ma  leshoi  ne  dore.  Qulli  i  nxehte  me perveloi  e  shputa  e  dores  u  ngrit  flluge,  menjehere,  si  tullumbace.  Ulerimat  e  mija  dhe  lotet  qe  rridhnin  curke,  nuk  kishin   te  ndalur.  Brofen  grate  qe  i  kishin   shtepite   afer  shtepise  tone,  te  shqetesuara  e  te  bera  kurioze;  per  te  mesuar  cfare  kishte  ngjare.  Kur  me  pane  me  dore  te  enjtur  e  te  lebetitur,  u  bene  te  gjitha  “ doktorresha ”  dhe  sejcila,  sipas  pervojes  vetjake  ne  te  tille  raste  jepte  udhezime,  si  te  veprohej.  Nuk  di  kur  u  qetesova  e  si,  por  me  kujtohet  se  dhimbjet  paten  vazhdimesi.  E  mora  nje  mesim  te  mire  ate  nate  dimri  te  cilin  e  kujtoj  edhe  sot,  pas  me  se  70  vjetesh.

Jetonim  ne  skamje  e  ishim  te  mjeruar.  Nga  arat  tona  te  begata,  ne  Llomera;  ne  Rredhe  dhe  ne  Fengje, ku  Reforma  Agrare  na  dha  disa  dynyme  toke,  nuk  merrnim  drithe  as  per  te  siguruar  buken  e  gojes,  te  pakten  per  4  muaj  te  vitit.  Per  kohen  tjeter  te  vitit,  buken  e  siguronim  nga  dritherat  qe  blinim.  Drithe,  edhe  mund  te  gjendej,  por,  ceshtja  ishte:  me  se  ta  blinim?  Te  ardhurat  e  familjes  ne  para  ishin  fare  te  paperfillshme,  kurse  cmimet  e  dritherave  te  bukes  ishin  ne  kupe  te  qiellit.  Gjate  kohes  qe  nuk  mbulohej  me  buke,  ishim  te  uritur  e  me  barkun  bosh.  Nenat  tona  nuk  e  shfaqnin  urine,  por  shtrengonin  brezmeket  e  duronin.  Zakonisht  muajt  e  vjeshtes,  ne  motin  me  te  mire  edhe  vjeshten  e  prasme,  se  shumti  deri  ne  janar,  i  percillnim  me  prodhimin  tone,  te  grurit,  misrit,  elbit,  hokerrit ( tepes )  qe  merrnim  nga  produkti  qe  mbetej  duke  e  ndare  prodhimin  me  dysh,  me  ate  qe  zoteronte  nje  pende  qe  parmende,  i  cili  merrte ne mes  tokat  tona.  Kjo  ndodhte  mbasi  ne  nuk  zoteronim  qe  parmende  dhe  Babai  yne  i  jepte  ti  punonin  tokat  tona  ata  qe  e  kishin  kete  mundesi  dhe  u  jepte  gjysmen  e  prodhimit.  Buken  e  shijonim  rralle  dhe  gjithmone   te  kufizuar.   Kur  shkonim  ne  dasme  apo  ne  evenimente  te  tjere  ku  kishte  trajtim  me  ushqim,  lironim  rripin  dhe  ushqeheshim  me  ato  qe  mbeteshin  ne  sufra,  mbasi  kishin  ngrene  grate  dhe  burrat.  Te  pakten  ngrohnim  pak  stomakun  me  leng  mishi,  apo  me  gjelle  te  ngrohte,  sipas  rastit.

Netet  e  gjata  te  dimrit,  kur  edhe  prinderit  tane  nuk  kishin  pune ne are ( pervec  cobaneve),  i  kalonim  prane  zjarrit.  Nenat  tona  te  mira  na  deftonin  perralla  e  na  piqnin  kalaposhe  ( kokoshka ). Kalaposhet  piqeshin  ne  nje  shoshe,  ne  flaken  e  zjarrit  te  vatres  e  ne,  te  vegjelit  mezi  pritnim  te  beheshin  kalaposhet.  Era  e  mire  e  misrit  te  pjekur  dhe  kercitja  e  kokrrave  te  tij  te  bera  kalaposhe,  na  kenaqnin  e  na  relaksonin,  pa  mase.  Ky  ishte  argetimi  yne  me  i  pelqyer  ne  ato  nete  pa  mbarim.

 Diten  e  nderrimit  te  viteve  nuk  e  njihnim  e  nuk  e  festonim  fare.  Ne  i  gezoheshim  dites  te  Ujit  te  Bekuar,  kur  nenat  pergatitnin  byreke  me  nje  monedhe “fati”  brenda,  te  cilit  i  thonim  hanak;  benin  qullapite,  zjenin  miser  kalli  e  per  te  na  e  shtuar  gezimin,  mund  te  na  blinin  dhe  ndonje  petk  te  ri.  Vetem  ne ate  dite  ne  te  vegjelit  ndjenim  aromen  e  festes  te  fillimit  te  nje  viti  tjeter. Ne  familjen  tone,  pas  kesaj  feste,  fillonte  kalvari  i  te  ushqyerit  me  lakra  te  egra.

 Nenat  perpara  e  ne  vocerraket  pas  tyre,  zbritnim  ne  fushe  per  te  mbledhur  lakra  te  egra.  Per  kete  qellim  shfrytezonim  ledhet,  anet  e  kanaleve  kullues  dhe  anet  e  arave  te  mbjella  me  te  lashta.  Si  gje  e  eger  qe  rritet  me  shpejt  e  del  mbi  te  butat ( bimet  e  kultivuara )  ato  dilnin,  me  trup  mbi  te  lashtat.  Ne  Kalivac,  ne  ata  vite,  fshataret  mbillnin  zakonisht:  grurin;  elbin;  tersheren;  thekrren;  hokerrin  ( tepen )  etj.  Ne  preferonim  te  mblidhnim  e  te  konsumonim  rrepicen,  lulekuqen,  brokujt,  korcanet  dhe  barishte  te  tjera  te  cilat  mund  te  konsumoheshin,  te  fresketa.  Hanim  barishte,  si  bagetite  qe  mbareshtonim  dhe  jetonim,  perafersisht ato. Si  nenat  tona  edhe  ne  femijet  e  tyre  ecnim  te  zbathur.  Zonja  e  Madhe  mbante  nje  cepele  ( bicak ),  ne  dore,  per  te  prere  rrenjet  e  lakrave.   Ajo  i  printe  “ ekspedites ”  tone  me  6  vete.  Kunata  e  saj,  Zonja e Vogel,  me  nje  bicak  ne  dore,  bente  si  e  madhja.  Capitesha  me  veshtiresi pas  Nenes  time  dhe  ishja  ne   rolin  e  “ zbuluesit”.  I  deftoja  Nenes  time,  barishtet  e  ajo  i  ckulte.  Gezohesha  e  brohorisja  kur  “zbuloja ” ndonje  korcan  apo  brokull  e  informoja  menjehere  Nenen  time:  “ Ja,  Zonje,  tek  eshte  nje  korcan;  veshtro  ate  brokullin,  atje  etj. barishte  te  cilat  mund  te  konsumoheshin  ne  cast,  pa  marre  nje  vale.  E  ngrenshme  madje  dhe  e  embel  ishte  lulekuqja  e  lepjeta.  Ne  ujet  e  kanalit  qe  ndante  arat,  nenat  tona  i qeronin  korcanet  e  lanin  brokullin,  lulekuqen  apo  barishtet  qe  haeshin  te  paziera  e  na  i  jepnin  per  ti  konsumuar,  aty,  ne  fushe.  Ndryshe  ndodhte  me  barishtet  qe  kishin  hidhesire,  te  cilat  viheshin  ne  nje  kazan  llamarine,  dhe  mbasi  merrnin  nje  vale,  kulloheshin   dhe   me   nje   luge  vaj  ulliri,  here  me  kripe  e  here  pa  kripe,  i  hanim  me deshire.  Lakrat  e  egra,  bio, te  ziera  e  te  ngrohta,  na  zinin mullen  e  na  mbanin  shpirtin,  gjalle.

Shume  gezim  kishim  kur  nenat  tona  nxirrnin  vajin  e  ullirit,  me  nje  torbe  zhake,  mbi  nje  koresh,  te  cilin  e  merrnim  ne  avlline  e  xhako  Rremes.  Grate,  me  kembe  zbathur,  shtypnin  ullinjte  e  regjur  ne  uje  e  te  perveluar  dhe  mblidhnin  vajin,  si  ar,  qe  rridhte  bashke  me  lengjren.  Ne  enen  ku  mblidhej  lengu  i  ullinjve,  vaji,  si  me  i  lehte,  qendronte  siper  e  zinte  nje  shtrese  te  holle,  ne  siperfaqe  te  enes,  te  cilin  e  lyenim  me  nje  cope  buke  misri  te  ngrohte.  Mbase  eshte  ndjesia  ime,  por,  gje  me  te  shijeshme,  eshte  veshtire  te  gjesh  edhe  sot.  Per  te  mbledhur  lengun  e  ullirit  te  shtypur,  familja  jone  shfrytezonte  nje  kazan  te  madh  prej  bakri,  te  cilin  Nelo  Binua  e  kishte  prure  kur  erdhi  nga  kurbeti.  Diten  kur  nxirrej  vaji  i  ullirit  e  ne,  te  vegjelit  shijonim  lengun  e  arte, e  kishim  dite  feste.

Festa  te  tjera  kur  gezonim  e  kishim  pritmeri  per  ndonje  “dhurate ”  ishin:  Barjami  i  Madh;  Barjami  i  Vogel  dhe  Sulltan  Novruzin.  Keto  festa  ishin  ne  sfondin  e  perkatesise  fetare;  ne,  si  te  rrjeshtuar  ne  sektin  Bektashian  i  festonim  keta  evenimente.  Se  pari,  gezonim  se  do  te  mbushnim  barkun  me  korkoqulle.  Ne  grupe  femijesh,  sipas  mehalleve,  me  nje  pergjegjes  ne  krye  ( djale  ose  vajze ),  ne  rrjesht per  nje,  shkonim  shtepi  me  shtepi  te  fshatit  dhe  e  zonja  e  shtepise,  mbasi  na  priste  e  na   puthte  me  radhe  e  na  pyeste  te  kujt  ishim,  na  dhuronte  cfare  te  kishte.  Se  shumti,  merrnim  nga  nje  petull,  nga  nje  cope  qullapite,  nga  nje  kokerr  veze,  nga  nje  luge  paluze,  nje  kokerr  shege  apo  nje  ftua,  nje  grusht  me  arre  apo  me  bajame;  nje  cope  varg  me  fiq  etj.  etj.  te  cilat,  i  futnim  ne  torben  prej  rrobe,  qe  hidhnim  ne  krahe,  te  varur  ne  nje  rrip  prej  cope  te  veten.  Ne  diten  e  Sulltan  Novruzit,  tradita  e  donte  te  “ behej  gjak ”.  Ata  qe  kishin  mundesi,  i  pritnin  koken  nje  shelegu  apo  nje  keci;  kush  e  kishte  te  pamundur  kete,  i  priste  koken  nje  kaposhi  dhe,  kesisoj,  permbushte  kushtet  e  ritit  fetar.  Kenaqesia  shtohej   kur  nenat  tona  te  mira,  ne  ato  kushte  ngushtesie  ekonomike,  shtrengonin  brezmekun  e  me  ndonje  leke  te  mblojtur,  ne  nje  cep  te  futes, apo  te  shamise  te  kokes,  blinte  metrazh,  tek  xha  Telhai  nga  Luzati  apo  ne  ndonje  dyqan  shteti  dhe  na  bente  nje  rrobe  te  re( pantallona,  fustan,  breke,  opinga,  etj ).  Mendjen  e  kishim  tek  petkat  e  reja,  por, me  teper  veshtronim  cfare  do  te  na“ zinte  dhembi ”  ate  dite  te  vecante( se  ne  ditet  e  tjera  i  kishim  te  sigurta  lakrat  e  egra ).

Aty  nga  muaji  maj,  kur  moti  ngrohej  e  dielli  ishte  me  i  pranishem  ne  jeten  tone,  piqej  elbi  e  ne,  perseri  gezonim  se  do  te  hanim  buke,  pavaresisht  se  halat  e  gjata  te  elbit,  kur  dilnin  nga  trupi  yne,  te  shponin  prapanicen.  Derisa  te“ na  zinte  elbi ”  te  ushqyerit  e  kishim   problem  madhor.  Per  te  mbajtur  frymen,  u  suleshim  bajameve.  Ato  nxirrnin  kokrrat,  te  cilat,  ashtu  jeshile,  i  hanim  me  gjithe  guacken  e  paformuar.  Shume  femije  te  seres  tone,  i  veshtroje  ne  maje  te  fikut.  Varieteti  Bradashesh  i  fikut,  i  cili  lidh  kokrra  e  piqet  dy  here  brenda  vitit,  ishte  me  i  mundshem  per  tu  ngrene.  Trakalicet,  sapo  arrinin  madhesine  e  nje  kokrre  kumbulle,  gjenin  belane  nga  ne  te  vegjlit,  qe  i  hanim  me  kenaqesi  te  madhe.  Une  dhe  sivellezerit  e  mi,  Reshati  dhe  Nelua,  si  dhe  motra  e  vetme  – Lumturia,  fillimisht  i  versuleshim  fikut  Bradashesh  qe  ndodhej  ne  fund  te  kopshtit  perpara  shtepise,  ngjitur  me  truallin  e  Banush  Xhezos.  Pastaj  ngjiteshim  ne  bahcen  siper shtepise  ku  ishte  nje  rrenje  tjeter  fik  i  ketij  varieteti.  Nga  te  dy  keta  fiq,  familja  jone  nuk  merrte  kurre  fiq  te  pjekur, nga “ dora  e  pare ”.

Kur  i  sosnim  fiqte  tane,  u  suleshim  fiqve  te  Muharrem  Kamberit,  kusheririt  te  Babait  tone,  i  cili  kishte  shume  rrenje  fiq  bradashesh  dhe  ne  disa  bahce.  Femijet  e  Tajanes  dhe  te  xhako  Rremes:  Ramadani;  Nasibeja ( Bebeja);  Engjellushja;  Kamberi  e  Hydajeti,  familja  e  te  cileve  ishte  thuajse  ne  seren  tone,  i  gjenim  e  i  linim  ne  maje  te  fikut,  duke  ngrene  trakalice,  si  ne.  Xhako  Rremja  nuk  na  bertiste  kurre,  kurse  gege  Tajanja  e  kishte  zemren  flori.  Ajo  nuk  hante  as  gjellen  qe  gatuante per njerezit  e  shtepise  te  saj,  pa  i  shpure  nje  tas  Hysnijes  dhe  Zonjes  te  Madhe  te  Binajve.

Viti  1946  erdhi  fatlum,  per  familjen  tone  te  bashkuar.  Xheviti,  i  cili  kishte  qene  yzmeqar  me  dhente  e  Haxhiajve,  per  shume  kohe  i  erdhi  per  mbare  te  behej  bashkeprinar  me  te  leshtat.  Ai  u  be  qinosar  me  djemte  e  Beshir  Haxhiut  dhe  me  vellane  e  tij  Muharremin.  Kishte  ndodhur  Reforma  Agrare  e  Haxhiajve  me  shume  toka,  u  kishte  shtetezuar  mjaft  siperfaqe  toke,   are,  ullishte  e  kullota,  ne  vendet  e  quajtura:  Shure;  Fengje;  Llomera  e  ne  vende  te  tjere.  Tokat  e  shtetezuara  te  tyre,  u  shperndane  fshatareve  te  varfer  e  atyre  pa  toke.  Familja  jone,  perftoi  disa  dynyme  toke  ne  Fengje  dhe  10  rrenje  ullinj,  ne   vendin  e  quajtur “  Ullinjte  e  Haxhiajve ”.

Djemte  e  Haxhiajve,  sidomos  Bilali,  i  cili  kishte  qene  partizan;  Halimi,  nje  burre  i  zgjuar  e  me  koken  plot  dhe  Veipi,  vertet  coban  i   kopese  te  dhive   te  familjes  por  i  pajisur  me  zgjuarsi  natyrale  e  ndjene “ furtunen  qe  po  vinte ”;  shtetezimin  e  tufave  te  blegtorise  dhe  gjene  e  gjalle  e  bene  disa  veprime  shperndarese,  me  qellim  qe  te  shpetonin  pronen  e  tyre.  Si  minjte  qe  ndjejne  te  paret  termetin,  edhe  ata,  i  rane  hiles  se  gjeja  e  gjalle  nuk  mund  te  mbetej  jashte  reformes  te  thelle  qe  kishte  nisur.  Nje  pjese  te  bagetive  te  imeta  qe  ishin  ne  pronesi  te  familjes  se  tyre,  ata  i  shperndane  tek  bashkefshataret  ne   Kalivac  dhe  ne  fshatrat  perrreth.  Xhevit  Malkua  pati  shansin  te  hynte  ne  qinosi  me  pronaret  e  dhenve  qe  ruante  prej  kohesh.  Kushtet  e  qinosise  ishin  sipas  kontributeve  ne  krere  te   paleve.  Xheviti,  ne  ate  kohe,  kishte  perpara  e  mbareshtonte  rreth  300  krere  dhen,( te medha e te vogla)  por  te  tijat  nuk  kishte  asnje.  Dhente  ishin  te  Haxhiajve;  Ai  ishte  rrogetar ( yzmeqar). Disa  kushte  te  marreveshjes  te  qinosise  ishin:  Afati-5 vjet;  Kur  te  mbushej  afati  i  marreveshjes,  bagetite  do  te  ndaheshin  me  trish;   prodhimi  i  dhenve,  gjate  gjithe  marreveshjes  do  te  ishte,  gjithashtu,  me  trish;  shpenzimet  per  kullote,  strehim,  kripe  etj,  do  te  ishin  ne  mes;  cobanit  i  takonte  nje  shark,  nje  kostum  shajaku  e   nje  pale  opinga, falas per periudhen  e  qinosise;  per cdo  shenjt, cobani  kishte  te  drejte  te  konsumonte  nje  mish  ( krere)  etj.  Esenciale  ishte  pergjegjesia  e  Xhevitit  per  te  ruajrtur  kreret e bagetive  fizikisht  dhe  detyrimi  i  tij  per  kullotjen  e  mbareshtimin  e  tyre.

Periudha  e  vazhdimesise   te  qinosise  ishte  ndoshta  kohe  e  “ lulezimit”  te  ekonomise  tone  familjare.  Milnim  aq  shume  qumesht  sa  nuk  kishim  ene  ku  ta  hidhnim.  Vinim  nga  fukaralleku  i  skajshem  kur  ne  shtepine  tone  nuk  gjendej  as  hi  ne  vater.  Kur  niste  mjelja  e  dhenve,  ne  shtepine  tone  gjemonte  dybeku  e  gezimi  i  femijeve  ne  shtepine  tone  nuk  kishte  kufi.  Si  i  kane  thene  dikur  ne  Kalivac;  edhe  tek  ne  “ hante qeni petulla”!   Dy  kunatat  me  emrin  Zonje,  u  vetepunesuan;  ato  benin  manipulimin  e  bulmetit  te  shumte.  Zonjat  gjeten  dhe  i  bene  funksionale,  si  dikur,  enet  e  bakerta  dhe  ato  te  drunjta  per  grumbullimin  dhe  ruajtjen  e  bulmetit.  Atehere  Xheviti,  sikur  te  bisedonte  me  veten,  thosh,  neper  dhembe:  “ Moj  shtepia  bukedhene,  do  benec  sic  keshe  qene”!  Me   i   fituari   nga   femijet   ishja  une.  Gjithe  diten  qendroja  pas  dhenve,  ne kullote,  duke  ndihmuar Babane;  ne  Fierin  e  Metes;  ne  Vathra;  ne  Shure,  ne  Qurke  e   ne  kullota  te  tjera. Kjo  ndodhte  ne  stinen  e  dimrit.  Ne  kohen  me  mot  te  nxehte  e  ngrinim  stanin  ne  Krye  te  Rredheve.  Edhe  naten  e  kaloja  ne  stan.  Flija  mbi  nje  shtrat  druri,  shtroja  dega  rrapi  e mbi  to  lekure  delesh,  mbulohesha  me  sharkun  e  pangjyer  te  Babait.  Bagetite  e  kalonin  naten  te  grumbulluara  ne  vathe,  e  cila  ishte  e  rrethuar  me  demeke  shkarpash.  Ne  anen  Lindore,  vatha  ishte  e mbeshtetur  pas  nje  bokerrime,  nga  ku  egersirat  e  kishin  te  veshtire  te  hidheshin;  ne  anet  e  tjera,  vatha  kufizohej  nga  demeke  te  ngjeshur  mire  me  shkarpa,  nga   shtrati   i   cobaneve   dhe  ishte  nen  monitorimin  e  Balos.   Ne  fakt,  dhente   i   ruante  frika  dhe  qeni  Balo,  te  cilin  e  bera  shok.  Ai  ishte  trupmadh,  me  ndjeshmeri  te   larte  dhe  guximtar;  nga  ata  qen  qe  kacafyteshin  me  ujkun  grabitqar.

Ngjitesha  ne  qiellin  e  shtate  nga  kenaqesia  kur  Babai  milte  dhente,  vedra  mbushej  plot  me  qumesht  te  ngrohte, te  sapodale  nga  trupi  i  deles,  dhe  ne  krye  te  vedres  ishte  nje  shtrese  shkume  e  ndonje kakerdhi.  Une,  me  fryme   largoja kakerdhite   e   pija  qumesht   te   ngrohte;   bio.  Nuk  me  zuri,  as  militenca,  as  semundje  te  ngjashme  dhe  shtatin  e  kishja  te  mbushur  e  te  forte.  Mbasi ngopesha  me  qumesht,  kujtohesha  se  duhet  te  ushqeja  Balon  e  ia  mbushja  kusine  edhe  atij.  Te  kater  femijet  e  familjes  te  bashkuar,  u  ndjeme  me  te  gezuar  e  na  qeshte  nuri.  Ndryshoi  cehreja  e  fytyres tone.  Te  gjithe  u  tjetersuam  ne  fytyre  e  u  beme  me  te  gjalle.

“ Begatia”  e  familjes  tone,  per  fatin  tone  te  keq  nuk  e  pati  jeten  te  gjate.  Erdhi  vjeshta   e  vitit  1946.  Bulmeti,  prej  disa  ditesh  ishte  paksuar;  por  me  e  keqja  nuk  kishte  kaluar.  Ne  nje  dite  te  bukur  vjeshte;  heret  ne  mengjes,  ne  stanin  tone  ia  behen  ( erdhen  papritur)   disa  pushtetare.  Ata  mbanin  te  varur  ne  qafe,  nga  nje  cante  meshini;  te  gjithe   me  cisme  lekure  dhe  hijerende.   Ishin  nepunes  te  shtetit,  me  funksione  te  rendesishme,  nga  ata  qe  kishin  luftuar  per  clirimin  e  vendit   por  qe  me  veshtiresi  shkruanin   edhe  emrin  e  mbiemrin  e  tyre.  Deri  aty  e  kishte  mbajtur  “ vlagen”  shkolla  e  malit.  Ne  ate  takim,  pashe  per  here  te  pare  Halimin,  njerin  nga  djemte  e  Beshir  Haxhiut  dhe  qinosarin  tone.  Halimi   ishte   vellai  me i madh ne moshe  i  asaj  familje  fisnike.  Ai  ishte  kaluar  mbi  nje  pele  te  kuqe;  i  shndetshem, (i  kuqonin  faqet  bucko)  i  bukur,  me  syte  larush,  i  veshur  shik,  me  cisme  e  me  nje  xhakete  meshini  bojekafe.  Ishte  me  i  bukuri  nga  burrat  qe  erdhen  ate  mengjes  ne  stan  e  mua  me  mbeten  syte  tek  bukuria  e  tij  e  papare.  Me  mendjen  e  nje  femije  te  moshes  time,  u  ndjeva  krenar  qe  Babai  im  kishte  bere  qinosi  me  te  tille  burre.  Te  ardhurit  pyeten  per  numerin  e  dhenve qe mbareshtonim;  ata  pyeten  per  Babane,  po  ky?   Te  cilin  pronaret  e  quajten  punetor,  me  page,   i  cili  punonte  ne  stan,  prej  rreth  3  muajsh.   Xheviti  ishte  i   pashkolluar  e  fale  besimit  te  plote  qe  kishte  tek  Haxhiajt,  nuk  kishte  formuluar  asnje  dokument  te  shkruar.

Pushtetaret  urdheruan  te  numeroheshin  dhente  e  te  niseshin  ne  udhen  qe  te  conte  ne  Xina,  siper  shtepise  te  Barjam  Rushanit  dhe  Mekamit  te  Baba  Dero  Fushes.  Ata  moren  dhe  gjithe  pajisjet  e  stanit;  mushken  dhe  pelen;  enet  e  qumeshtit  dhe  ato  me  te  cilat  ushqeheshim;  Balon  dhe  Xhevitin.  U  formua  nje  karvan  i  gjate;  ne  krye  e  ne  fund  te  tij,  ishte nje  pushtetar. I  ndoqa,  pas,  me  kembet  te  zbathura  e  i  pangrene.  Me  dhimbsej  me  teper  Balua. U  luta  gjate  pushtetareve  mos  ta  merrnin  por  nuk  ma  vari  njeri.  Babane   dhe   dhente  e  pajisjet  i  cuan  ne  Vithkuq  te  Korces,  ku  u  formuan  brigatat  blegtorale  dhe  Babane  e  mbajten  coban.  Ai  u  kthye  ne  familje,  pas  2,5  vitesh,  nga  “ kurbeti”.  Capitesha  pas  tyre,  ne  heshtje,  jo  duke  uleritur,  sic  ishte  rasti  te  veproja  por  duke  u  lutur,  me  ze  te  ulet  sa  nuk  e  degjoja  as  vete,  per  pak  njerezillek.  Ishja  i  pangrene  e  teper  i  trishtuar,  me  pushtoi  ngasherimi  e  mu  sosen  fuqite.  E  percolla  karvanin  deri  ne  Maje  te  Derrases.  Sic  duket, aty  me  kishte  rene  te  fiket  dhe  e  pashe  veten  ne  nje  qoshe  te  shtepise  tone,  i  rrethuar  nga  disa  gra  shamizeza  te  fisit  e  te  mehalles,   te  cilat  e  kishin  mesuar  ndodhine  dhe  mallekonin  ata  qe  u  bene  sebep  per  kete  fatkeqesi.  Mallkimet  e  tyre,  me  sa  kujtoj  ishin:  “I  marrte  me  vete  kjo  dite  e  xhuma”;  “ mos  i  zente  akshami”;  “i therte  Baba  Dero  Doreza”;  “ I  shajtofshin  ciraket  e  koshtanit”;  “ I  vrafte  Abaz  Ali  Tomorri”!  etj.  Mallekimet  u  drejtoheshin  “rrembyesve”  te  kesaj  tufe  dhe  inventarit  te  stanit.  Kaq  zgjati  “pranvera  e  jetes  tone.  Ngjan  me  nje  enderr  te  keqe,  e  cila  nuk  zgjat  shume.  

Mbetem  sic  ishim,  pa  dhen  e  pa  qen  dhe  pa  Babane  ne  shtepi.  Ato  pak  rezerva  qe kishim   krijuar,   i  konsumuam  shpejt  dhe  nenat  tona  me  ne,  kater  vocerrake,  moren serish  udhen  e  betejes  me  lakrat  e  egra  te  fushes.  Kur  u  kthye  Babai  ne  shtepi,  pas  2.5  vitesh,  na  gjeti  me  te  rritur,  por  ekonomine  me  te  dobet.  Endrra  e  tij  ishte  kerraba  ne  dore  dhe  tufa  me  dhen  perpara.  Na  vinte  keq,  edhe  ne  te  vegjelve,  kur  e  veshtronim  ashtu,  jo  te  gjalleruar  si  me  pare,  e  me  humor,  por  te  vrare  ne  shpirt  e  me  nje  merziti  qe  nuk  i  shkonte  atij  tipi.  Kishin  nisur  te  frynin  ererat  e  rindarjes.  Djemte  jetime  te  Resmi  Nelos,  u  rriten  dicka,  si  ne  te  tjeret.  Kur  Reshati  mbushi  8  vjec  u  pajtua  yzmeqar  ne  Asllanaj,  tek  fshatari  nga  Corrushi  – Sefedin  Brahimi.  Mendoni  nje  yzmeqar  te  atyre  viteve  me  moshe  8  vjec.  Rruge  e  mundesi  tjeter, nuk  kishte.  Njerezve  te  asaj  shtepie  dhe  gjitoneve,  u  vinte  keq  ta  aktivizonin  bonjakun  e  parritur  akoma,  ne  pune  te  veshtira  sic  ishte  ruajtja  e  bagetive.  Pas  disa  muajve,  Reshati,  me  mirekuptim  u  largua  nga  Sefedin  Brahimi  dhe  u  pajtua  yzmeqar  tek  Mufit  Xhaferri  (Qamili),  i  cili  menaxhonte  Mullirin  e  Gurres.  Mufiti  nga  Kurveleshi  i  siperm  dhe  dy  Merushet  ( nuse  e  vjehrre)  e  trajtonin  Reshatin  me  teper  si  femijen  e tyre. Te  dyja  Merushet  ishin  gra  fisnike  dhe  nena  te  dhimbsura.  Mufiti,  edhe  pse  ishte  nga  Kurveleshi  ( nga  Nivica),  u  natyralizua  ne  Kalivac  e  u   be  dhenderr i fshatit tone.

Nelua  nuk  qendroi  ne  vend.  Ai  u  zgjat  me  shume  se  une  e  u  be  i  shkathet.  Babai  yne,   kur  vuri  re  se  burimet  financiare  te  familjes  u  paksuan  e  nuk  mund  te  ushqente  7  fryme,  mori  udhen  e  kurbetit.  Ai  vajti  ne  Minieren  e  Selenices,  atje  ku  burrat  e  Kalivacit  shkonin,  duke  terhequr  njeri – tjetrin,  per  te  bere  para.  Xheviti  u  fut  ne  pune,  nentoke,  ne  nje  galeri  te  sektorit  te  Kumes. Babai  vinte  ne  shtepi,  nje  here  ne  dy  jave  ose  nje  here  ne  muaj,  per  t’u  nderruar  e  per  te  pare  femijet.  Kur  vinte  nga  Selenica,  mbaj  mend, sillte  ne  kurriz,  nje  torbe,  ne  dukje  ushtarake,  plot  me  buke  gruri  ( karavele)  dhe  disa  kallepe  sheqer  te  presuar,  me  ngjyre  te  bardhe,  i  cili,  ne  ate  kohe  gjendej  me  shume  veshtiresi.  Sipas  rastit,  Babai  yne  sillte  dhe  ndonje  basme  pambuku,  per  te  qepur  fustane  apo  per  te  bere  fute  dhe  ndonje  cope  nape  te  zeze,  per  te  prere  e  per  te  qepur  shami  koke.  E  pritnim  te  malluar  Babane;  e  ndjenim  mungesen  e  tij  ne  shtepi  e  nuk  donim  te  largohej  serish  ne  “ kurbetin”  e  mallekuar.

Nderkohe  qe  u  mekemben  djemte  bonjake  dhe  Noja;  ( Zonja  e  Vogel  e  Binajve)  e  kaperceu  helmimin  qe  i  shkaktoi  vdekja  e  burrit,  Ajo  mendoi  se  mund  ta  perballonte  jeten,  edhe  e  vetme,  me  dy  djem  qe  po  hidhnin  shtat.  Zonja  e  Vogel,  burrerisht,  me  kurajo  te  madhe,  beri  nje  hap  te  menduar  mire,  ne  interesin  e  djemve  dhe  te  sajin.  Ajo   vendosi,  pa  medyshje: “ Do  te  ndahem  e  do  te  dal  me  vete;  Xheviti  beri  te  pamunduren  e  na  shpetoi  te  treve,  tani  mund  tja  dalim  edhe  te  vetem”!  Vendimin  e  saj  kurajoz,  Ajo  e  shpalli  ne  nje  takim  te  pleqesise  te  fisit  Nelaj  dhe  njerezve  te  deres  te  babes,  te  cilet  ishin  thirrur  nga  Shkoza,  posacerisht.  U  tha;  u  be:  pleqesia  dhe  te  sajet  e  gjeten  te  menduar  mire  dhe  te  drejte  vendimin  e  vejushes  me  dy  bonjake  dhe  i  dhane  karar:  Zonja  e  Vogel  dhe  dy  djemte  e  saj  jetime  nga  babai  do  te  ndaheshin  me  vete.  Ata  do  te  merrnin  pjesen  e  shtepise  perdhese  dhe  inventarin  e  trojeve  e  te  arave  qe  u  kishte  lene  babai.  Njeherazi,  aty  per  aty,  u  nda  dhe  placka  qe  dispononte  familja  dhe  zaireja.  Nje  kaposh  me  placka  kishin  te  dyja  familjet  e  bashkuara.  Pleqesia  nuk  e  pati  te  veshtire  ndarjen e mallit, mbasi  nuk  kishte  shume  kohe  qe  kishte  ngjare  bashkimi  i  dy  familjeve  ne  nevoje.

Seksioni  Verior  i  perdheses  me  nje  dhome,  e  cila  ishte  i  familjes  tone,  kishte  rene  catia  brenda  dhe,  per  shkak  se  ekonomia  jone  ishte  shume  e  dobet,  nuk  dispononim  mjete  e  mundesi per  ta  ngritur  ne  kembe.  Mbetem  pa  shtepi,  ne  qiell  te  hapet  e  na  duhej  te   “shtegtonim”,  per  te  gjetur  nje  strehe  ku  te  futnim  koken.  Per  fat,  Resul  Nelua,  kusheri  i  pare  i  Xhevitit,  i  ndodhur  ngushte,  me  shtepi  e  me  truall,  kishte  zbritur  ne  Gurishte,  buze  Perroit  te  Veldonit,  ne  pronat  qe  i  kishte  lene  i  ati.  Aty,  Ai  kishte  ngritur  dy  kasolle  me  kashte,  me  gardh,  te  lyer  perbrenda  me  balte  te  perzier  me  byk.  Ne  njeren   nga  kasollet  mblidheshin  femijet  e  shumte  te  Agait  (keshtu  e  therrisnim)  dhe  gatuhej,   teksa  kasollja  tjeter  ishte  lene  per  te  pritur  miqte.  Resul  Nelua,  ne  kete  rast  beri  nje  gjest  human  e  shume  fisnik.  Ai  na  liroi  kasollen  e  miqve,  per  te  jetuar,  sa  te  donim  e  pa  shperblim.  Ndryshe  nuk  mund  te  bente  Agai,  i  cili,  disa  vite  me  pare  nuk  pranoi  te  behej  “ strehe”  per  Zonjen  e  Vogel,  Reshatin  dhe  Nelon,  te  cilet,  pas  vdekjes  te  Resmi  Nelos,  vellait  te  Resulit,  u  ndodhen  ne  veshtiresi  te  medha.  Banuam  ne  ate  kasolle,  disa  vite;  madje  aty  nisem  dhe  mesimet  e  shkolles  fillore  te  fshatit.  Femijet  e  tij  te  shumte:  Xheladinin;  Selmanin;  Feruzene;  Luton;  Behijen  e  re  dhe  Ilmine  i  kishim  te  te  njejtit  gjak  dhe  shkonim  si  vellezer  e  si  motra,  me  njeri – tjetrin.  Xheladini,  nje  gjigand  i  vertete  me  trupin  gjithe  muskuj  por  nevrik  i  madh,  punonte  nen  toke,  ne  nje  galeri,  te  sektorit  Kume,  ne  Minieren  e  Selenices.  Ai  ishte  mjaft  punetor,  dhe  i  dekoruar.  Drejtoria  e  Ndermarrjes  e  dergonte  Xhelon,  atje  ku  ishte  veshtire  te  realizohej  plani.

Xheviti,  kur  punonte  ne  Selenice  vinte  ne  shtepi  1  deri  2  here  ne  muaj,  per  t’u  nderruar  e  per  te  pare  femijet.  Sa  here  vinte  ne  familje,  Babai  na  sillte  nje  cante  shpine  te  tipit   ushtarak,  plot  me  buke  gruri  ( karavele  u  thonim),  te  cilat  Nena  i  priste  ne  feta  dhe  ne  femijet   i  hanim  me  buke  misri,  ( natyrisht   kur  na   ndodhej).  Pra,  ne  hanim  buke  me  buke.  Buka  e  grurit  ishte  ne  vend  te  gjelles.  Ai  sillte  dhe  disa  copa  sheqeri,  te  presuar  e  me  forme  katrori,  te  cilet,  ne  ate  kohe  ishte  mjaft  i  rralle  e  i  kushtueshem.  Ne  ata  vite,  familjet  qe  u  nxirrnin  per  qerasje  miqve  kafe  shqeto  te  embelsuar  me  nga  ky  lloj  sheqeri,  ishin  te  privilegjuara.  Zakonisht  ne  familjet  e  zakonshme  kalivacase,  nikoqiret,  per  qerasje  sherbenin  sherbet  ( uje  me  sheqer) dhe  nje  filxhan  me raki  kocimare,  ose  dy tigane  me  petulla,  nje  tigan  me  paluze  apo,  kur  ishte  rasti,  edhe  revani  te  pjekur  ne  sac.  Zonja  e  Madhe  e  Binajve,  kallepet  e  sheqerit  qe  sillte  Xheviti,  nga  Selenica,  per  ti  kursyer,  i  fuste  ne  nje  qese  pelhure  te  bardhe  e  i  varte  ne  ndonje  tra  apo  ne  ndonje  grebesh  te  kasolles.  Une  dhe  Lumturia,  te  uritur  e  kurioze,  benim  grabitqarin  dhe  garonim,  ne  heshtje  me  njeri – tjetrin,  kush  te  ngjitej  ne  maje  te  trarit  per  te  rrembyer  disa  kallepe  sheqer.  Ne  ruanim  kur  ikte  Nena  jone  me  Mbeten  e  Agait,  per  te  mbledhur  lakra  te  egra  ne  fushe  apo  per  te  mbushur  uje  ne  burim,  dhe,  fshehurazi  nga  njeri – tjetri,  sejcili  per  hesap  te  vet,  ngjiteshim  si  ata  ketrat,  ne  maje  te  trarit,  hapnim  qesen  me  sheqer,  merrnim  disa  kallepe  me  sheqer  dhe  e  lidhnim  prap  sipas  shenjave  qe  kishte  bere  Zonja.  Edhe  pse  qesja  me  sheqer,  me  kalimin  e  kohes  nxihej  nga  tymi,  gjurmet  tona  mbeteshin  te  dukshme  mbasi  ne  nuk  e  maskonim  dot  vandalizmin  tone.  Kur  na  pikaste   Nena,  kuptohet,  paudhesine  tone  e  paguanim  shtrenjte,  rriheshim  si  “ daullja  ne  dasem”.  Me  e  pakta  ishte  nje  rrahje  nga  ana  e  nenes  tone,  dora  e  te  ciles  i  perngjante  me  teper  nje  ledhatimi.  Megjithate,  ne  te  dy  dilnim  te  fituar  se  embelsoheshim  disi  dhe  se  i  kishim  bishtnuar  jo  vetem  monitorimit  te  Nenes  tone,  por  dhe  vigjilences  te  njeri- tjetrit.  U  rriten  femijet  e  shumte  te  Agait  dhe  lindi  nevoja  per  me  teper  siperfaqe  banimi.

Na  u  desh  te  kerkonim  nje  banese  tjeter,  mundesisht,  brenda  mehalles  Ahmetaj  dhe  pa  shperblim.  Burri  i  ndershem  e  trim  Ali  Pasho  Nelaj,  i  cili,  ne  ata  vite  ishte  shperngulur,  se  bashku  me  familjen  ne  Margellic,  atje  ku  kishte  tokat,  e  kishte  lene  te  boshatisur  shtepine  e  tij  me  dy  dhoma,  thuajse  ne  qender  te  mehalles  Ahmetaj.  Shtepia  ishte  perdhese,  me  dy  dhoma  te  medha  por mjaft  te  ftohta;  njeren  nga  te  cilat  e  zuri  muhaxhiri  nga  Luzati  Telha  Qazim  Shatrafili;  tjetren  e  zume  ne.  Bashkeshortja  e  xha  Telhait  dhe  Nena  jone   u  bene  shoqe  te  ngushta.  Ato  ishin  te  dyja  mjaft  te  forta  fizikisht  dhe,  kur  zbrisnin  ato  nga  Bregu  i  Stanet,  me  dru  te  ngarkuara  ne  kurriz, te lidhura  me  terkuza   te  thurura  vete,  dukej  sikur  zbriste  pylli.  Djemte  e  xha  Telhait:  Hyseni  dhe  Qazimi,  u  bene  shoke  me  mua  edhe  pse  ishin  me  te  medhenj  si  moshe. Vete  Telha  Qazimi  ishte  pramatar.  Ai  shiste  vogelsira  si  ( gjilpera,  boje  pambuku  e  boje  leshi,  rruaza,  metrazhe  etj),  me  cmime  te  larta  e  me  dore  te  dridhur.

Lumturia  e  kishte  kaluar  moshen  7  vjecare  per  te  hyre  ne  shkollen  fillore,  por  nuk  i  kishte  mundeite  per  kete.  Ne  vitin  shkollor  1948 – 1949.  Ajo  nisi  msimet  e  klases  se  pare  ne  shkollen  fillore  te  fshatit.  Babai  me  urdheroi  te  shkoja  dhe  une  ne  shkolle,  edhe  pse  nuk  e  kishja  mbushur  moshen. Do  te  shkoja  pas  motres  dhe  per  ta  “ruajtur” ate  kur  ishte  vetem  shtate  vjece.  Absurditet  i  kohes  dhe  ndikim  i  fanatizmit  ekstrem.  Mesues  ishin   dy  gjirokastritet  shpirt  njeriu:  Vasil  Kola  dhe  Kristo  Gushi.  Nuk  e  kishja  emrin  ne  regjister  por  ishja  mjaft  aktiv  ne  klase  dhe  shpesh  cohesha  me  deshire  per  t’u  pergjigjur. Mesues Vasili, ne fund te vitit shkollor , me dha deftese dhe fletelavderimi, pavaresisht se ishja nxenes “ ilegal”.

Perdhesja  e  Ali  Pashos,  ku  banonim,  te  dyja  familjet,  ishte  mjaft  e  ftohte,  ne  te  dy  seksionet.  Edhe  pse  zjarri  ne  vater  nuk  pushonte, dite  e  nate,  ato  nuk  ngroheshin  kurre  e   ne,  fukarenjte  e  te  dyja  aneve,  merdhinim  naten,  se  shtrojet  e  mbulojet  i  kishim  te  pakta. Ngroheshim  me  frymen  e  njeri – tjetrit  dhe  me  lakrat  e  ziera  qe  na  jepnin  nenat,  kur  ktheheshin  nga  fusha,  me  torbat  plot.  Xha  Telhai,  nje  burre  i  thate  e  mjaft  nevrik,  me  kutin  qe  maste  metrazhet,  kur  nxehej,  rrihte  Merushen  dhe  djemte.  Gege  Merushja,  nje  grua  e  beshme  dhe  shume  e  fuqishme,  kur  e  godiste  i  shoqi,  me  kut,  bertiste:   “Kuterine,  moj  Merushe”  Djemte  nuk  ndiheshin  edhe  kur  i  godiste  babai.  Hyseni ( me  i  rrituri)  me  Qazimin  ( shokun tim)  duheshin   shume;  si  vellai  me  vellane;  por,  ne  disa  raste  grindeshin,  madje  edhe  rriheshin  me  njeri – tjetrin.  Qazimi,  thuajse  moshatar  me  mua,  ngrinte  gracka  e  leqe  nga  ullinjte  e  xha  Breshanit,  nga  ullinjte  e  Hysodoset,  ne  Gryka  e  ne  Pliren  e  Abedinit  e  gjetke  dhe  i  “ zinte  dora  shume”.  Shkoja  pas  tij  dhe  mesoja  si  ngrihen  grackat.  Nderkohe,  Lumturia,  krahas  vijimit  te  shkolles  fillore  te  fshatit,   ne  shoqeri  te  ngushte  me  Lavdijen,  vajzen  e  vogel  te  burrit  te  zgjuar  e  gjahtarit  te  thekur  Abedin  Kahremani,  ruante  pulat  e  detit,  me  nje  shufer  te  gjate  ne  dore, te  cilat  i  conin  per kullote,  ne  Pliren  e  Abedinit,  siper  Llapodhicave, atje ku kishte me teper karkalece. Ato  kishin  me  vete  dhe  nje  ka  balash,  me  nje  bri  te  thyer  te  cilin  e  kishim blere  nuk  mbaj  mend  se  ku  dhe  lopen  sorrile  te  xha  Abedinit.  Rreze   kocimares,  atje  ku mbaronte  ara  e  fillonte  pylli  i  kocimares,  Qazimi  i  Telhait  ngrinte  gracka  e  zinte  harabela,  mellenja  e  ndonje  rast  ndonje  thelleze.  Nje  dite,  Lumturia  dhe  Lavdija,  vajten  ne  Plire  para  Qazimit  dhe  kontrolluan  grackat.   Ato  gjeten  ne  nje  grope  gracke,  nje  mi.  E  poqen  miun;  e  bene  kerce  sa  te  mos  njihej  dhe,  kur  erdhi  Qazimi,  ato  ia  paraqiten  si  zog.  E  hengri,  miun  e  pjekur  Qazimi, dhe  nuk  e  kuptoi  cfare  ishte.  Kur  e  mbaroi  mishin  e   miut,  djali i  xha  Telhait,  vajzat  i  thane  se  kishte  ngrene  nje  mi  te  pjekur.  Volli  edhe  zorret  Qazimi  e  me  nuk  u  afrua  ne  shoqerine  e  vajzave.  Ndodhine  e  pakendshme  shoku  im  i  gjahut  nuk  ma  deftoi;  ate  e  mesova  pas  disa  dekadash,  nga  ime  moter.

Pas  disa  vitesh,  Ali  Pashua  u  kthye  ne  trojet dhe ne shtepine e tij,  ne  Ahmetaj.  Na  duhej  te  lironim  shtepine  e  tij  e  te  viheshim  ne  kerkim  te  nje  banese  tjeter,  ne  mehallen  tone.  Per  fat,  kusheriri  i  babait,  Muharrem  Kamber  Deraj,  nje  burre  qe  nuk  te  bente  per  burre,  na  vuri  ne  dispozicion  Shtepine  e  Sheros.  Ajo  ndodhej  ne  oborrin  e  shtepise  te  xhako  Rremes  ( keshtu  i  thoshim)  dhe  rreth  30 m  larg  shtepise  tone  te  rrenuar.  Shtepia  e  Sheros,  ishte  dykateshe,  me  katua  e  me  nje  dhome  mbi  te,  te  shtruar  gjysme  me  dhoga  te  trasha  e  nje  pjese ( ajo  prane  oxhakut)  me  balte  e  me  vater.  Mbi  vater  ngrihej  oxhaku;  ne  vater  ishte  nje   sac,  nje  cengel  e  nje  pale  kembje). Te  gjhithe  mblidheshim  rreth  vatres,  degjonim  perralla  e  piqnim  kalaposhe  dhe  ngroheshim  ne  dimer.  Ne  katua,  ne  muajt  me  lageshtire  dhe  kur  ishte  ftohet,  strehoeshin  dhe  punonin  kallajxhinjte. Ata  vinin   nga  Brezhdani  i  Permetit,  per  te  kallaisur  enet  e  bakerta  te  fshatareve  tane,  kundrejt  nje  shperblimi  mjeran,  ne  te  holla  ose  ne  natyre.  Ata,  shpesh,  per  punen  qe  benin  merrnin  si  shperblim:  Gjela  deti,   vaj  ulliri,  miell  gruri,  niseshte,  produkte  blegtorale  e  sende  te  tjera  te  dobishme.  Ushqeheshin  si  mos  me  keq  dhe  flinin  mbi  plehun  e  katoit.

Gjate  kohes  kur  banuam  ne  Shtepine  e  Sheros,  ndodhi  nje  e papritur:  Lumturia  u  semur   e  nuk  gjendej  mjek  per  semundjen  e  saj.  Asaj  iu  shfaq  nje  furungel  ne  rreze  te  kofshes   se  djathte.  Furungla  u  mufat  e  u  be  si  tullumbace  dhe  e  pengonte  per  te  levizur.  Lumturia,  disa  dite  nuk  vajti  ne  shkolle.  Ajo   qendronte  vazhdimisht  e  shtrire,  ne  nje  qoshe  te  shtepise. Ajo  dergjej   mbi  nje  plisnok  dhe  e mbuluar nga nje jorgan i sajuar. Grate  e  fisit  e  te  mehalles  dhe  ndonje  mike  me  e  larget,  vinin  e  veshtronin,  i  sillnin  cfare  t’u  ndodhej  ne  shtepite  e  tyre:  Ndonje  veze  te  zier,  nje  kokerr  shege  apo  nje  ftua,  nje  ene  me  kos,  nje  top  me  gjalpe,  nje  varg  fiq  etj.  dhe  uronin  sherim  te  shpejte.  Dikush  nuk  ngurronte  ta  yshtete  e, kur  i  hapej  goja  mallekonte  syrin  e  keq  qe  e  kishte  shajtuar kocen.  Ndonjera  nga  grate  dashamirese,  rekomandonte  ta  lyenim  vendin  me  hurdhera  te  shtypura,  me  flete  ferre  te  lyer  me  vaj  ulliri  etj.  etj;   sejcila  sipas pervojes  vetjake.  Te  gjitha  rezultuan  te  kota.  Furungla  mblodhi  qelb,  i  cili  dukej  me  sy  te  lire.  Mjek  kirurg,  ne  rrethin  e  Tepelenes,  nuk   kishte.  Familja  jone  tejet  e  varfer  nuk  i  kishte  mundesite  financiare  per  te  shkuar  ne  ndonje  rreth  tjeter  per  te  realizuar  nderhyrje  kirurgjikale.  Xhako  Rremja,  te  cilin  e  kishim  gjiton  dhe  pronar  te  shtepise,  e  msoi  kete  gje  dhe  nje  dite  erdhi  ne  shtepi  e  pa  Lumturine  ne  jatak  e  ne  siklet  te  madh,  pa  furunglen  e  tha:  “ E  sheron  xhakua,  kocen  e  Xhevitit;  mbas  4 – 5  ditesh  Ajo  do  te  shkoje  ne  shkolle”  keshtu  tha  mentari  i  guximshem  e  me  pervoje.  Ai,  piu  nje  filxhan  me  sherbet,  e  nje  gote  raki  kocimare,  te  cilen  e  kishte  shume  per  zemer  e  doli  nga  dera. Edhe  ne  kete  rast,  burri  i  tradites  Muharrem  Kamberi,  e  deftoi  veten,  sic  ishte:  trim,  me iniciative,  fisnik,  i  papertuar  e  me  iniciative.  Duhen  nxire  shume  faqe  per  te  pershkruar  figuren  e  atij  njeriu,  i  cili  hyri  ne  fondin  e  legjendareve  te  fshatit  dhe  ishte  teper  i  vecante. Pas  2 – 3  oresh,  xhako  Rremja  u  kthye  serish  ne  shtepine tone,  me  nje  thumb  prej  dru  drize,  te  cilin  e  mbante  nen  menge  dhe  me  nje  duce  raki  balle  kazani  ne  dore.  Urdheroi  Nenen  tone  te  bente  zjarr  kalafak  ne  vater  qe  te  ngrohej  mjedisi  dhe  beri  disa  pergatitje,  per  operacionin  qe  do  te  kryente.  Ai  mbasi  i  beri  psikoterrapi  Lumturise  me  disa  fjale  qe  i  jepnin  kurajo  e  besim,  dogji  ne  zjarr  majen  e  thumbit  dhe  iu  afrua  te  semures.  Mbasi  e  lyeu  vendin  e  enjtur  dhe  rrezen  e  kofshes,  me  rakine  qe  pruri,  me  nje  levizje  te  shkathet  e  me  nje  shpim  te  sakte  me  thumb,  te  furungles,  beri  qe  nga  maja  e  plages  te  dilte  qelbi  qe  mbante  brenda. Kur  Lumturia  bertiti  nga  dhimbja,  “ kirurgu “  yne,  me  te  dyja  duart ( me  gishterinjte  e  medhenj),  shtrydhi  fort  furunglen,  derisa  doli  shtrati.  E  lyeu  perseri  me  raki  te  forte, vendin  e  plages  dhe  rrezen  e  kofshes,  e  lyeu  siperfaqen  me  nje  pomade  qe  kishte  lene  Ali  Shehu,  ne  nje  gazete  te  mbeshtjelle  dhe  i  dha  disa  keshilla  per  Nenen  tone,  e  cila  i  shtroi perpara  “kirurgut”  nje  duce  me  raki  dhe  dicka  si  meze   (ullinj,  gjize  e  nje  qepe  te  grire ). Mbas  4  ditesh,  Lumturia  ngjiti  te  perpjeten  qe  te  con  ne  shkolle  dhe  u  bashkua  me  bashkemoshataret  ne  klasen  e  saj.  U  gezua  Ajo  dhe  shoqet  e  shoket  e  saj  te  klasaes,  te  cilet  e  donin  dhe  ishin  te  malluar.   Ca  me  teper  qe  e  dinin  shkakun   e  mungeses  te  saj  ne  shkolle,  por  ishin  ne  pamundesi  per  ta  ndihmuar.  Me  sa  kujtoj,  ne  klase  kishim:  Lavdijen  e  Abedin  Kahremanit;  Pashakon  e  Isuf  Jaces;  Engjellushen  e  Muharrem  Kamberit; Barjamen  e  Laze  Xhezos;  Sadikun  e  Memes;  Selamin  e  xhako  Manes;  Selvine  e  Ahmet  Selfos;  Sosen  e  Xhemal  Haxhiut,  Fatimene  e  Shefit  Qazimit;  Behijen  e  Halim  Beshirit;  Xhiken  e  Halil  Lazes;  Sheron  e  Zenjel  Novruzit;  Melaizen  e  Refat  Adushit;  Danon  e  Veiz  Danos;  Hamidene  e  Qamil  Sulos;  Ahmetin  dhe  Farushen  e  Nazif  Muharremit;  Idaine  e  Hamza  Sheshos;  Myftarin  e  Malo  Barjamit;  Fejzine  e  Jashar  Pehlivanit; Hankon e Ahmet Fejzos;  vajzen  e  Murat  Jahos ( Jeten);  Nazmine  e  Mahmut  Muharremit;  Ferrikun  e  Manxhar  Hazbiut; Lulushen  e  Kalo  Qazos; etj. etj.  femije  te  fshatit  tone.

Mbaruam  klasen  e  katert,  ne  vitin  shkollor  1951 – 1952,  te  dy  njeherazi.  Lumja  mori  Deftesen  e  Lirimit,  me  rezultate  shume  te  mira,  kurse  une  –  me  Fletelavderimi.  Babait  tone,  kur  punonte  ne  Selenice,  nje  shok  i  tij  i  punes,  i  cili  ishte  me  origjine  nga  Cameria,  i  kishte  mbushur  mendjen  per  ti  derguar  femijet  ne  shkolle,  nese  kerkonte  qe  ata  te  beheshin  te  vlefshem.  Xheviti  donte  te  na  dergonte  te  dyve  ne  shkolle,  por  Lumturia,  nen  peshen  e  tradites  dhe  te  opinionit  maskilist  qe  rendonte  ne  ate  kohe  refuzoi,  kategorikisht  te  ndiqte  shkollat.  Une  u  ndodha  me  fat,  mbasi  pervec  rezultateve  ne  mesime,  pata  dhe  ndihmesen  e  burrit  me  taban  Muharrem  Qerim  Mehmetaj  ( ne  ate  kohe  Kryetar  i  Keshillit  Popullor  te  fshatit),  per  te  shkuar  ne  konviktin  e  shkolles  shtatevjecare  qe  u  cel  ate  vit,  ne  Tepelene.

Para  dhe  pas  viteve  ’50  te  shekullit  qe  shkoi,  drithi  qe  konsumonin  familjet  e  varfera  te  fshatit  racionohej  dhe  shperndahej,  ne  depot  e  shtetit  ne  fshatin  Turan  te  rrethit  te  Tepelenes.  Nga  nje  perfaqesues  per  cdo  familje,  grupoheshin  e shkonin  ne  Turan,  cdo  muaj,  per  te  marre  racionin.  Ne  vartesi  te  personave  qe  kishte  ne  cdo  familje,  ishte  dhe  sasia  edrithit.  Grate  dhe  burrat,  ne  shoqeri  te  njeri – tjetrit,   te  grupuar  sipas  fiseve,  rrugetonin  ne  kembe  rreth  12  ore,  per  te  marre  disa  kilograme  miser  ose  grure.  Kur  ne  perberje  te  dergates  kishte  ndonje  perfaqesues  te  familjeve  te  deshmoreve  te  Luftes Nacionalclirimtare  sic  ishte  Hysnija  e  Musa  Mehmetit;  Vezikua  e  Qazim  Lazes;  Memja  e  Muharrem  Hasanit  e  ndonje  tjeter,  ato  kishin  privilegjin  te  merrnin,  pa  radhe.

Nga  familja  jone,  si  rregull,  shkonte  Zonja  e  Madhe  e  Binajve,  e  shoqeruar  me  Hysnijen,  Memen,  Vezikon;  Tajanen  e  Muharrem  Kamberit  e  me  ndonje  tjeter.  Ne  nje  rast,  Nena   na  dergoi  mua  dhe  Lumturine  per  te  kerkuar  gomarin  dhe  250  leke  ( aq  sa  bente  racioni),  tek  Jace  Sadiku,  ne  Hysodosaj.  Jacja  ishte  kusheri  nga  e  ema  ( Jemineja),  me  Jacen,  por  ate  dite  nuk  ndodhej  ne  shtepi.  Gruaja  e  tij,  Dekua,  nje  grua  fisnike  dhe  bujare,  ne  mungese  te  burrit  ne  shtepi,  na  e  dha  gomarin  dhe  parate.  Te  gezuar,  u  nisem  per  ne  shtepi.  Sapo  kaluam  shtepine  e  Dajlan  Xheladinit,  ia  nisi  nje  shi  i  dendur,  me  ere  te  forte  ( suferine),  te  cilin  e  kishim  perpara  e  nuk  na  linte  te  ecnim,  asnje  cap  perpara.  U  futem  tek  nje  streheze,  tek  shtepia  dykateshe  e  Demir  Seitit,  ne   pritje   qe   te   pushonte  shiu. Sic  ishim,  me  duar  prapa,  pas  murit  te  shtepise  te  Demir  Seitit,  Lumturia,  e  cila,  si  me  madhe  mbante  kartmonedhen  ne  dore,  e  palosi  ate  dhe  duke  kujtuar  se  ishte  thjesht  leter,  e  grisi  ne  disa  pjese.  Kur  e  pikasi  se  kishte  grisur  kartmonedhen  qe  morem  borxh,  uleriti,  me  sa  fuqi  kishte  dhe  lotet  i  vajten  curke.   Duke qare,  Shkuam  ne  shtepi,  ku  na  pritnin:  Nena  dhe  Babai  i  cili  kishte  ardhur  nga  Selenica.  Me  lot  ne  sy,  Lumturia,  e  pergatitur  qe  te  rrihej  “paq”  nga  Babai,  e  rrefeu  tere   ngjarjen.  Me  syte  e  saj  te  perlotur,  vihej  re  pendimi  dhe  kerkesa  e  meshires.  Ne  kundershtim  me  pritmerine  tone,  Xheviti,  i  njohur  per  marredhenie  te  dhunshme  me  femijet,  ne   kete   rast   na   habiti.   Ai   i   tha   Lumturise: ” Koce  e  xhaxhakos,  tyj  te  te  kem  mire  se  une  pa  para  marr  plot,  atje  ku  punoj,  ne  Selenice .  Do  te  marr  kuindicinen,  sapo  te  vete  ne  miniere  dhe  ua  dergoj  une” !  Lumturia  dhe  une  u  qetesuam  disi,  Asaj  “i  shkriu  gjaku”  por  veprimi  ne  dem  te  familjes  na  mbeti  ne  kujtese  per  shume  kohe.  Xhaxhakua  nuk  e  kishte  harruar  ushtrimin  e  tij  te  preferuar,  te  cilin  e  praktikonte  sa  here  gaboja  une.  Ai  kur  e  pikaste  fajin  tim,  me  afrohej,  me  kapte  per  te  dy  veshet,  me  ngrinte  lart  e  me  leshonte  pertoke.  Lumturise  qe  beri  gabim  te rende, nuk  ia  praktikoi, ushtrimin  e  tij  te  preferuar,  mbasi  ajo  ishte  mjaft  e  shkathet  dhe  e  papertuar.  Kur  i  ngarkonte  nje  detyre  Babai,  Lumja,  me  perpara  kthehej  se  sa  shkonte.  Ky  tipar  i  saj  dhe  ciltersia  femijerore  e  kenaqnin  Babane  tone,  i  cili  na  mesonte  te  ishim  te  drejte,  te  ndershem,  te  dashur  e  te  mos  pergojonim  njeri.   Pervec  ketyre,  Lumturia  ishte  mjaft  e  zgjuar  dhe  mentare.  Ajo,  ne  klase,  ato  qe  spjegonte  mesuesi,  thuajse  i  pervetesonte  menjehere  dhe  me  nje  te  lexuar  ne  shtepi  ishte  gati  te  pergjigjej.

Ne  fundgushtin  e  vitit  1952,  se  bashku  me  disa  bashkemoshatare  qe  kishin  mbaruar,  si  une,  klasen  e  katert  te  shkolles  fillore  te  fshatit,  u  sistemuam  ne  klasen  e  peste  te  shkolles  unike  ( shtetevjecare)  “ Abas  Shehu”,  te  Tepelenes;  banonim  ne  konvikt.  Lunturine  e  lashe  ne  Kalivac.  Ajo,  edhe  pse  ishte  vetem  12  vjece  dhe  imcake,  u  ingranua shpejt  ne  punet  e  familjes  bujqesore.  Ekonomia  bujqesore,  ne  ate  kohe  ishte  individuale  e  punet  ishin  te  renda  e  te  shumta.  Babai  ishte  shkeputur  nga  Miniera  e  Selenices  dhe  erdhi  ne  Kalivac,  per  ti  dale  zot  punes  ne  tokat  e  tij  bujqesore,  shtepise  dhe  per  te  punuar  arat  tona  pjellore.  Atij  i  hanin  duart  per  pune,  se  ishte  mesuar te  bente  pune  te  rende,  ne  miniere;   me  orar  e  ne  kushte  te  renda.

Fillimisht,  Babai  yne  e  nisi  punen  ne  ekonomine  e  tij  bujqesore  me  celjen  e  tokes  se  re.  Ne  fundin  e  ares  me  emrin  Rredhe,  prane  Zezanit,  ishte  nje  cope  toke  rreth  5  dynyme   ne  pronesine  tone,  e  cila  ishte  e  mbushur  me  konopice  dhe  me  kashte  te  kuqe.  Toka  ishte  me  strukture  organike  ranore, lehtesisht  e  punueshme,  por  konopicat  e  shumta  duheshin  shkulur  dhe  kuklat,  mbasi  thaheshin  ne  diell,  shfrytezoheshin  si  dru  zjarri,  ne  dimer.  Zonja  e  Madhe  dhe  Lumturia;  nene  e  bije,  i  mbanin  kukelat,  here  ne  shpine  e  here  ne  koke,  ne  ate  distance  te  madhe,  nga  fundi  i  Rredheve,  ne  shtepine  tone,  ne  pjesen  e  siperme  te  mehalles  Ahmetaj,  ku,  e  perpjeta  tek  Ullinjte  e  bushit  ishte   “thembra  e  Akilit”.  Tutka  ( keshtu  i  thoshim  Lumes,  me  perkedheli),  ishte  me  skelet  te  paformuar  mire,  por  sedra  dhe  deshira  per  ti  ardhur  ne  ndihme  Nenes,  ishin  motiv  i  forte  per  te  duruar  lodhjen  dhe  mundimet.

Ne  vjeshte  ( aty  nga  fundi  i  gushtit),  kur  piqeshin  fiqte;  me  nje  kazan  llamarine  ne  koke,  apo  me  nje  shporte  xunkthi  ne  dore  shkonte  ne  krye  te  Rredheve,  ku  ndodheshin  dy  fiq;  njeri  i  varietetit  bradashesh  e  tjetri  i  bardhe.  Fiku  i  bardhe  ishte  ne  pjesen  tone,  bradasheshi,  ne  ate  te  Reshatit.  Me  poshte,  thuajse  ne  mes  te  parceles,  ishin  dy  fiq  te  tjere,  te  varietetit  vasjares.  Fiku  i  bardhe  dhe  ata  vasjares  ishin  me  te  shijeshem.  Kur  kokrrat  e  tyre  caheshin,  Nena  i  bente  bukefiqe;  te  tjeret  perdoreshin  per  te  ngrene,  te  fresket   dhe  shkoheshin  vergje.

 Nje  dite,  kur  do  te  shkonte  per  te  vjele  fiq,  ne  Rredhe,  Lumturise  iu  qep  nga  pas  Dilaveri,  i  cili  ishte  i  vogel  ( pekuli  i  familjes)  dhe  mjaft  nopran  ( i  prape).  Sapo  dolen  ne  Shure,  Dilua  nisi  te  qaje  e  te  ankohet  se  nuk  mund  te  ecte,  mbasi  ne  kembe  i  kishte  hyre  nje  gjemb  i  bardhe,  nga  ata  qe  dhembin  shume  e  nuk  dallohen  lehte,  kur  futen  ne   mish.  Ai  kerkoi  nga  e  motra  ta  merrte  ne  krahe  dhe  Ajo  e  mori  kalipec.  Ne  qafen  e  Lumes,  pekuli  ndihej  mire  e  nuk  ankohej  me.  Kur  kaluan  Kubene,  ne  Vidhishte  e  dolen  tek  shtegu  i  Llapovicave,  Lumturia  e  zbriti  nga  qafa  ku  e  mbante  Dilaverin.  Ai,  nisi  te  ecte  vete,  por  cale – cale.  Tek  Mekami,  Dilua  u  kujtua  perseri  dhe  kerkoi   nga  e  motra  te  njejten  gje.  Lumja,  e  cila  e  donte  shume  vellane  e  vogel,  e  mori  serish  kalipec,  deri  sa  vajten  tek  fiku.  Mbasi  u  ngop  me  fiq,  ne  udhen  e  kthimit,  Dilos  nuk  i  dhembte  me  kemba.  Lumja  nuk  mbeti  pa  gje;  Ajo  mbajti  ne  koke  kazanin  me  fiq.

Xheviti,  mbasi  hapi  fundin  e  Rredheve  nuk  e  ndali  punen  e  nuk  perzgjodhi  ta   kalonte  dimrin  prane  zjarrit,  sic  vepronin  kusherinjte  dhe  bashkefshataret  e  tij.  Babai  yne  ishte  mesuar  me  pune  e  nuk  mund  te  qendronte  pa  bere  dicka  te  dobishme.  Nje  dite  i  vajti  mendja  te  “shkepte”  ledhin  qe  ndante  aren  nga  nje  le  ( rrip  toke  e  ngushte)  ku  ishte  dhe  nje  ulli  shakulli.  Ai  kaliti  kazmen  e  gurit  qe  kishim  ne  shtepi,  tek  usta  Jemini,  ne  Toc,  gjeti  dhe  nje  kazme  qylyke,  u  beri  bishta  te  rinj  dhe  ia  nisi  punes. Ai  e  niste  punen  heret  ne  mengjes  dhe  kur  vinin  ne  are  Zonja  e  Madhe  dhe  Lumturia  Ai  kishte  bere  goxha  pune  dhe  kishte  nxjerre  nje  pirg  me  gure.  Nene  e  bije,  te  dyja  femrat,  here  ne  koke  e  here  ne  kurriz,  ato  i  conin  guret  tek  cfrati  i  Perroit  te  Corrushit,  midis  dy  ullinjve  kaniniote  qe  ndanin  aren  tone  nga  ara  e  kufitarit  Cizo  Selfo  Agaj.  Kur  pikasi  se  Nene  e  bije   lodheshin  shume  duke  ngritur  gure;  me  ca  dhoga  e  me  dy  hunje,  Xheviti  sajoi  nje  tezge  dhe,  pas  ketej  guret  nuk  transportoheshin  me  ne  koke  apo  ne  kurriz.  Mirepo,  pekuli  i  familjes,  Dilaveri,  kur  i  dilte  gjumi  e  zbriste  ne  Llomera,  pa  qe  Nena  jone,  se  bashku  me  Mmotren,  leviznin  nga  njeri  cep  i  ares  ne  tjetrin  me  nje  tezge  qe  ngjante  si  korroile,  u  tha  atyre:  “ Me  mbani  dhe  mua  mbi  gure  qe  te  bej  qejf” !  Nuk  ia  prishen  pekulit  ato  dhe  gjithe  diten,  Dilua  bente  varavingo  mbi  tezge,  pavaresisht  se  pesha  mbi  tezge  ishte  me  e  rende. 

Ne  vere,  kur  nene  e  bije, punonin  token  ose  teharrnin  grurin  ne  Sheshin  e  Llomese,  te  lodhura  nga  puna  e  rende,  u  shtrine  per  “ta  trembur”  pak  gjumin  nen  hijen  e  ullirit  kaniniot,  prane  cfratit  me  gure.  Te  lodhura  e  te  raskapitura,  ato  i  mundi  drema  e  i  zuri  gjumi.  Papritmas,  ato  degjuan  nje  zhurme,  e  cila  ngjante  me  renjen  nga  lartesia  te  nje  plenci  me  und.  Zonja  e  Madhe,  e  cila   e   kishte  gjumin  te  lehte,  e  ndjeu  zhurmen  dhe  ngriti  koken.  Cfare  te  veshtronte,  nje  goxha  gjarper  kishte  rene  nga  deget  e  ullirit  e  kishte  shkaktuar  gjithe  ate  zhurme.  Sa  rrembeu  nje  furkace  qe  kishte  prane  e  ta  godiste;  zvarraniku,  i  trembur  nga  sa  i  ngjau  dhe  nga  prania  e  njerezve  aty  prane,  rreshqiti  neper bar  e  u  fut  midis  gureve  te  cfratit.  Nene  e  bije,  te  ndodhura  perpara  kesaj  te  papriture,  e  lane  punen  e  u  moren  me  dicka  tjeter,  larg  vendit  te  ngjarjes.

Ne  muajin  gusht  te  cdo  viti,  une  dhe  Lumturia,  kur  ishim  me  pushimet  verore,  shkonim  ne  Koshtan,  tek  dajot ( vellezerit  e  nenes) .  Ata  kishin  nje  shtepi  me  dy  dhoma.  Njera  syresh,  ajo  me  katua,  qendronte  vazhdimisht  e  shtruar  per  te  pritur  miqte  e  shumte  te  asaj  dere  miku.  Shtepia  e  Barjam  Temes  dhe  e  vellezerve  te  tij:  Adushit  dhe  Kadriut, ishte  dere  e  madhe  e  bukedhene  ne  Koshtan.  Jo  vetem  se  ishte  familje  deshmori  ( vellai  i  tyre  Musa  Teme  Shehaj)  ishte  deshmor  i  Luftes  Nacionalclirimtare  te  popullit  shqiptar.  Ishin  dite  te  pushimeve  verore,  per  shlodhje  e  argetim  por  dhe  kohe  e  miqesimit  me  femijet  e  nje  gjaku,  me  te  cilet  mblidheshim  vetem  ne  kete  muaj  dhe  per  ndonje  dasme.

Si  majmune  neper  peme,  hipnim  neper  deget  qe  kishin  fruta  te  pjekura  dhe,  sikur  te  kishte  rene  karkaleci  ne  are,  linim  vetem  gjethet  e  pemeve  dhe  frutat  e  papjekura.  Ne  ate  kohe, ishin  pjekur  fiqte  e  shumte  qe  rrethonin  shtepine  e  dajove  tane;  rrushi,  me  hereke  dhe  neper  pjergullat  e  shumta,  bajamet;  kumbullat  dhe  ndonje  frut  tjeter  qe  mund  te  konsumohej.  Sa  per  ti  bere  dem,  keputnim  dhe  ndonje  kokerr  ftoi  apo  shege,  te   cilat  ishin  calla  ( te  papjekura).  Vajzat,  si  “grifsha”,  tok  me  ne,  djemte,  hanin  gjithe  diten  fruta  dhe  kur  dilte  ne  shkalle  xhixhi  Misikua,  nje  grua  shpirt  njeriu,  e  zonja  dhe  menaxhere  e  mire  e  ekonomie  familjare,  e  na  therriste  per  te  ngrene  dreke,  vajzat  zbrisnin  nga  pemet  e  shkonin   per  te  ngrene   dreken  qe  kishte  pergatitur  Ajo.  Une  nuk  haja  dreke  se  ishja  i  ngopur  me  fruta.  Atehere  Xhixhi  Misikua,  me  te  madhe  bertiste,  po  keto  “ grifshat “,  mbasi  hane  fruta  sa  ngopen,   hane  dhe  buke;  po  ti,  me  se  rron?  Une,  i  krekosur,  plot  krenari  kalivacasi  pergjigjesha  ezber:  “ Jam  i  fisem  e  rroj  me  fis” !  Qeshte  ajo,  qeshja  une.  Ne  mbremje,  opinioni  im  rrefehej  si  ndodhi  e   rralle  dhe  origjinale,  imja.

Familja  e  dajove  tane,  ne  Koshtan  te  Tepelenes,  edhe  pse  kishte  pesuar “firo”,  prapseprap  kishte  mbetur  e  madhe,  e  kamur  e  me  rreth  te  gjere  miqesor.  Djali  i  madh  i  familjes,  Salihu,  ne  vitet  ’30  te  shekullit  te  njezete,  emigroi  ne  Turqi  e  u  vendos  ne  Izmir.  Ai  punoi  atje,  gjate, e  u  martua  me  nje  greko – turke,  me  origjine  nga  Cameria,  e  cila  quhej  Nayet,  me  te  cilen  solli  ne  jete  dy  vajza  dhe  dy  djem.  Per  t’u  kujtuar  per  pjesetaret  e  familjes  qe  kishte  lene  ne Koshtan,  per  te  cilet  kishte  shume  mall,  vajzave  te  tij  u   vuri   emrat  e  motrave,  njeren  e  quajti  Senise  ( Sherine)  dhe  tjetren: Lejla  ( Lala);  djemte  i  quajti:  Hamdi  dhe  Ali.

 Para  clirimit  te  vendit,  erdhi  vetem  nje  here  ne  Koshtan  dhe  ne  Kalivac,  tek  motra  Zonje,  me  shume  dhurata,  per  pjesetaret  e  familjes,  per  kunatat,  vellezerit,  miqte  e  shoket  e  shumte;  sidomos  per  motrat ( Lala;  Sherine  dhe  Zonje).  Vellai  pasardhes  ne  moshe  ishte  Barjam  Temja;  nje  burre  esnaf,  gdhendes  qoshesh,  zot  muhabeti  e  pijetar  nga  ata  qe  nuk  i  dilte  njeri  perpara  ne  tere  krahinen. Ai kishte jo vetem miqesi te gjere, por  dhe  nje  autoritet  te  pdiskutueshem  si  mentar  i  njohur  ne  te  gjithe  krahinen.  Pas  tij  vinte  vella  Adushi,  i  cili  ishte  millona,  ne  Mullirin  e  Malos,  ne  Recol.   Musai,  me  i  riu,  pas ktyerjes  te  sherbimit  ushtarak  doli  partizan  e  ra  ne  luften  per  liri.  Kadriu,  ishte  ushtarak  e  u  nda  shpejt  nga  familja,  i   detyruar  nga  kushtet  e  kohes. Ne shtepine e tyre, ne  ate  maje  bregu,  hynin  e  dilnin  parreshtur  miq  e  te  dashur  te  cilet  gjenin  ngrohtesi,  nderim  dhe  bollek.  Shtepia  e  dajove  tane  ishte  shtepi  bukedhene  dhe  nena  jone  kishte  trasheguar  tiparet  me  te  mira  te  familjes  ku  u  lind  e  ku  u  rrit,  te  cilat  ia  transmetoi  Lumturise.  Lumturia  i  beri  te  sajat,  mikpritjen,  bujarine,  sedren  per  pune,  sjelljen  korrekte  dhe  kurajon  per  t’u  perballur  me  kedo.

Motra  jone  e  vetme,  Lumturia,  u  rrit,  dita – dites,  mes  halleve  dhe  kufizimeve  te  kohes. Ajo  rridhte  nga  nje  trung  i  fisem  e  kishte  marre  vlage,  nga  bujaria  e  prinderve  te  saj  dhe  nga  ajo  shtepi  bukedhene.  Kur  sapo  kishte  mbushur  12  vjece,  tek  Xhevit  Malkua  dhe  tek  Zonje  Temja,  renden  lloj – lloj  lajmesish,  te  cilet  bazuar  ne  tiparet  e  saj  dhe  me  bindjen  se  do  te  ngjante  nga  rrenja,  e  kerkonin  per  ta  patur  nuse,  ne  shtepite  e  tyre apo  ne  fis  e  ne  gjitoni.  Nje  i  tille,  mori  udhen  e  erdhi,  ne  shtepi,  si  mik  i  lashte  i  familjes.  Ne  shtepi  gjeti  Zonjen  e  Madhe,  dhe  Xhevitin.  Lumturia,  per  fat,  kishte  vajtur  me  pula  deti,  me  shoqen  e  saj  te  ngushte –  Lavdijen  e  Abedinit.  Xheviti  dhe  Zonja  e  Madhe,  sipas  tradites,  e  priten  mikun,  si  mik,  e  hodhen  ne  qoshe  dhe  e  qerasen, me  cfare  iu  ndodh . Kur  miku  u  shfaq,  perse  kishte  ardhur;  Xheviti,   mbasi  e  veshtroi  mire  e  mire,  u  mendua  nje  cast,  e  iu  pergjigj  tjetrit:  “  Po  une  nuk  kam  koce  per  te  martuar;  nje  koce  qe  kam,  akoma  nuk  ka  mbushur  10  vjece ”!  Kjo  pergjigje  me  diplomaci,  beri  qe  miku  te  ngrihej  e  te  ikte,  duke  kerkuar  ndjese  qe  nuk  e  kishte  “hetuar”  mire  ceshtjen.  Miku  i  shtepise  veshi  opingat  e  ia  mbathi,  andej  nga  kishte  ardhur.  Ai  ngjiti  te  perpjeten qe  te con  ne  Majen  e  Tendes, doli  tek  Lisat  e  Hyset  e  vajti  ne  shtepine  e  tij  ne  Bozanaj  turivarur.  Te  tjere  lajmes,  rastesore  e  te  specializuar  trokiten  ne  deren  e  Xhevitit  nopran,  per  te  kerkuar  doren  e  Lumturise.

Njeri  syresh,  i  cili,  ndoshta  provoi  per  here  te  pare  te  bente  lajmesin,  me  qellim  qe  t’u  bente  mire  te  dyja  paleve  ne  krushqine  e  pritshme,  ishte  kalivacasi  Karafil  Mahmut  Bilaj.  Xha  Karafili  ishte  nje  burre  i  gjate,  mbi  shtatlartesine  mesatare  te  bashkefshatreve,  i  veshur  me  rroba  shajaku,  me  ngjyre  te  zeze,  me  nje  qylah  te  bardhe  ne  koke,  nga  ata  qe  perfundojne  me  nje  maje  te  gjate,  si  rrufepritese.  Karafili,  dhe  vellai  i  tij,  Refati  ishin  burra  zakoni,  trima  e  te  beses  dhe  atdhetare  te  spikatur.  Ata  ishin  shperngulur  nga  trojet  e  te  pareve  ne  Hasanimeraj  e  ishin  vendosur  ne  Margellic,  prane  pronave  te  tyre  te  begata.  Refati  kishte  ndertuar  dy  perdhese  te  cilat  komunikonin  me  njera – tjetren,  tek  gryka  e  derdhjes  te  Perroit  te  thate  te  Serhanit,  kurse,  xha  Karafili  ngriti  dy  kasolle  me  kashte  ne  mes  te  perrallit  shekullor  dhe  te  drizave,  ne  vendin  e  quajtur  Gjembi  i  Bilos.

 Xha  Karafili  ishte  martuar  me  gege  Bedrine,  e  cila  rridhte  nga  nje  familje  fisnike,  por,  per  fat  te  keq,  njerin  nga  syte  e  kishte  te  verbuar  dhe  nuk  lindi  femije.  Ajo  ishte  mjaft  e  dashur  dhe  e  dhimbsur  e  me  zemer  te  mire.  Miresine  e  saj  pafund  e  kishim  provuar  ne  te  vegjelit,  kur  na  jepej  rasti  te  shijonim  pekmezin  qe  bente  ajo  dhe  petullat  me  vaj  ulliri  e  me  mjalte  qe  na  servirte,  kur  i  shkonim  ne  kasollen  shtepi.

  Xha  Karafili  ishte  bujk  i  mire  dhe  vreshtar  i  kualifikuar.  Ne  ledhet  midis  parcelave  te  arave  llomera, Ai  u  kishte  ngjitur  drureve  frutore  dhe  atyre  pyjore,  pjergulla  e  u  sherbente  me  esnaferi.  Hardhia  me  rrush  tavoline,  te  cilit  ne  Kalivac  i  thone  razaki,  ishte  me  e  preferuara .  Thone  se  kalivacasit  e  kishin  sjelle  kete  varietet,  nga  Korinthi  i  Greqise  e  ai  ishte  pershtatur  per  bukuri  ne  klimen  e  Kalivacit  e  me  tej.  Karafil  Mahmuti,  me  djersen  e  ballit  e  me  aftesi,  kishte  krijuar  nje  ekonomi  bujqesore  per  t’u  patur  zili.  Pervec  arave  te  begata,  bltarise  dhe  blegtorise,  ai  kishte  dhe  shume  miq  e  shoke,  ne  Kalivac  e  ne  fshatra  te  tjere.  Ne  Krahes,  ishte  e  martuar  motra  e  tij,  Hasime  Mahmutja,  e  cila  kishte  shkuar  nuse  ne  deren  e  fisnikut   Sulo  Barjami,  ne  bregun  e  Llakajve.  Sipas  gojedhenes,  te  paret  e  Sulos,  kishin  zbritur  prane  pronave,  nga  Krahesi  i  siperm  ku  kishin  patur  mbiemrin  Silaj.  Hasime  Mahmutja,  ne  deren  e  Sulo  Barjamit  kishte  lindur  shume  femije,  djem  e  vajza,  te  cilet   “pushtuan “  vendin  e  dolen  neper  bote.  Xha  Karafili  ne  rolin  e  lajmesit,  kishte  per  qellim  t’u  bente  mire  te  dyja  paleve:  Si  Xhevit  Malkos  dhe  Sulo  Barjamit  duke  bere  cift  Lumturine  me  Tefikun.

Sipermarrjen  e  xha  Karafilit  e  nxiti,  lidhja  miqesore  e  tij  me  Sulo  Barjamin  por  dhe  nje  rrethane  e  re  e  cila   mundesoi  lidhjen   me   Xhevitin   kryenec.  Ne  janarin  e  vitit  1957,  Xha  Karafili  lidhi  nje  marreveshje  ekonomike  me  Xhevitin.  Ai  kishte  nje  tufe  me  dhen,  te  cilat  i  futi   ne  tufen  e  qinosur,  me  afat  pesevjecar,  me  mjeshtrin  e  mbareshtimit  te  dhenve,  Xhevit  Malko   nga  mehalla  e  Ahmetajve.  Kjo  nuk  ishte  e  vetmja  lidhje  miqesore  mes  dy  fiseve  te  fisem.  Refati,  vellai  i  vetem  i  Karafilit,  ishte  i  martuar  me  Mushon,  te  bijen  e  Musa  Mehmetit  dhe  te  Hysnijes  kapdane.  Xheviti  ishte  kusheri  i  dyte  i  xha  Musait.  Karafili  synonte  ta  thellonte  miqesine  me  Nelajt,  mbasi  te  fismit  mbeshteteshin tek  njeri – tjetri, prandaj  tentoi  per  te   lidhur  nje  fije  te  re  miqesie. Mirepo Xheviti ishte kokeforte e nuk bindej lehte per te hedhur nje hap te tille. Ai kishte vetem nje vajze dhe kerkonte siguri per te ardhmen e saj. Fukaralleku i skajshem nuk ia kishte ulur kokeen cobanit te dhenve, perkundrazi, djersa e ballit qe kishte derdhur dhe rreziqet qe kishte kaluar ia kishin shtuar krenarine.

Kushtet  e  qinosise  te  re,  u  formuluan  ne  nje  akt  te  shkruar,  autor  i  te  cilit  pata  fatin  te  ishja  une.  Ndonje  sfond  juridik,  ne  ate  mjedis  e  nga  ai  grup  bshkeautoresh,  asqe  mund  te  pretendohej;  sidoqofte,  kushtet  e  qinosise,  per  te  dyja  palet  u  fiksuan,  sipas  normave  zakonore,  me  saktesi.  Mbasi  nisi  te  fumksiononte  ne  praktike  marreveshja,  Karafili  hynte  e  dilte  lirshem  ne  shtepine  e  qinosarit.  Atij  i  ra  ne  sy  e  bija  e  Xhevitit,  Lumturia,  e  cila,  pavaresisht  se  ishte  e  imet  ne  shtat,  kishte  te  misheruara  tipare  te  qenesishme,  sa  i  takon  shkathtesise,  zgjuarsise  dhe  zotesise  per  te  punuar, ne  are  apo  per  te  mbajtur  shtepine.  Karafili,  duke  gjykuar  thjesht  e  mencurisht,  konkludoi  se  e  bija  e  Xhevit  Malkos,  fisnike  ne  gen  e  “drite”,  ne  tere  qenien  e  saj,  ishte  e  zonja  te  ngrinte  nje  familje  te  shendoshe  e  te  perballonte  sfidat  e  kohes.  Pas  disa  bisedave  miqesore,  te  dy  qinosaret,  arriten  ne  perfundimin  fatlum, per  ta  konkretizuar  kete  lidhje  krushqie.  Me  ne  fund,  Lumturia  u  fejua  me  Tefik  Sulon  dhe,  mbasi  kembyen  “nishanet”,  nisen  pergatitjet  per  dasmen  e  pritshme.

Ne  vitet  per  te  cilet  behet  fjale,  gjate  fejeses,  deri  sa  te  realizohej  martesa,  te  fejuarit  nuk  komunikonin  me  njeri – tjetrin.  Kur  “ ndahej  dita”  e  caktohej  dasma,  kandidatja  per  nuse  nuk  duhet  te  dilte  nga  shtepia  dhe  njerezit  e  dhendrrit,  nuk  duhet  ta  veshtronin  ate.  Karafili,  beri  cmos,  te  pakten  te  gjente  rastin  per  te  shkembyer  dy  fjale  me  nusen  e  ardhshme.  Lumturia,  bente  cmos  qe  kjo  te  mos  ndodhte  dhe  ishte  teper  e  kujdesshme.  Nje  dite,  lajmesi  qinosar,  me  synimin  te  shikonte  te  fejuaren  e  nipit  te  tij,  erdhi  ne  Ahmetaj,  qe  ne  mengjes,  ne  kohen  kur  Xheviti  nxirrte  dhente  nga  kasollja.  Ai  e  dinte  se  Lumturia  do  ta  ndihmonte  te  atin  duke  ngare  dhente.  Tek  rrugica  prapa  shtepise  te  Bejekos  te  Mino  Jaces,  u  takuan  dy  qinosaret  e  po  kuvendonin,  me  ze  te  larte.  Lumturia,   e  cila  e  kapi  “cepin”  e  bisedes  mes  tyre,  u  kthye  mbrapsht,  vrullshem  dhe “fluturoi”,  e  zbathur,  midis  poplave,  kaperceu  gardhin  e  kopshtit  tone,  u  fut  ne  kasollen shtepi  dhe  mbylli  deren  nga  brenda.  Keshtu, me  zgjuarsi  e  me  shkathtesi,  ajo  u  shpetoi  syve  te  lajmesit  nga  Margellici.  Lajmesi  plak,  per  te  pare  nusen  e  nipit,  kishte  marre  gjithe  ate  udhe,  por  i  doli  mundimi  huq   dhe  e  pati  te  pamundur  ta  realizonte  qellimin.

Ne  fund  te  muajit  tetor  te  vitit  1957,  u  realizua  dasma  e  Lumturise  me  Tefik  Sulon.  2 – 3   muaj  para  dasmes,  Xheviti,  me  qellim  qe  te  grumbullonte  ca  para  per  te  pergatitur  pajen  e  Lunturise,  u  fut  ne  nje  pune  shteti.   Punimet  kishin  karakter  ndertimi;  synohej  perforcimi  i  nyjes  ku  mberthehej  pallamari  i  lundres,  ne  anen  e  Kalivacit,  ne  shkemb,  diku  prane  Burimit  te  Madh.  Parate  qe  fitoi  Xheviti,  nga  puna  ne  lunder  ishin  te  pamjaftueshme  per  te  bere  gati  plackat  e  nuserise  te  koces  te  vetme.  Paje  i  thencin,  mezi  u  mbushen  2  valixhe  me  petkat  me  te  domosdoshme  dhe  dhuratat.  Duheshin  para  te  tjera.  Xheviti  fukara  nuk  kishte  mundesi  ku  ti  gjente.  I  kerkoi  borxh  nje  mikut  te  tij,  jo  nga  Kalivaci,  por  ai  i  tha:  “ Ti  je  fukara,  ku  do  ti  gjesh  qe  te  mi  kthesh parate”?  Ishja  ne  shkollen  e  mesme,  ne  Korce  e  nuk  mund  te  kontribuoja.  Vellai  tjeter,  Dilaveri,  sapo  kishte  mbushur  moshen  10  vjec  e  nuk  e  merrte  njeri  ne  pune.  Per  fatin  tone,  ne  ate  kohe,  ndertohej  nje  linje  e  re  telefonike,  ne  zonen  tone  dhe  ne  ndermarrjen  e  Poste  Telegrafe  Telefonit  te  rrethit  te  Tepelenes,  punonte  djali  i  teze  Lalase,  nga  Toci –  Nebi  Hasan  Beqiraj.  Ai  ishte  i  fuqishem,  fizikisht  edhe  pse  me  nje  dore  te  prere  dhe  kishte ndikim  te  madh  ne  ndermarrje,  si  komunist  i  devotshem.   

Edhe  pse  nuk  e  kishte  moshen  per  t’u  pranuar  ne  pune,  me  ndikimin  e  drejtperdrejte  te  Nebiut,  Dilaverin  e  regjistruan  si  punetor  ne  ndermarrjen  e  Poste  Telegrafe  Telefonit. Brigata  ku  bente  pjese  Dilaveri,  terhiqte  telat  e  telefonit.  Kjo  pune  kerkonte  shume  fuqi  te  cilen  vellai  im  nuk  e  kishte.  Po  me  nderhyrjen  e  kusheririt  te  pare,  u  gjend  nje  variant  tjeter.  Punetoret,  ne  vapen  e  atij  gushti  pervelues  dhe  ne  muajin  pasardhes,  perveloheshin  per  uje.  Linjat  telefonike  kalonin  koder  me  koder,  andej  nga  burimet  e  ujit  te  pijeshem  ishin  te  rralle. Dilaverin  e  caktuan  t’u  conte  uje  punetoreve,  me  gjyma,  pune  te  cilen  Ai  e   perballoi,  jo  pa  probleme.  Sic  rrefen  vete  Dilaveri:  “ Me  rrogen  e  atyre  tre  muajve  kur  kishja  pushimet  verore,  grumbullova  aq  para,  sa  i  bleva  motres   nje  fustan,  ndriloje  ( tip  fesh – feshe), per paje”.

Ne  dasmen  e  Lumturise  nuk  mora  pjese.  Babai  ma  njoftoi  diten  e  dasmes  por  nuk  me  dergoi  ( se nuk kishte)  para,  per  te  rrugetuar.  E  festova,  si  munda  martesen  e  motres  te  vetme,  por  nuk  u  gezova  dot  si  te  tjeret,  ne  mes  te  dasmoreve.   Vetem  ne  pushimet  e  dimrit,  ne  muajin  janar  te  vitit  1958,  “  dajos  ne  horizont”  iu  krijua  mundesia  te  shkonte  ne  familjen  e  re  te  motres  Lumturi.  Ne  Korce,  ishja  ne  mes  te  korcareve,  te  cilet  visheshin  me  sqime  e  mbaheshin  mire.  Jetoja  ne  konvikt  dhe   ekonomia  ime,  ishte  ndoshta  me  e  dobeta  mes  konviktoreve.  Aq  ngushte  ishja  nga  ana  ekonomike  sa,  me  veshtiresi  gjeja  10  leke  per  t’u   qethur,  jo  me  te  paguaja  rrugetimin  nga  Korca  ne   Tepelene.

Dasma  e  Lumturise  u  be  ne  javen  e  fundit  te  muajit  tetor  te  vitit  1957.  Ishte  dasma  e  pare  ne  shtepine  e  Xhevit  Malkos  sa  u  perket  femijeve  te  tij.  Fukaralleku  i  familjes  tone,  vertet  ia  kishte  “rrudhur”  mundesite  ekonomike   Xhevitit,  por,  kurrsesi  nuk  mund  te  thuhet  e  njejta  gje  dhe  per  zemergjeresine  e  tij   dhe  shpirtin  si  det.  Ne  shpirtin  e  atij  njeriu  kishte  perhere  behar.  U  mblodhen  per  te  percjelle  Lumturine  nuse   jo  vetem  Nelajt  dhe  mehalla  e  Ahmetajve,  sic  e  donte  zakoni  i  vendit,  por  e  gjithe  miqesia  e  familjes,  kudo  qe  ndodhej.  U  be  dasme  e  madhe;  dasme  me  zemer,  jo  vetem  me  thela   e  gatime  te  rralla.   Ne   trapeza  kishte  shume  bujari  e  gezim;  zjente  kenga  labce  e  dollite  pasonin  njera – tjetren.  Shirat  e  rrembyeshem,  karakteristike  e  asaj  periudhe,  nuk  i  penguan  dasmoret  ta  benin  festen,  te  gezueshme,  sic  i  takonte.  Zonja  e  Madhe  dhe  Xheviti,  e  shkrine  tere  kapitalin  qe  kishin  akkumuluar  per  ate  dite.  

Erdhen  krushqit;  te  kapardisur e cakerqejf,   te  hipur  mbi  kuaj. Te gjithe kishin lene mustaqe; ne  koke  mbanin  qylahe  te  bardhe, me  “ antene”  ose  kapele  me  strehe  dhe  ishin  rruar  e  qethur  dhe  te  veshur  me  rroba  serioze,   se   shumti   te   zeza. Karafil  Mahmuti,  me  rol  te  dyfishte:  si  dajua  i  dhendrrit  e  si  lajmes,  pinte  raki  rrushi,  nga  ducja  qe  kishte  me  vete,  e  kendonte,  gezonte  e  bente  shaka,  si  rralle  ndonje  here.  Nje  kale  i  kuq,  azgen  por  i  urte  i   pajisur  me  aksesoret  e  nevojshem ( ne ate kohe, nusja merrej me kale me shale, ose me samar; kali qe do te merrte Lumturine nuse ishte me samar, me shilte siper dhe me fre e yzengji)  ishte  caktuar  per  nusen.  Ate  e  kishin  lene  pa  kalores  mbi   vete  mbasi  keshtu  e  kerkonte   tradita.   Krushqit,  disa   te   njohur  e  te  tjere  te  panjohur, per  vendasit,  u  priten  ne  avlli.  Sipas  tradites,  derisa   burrat  qe  do  ta  shoqeronin  Lumturine  u  bene  gati  per  udhe,  krushqit  dhe  pritesit  shkembenin  batuta.  Kush  tja  hidhte  njeri  – tjetrit. Me  te  hipur  kocja  ne  kale,  nga  ana  jone,  grate  kendonin  kengen :

“Udhe  e  mbare  moj  bije!

Te  na  dalc  e  mire;

Udhe  e  mbare  moj  kece;

Mos  benec  e  keqe…”!

Disa  burra,  te  fisit  e  te  mehalles  qe  kishin  arme  me  leje,  qelluan,  ne  shenje  pershendetje,  disa  here  dhe  uronin:  “ Te   trashegohet  vajza,  xhaxhako”!  Mes  tyre  ishte  Mehmet  Musa  Nelaj;  Muhedin  Salih  Nelaj;  Ali  Pasho  Nelaj;  Shyqyri  Abedin  Haderaj  e  ndonje  tjeter.  Lumturine  e  shoqeruan  deri  ne  shtepine  e  dhendrrit,  ne  Llakaj  te  Krahesit, njerez  te  fisit  tone,  te forte,  te  shkathet  dhe  nga  ata  qe  ishin  zoter  qosheje.  Grupin   e  shoqeruesve  e  kryesonte  fisniku  Ali  Pasho  Nelaj;  ne  dergate  ishin:  Skender  Muharrem  Nelaj;  Reshat  Resmi  Nelaj;  Mehmet  Musa  Nelaj  dhe  te  tjere.

Krushqit,  per  te  ardhur  ne  shtepine  tone,  ndoqen  udhen  qe  vejn  nga  Lisat  e  Hyset,  neper  udhen  e  lashte  automobilistike  qe  kane  ndertuar  austriaket,  ne  Luften  e  Pare  Boterore,  dolen  ne  mehallen  Beqiraj,  ne  Derrase,  ne  Perroin  e  Llaskos,  tek  shtepia  e  Safet  Ahmetit  dhe  erdhen  ne  shtepine ( kasolle)  te  nuses.  Karafil  Mahmuti  ishte  udherrefyes,  por  dhe  te  tjere   krushq,  nuk   ishin  te  paditur,  mbi  udhet  qe   te   shpinin   ne   avlline   tone.

Sipas  tradites,   mbasi   moren   nusen,   krushqit,  per  te  vajtur  ne  shtepine  e  dhendrrit,  ne  Krahes  nuk  duhet  te  kalonin  ne  te  njejten  udhe,  nga  erdhen.  Ata  dolen  tek  Buza,  neper  udhen  e  pjerret  zbriten  tek  Shtegu  i  Veldonit,  u  ngjiten  ne  Fierin  e  Metes  dhe  moren  udhen  neper  Arat  e  Buta,  dolen  ne  Saloniq  dhe  zbriten   e  dolen  afer  qendres  te  lokalitetit  te  Krahasit,  pastaj,  neper  shtratin  e  udhes  automobilistike  qe te  con  ne  Fier,  mberriten  ne  Llakaj,  ku,   gjithashtu  ishte  e  ngrehur dasma.

Ate  dite,  nuk  pushoi  shiu. Shi i dendur, m ere. U shkrehen qiejt. Dikush , nga dasmoret tha:” “Paska  kruajtur  tiganet  dhe  kusite  e  Xhevitit,  Lumturia”!  Nje  tjeter  ia  priti:  “ku  ti  gjente  ato,  me  lakra   eshte   rritur   kocja”.  Udha  nga  kaluan  krushqit  me  nusen  mbi  kale,  ishte  tejet  e  veshtire.  Ne  pjesen  me  te  madhe,  ajo  kalonte  neper  monopate, ne  ate  udhe  ku  shkojne  vetem  dhite. Guret  e  bardhe  e  te  medhenj  qe   mbushin  udhen,  i  pengonin  kuajt  per  te  ecur  me  shpejtesi.  Tek  Shtegu  i  Veldonit,  ishin  disa  shkembinj  te  medhenj  dhe  nje  shkalle e larte.  Ne  ngjitje  shkallet  bene  qe  kali  te  gulconte  e  tentoi  te  pengohej.  Skenderi  qe  mbante  per  krahu  Lumturine,  kur  pa  se  rrezikohej   per  tu  rrezuar  nusja,  sikur   ta  parandjente  rrezikun,  i  bertiti  kalit:” Plac,  te  hengert  butri;   yt  zot,  nuk  te  paska  dhene  tershere  mbreme,  por  te  paska  dhene  elb”!  E  degjoi  Lumturia  mbi  kale  e  qeshi, lehte ( u  ksinj).  “ Pusho,  Ti,  i  tha  Skenderi,  se  na  turperove”!  Dilaveri,  si  vella  i  Lumturise, ne  vend  qe  te  percillte  motren  tek  burri,  ishte  me  dhente  e  qinosise  ne  Fierin  e  Metes,  dhe  e  veshtroi  karvanin  e  krushqve  tek  ngjitej  udhes  se  verber  per  ne  Arat  e Buta.  Ne  vend  te  tij,  Xhaxhakua  caktoi  Reshatin,  i  cili  ishte  rritur  me  Lumturine  dhe  te  dy  kishin  pire  sise,  tek  nenat  e  njeri – tjetrit.

Gezimi  dhe  te  shtenat  me  arme,  ate  nate  u  shperngulen  nga  Nelajt  e  Kalivacit  ne  Llakaj  te  Krahesit,  ku   krushqit   u   priten   me   nderimet  qe  u  takonin  dhe  Lumturia,  me  gezimin  qe  shkaktoi ardhja  e  saj.  Midis  dy  familjeve,  miqesia  e  lashte  u  riperteri  e  u  dyfishua.  Hasime  Mahmutes, i erdhi  ne  vater,  nje  nuse,  por  nje  nuse  jo  si  te  tjerat;  ate  do  ta  kishte:  Nuse,  bije  dhe shoqe,  me  te  cilen  Ajo  mund  te  bisedonte  sikur  te  ishin  dy  motra,  jo  si  nusja  me  vjehrren.

Ne  Tirane,  me  28  nentor  2018                                           Shkrojti  Niazi  Nelaj –  vella  i Lumturise

Fund  i  pjeses  te  pare;  pjesa  e  dyte  vijon,  ajo  perfshin  jeten e  Lumturise  ne  Llakaj.

Ne Kalivac te Tepelenes, qe ne kohe te kohes ka ekzistuar nje mulli bloje  me  emrin: Mulliri  i  Gurres.  Ky  mulli  e  ka  marre  emrin  nga  vendi  ku  eshte  ndertuar.  Te  paret  e  Dukeve  te  Gusmarit  te  rrethit  te  Tepelenes,  duke  shfrytezuar  ujet  akullt  e  te  qarte,  si  kristal  qe  buron  nga  shkembi buze  Vjoses,  invenstuan  ndertimin  e  nje  tuneli  rreth  200  metra  te  gjate  dhe  nje  kanal  per  te  prure  ujin,  ne  filaqine  e  mullirit. Nje  mur  i  larte  mbajtes,  i  ngritur  me  gure  te  skalitur  e  i  lidhur  me  llac  gelqere,  se  bashku  me  tunelin  e  gjate  dhe  me  aksesoret  qe  realizojne  blojen,  formojne  nje  ansambel  te  bukur  e  me  vlera  historike,  disa  nga  te   cilat,   i   ka   perpire   vandalizmi. Ne  kete  mulli  bloje,  zakonisht  benin  miell  fshataret  nga  Kalivaci  i  Tepelenes;  disa  nga  Kuta  e  nga  Corrushi  por  dhe  nga  fshatra  te  tjere. Ne  kohe  me  lageshti,  kur  ne  filaqite  e  mullinjve  sezonale si  ai  i  Shehut,  ne  Corrush, te Celos e te Malos,  ne  Toc,  kishin  uje   e  rralle  here   ne  ate  te  Sinanet,  vinin  per  te  bluar  edhe  banoret  e   kalivacit.

Nese  ishin  te  shumte  ata  qe  bluanin  ne  Mullirin  e  Gurres  kishte  disa  shkaqe  qe  e  determinonin  kete.  Para  se  gjithash,  ujet  qe  rrotullonte  rroten  e  ketij  mulliri,  buronte  nga  shkembi  e  fryhej   nga  lumi  prane  dhe  nuk  shterronte  kurre;  si  ne  dimer  dhe  ne  vere.  Ndoshta  cmimi  i  bluarjes  ne  kete  mulli,  ishte  me  i  ulet  nga  ai  i  mullinjve  me  vije  uji  te  grumbulluar  nga  perrenjte  apo  nga  rrekete,  mbasi  uji  i  tij  sigurohej  pa  shpenzime  shtese.  Faktori  baze  qe  i  mbante  te  lidhur  fshataret  e  treves,  me  kete  mulli,  mendoj  se  ishte  cilesia  e  larte  e  miellit  dhe  sjellja  dashamirese  e  me  korrktese  e  mullisit   nga  Nivica  –  Mufit  Xhaferi ( Qamili).  Mufiti  ka  qene  menaxher  i  Mullirit  te  Gurres  qe  ne  femijerine  time.  Ai  u  pershtat,  natyrshem  me  fshataret  e  Kalivacit  dhe,  me  qendrimin  e  tij,  u  be  i  preferuari  i  tyre.

 Familja  qe  krijoi  Mufit  Xaferi ( Qamili),  ne  Kalivac  te  Tepelenes,  njihej  si  cerdhe  tejet  humane  dhe  korrekte.  Nena  e  tij,  Merushja  dhe  bashkeshortja  Hasime,  dy  labushe  te  tradites  ishin  shume  punetore,  pastertore, dashamiresi e  me  shpirt  human.  Ato  te  dyja  dhe  vete  Mufiti  ishin  shume  bamires. Bamiresia  e  tyre  kishte  natyre  te  ndryshme.  Nese  Mufiti  ishte  tolerant  dhe  e  bente  njerin  sy  qorr  e  njerin  vesh  te  shurdhet  kur  ishte  puna  per  te  marre  ujemin  duke  u  bere  leshim  atyre  qe  sillnin  per  te  bluar  pak  drithe,  ose  e  fshinte  mire,   qe  te  mos  mbetej  asnje  breze  miell  ne  folene  ku  fle  rrota  e  mullirit.  Me  bie  ne  mend  nje dialog  i  tij  me  Nenen  time,  kur  ajo  kishte  cuar  ne  mulli  20  kg  miser  per  te  bluar:  “ Po  cfare  ujemi  te  te  marr  ty,  moj  Zonje?  misrin  tend  do  ta  mbajne  veglat  e  mullirit  qe  bluajne  drithin;  apo  nuk  e  kam  mullirin  pas  grurit”?  Dhe  nuk  i  mori  fare  ujem.  Dy  grate  qe  banonin  ne  nje  shtepi  me  Mufitin, si  nena  te  dhimbsura,  kur  familja  Xhaferi  pajtoi   yzmeqar  bonjakun  Reshat  Resmi  Nelaj,  ne  moshe  11  vjec,  pas  pervojes  se  pare  te  yzmeqarit  qe  pati  tek  Sefedin  Brahimi,  ne  Corrush,  e  trajtuan  ate,  jo  si  yzmeqar,  por  si  djalin  e  shtepise.

Ata  qe  vinin  per  te  bluar  drithe  ne  Mullirin  e  Gurres,  nga  mhallet  e  Pusit,  te  Kalivacit,  nga  Corrushi  e  nga  Kuta   kalonin  neper  kalvarin  e  nje  udhe  dhish,  mbi  shtrat  guror,  mjaft  te  veshtire.  Udha  kalonte  buze  lumit  te  Vjoses  dhe  midis  shkembinjve  te  larte  qe  bien  si  thike,  ne  te  dyja  anet  e  lumit, tek  Shkembi  i  njohur  i   Ylynecit.  Ajo  udhe  ishte  mjaft  e  ngushte  dhe  kalonte  neper  nje  shtrat  te  rreshqitshem  guri  gelqeror.   Udha,  nga  Sheshi  i  Donijes,  deri  ne  Mullirin  e  Gurres,  ishte  mjaft  e  rrezikshme;  ajo  kalohej  me  veshtiresi  edhe  ne  kembe,  jo  me  me  kafshe  dore  te  ngarkuara  me  drithe.  Vetem  Sheshi  i  Veshtit,  ne  hyrje  te  te  cilit  ka  qene  nje  murane  dhe  poshte  tij  ishte  nje  shpelle  ku  mund  te  strehoheshin  rreth  350  krere  dhi,  sherbente  si  sheshpushim, mes  nje  lendine  me  bar  e  me  shkurre  perrali, xine,  e  drize.

Sa  here  e  kam  pershkuar  ate  udhe,  ne  kembe,  here  i  zbathur  e  here  me  opinga  prej  lekure  lope  te  thare,  te  cilat  beheshin  mjaft  te  rrezikshme se  rreshqisnin  me  keq  se  podkonjte  e  kuajve  te  ngarkuar  me  drithe.  Kur  udha  behej  e  rreshqitshme  aq  sa  nuk  e  menaxhoja  dot  capitjen  i  mbathur,  i  hiqja  fare  opingat  prej  lekure  dhe  atehere,  poplat  e  gureve  mi  nxinin  kembet  e  Nena,  kur  ktheheshim  ne  shtepi,  mi  pallakoste  me  qepe  e  me  kripe.

Para  se  te  mberrinte  tek  Mulliri  i  Gurres,  udha  kalonte  thuajse  ne  buzen  e  ujit.  Po  te  ngrije  koken  lart  e  te  veshtroje  ate  shkemb  gjigand,  mi  vete,   dukej  sikur  ai  do   te  rrezohej  e   mund  te  te  zinte  perfund. Kalimtarin  e  kapte  paniku  mbasi  ai  gjendej  midis  “dy  zjarreve” e  nuk  dinte  nga  te  ruhej;  nga  shkembi  i  thepisur  mbi  koke  apo  nga   valoma  qe  kalonte  poshte  kembeve, me  uterime,  duke  feshferitur  si  rezultat  i  prekjes  te  gjetheve  te  rrapit,  pas  vales  te  ujit.

Per  shkak  te  terrenit  shkembor  ne  te  dy  krahet,  ujet  e  lumit,  aty   shtonte  shpejtesine  e  ngushtonte rrjedhen.  Ne  stinen  e  veres,  kur  ujet  e  lumit  paksohej  dhe   djemte  e  moshes  time, zbritnin  nga Doreza per  tu  lare  ne  lume,  ngaqe  shtrati  i  lumit  ngushtohej  shume,  pa  e  njohur  njeri – tjetrin,  qellonim  me  gure  lumi  dhe  shanim  shoqi – shoqin  me  fjalor  rruge.

Kur  shkonte  ne  mulli,   Nena  me  merrte  me  vete,  per  “ trim”.  Ajo,  zakonisht  shpinte  per  te  bluar  rreth  30 kg.  Drithe;  miser  apo  grure.  Sasia  ishte  e  paket  dhe  radha  per  te  bluar  mund  te  qellonte  jo  nga  drithi (lloji)  qe  shpinte  Ajo.  Problemi  ishte i  mullisit,  mbasi  ai  duhet  te  ishte  mjaft  i  sakte  gjate  pastrimit te  folese  ku  mbetej  mielli  paraardhes, ne  menyre  qe  te  mos  perziheshin  drithrat. Edhe  lodhja  e  mullisit  ishte  me  e  madhe.  Drithin  qe  shpinte  ne  mulli,  Nena  ime  e  ngarkonte  ne  shpine  me  nje  pale  terkuza  te  thurura  vete,  ne  rruge  artizanale   prej  fijesh  leshi  te  dhirte. Me  ngjante  sikur  kishte  ngarkuar  ne  kurriz  shkarpa  te  mbledhura  per  tu  ngrohur, ne  Kocimare  apo  gjethe  per  shtjerrat,  te  cilat  i  bente  ne  Kurrizin  e   Mbretes  ose  ne  Fierin  e  Metes.

 Sasia  e  drithit  qe  conim  per  bluarje,  zakonisht  ishte  nga  racioni  muajor  qe  merrnim,  sipas  frymeve,   ne  depot  e  fshatit  Turan  te  rrethit  te  Tepelenes,  ose  nga  pjesetimi  i  sasise  te  drithit  qe kishim  ne   dispozicion  te  familjes  i  cili  depozitohej  ne  nje  harar   (thes  i  madh),  qe  ndodhej  ne  fund  te  kasolles.  Ne  te  shumten  e  rasteve,  sasia  e  drithit  qe  shpinim  ne  mulli  nuk  ishte  as  sa  njera  ane  e  barres  te  kalit. Atehere,  per  te  plotsuar  ngarksen,  Zonja  e  Madhe  e  Binajve,  mbi  thesin  me  drithe  me  merrte  dhe  mua,  e  une,  nga  kenaqesia  tundja  kembet   qe  me  vareshin, sikur  te  kishja  hipur  mbi  kafshe.  Benim  nje  cope  udhe keshtu, e  une,  jo  vetem  shlodhesha  por  merrja  pak  veten  e  me “ vinin  gjunjet”, te cilet  me  ishin “ prere”  nga  te  pangrenet.  Ne  rastet  kur  une  ndihesha  mire,  Nena,  bente  dru  zjarri,  nga  drizat,  perrallet  dhe  meretet  e  degraduara, te  cilat  ishin  me  peshe  me  te  vogel  dhe  i  bente  si  demek  e  i  hidhte  ne  kurriz, siper  miellit,  per  te  plotsuar  ngarkesen.

Mullisi  nga  Nivica  Mufit  Xhaferi  ( Qamili)  dhe  dy  grate  qe  kishte  ne  shtepi,  flisnin  nje  gjuhe  te  llastuar  labce,  me  akcent  nga  Kurveleshi  i  Siperm,  e  cila  u  shkonte  bukur  per  shtat  kalivacasve.  Te  dyja  grate  zemermira  dhe  bujare,   nga  pervoja  e  jetes,  kishin  mesuar  se  grate  qe  vinin  per  te  bluar,  me  drithe  ne  krah,  te  shoqeruara  nga  femijet  e  tyre  meshkuj,  zakonisht  i   kishin  femijet  te  pangrene  e  me  fytyre  “te  prere”,  nga  urija.  Ato,  derisa  te  bluhej  drithi,  shpejtonin  per  te  ardhur  ne  mulli, me  nje tas  me  pershesh,  apo  me  trahana,  per  te  ushqyer  femijet  shoqerues.  Shpirti  i  tyre  bujar  i  kishte  bere  ato  gra  si  “ engjell  mbrojtes”  i  bashkefshatereve  te  mi  te  varfer.

Mufiti,  priste  sa  te  kalonte  mulliri  ne  bluarje  te  llojit  te  drithit  qe  shpinte  ne  mulli  Nena  ime  dhe  kujdesej  qe  misri  te  bluhej  pas  misri  e  gruri  pas  gruri.  Ai  e  bente  nje  sy  qorr  e  nje  vesh  shurdh  dhe  ne  raste  te  vecante  nuk  merrte  as  ujemin  qe  i  takonte.  E kam  degjuar  vete  kur  dialogonte  me  Zonjen  time,  te  ciles,  me  dashamiresi  i  thoshte: ” Cfare  ujemi  te  te  marr  nga  ty  moj  Zonje  e  Xhevitit?  Drithi  yt  do te  mbetet  neper  guret  e  blojes;  cfare  te  marr  une  e  cfare   do  te  cosh  ti  ne  shtepi”?  Dhe  nuk  merrte  fare  ujem.  Bamiresi  e  paster  kjo!

 Titulli  i  ketij  shkrimi  eshte  disi  intrigues.  Mua  keshtu  me  ngjajne:  Sikur  mokrat  jane  simotra  te  mullirit. Dhe  kete  pozicion  nuk  e   kam  zene  mekot.  Perfundimin  e  bazoj  ne  logjiken  e  thjeshte  se:  si  mulliri  dhe  mokrat  bazohen  ne  te  njejtet  principe  funksionimi   dhe   te   dyja  si  rrjedhoje  e  shtypjes  se  drithit  na  japin  miellin  jetedhenes.  Koncepti  i  bluarjes,  mbetet  i  pandryshuar  per  te  dy  rastet.  Mokrat,  ashtu  si  guret  e  mullirit  jane  dy;  njera  poshte  e  tjetra  siper  saj.  Mes  tyre  kalojne  kokrrat  e  drithit,  te  cilat,  ne  saje  te  presionit ( shtypjes)  qe  ushtron  pesha  e  gureve  mbi  mbi  to,  therrmohen  e  behen  pluhur ( miell).  Nen  efektin  e  forces  centrifugale  qe  perftohet  nga  rrotullimi  i  gureve  te  mullirit   (mokres),  me  shpejtesi,  brezat  e  miellit  ose  pluhuri  i  tij,  shkon  ne  periferi  e  grumbullohet  ne  nje  kthine  te  posacme,  nga  ku  mullisi,  me  nje  lopate  druri  mbush  thesin  e  klintit  te  tij.

Jo  te  gjithe  bashkefshataret  tane  e  kishin  shansin  per  te  cuar  drithe,  ne  mulli.  Ata  qe  dispononin  pak  drithe,  per  te  perftuar  miell,  familjaret  vinin  ne  perdorim  mokrat.  Duhet  thene  se  cilesia  e  miellit  qe  perftohet  nga  bluarja  ne  mulli  eshte  me  e  dobet  nga  ajo  qe  perftohet  nga  bluarja  ne  moker. Njeherazi  nuk  mund  te  diskutohen  perparesite  e  bluarjes  te  drithit  ne  moker.  Po  te  kesh  moker  ne  shtepi,  drithin  e  bluan  me  shpejt  e  kur  te  nevojitet  dhe  nuk  angazhon  nje  njeri,  tere  diten,  per  te  cuar  drithin  ne  mulli.  Mokrat  jane  te  domosdoshme  e  te  pazevendesueshme  kur  behet  fjale  per  te  pergatitur  zairete  e  dimrit.  Copetimi  i  kokrrave  te  grurit  per  te  pergatitur  bollgurin,  nepermjet  bluarjes  ne  moker   ka  vlera  te  pazevendesueshme.  Keshtu  dhe  copetimi  i  kokrrave  te  bizeles,  kockullave,  batheve  etj. te  cilat  nuk  ia  vlen  ti  cosh  ne  mulli.

Ne  Kalivac  te  Tepelenes,  ne  cdo  mehalle  kishte  nje  e  me  teper  pale  mokra.  Ato  familje  qe  nuk  dispononin  mokra  te  tyre,  kur  u  duheshin,  merrnin  hua,  tek  gjitonet.  Ne  Hysodosaj  psh.  Kishte  mokra  ne  shtepine  e  Ahmet  Fejzo  Pashaj,  ne  maje  te  bregut  dhe  ne  ate  te  Hysen  Mahmut  Alidervishaj, e  cila  ishte  e  pozicionuar  ne  hyrje te  mehalles.  Ne  Ahmetaj,  familja  e  Musa  Mehmet  Nelaj,  kishte  dy  pale  mokra;  njera,  me  prmasa  e  me  peshe  me  te  madhe  qe sherbente per  te  bluar  drithera  buke,  kurse  tjetra,  me  e  vogel,  ishte  me  e  lehte  dhe  sherbente  per  te  bluar  kockullat,  bizelet,  bathet  etj.  Familje  tjeter  qe  dispononte  moker,  ne  mehallen  tone,  ishte  ajo  e  mjeshtrit   te  mjeteve  te  kesaj  natyre,  Muharrem  Kamber  Deraj.  Mokrat  e  gege  Tajanes,  i  kishim  si  tonat  e  i  merrnim  ne  cdo  kohe  qe  na  duheshin.  Ne  mehalle  te  tjera   mokra  ka  patur  shume, si  tek  Mucoimajt,  Bejomalajt,  Cinajt etj,  por  ne  nuk  arrinim  ti  merrnim  ato,  per  shkak  te  distances  dhe  peshes  te  rende  te  tyre. Te  lehta  dhe  fine  ishin  mokrat  qe  kishte  ne  familje  Shefit  Qazimi  dhe  Hysenajt,  ne  Hasanimeraj, Danajt,  Dulajt  etj. 

Mokrat  perbeheshin  nga  dy  pjese  ( gure)  te  rrumbullaket. Pjesa  e  siperme  ishte  me  e  lehte  kurse  e  poshtmja  me  e  rende  dhe  sherbente  si  bazament.  Pjeset  e  brendshme  te  mokrave  ishin  te  sheshta  e  te  gdhendura  me  kujdes;  pjesa  e  siperme  i   perngjante  nje   kubeje,  ne  njeren  ane  te  saj  ishte  nje  cope  dru  i  futur,  ne  nje  fole, me  diameter  sa  druri,  i  cili  sherbente  per  te  rrotulluar  mokren.  Nje  bosht  prej  druri  te  forte  me  diameter  sa  vrima  qe  ishte  hapur  per  te  lidhur  dy  pjeset  e  mokres  sherbente  dhe  si  vend  ku  binin  kokrrat  e  drithit  te  cilat  copetoheshin si  rezultat  i  ferkimit  te  dy  pjeseve  te  mokres.  Guret  qe  perbenin  dy  pjeset  e  mokres,  domosdoshmerisht  duhet  te  ishin  prej  graniti   te   zi,  i  cili  eshte  mjaft  i  forte,  punohet  me  lehte  me  dalte,  nuk  ka  damare  dhe   gjate  ferkimit  nuk  copezohet   e   nuk   leshon   grimca  ( cifla). Pesha  e  mokrave  shkon  deri  ne  50  kg.  Ato  jane  veshtiresisht  te  transportueshme,  jo  vetem  per  shkak  te  formes  por  dhe  te  peshes.  Pjeses  te  siperme  te  mokres  i  hapej  nje  grope  ( vrime)  ne  te  cilen  vendosej  nje  cope  dru,  i  forte,  i  cili  sherben  per  te  rrotulluar  mokren.

Ketij  pershkrimi  mendoj  ti  shtoj  nje  ndodhi,  e  cila,  pavaresisht  se  ka  karakter  vetjak,  mund  te  sherbeje  sadopak  per njohjen  e  kalvarit  te  rende  te  urise  qe  kane  perjetuar  shume  bashkefshatare,  ne  vitet  ’50  te  shekullit  te  shkuar,  kur,  ne  mbare  vendin  kishte  pllakosur  zija  e  mallekuar  e  bukes.  

Ishin  vitet  e  NEPIT  ( politika  e  re  ekonomike  alashqiptarce,  e  kopiuar,  sipas  modelit  sovjetik  te  politikave  ekonomike  te  pas  Revolucionit  te  Tetorit.  Kjo  politike  konsistonte  ne  faktin  se  disa  fshatareve  qe  prodhonin  drithera  buke,  shteti  “u  rrinte  mbi  koke”,  si  skifter,  dhe  u  konfiskonte,  pa  shperblim  cdo  kg  drithe  qe  gjykohej  se  ishte  pertej nevojave  te  familjes  bujqesore.  Shteti  i  atehershem  dinte  edhe  kamaret  ku  pillnin  pulat  e  fshatarit  dhe  ua  maste  koken  me  pe  atyre. Spiunet,  me  e  pa  shperblim,  te  zellshem  per  cdo  informacion  qe  jepnin, krenoheshin  me  punen  qe  benin,  pavaresisht  se  demtonin  gjitonin. Disa  bashkefshatare,  te  tromaksur  nga  frika  e  konfiskimit  te  drithit,  nuk  dinin  ku  ta  futnin  ate  cike  bereqet  qe  kishte  prodhuar  ara  e  tyre.  Kam  pare  me  sy,  si  e  fshihmin  disa  njerez  te  fisit  tim,  neper   shkurret  e  Brinjes  te  Qendret,  te  futur  ne  thase  qe  nuk  depertonin ujin,  ate dore  drithe qe  kishin  hequr  menjeane  per  dite  te  veshtira. Ndonjeri  qe  donte  te  shiste  dicka,  per  te  blere  sende  industriale,  te  cilat,  ne  ate  kohe  gjendeshin  me  veshtiresi  e  kishin  cmime  “te  kripura”,  kerkonin  siguri  te  madhe, e  ruheshin  fort  per  tu  shpetuar  syve  te  spiuneve.   Para  ne  qarkullim  kishte  plot,  por  mallrat  ishin  deficitare.  Per  te  shitur  nje  karroqe  drithe,  kerkohej  te  ruhej  ne  maksimum  fshehtesia.  Per  te  arritur  kete,  te  interesuarit  shfrytezoheshin  miqesite,  krushqite,  lidhjet  e  gjakut  e  cdo  shkalle njohje.

Ne  ate  kohe,  Babai  yne  punonte  ne  Minieren  e  Selenices,  ne  sektorin  Kume,  nen  toke  dhe  fitonte  para,  por  ne  ushqeheshim  me  lakra  te  ziera, te  cilat, here  u  hidhnim  kripe  e  nje  pike  vaj  e  se  shumti  i  hanim  pa  to. Te  veshtire  e  kishim  kur  shkonim  ne  shkolle  mbasi  e  merrnim  buken  me  vete,  ne  torben  e  librave. Kur  shoqet  dhe  shoket  e  klases, nxirrnin  buken  me  gjalpe  apo  me  gjize,  te  lyer  persiper,  ne,  pabuksit, na  vinte  turp  te  nxirrnim  lakrat  ndaj  nuk  merrnim  me  vete  asgje  per  te  ngrene.

 Kur  vinte  ne  shtepi,  nga  Selenica,  Babai  na  sillte  ne  nje  torbe  me  disa  buke  gruri,  te  cilave,  ne  te  vegjelit  u  thonim  karavele. Gezonim  e  i  hanim  si  gjelle.  Nena  na  i  priste  ne  rriska  te  holla  e   i  raciononte, qe  ti  kishim  per  disa  dite.  Ne  nje  ardhje  te  radhes,  Babai  solli  nje  tufe  me  kartmonedha,  te  cilat  kishin  vleren  e  fleteve  te  fikut.  E  mbaruam  buken  qe  na  pruri  babai  nga  Selenica  e  iu   kthyem  lakrave  te  ziera.  Duke  shfrytezuar  lidhjet  e  shpallura  e  te  pashpallura,  nje  dite,  te  dy  me  Babane,  morem  udhen  per  te  blere  grure  tek  nje  miku  i  tim  eti  ne  nje  mehalle  tjeter.

 E doja shume Babane, me  kishte  marre  malli  per  eren  e  tij.  Ato  dite  qe  qendroi  ne  familje  nuk  i  ndahesha  kemba – kembes;  merrja  dhe  nga  pjesa  qe  u  takonte  femijeve  te  tjere  te  tij.  Edhe  ne  kete  “ operacion  te  rrezikshem”,  nuk  iu  ndava  tim  eti.  Ai  e  dinte  rrezikun  se  te  dy  mund  te  binim  me  lehte  ne  sy  te  spiuneve  por,  deshi,  sdeshi, nuk  ma  prishte  dot,  prandaj  me  mori  me  vete.

 Ishja  i  pangrene  e  kembet  nuk  me  mbanin.  Babai  ishte  si  une,  por  mbahej  burre  e  nuk  e  jepte  veten  perpara  meje.  Udha  ishte  rreth  40  minuta.  Ajo  gjarperonte  neper  nje  palo  monopat   qe  shfrytezonte  rrekte  e  ujerave,  ne  ate  faqe  te  pjerret,  te  mbuluar  me  shkurre.  Ishte  udhe  ku  qarkullonin  kryesisht  dhite,  por  kalonin  dhe  njerez.  Kakerdhite  e  dhive,  disa  nga  te  cilat  ishin  te  fresketa  dhe  pllakat  e  gurit  gelqeror,  e  benin  te  rreshqitshme,  udhen,  kur  shkelje  mbi  to.  Babai  im  ishte  rritur  coban  me  dhen  dhe  i  kalonte  shtigjet  me  shkathtesine  e  nje  sorkadhi;  une  nuk  i  ndahesha  kemba – kembes,  si   lepur,  duke  vrapuar  qe  ta  arrija.

Mberritem  ne  shtepine  e  mikut  te  babait, ne  ate  mhalle  te  bukur  fisnikesh,  ne  ate  maje  bregu  ku  shtepite  dukeshin  sikur  i  kishte  vendosur  njeri,  me  dore,  prane  njera –tjetres.  Rrallehere  shkoja  ne  ate  mehalle  te  larget,  vec  ne  raste  te  vecante,  sidomos  kur  dilnim  per  te  festuar  Diten  e  Veres  kur  mblidheshim  nje  tufe  femijesh  te  nje  moshe, me  ne  krye  nje  vajze  ose  djale,  qe  sherbente  si  udherrefyes.  Shkonim  dere  me  dere  e  merrnim  prej  nikoqireve  shume  dashuri  e  falmeshendete  per  prinderit  tane.   Banoret  e  mehalles  ku  shkonim nuk  i  njihja  fizikisht  ndonese  nga  rrefimet  e  te  moshuarve  te  fisit  tone  kishja  mesuar  se  kemi  dhene  e  kemi  marre  dhe  se  kemi  lidhje  miqesore  me  “x”  e  me  “y” familje.   Fluturoja  nga  gezimi  se  do  te  blinim  buken  e  jetes. Gezoja  se  ishja  pjese  e  dergates  dhe  do  te  kontribuoja  sadopak  per  te  ushqyer  te  mite.

 Nga  gezimi  i  asaj  qe  pritej  nuk  e  ndjeva  fare  udhen  qe  pershkuam  edhe  pse  kishim  rrugetuar  rreth  40  minuta.  Kur  te  kthehesha  ne  shtepi,  me  nje  torbe  me  grure,  do  te futja dicka ne stomak  e  do  te  shuaja  urine.  I  zoti  i  shtepise,  nje  burre  i  tradites,  i  zgjuar  e  i  beshem,  me  pervoje  jete,  banonte  ne  nje  shtepi  dykateshe te  orientuar  nga   udha  kryesore.  Ai  e  vrojtonte  dhe  e  kontrollonte  si  ne  pellembe  te  dores  kalimin  e  njerezve  ne  ate  udhe  te  verber,  mes  shkurreve.

 Na  kishte  pikasur, dhe  sic  duket  e  dinte  qe  do  te  shkonim  ne  shtepine  e  tij,  ndaj  e  hapi  vete  porten  e  avllise  dhe  na  udhehoqi  te  ngjiteshim  ne  katin  e  dyte  te  baneses,  meshkalle  se  jashtmi. E  ndoqem  nga  pas  dhe  u  gjendem  ne  nje  ode  te  shtruar  me  dhoga.

  Burri  qe  na  mireseardhi  e  na  priu,  u  terhoq  ne  nje  konak  tjeter, ngjitur  me  oden ku  qendronim  une  dhe  Babai,   i  cili  komunikonte  me  oden  dhe,  pas  pak  u  kthye  me  nje  thes  ne  dore                               ku   kishte  futur   nje  sasi  bereqeti  ( aq sa ishte porosia jone).  Pa  vonese  nisi  “operacioni  i  fshehte”.  Pazari  ishit – blerjes  ishte  paracaktuar  e  kushtet  ishin  vndosur  qysh  me  pare.  Nje  karroqe  grure  ( afersisht  10  kg),  kushtonte  30.000  leke.  Po  vrojtoja  me  syceltesi  veprimet  e  shitesit  te  grurit.  I  dridheshin  duart  e  i  merrej  goja  nga  padurimi  e  nga  droja.  Thua se  vuante  nga  parkinsoni. Ishte  mjaft  i  emocionuar  e  i  tensionuar.  Druhej  se  mos  e  kishin  spiunuar  shpirtkatranet.  Mu  duk  sikur  po  shiste  shpirtin,  jo  grurin. Aq  i  hutuar  ishte  burri  sa  nuk  i  shkoi  mendja  te  me  jepte  nje  melle  ( cope)  buke,  sa  per  te  “ prere”  urine.

Babai,  hodhi  ne  krah  thesin  me  grure  e, ne  te  dy,  njeri  pas  tjetrit  dolem  nga  porta   e   avllise  ne  shoqerine  e  te  zotit  te  shtepise  e  u  nisem  ne  udhen  e  kthimit;  andej  nga  kishim  ardhur. Nuk  pame  asnjeri  nga  fqinjet,  as  ne  avllite  e  tyre;  as  ne  udhen me  gure  brendaperbrenda  mehalles.  Cdo  njeri  veshtronte  punet  e  tij.  

Me  hapa  te  rende  e  me  capitje  si   te   pertuar,  te  lodhur  e  me  kembe  qe  shkonin  sa  andej  ketej  sikur  te  kishim  pire  alkool.   Udha  e  verber,  tere  gure  dhe  rrenjet  e  shkurreve  qe  kishin  dale  ne  siperfaqe nga  gerryerja,  perbenin  pengese  tjeter  per  te  ecur  normalisht.  Monopati  dredhonte,  udha  ishte  plot  me  popla;  anash  kishte  plot  shkurre:  xine,  perralli,  mberete,  drize  etj. Kapeshim  e  mbaheshim  pas  tyre  por  nuk  me  mbanin  gjunjet  e  rrezikohesha  te  bija.  Babai  ecte  perpara  meje  por  merakun e  kishte  lene  pas.  Ai,  me  bisht  te  syrit, dhe  nga  zhurma  e  hapave  te mi,  kontrollonte  nese   po   e  ndiqja  ne  ate  monopat  te  gurte. Ne  nje  fare  udhe,  aty  nga  mesi   i   te   tatepjetes,  mu  zu  fryma  e  mu  “prene”  gjunjet,  nga  te  pangrenet.  Nje  lemsh  e  nje   boshllek u  krijua   ne  stomak,  dhe  nje  mjegullim  i  te  parit,  me  detyroi  te  ulesha  mbi  nje  pllake  guri,  te  ftohte.  Babai,  kur  pikasi  se  nuk  po  e  ndiqja  ndaloi;  leshoi  thesin  me  grure  ne  shesh  dhe  u  kthye  nga  une.  “ Cpate”? Me  pyeti! Nuk  me  bejne  gjunjet,  i  thashe,  cilter.  Ai  u  shqetesua  seriozisht  kur  me  pa  te  alivanosur. Babai, futi  doren  ne  thes,  nxorri  nje  dore  grure,  e  kaloi  nga  njera  dore  ne  tjetren,  gjoja  e  hodhi  ne  veri  dhe  ma  futi  ne  goje.  Pertype! Me  tha  se  e  ke  nga  uria.  Ashtu  ishte  vertet:  sapo  gruri  i  copetuar  kaloi  neper  goje  e  ne  organet  e  tjera  te  tretjes,  ndjeva  nje  tjeter  situate  ne  trup.  Mjegullira  nga  syte  mu  largua  dhe  ndjeva  se  kishja  me  teper  energji. I  zoti  i  shtepise,  i  njohur  per  fisnikerine  dhe  per  bujarine  karakteristike  te  tij,  por  na  percolli  shpejt  e  shpejt;  po  te  kishja  futur  ne  goje  nje  cope  buke,  ne  shtepine  e  tij,  mesiguri  nuk  do  te  me  kishte  ngjare  ajo  qe  me  ngjau.

Kur  gjendja  e  lipotimise  me  kaloi  e  mund  te  capitesha,  vijuam  udhen  per  ne  shtepine  tone.  Ne  shtepi  nuk  ishim  vetem  ne  te  dy   te  pangrene. Tri  goje  te  tjera  prisnin  te  cliroheshin  nga  uria,  tek  ajo  torbe  me  grure.  Zonja  e  Madhe  e  Binajve,  kishte  marre  masa  pergatitore.  Ajo  kishte  marre  tek  Ninija  ( Hysnija  e  Musa  Mehmetit)  mokrat  qe  bluanin  drithe  dhe  priste  mepadurim  te  mberrinim,  per  te  bluar  2 – 3  duar  me  grure,  sa  per  te  gatuar  nje  corbe,  e  te  zinim  mullen.  Ne  zjarr  Ajo  kishte  vene  tiganin, e  priste  per  te  ngrohur  ujin,  me   te   cilin  do   te  gatuante  corben.

Kur  mori  ne  dore  grurin  qe  do  te  hidhte  ne  moker,  Ajo,  pikasi  se  Ai  burri  qe  na  shiti  grurin,  e  kishte  patur  drithin  te  perzier  me  gezhytra  (lende  te  huaja  si  egjer,  mollur, kengol,  etj).  “Pu – pu-  tha  Nena: “ Ju  paski  blere  me  shume  llozhura  se  grure”! Sidoqofte,   sapo  e   copetoi  grurin  ne  moker  dhe  sapo  kokrrat  e  tij  zjene  e  u  be  corba,  gojet  tona  te  hapura,  nuk  priten  te  ftohej corba, por  e  kullufiten  ate,  ashtu  sic  po  valonte  akoma  dhe zune mullen.

Copeza  rrefimesh  te  ngjashem,  ne  Kalivacin  e  atyre  viteve,  po  te  qemtosh,  me   durim,  gjen  mjaft.  Fshataret  e  varfer  qe  kaluan  neper  ate  kalvar  urie,  ndoshta  e  ndjejne  akoma,  ne  forma  te  ndryshme,  rrjedhojat  e  padeshiruara,  kryesisht  si  reflekse  ne  gjendjen  shendetesore  te  tyre.  Une,  nga  ana  ime  e  kujtoj  me  neveri  ate  periudhe  e  cila  uroj  te  mos  perseritet!Shkrojti  Niazi  Xhevit  Nelaj              Ne  Tirane –  Janar  2019

( Fjala  ne  dreken  perkujtimore  te  dyzetave  te  Lumturi  Xhevit  Llakaj ( Nelaj),  shtruar  nga  vellezerit  e  Saj).

Me  10  tetor  2018,  ne  restorantin  “  Kurora ”,  ne  Krahes  te  Tepelenes,  u  perkujtua  ndarja  nga  jeta  e  motres  tone  te  vetme:  Lumturi  Xhevit  Llakaj  ( Nelaj),  ne  te  dyzetat  e  saj.  Moren  pjese  djemte  e  saj  dhe  vajza  Fiqret;  vellezerit:  Niazi  e  Dilaver,  si  dhe  mjaft  te  aferm,  miq  e  shoke  te  te  ndjeres.  Me  kete  rast,  pershendeta  te  pranishmit  duke  u  shprehur  mirenjohje  e  respekt. Continue reading Motra jone e dritheruar →

Kjo  pyetje  ka  vetem  nje  pergjigje: Kalivacin  e  kane  nderuar  dhe  e  nderojne,  banoret  e  tij;  kalivacaset  dhe  kalivacasit.  Kush  tjeter?  Pyetja  e  pare  pasohet  nga  nje  tjeter:  Cilet  kalivacas?  Do  te  thoja:  Ata  qe  banojne  ne  fshat  dhe  te  tjere  qe  kane  emigruar  neper  Bote, ose  kane  migruar  brenda  vendit,  por  qe  kur  i   pyesin:  “ Nga  te  kemi ”? –  pergjigjen krenare:  “  Jam  nga  Kalivaci  i  Tepelenes”!   Vetem  kaq,  nuk  mjafton. E  nderon  fshatin  ku  je  lindur  e  ku  te  kane  rritur,  kur  ben  dicka  te  mire  per  te.  Ne  kete  kategori  futen  ata  qe  kane  kontribuar  e  kontribuojne  per  prosperitetin  e  fshatit  ku  u  ka  bere  koka  deng.  Ne  cdo  familje  e  sejcili  individ,  ka cfare  te   deftjote,  per  kete teme,  prandaj,  jane  te  lutur,  te  gjithe  kalivacasit,  te  kontribuojne, me  mendimet  dhe  me  kujtimet  e tyre.  Historia  e  fshatit  nuk  eshte  prone  e  askujt ,  por  e  te  gjithe  banoreve  te  fshatit  Kalivac  te  Tepelenes. Nuk  kam  ne  dore  peshoren  e  farmacistit  e  nuk  jam  pronar  i  se  vertetes,  por  dy  fjale  zemre,  asnjeri  nuk  me  ndalon  dot  ti  them, sic  i  mendoj,  plot  gojen  e  pa  m’u  dredhur  qerpiku. Jetojme  ne  Demokraci  dhe  e  drejta  per  te  shkruar  e  per  te  folur  hapet,  lind  nga  te  qenit  njeri;  ca  me  teper kur je banor i  te njejtit komunitet. Jam  kalivacas  dhe  kam  mendim  te  pavarur  per  fshatin  tim  e  per  banoret  e  tij.  Mendimi  eshte  individual,  sejcili  qe  mendon  ndryshe,  ben  mire  ta  thote,  sic  e  ka  mendimin  e  vet  se  ashtu  sqarohen  me  mire  problemet  dhe  i  afrohemi  te  vertetes  qe  perpiqemi  ta  nxjerrim  ne  shesh.  Po  te  kishja  mundesi ne dhe tagrin  per  ti  grupuar ata  (  ato )  qe  i   bejne  nder  fshatit  tim,  noten  me  te  larte,  madje  jashte  klasifikimit  do  ta  rezervoja  per  Deshmoret  e  Luftes  Nacionalclirimtare,  si   “ ajka”  e  rinise  kalivacase  te  kohes  kur  jetuan  e  u  shuan.  Ata,  te  cilet  cilet   u  flijuan  ne  lulen  e  rinise,  per  t’u  mbajtur  mend,  ashtu  sic  rane  per  Atdhe:  Te  rinj,  burrerore,  trima  te  terbuar  qe  nuk  e  perfillen  vdekjen;  te  zgjuar, e  te  beses. Deshmoret  e  Luftes  Nacionalclirimtare,  me  vepren  e  tyre  heroike  e  zgjodhen  vete  vendin  e  lavdise  te  perjetshme  duke  zene  vendin  e  nderit,  ne  piedestalin  e  lavdise.  Nuk  na  mbetet  tjeter  vec  te  konfirmojme  lavdine  e  tyre  dhe  te  sjellim  fakte  e  argumente  te  rinj,  lidhur  me  bemat  e  tyre.  Pas  tyre,  do  te  vendosja  partizanet  dhe  partizanet,   te  cilet  shperfaqen,  ne  fushen  e  luftes  per  liri  gjithe  tiparet  luftrake  te  nje  populli  rrebel,  me  shpirt te  pamposhtur  kryengrites  i  cili  nuk  duronte  dot  zgjedhen  e  huaj  mbi  supe,  prandaj  u  hodh, masivisht  ne  luftem  per  liri  ku  deftoi  vlera  te  rralla,  morale  dhe  luftarake.

Prej  Luftes  se  Dyte  Boterore,  na  ndajne  me  se  nje  gjysme  shekulli.  Vendin  e  dyfekut  ne  krah, tani   e  zene  vlera  te  tjera njerezore,  te cilat i  sherbejne  besnikerisht  e  me  devotshmeri,  rritjes  te  prosperitetit  te  fshatit tone. Mjaft syresh, edhe aktualidht jane ne funksion te kesaj ideje. Nese  do  te  duhej  te  beja  nje  klasifikim,  duke  perjashtuar  dy  kategorite  e  mesiperme, te cilat nuk mund te vihen ne diskutim,  ne  nje  vend  nderi,  madje  shume  te  respektuar,  do  te ngjitja  arsimtaret nga Kalivaci i  Tepelenes, ato  bija  e  ata  bij,  te  denje,  te  Kalivacit  arsimdashes, te  cilet  kane  perhapur  driten  e  diturise  pa  te  cilen  nuk  mund  te  shkonin  punet  perpara.  U  perulem,  me  mirenjohje  te  thelle,  deri  sa  te  me  kercasen  kryqet,  mesuesve  veterane:  Daut  Hysenaj;  Petrit  Zenelaj;  Xhevaire  dhe  Skender  Xhaferaj;  Xhemile  Ahmet  Mehmetaj  ( Zenelaj );  Shyqyri  Barjam  Hysi; Jashar  Banush  Haderaj;  Baftjar  Arif  Sulaj;  Viktor  Aliu;  Muharremin  e  Hajredinit,  e  shume  te  tjereve.

Te  mos  harrojme  perpjekjet  e  para,  te  kalivacasve,  per  te  perhapur  diturine, e  per  te  ndricuar  mendjet  e  banoreve  analfabete  te  fshatit  tone.  Me  kater  klase  te shkolles  fillore  ishte  Dalipi  i   Nazif  Muharremit, nga  Bozanajt  dhe  Kadriu  i  Rrapo  Danos  nga  Hasanbegajt, ashtu  si  Qaniu  i  Muharrem  Ismailit,  por  ate  qe  dinin  ua  transmetuan,  bujarisht  te  pamesuarve,  neper  kasollet me kashte,  ne  perdheset  e  ftohta  pa  dysheme  e  pa  tavane,  ne  katonj  e  ndonjehere,  ne  qiell te hapet. Shkonte  e  kthehej,  ne  kembe  Kadriu i  Rrapo  Danos  se  udhe  automobilistike e  makina  nuk  kish,  ne  kohe  te  mire  e  ne  llohe,  me  nje  shkop  ne  dore  e  me  nje  cante  ne  sup,  ne  te  cilen  mbante  libra,  fletore  e  lapsa  dhe  nje  cope  trazake,  te  lyer  me  gjize  apo  me  gjalpe,  te  cilen  ia  kishte  mbeshtjelle  me  shume  dashuri  Lulja  e  dhimbsur. Kadriu, here  i  ngrene  e  here i  pa  vene  gje  ne  goje, “ merrte ”  udhen  Kalivac – Levan,  e  kthim  me  misionin  e  shenjte  per  tu  mesuar  shkrim  e  kendim,  levanakeve  analfabete. Te  panumerta  kane  qene  sakrificat  dhe  privacionet  e  mesuesve  kalivacas,  te  cilet,  cirreshin  e  ngjirreshin  per  te  mesuar  vocerraket  e  fshatit  tone,  dhe  shperbleheshin  sa  per  te   blere   nje   cope   buke.  E  ndjej  thelle,  ne  shpirt  dhe  e  them hapet  se  opinioni   i  mire   dhe  shprehja  e  mirenjohjes  per  ate  qe  te  ka  dhene  dije,  eshte  dhurata  me  e  mire  per  njeriun  dhe  nje  gje  qe  nuk  tretet. Nderimi  per  mesuesin  eshte  pa  limit,  si  ne  kohe  e  ne  shpirtin  e  njerezve. Kujtoni  respektin  e  jashtzakonshem  qe  kane  patur  kalivacasit,  per  mesuesit. Ata,  ne  cdo  kohe,  e  kane  patur  vendin  ne  qoshene  e  djathte  te  shtepise  kurse  tani  kryesojne   biseden  e  u degjohet  fjala.  Ndodh  kjo  se  mesuesit  jane, ndoshta me  te  diturit  e  me  te  perkushtuarit  ne  komunitet. Ndonjehere  ngaterrohet  kerkesa  e  llogarise  per  te  mesuar  me  ashpersine  e  mesuesit.  Jane  disa  lende   egzakte,  si  matematika,  fizika  etj.  te  cilat  nuk  jane  aq  te  kapshme;  nxenesit,  me  pak  te  perparuar,   pavaresisht  se  keto  lende  behen  barrikade, duhet  tu  jene  mirenjohes,  jo  ti  percmojne   e  ti  pergojojne  mesuesit “ e  rrepte ”,  te  cilet, ne  fund  te  fundit,  kane  zbrazur  mendjen  e  tyre  per  t’u  mbushur  mendjen  nxenesve  te  prapambetur.

Kalivacas te shquar, madje, ne  pararoje  te  puneve  e  te  halleve,  kane  qene  e  jane  mentaret:  Mirjeta  Deraj;  Niko  Ago ( Varfaj );  Xhelil  Aliu; Nuri  Mehmeti; Shyqyri  Hysi  dhe  vellai  i  tij- Agimi;  Xhevdet  Zenelaj;  Rexhep  Mehmetaj;  Vezir  Muharremaj  dhe  Erandi  e  Xhevahiri,  me  te  njejtin  mbiemer;  Edmiri i  Abazit  nga  Xhaferajt, Bajrami  i  Sabri  Dostit,  etj.  etj. ( eshte  e  pamundur  ti  renditesh  te  gjithe ).

Te  mos  harrojme  se  per  nje  kohe  te  gjate  dhe,  ne  kushte  mjaft  te  veshtira,  kane  punuar,  ne  Kalivac  dhe  per   Kalivacin:  ekonomisti i  pakorruptueshem  Ferrik  Azis  Alidervishaj;  agronomi –  Veip  Dule  Dulaj;  brigadieri  i  blegtorise –  Eqerem  Azbi  Xhaferaj  e  mjaft  te  tjere.  Nje  plejade   dinjitaresh  te  vendosur   e  te  perkushtuar,  nisur  nga  Ali  Nebiu ( Lika),  Sinan  Hasani,  Mehmet Musai,  Tahir  Muharremi,  Sinan  Zeneli, Arif  Qamili,  Novruz  Llakaj,  Shahin Manja;  Kastriot  Ago;  Hajredin  Cizua; Mehmet  Hyseni,  Selfo  Aliu, Daut  Mahmuti, Veli  Aliko,  Jashar  Hysniun,  Haxhi  Xhemali  etj.  Kane  shkrire  gjithe  aftesite,  per  perparimin  e  fshatit  tone.

Banoret  e  Kalivacit  te  Tepelenes,  nuk  jane  bartes   vetem   te  tipareve  burrerore,  si  ato  qe  jane  thene  e  jane  perseritur;   ata  jane  dhe  artiste,  ne  shpirt. Ne  Tirane  banon  e  punon,  nje  artiste  vlerashume,  nga  Kalivaci  i  Tepelenes, e  mirenjohur  ne  tere  vendin  e  jashte  tij.  Ajo  quhet  Mimoza  Xhaferaj  dhe  eshte  vajze  e  kengetarit  te  talentuar  e  te  paharruar  Muharrem  Rushan  Xhaferaj.  Ajo   artiste  duar  e  mendje  flori,  zoteron  artin  e  te  qendisurit  dhe  eshte  modeliste  e  shquar.  Nuk  ma  do  mendja  te  kete  kryer  ndonje  shkolle  te  posacme  apo  te  jete  specializuar  diku  gjetke;  por eshte  vullneti  dhe  talenti  i  saj,  geni  dhe  puna  kembengulese qe  e  kane  bere  te  tille.  Do  te  ngulja  kembe  per  te  theksuar  se   geni,  ka  ndikuar fuqishem. Babai  i  saj, me  ate shkolle  qe  kish, punoi  gjithe  jeten  mbi  rrota, por kdngen labce, nga goja nuk e ndau.  I  paharruari  Muharrem  Rushani  kur  ia  merrte  kenges  se  tij  te  preferuar,  i  sfidonte   te  gjithe  ata  qe  kendonin.  Kenga  e  tij  gjemonte:

“… Pse  nuk  rron,  sa  rron – te  guri ?

Thelleza  qe  me  tremb  dhite;

Atje,  ne  viset  e  tua;

Do  ti  ndertojme  kuvlite;

Kush  te  vret?  Iu  thafte  dora;

Ti  ke  gjithe  bukurite…”

Lexues  te  nderuar:  Kush te  doje  le  te  provoje  te  formuloje  nje  te  tille  poezi  lirike  dhe  njerezore, ne  jatakun  e  vendlindjes  tone.  Kam  patur  ndjesine  se  Bozanajt,  ka  qene  e  eshte  “ djepi ” i  kenges labce.  Ne  ate  mehalle,  kane  kenduar  e  kendojne  labce  te  gjitha  grate  e  te  gjithe  burrat.  Po  te  ulemi  kembekryq   ne   ate   mehalle,  qe  nga  shtepia  e  Azbi  Bakos  deri  tek  ajo  e  Idriz  Agos  dhe  te  veme  veshin  per  te  degjuar  kur  kendohet,  mesiguri  qe  nuk  do  te  zhgenjehemi.  Asgje  nuk  mund  ti  heq,  konkluzionit  te  meparshem.  Bozanajt  jane  bregu  i  bilbilave  te  kenges  labce.  Mirepo,  ne  kohet  qe  jetojme,  ne  balle  te  kengetareve   ka  dale  Profesori  i  Historise,  Shyqyri  Bajram  Hysaj,  te  cilin  e  ka  degjuar  Kalivaci, Tepelena,  Gjirokastra,  Berati, Tirana, etj  dhe  na  ka  perfaqesuar  denjesisht  ne  festivalet  kombetare  dhe  ka  tundur  skena  prestixhioze  evropiane  e  boterore.  Era  qe  fryn  ne  ate  breg  te  bekuar,  me  sa  duket,  ka  “ infektuar ” sic  ndodh  me  polenin  e  luleve  e  te  bimeve  edhe  bregun  fqinje;  ate  qe  quhet  Mecaj.  Kush  tjeter,  me  bukur  se  bashkefshatari  yne  i  varfer por me shpirt artisti  nga  fisi  Dulaj –  Kalo  Gucja,  e  ka  kenduar kengen  labce  vence.  Xha  Kalon,  sic  rrefejne  te  moshuarit, dikur,  e  ftonin  ne  dasma e  ne  gosti,  ne  cilesine  e  kengetarit.  Ai  dhe  i  biri,  Kujtimi  i   paharrruar  ishin  dhe  te  shquar  si  fyelltare.  Po  sot, a  mund  ti  dale  njeri  perpara  Arshiut  te  Azbiut nga  Xhaferajt;  Xhevaires  dhe  bashkeshortit  te  saj –Skenderit,  Krenarit  te  Fatmirit   dhe  kengetareve  te  tjere  brilante nga ajo mehalle te  cilet  mbushin  grupin  folkloric  te  fshatit.

Te  mos  largohemi  nga  kenga  se  ajo  ka  zbukuruar  fejesat,  dasmat  dhe  gezimet  e  kalivacasve ne te gjitha kohet. Kenga  labce,  ne  Kalivac  eshte  kenduar  ne  festa familjare  dhe  kombetare  dhe  ka  hijeshuar  skenat  e  vendit  e  te  botes.  Sa  shume  kohe  ka  kaluar  nga  viti  1965,  kur  kendoi  per  here  te  pare  ne  festivalin  folklorik  te  zones  grupi  polifonik  i  Kalivacit  te  Tepelenes, i  kryesuar  nga  bashkefshatari,  Skender  Muharrem  Nelaj. Kengetare  te  ketij  grupi,  fillimisht  ishin  kalivacasit:  Hydajet  Muharremi;  Nelo  Resmiu; Arshi  Novruzi;  Fuat  Mete  Sulaj;  Ylli  Refat  Bilaj; Qamil  Aliu; Xhemil  Banush  Haderaj;  Hyseni  i   Lico  Kapos;  Shpetimi  dhe  Kujtimi,  nga  Ramajt;  Zengjinja  e  Breshan  Fejzos,  Kthyesi  i  kenges  labce – Nure  Laze  Haderaj  etj.  Virtuozi  Enver  Qemal  Zenelaj   (Mucoimaj ),  e  ka  nderuar  grupin  folklotik  te  Kalivacit,  me  melodite  e  rralla  te  fyellit  te  tij.  Sot,  kengetaret  cilesore  ne  Kalivac  te  Tepelenes,  jane  te  panumert e  i  gjen ne cdo dere.  Me  ze  brilante  jane:  Ladi i Halim Beshirit, nje kthyes shume i  mire; Hektori i  Sherif Pashajt, marres i  “ shklqyer” dhe vellai i  tij- Iljoti,  Perparimi i  Nures; Arshiu i  Azbi Xhaferajt dhe Krenari i  Fatmirit e shume te tjere.  Po te shtojme ata qe jane larguar nga fshati yne, per shkaqe te ndryshen, lista do te behej carcaf.

Nuk  thone  kot  ne  Kalivac  se,  “tek  ka  rrjedhur  do  pikoje”!  Skenderi  i  Muharrem  Hasanit  qe  themeloi  grupin  polifonik  te  fshatit, ia la vendin vellait te tij- Sadikut; ky u pasua nga i  biri- Besniku dhe tani ka arritur “ Statusin “ e kengetarit – Clirimi.  Per  mendimin  tim,  ne,  si  kalivacas  na  duhet  ti  heqem  kapelen, me  nderim,  djalit  nga  Hasanbegajt,  Viktor  Aliu.  Ai, me  perkushtim  dhe  me  aftesi, ka  percjelle shume vite ne Kalivac, ne detyren e veshtire  te  arsimtarit  dhe  si  pergjegjes  i  vatres  se  kultures  te  fshatit. Viktori,  ne  nje  rol  kyc,  si  kengetar  i  grupit  polifonik  te  fshatit  tone,  ne  krah  te  profesorit te nderuar Shyqyri  Barjam  Hysi  dhe i  pasuar  nga  i  paharruari  Besnik Sadik  Nelaj, e i  ndihmuar  nga  Skenderi  i   Fejzo Salikos  dhe  nga bashkeshortja e tij,  Xhevairja  flakerime,  per  shume  vite  ka  qene  nder  me  te  preferuarit  arsimtar  e  kengetar,  ne  Kalivac.  Kjo,  nuk  mjaftoi  per  Ate burre me zemer. Edhe  kur  migroi  ne  Tirane,  si  njeri  qe  e  do  shume  vendlindjen  e  tij  dhe  kerkon  qe  zeri  kalivacas  te mos fiket kurre.  Viktori  nuk  rri  i  qete  e  te  veshtroje  punen  qe  ben  por  ka  ngritur  nje  grup  te  rinjsh  kalivacas,  me  banim  ne  Tirane  e  me  ze  te  bukur,  nga  familjet  e  te  ikurve  nga  fshati  te  cilet  pergatiten  si  kengetare  te  grupit  lab. Nder  ta ia  vlen  te  permend:  marresin  e  “ shkelqyer ”,  Jetnorin  e  Sherifit  dhe  vellane  e  tij  –  Iljotin;  Xheton  e  Halo  Ganiut;  Cimin  e   Skenderit  etj. etj.  Le  te  na  quajne  “ diaspore ”,  me  ironi,  kjo  nuk  na  fyen  edhe  pse  dihet  nenteksti  i   kesaj “ novke ”.  Nje  gje  eshte  e  sigurte:  vlerat  e  kesaj  pune,  do  te  ndihen  gjate,  se  Viktori  punon  per  te  mbajtur  gjalle  shpirtin  e  popullit  te  fshatit tone,  jo  per  te  konfirmuar  veten  e  tij  tashme  te  afirmuar,  si  kengetar.

Ka  nje  lidhje  te  pandare  mes  kenges  dhe  valles  te  kenduar  labce,  e  cila,  ne  Kalivac  te  Tepelenes,  ka  qene  e  mbetet  gezim  per  banoret  vendas. Kur  dasma,  fejesa,  gostia  apo  festa  merr  zjarr  e  njerezit  behen  cakerqejf,  kenga  ia  le  vendin  valles  te  kenduar.   Ka  tradite  te  mire  e  te  lashte  fshati  yne, per  valle  te  kenduar.  Xha  Durka,  nga  Hasanimerajt, i  cili  ishte  lezeti  i  valles,  na  ka  lene  si  “ trashegim ” vallen  e  kenduar,  burrerishte.  Kete tradite  te  mire,  plaku  Durke  Ademi  sikur   e  percolli, se  bashku  me  te  bijen,  Asikon,   ne  nje  maje  bregu, ne  Hasanbegaj,  ku, i  paharruari  Veiz  Dano  Takaj,  rreshqiste,  si  ngjale  me  ze  te  perdredhur  ne  krye te grupit te valltareve. Sikur  ta  kishte  kopiuar,  ne  mehallen  ku  u  be  dhenderr,  Ahmet  Selfo  Zenelaj,  nga  Ahmetajt  kur  dilte  ne  valle,  gjemonte  oda  e  njerezit  i  benin  syte  kater.  Laze   Xhezo  Haderaj,  po  nga  Ahmetajt,  kishte  shkathtesine  e  nje  balerine  dhe  ishte  virtuoz, ne  valle. Ne  Hysodosaj,  ciftit  Kalo  Qazo  e  Mete  Medini, nuk  ua  dilte  njeri, ne  valle, etj.

Mos  valle  era  qe  vjen  nga  Deti  Adriatik,  e  ngopur  me  avuj  uji  te  kripur  dhe  ujet  e  ftohte e te paster te  burimeve  shkembore,  kane  ndikuar  fuqishem  edhe  ne  zerin  brilant  te  kengetareve  te  muzikes  te  kultivuar?  Klodiani  eshte  nga  Ramajt  e Hysodosajve;  Erindi  nga  Xhaferajt,  ne  Mecaj;  Ogerti,  nga  Agajt;  etj. A nuk  ju  ngjan  sikur  ujet  e  burimit  ua  ka  lare  fytin  dhe  kordat  e  zerit  i  kane  te  pastra?  Kengetare  te  tjere,  amatore  e  profesioniste, kane  mbushur  radhet  e  kengetareve  nga  Kalivaci  qe  na  nderojne.  Mjeshtri  i  madh  i  klarinetes,  Jakupi  i  Sulo  Musait, nga Hasanimerajt, i   cili,  me  merite  mban  mbiemrin  e  fshatit  tone,  nuk  trashegoi  ndonje  kulture  muzikore, nga Mbetja dhe nga Sulejmani,  por,  me  talentin  e  tij,  me  shume  durim  e  me vullnet, mesoi ate vegel muzikore te preferuar dhe zanatin te cilin po ia   percjell te birit , ka kapur maja te artit te klarinetes. Pertefi i  Reshatit, i  cili , po afirmohet dhe si kengetar, po ecen , bindshem ne gjurmet e xhaxhait te tij te ndjere – Nelos. Do te thoshja , pa pike dyshimi se Kalivaci I Tepelenes i  perngjan nje kenge te madhe, pa mbarim, ku perfshihen gjithe kalivacasit e kalivacaset. E thene me fjale te tjera, Kalivaci  eshte  nje  kenge  pa  ane  e  pa  fund. Kjo eshte ndjesia ime;  ne gatimin e saj , nuk mund te them se nuk ka ndikuar malli per vendlindjen.

Po  ta  shtrij  pak  me  gjere,  ceshtjen  e  shijes  artistike  te  kalivacasve,  do  te  theksoja  se  ne  cdo  hap  te  jetes,  nje  kalivacas  ka  deftuar  se  ne  shtatin  e  tij,  nuk  ka  vetem  mish,  kocka  e  gjak,  si  tek  te  gjithe  njerezit  por  ka  dhe  art.  Po  te  kishje  mundesi  ta  shtrydhje  nje  kalivacas, sic shtrydhen teshat  kur  lahen,  do  te  dalloje  rrjedhjen  e  artit  te  mirefillte.  Nuk  mund  te  gjykosh  ndryshe,  po  ti  referohesh  jetes  te  atij  komuniteti  vital.  Medini  i  Çelajve;  Qamili  i  Ali  Xhelilit; Ferriku  i  Coban Dules;  Sadiku  i  Xhemal  Banushit;  Veliu  i  Cano  Ademit;  Ilmiu  i  Resul  Nelos,  Halua  i  Gani  Muharremit;  Agimi  i  Muhedin  Salihut,  Saliu  i  Dulajve,  etj,  gdhendjen  e  gurit  te  bardhe  te  fshatit  si  profesion  te  preferuar  nuk  e  kane  kufizuar  vetem  ne  Kalivac  por,  me  duart  e  tyre  kane  gdhendur  zbukurime  me  shije  artistike,  te  cilat  jane  shperngulur  dhe  ne  vendet  fqinje.  Punimet  ne  dru  te  gdhendur,  te  zbukuruara   me   figura   artistike  sipas  fantazise  artistike  te  autorit   qe pergatiste  Ago  Manxhari,  ashtu  si  parmendat  dhe  tevliqet  qe  pergatisnin  artistet: Muharrem  Kamberi;  Azis  Selfua,  Muhedin  Salihu  etj.  kane  perthithur  shijet  artistike  te  banoreve  te  fshatit  tone.  Ne  cdo  familje  kalivacase,  kompleti  per  lerimin  e  tokes  (  parmenda,  zgjedha,  tevliket,  kularet,  plori,  osteni, hekurat,  etj )  ishin  te  pranishme,  pastroheshin, ne  vjeshte  dhe   pronari   i    varte  ne  strehen  e  shtepise  apo  te  kasolles  dhe  i  mbante  ne  gatishmeri  te  plote,  per  sezonin  e  pritshem.  Çdo  pronar  dinte  ti  pergatiste  ato,  vete  por  ata  qe  u  theksuan  me  siper  ishin  me  te  specializuar, mendjendritur  e  duararte.  Kur  njeriu  veshtron   kasollet, te  prgatitura  nga  kalivacasi  i  ndjere  Matush  Ademi,  nga  Dulajt  e  Mecajve;  mullaret  qe  ngrinte  Shyqyri  Abedin Haderaj, nga Ahmetajt;  samaret  qe  bente  Muharrem  Nebiu,  nga  Hasanbegajt etj.;   mbetej  i  habitur  e  nuk  ndahej  lehte  prej  tyre.

Artin  e  gjejme  dhe  ne  kuroren  qe  pergatit  nje   grua, me  ca  terkuza  prej  leshi  te  dhirte  apo  me  litare  lini   duke  i  dhene  me  art  formen  e  nevojshme  te  nje  rrethi  dhe  trashesine  e nevojshme,  sipas  kapacitetit  bartes  dhe  peshes  te   enes  me  uje  qe  do  te  mbaje  ne  koke, nga  Burimi  i  Madh, ne Donije,  deri  ne shtepi,  apo  vandakut  me  bar,  me  kashte,  me  lepushka,  me  dru zjarri etj.  Mos  tju  duket  cudi,  por  e  them,  mbi  bazen  e  njohjes  qe  kam   se  edhe  ne  kerraben  e  nje  cobani,  edhe  ne  kombinimin  e  zileve  e  te  kemboreve,  sipas  tingujve  muzikore,  arti  eshte  doemos i  pranishem.  Nuk  them  per  kaminat  qe  pergatiteshin  ne  Kalivac, me permasa e forma gjeometrike  ku  supervizor  ishte  kalivacasi  me  shpirt  “  arkitekti” i  pashkolle  Hamit  Caush Muharremaj.  Po  punimet  me  dru,  ku,  pas  Asim  “ Çalit”,  nga  Ahmetajt   mjeshtera  u  bene:  Hajriu i  Dule  Alushit, Çelua i  Ago  Manxharit  e  te  tjere bashkefshatare. Te  besh  nje  mur  apo  te  thuresh  nje  gardh  te  bukur,  te  nxjerresh  vajin e ullirit, me  kembe, si  flori,  me  nje  magje  te  thjeshte  druri   (Koresh),  te   besh  vergje   me   palafike,  duke  i  radhitur  kokrrat  e  fikut,  sipas madhesise  te  tyre,  te  shkosh  bukur  nje  varg  me  gjethe  duhani,  te  thuresh  nje  cope  rrobe, nje  llabane apo nje shark  ne tezgjah,  te  qendisesh  me  merak  pajen  e  nuserise  etj;  art  jane.  Mesiguri  keni  vne  re,  nje  pale  corape  te  leshta  te  thurura  me  shtiza  apo  me  grep,  ose  nje  bluze  me  fije  leshi,  te  punuar  me  motive  te  ndryshme  ku  shija  artistike  e  asaj  qe  i  ka  punuar,  eshte  me  e  dukshme.

Nuk  mund  te  dale nje  njeri  e  te  thote  se  per  te  miren  e  fshatit,  kontribuojne  vetem  disa  te  njohur,  te  shkolluar  apo  te  ditur,  te  kamur apo  te fisem.  Jo!  Jo!  Dhe  perseri  jo.  Kalivacin  e  nderojne  dhe  e  lartesojne,  te   gjithe  kalivacasit  dhe  kalivacaset  qe  e  duan  Kalivacin, me  zemer; jo  me  fjale  boshe.  Nje  lopar  qe  terheq  lopen  e  tij,  te  lidhur  prej  briresh  ledh   me  ledh;  e  kullot  e  i  jep  uje  dhe,  ne  darke  e  fut  ne  katua,  ne  kasolle  apo  e  lidh  ne  avlli,  me  gjirin  qe  i  varet,  plot  me  qumesht, nuk  mund  ti  mohoet  kontributi.  Ai  ushqen  femijet  e  familjes  me  ate  qumesht  e  ata,   duke  u  rritur  te  shendoshe  kontribuojne  per  fshatin  e  tyre.  Nje  fshatar  i  thjeshte,  nga  me  te  zakonshmit,  i  cili  leron  token  dhe  e  mbjell  ate,  sipas  kodit  agroteknik, per  pasoje   merr  rendimente  te  larte,  i  ben  mire  familjes  se  tij  dhe  fshatit.  Nje  coban,   i  cili, i  kullot  mire  bagetite,  ne  shi  e  ne  acar  dhe  bagetite  e  tij  dallohen  nga  te  tjereve  eshte  e  sigurte  qe  ka  kontribuar  jo  thjesht  per  vete.  Keshtu  mund  te  numerojme  sa  te  duash  kontributore,  te  cilet  levizin  “ingranazhet”  e  rritjes  te  fshatit  tone. Ata  qe  vetem  sa  shtyjne  kohen,  nuk  jane  te  tille.

Nuk  mund  te  quhen  te  tille,  ata  “ fatkeqe” te cilet   qendrojne  tere  diten,  ne  hije  apo “perkedhelen”  pas  gotes  se  rakise,  vertiten  rreth   filxhanit  te  kafese  si  dhe  te  tjere   qe   e    “vrasin”  kohen  ne  bilardo  e  ne  eurolloto  dhe  konsumojne  djersen  e  te  tjereve.  Nuk  behet  fjale  per  kontribute,  kur  pergojon  te  tjeret,  kur  merresh  me  biografite  e  njerezve,  kur  kerkon  zgjidhje  te  gatshme  dhe  prêt,  me  syte  nga  qielli. Nuk  bie  asgje  nga  qielli,  po  nuk  levizen  duart  e  kembet  e  tua  dhe  po  nuk  u  derdh  djersa lume.

Kalivaci  ka  shume  halle. Hallet  e  tij  nuk  jane  te  vogla.  Kohet  e  fundit,  fshati  yne  i  bekuar eshte  shpallur  njeri  nga  te  100  fshatrat  turistike  te  vendit  tone. Perspektiva  eshte  e  qarte:  Kalivaci  i   bukur  do  te  behet  me  i  bukur,  me  perspektive,  per  tu  kthyer  ne  nje  fshat  turistik.  Kemi  ne  dore  nje  shans  te  madh, historik  do  te  thoja,  i  cili  nuk  i  jepet  kujtdo,  prandaj  nuk  duhet  ta  leme  te  na  iki  nga  dora.  Ato  fjale  te  mira   qe  thuhen  per  fshatin  tone,  jane  te  verteta  e  i  veshtron  kushdo  por,  perparesite  qe  ka  fshati  yne  duhet  ti  kthejme  teresisht  ne   te  mire  te  tij.  Konkretisht:  Pozicionin  gjeografik  e  kemi  ne  anen  tone;  reljevin,  edhe  pse  te  demtuar  vende -vende,  e  kemi  piktoresk; klimen –  te  pershtatshme  per  te  kultivuar  lloj-lloj  frutash  e  perimesh;  lumin  me  gjallesa  te  ushqyeshme  dhe  token, te  begate, i  kemi  si  dhurate,  nga  Zoti;  kullotat  jane  te  larmishme  e  me  kapacitet  kullosor  te  bollshem; mikpritja  kalivacase  eshte  mbreselenese;   njerezit  i  kemi  te  mencur, te  sjellshem e  me  aftesi  per  t’u  pershtatur shpejt  dhe  te papertuar.  Mirepo,  keto  nuk  mjaftojne  edhe  pse  jane  te  pranishme  te dukshme. Çfare  shqeteson?  Kam  pershtypjen  se  disa  kalivacas,  sikur  po  largohen  nga  traditat  e  mira  te  fshatit  tone.  Nuk  ka  rendesi  ku  jetojne  e  ku  punojne;  i  rendesishem  mbetet  nje  fare  ndryshimi  ne  vijen  e  sjelljes  te  tyre.  Nuk  eshte  mire  te  shkelim  mbi  ate  tradite,  e  cila  eshte  krijuar  jo  ne  dhe  nje  dite,  jo  nga  nje  brez  dhe  jo  pa  kundershti.

Hallet e  fshatit  tone  lexuesit  e  nderuar,  sidomos  ata  qe  banojne  ne  Kalivac, i  dine  me  mire  e  i  kane  mbi  supe;  me  mjafton  ti  perserit  e  tua  kujtoj:   “  prerja ”  e  faqes  shkmbore  te  bregores  qe  zbret,  nga  mehalla  e  Hasanbegajve,  ne  lume,  ne  te  dyja  anet  e  Vjoses   eshte  nje  dem i   pallogaritshem  dhe  nje  shemtim  i  shemtuar.  Zhdukja  e  rrepeve  shekullore,  mbyllja  e  burimeve  te  ftohte  shkembore,  prishja  e  gjemise  dhe  pikave  te  mbeshtetjes  te  saj,  zhdukja  e  pajisjeve  lundruese  dhe  nxjerrja  jashte  funksionit  e   pajisjeve   qe   e  mbanin  ate  etj,  s’jane  vec  disa  shemtime,  nga  me  te  dhimbshmet  e  te  pariparueshme.  Edhe  nje  kalimtar  i  rastesishem  e  dallon  lehte  grabitjen  qe  i  eshte  bere  pasurise  te  fshatit;  gurit  te  bardhe,  gelqeror, nga  jokalivacas,  te  cilet,  pervec  qe  kane  grabitur  gurin,  pa  shperblim,  por  jane  deftuar,  sic  jane,  makute  dhe  vandale.  Mire,  guret  qe  gdhendi  mjeshtri  Ferrik  Çobani  dhe  familjaret  e  tij,  kryesisht  ne  Derrasen  e  Kripes,  me  fitime  te  ndieshme  qe  shkuan  ne  te  mire  te nje  familje  vendase,  po  fitimet  e   ketyre  vandaleve,  ku  shkuan?

Fushen  e  Leshjes,  ate  “ sini ”  aq  prodhimtare,  qe  e  “  fshiu ”  lumi  i  eger,  i  favorizuar  nga  pazotesia  jone. Po  kocimarja  e  Dokes,  e  Grykave,  e  Trapit  te  Çesmes, e  Bregut  te  Varreve  dhe  mbi  Kullustra,  pse  u  la  te  merrte  udhen  e  Fierit,  per  te  mbushur  fushen  e  druve  duke  e  lene  te  zhveshur,  ate  bukuri  te  rralle  e  cila  buronte  nga   bimesia  shumevjecare, me  gjelberimin  e  saj  gjithevjetor.  Turizmi  ka  dhe  mjaft  halle  e  probleme  te  tjere.  Nese  pretendojme  te  perfshihemi  ne  turizmin  familjar,  edhe  kushtet  e  jeteses,  ne  shtepite  kalivacase,  duhet  te  jene  bashkekohore.  I  huaji  apo  vendasi  qe  vjen  ne  Kalivac  per  te  pushuar  e  per  tu relaksuar,  nuk  e  zgjidh  lehte  qesene.  Ai,  mezi  i  ka  mbledhur  ato  para  dhe  me  to  kerkon  te  kenaqe  syte,  stomakun,  te  flere  paster  dhe  qete,  si  dhe  te  jete  i  sigurt. Nje  turist,  kerkon  te  gjeje  ne  Kalivac,  ato  qe  nuk  i  gjen  lehte  ne  vendin  e  tij.  Psh:  Atij  do  ti  pelqente  ajri  i  paster  dhe  mjedisi  i  paster,  ne  mengjes  do  te  donte  te  degjomte  kengen  e  kaposhit,  gjate  dites,  do  te  deshironte  te  degjonte  “ simfonine ”  e   kemboreve  dhe  te  zileve;  ne  mengjes  do  te  donte  te  zgjohej  nga  zhurma  e  dybekeve,  i    pelqejne  blegerimat, do  te  deshironte  te  veshtronte  nje  njeri  te  veshur  me  kostum  tradicional,  ta  fotografonte  ate  dhe  te  vishej  edhe  vete,  si  ai;  te  fotografonte  nje  qen  stani;  te  degjonte  si  i  bertasin  njeri-tjetrit,  fshataret,  ne  distance,  kur  nuk  disponojne  telephone;  te  veshtronte  si  punohet  toka  me  mjete  primitive;  te  veshtronte  nje  shtepi  muze  ku  te  kishte  eksponate  te  tradites  kalivacase  ne  shekuj,  te  hante  byrek,  yshmer,  qullapite, trahana,  revani  ne  sac,  pekmez;  urrel,  te  shijonte  mishin  te  pjekur  ne  hell,  duke  vrojtuar  e  fotografuar   te  gjithe  proceset,  qe  nga  therja,  rjepja,  kriposja,  pjekja  etj.  Ai  ( ajo ),  ndoshta  do  te  deshironte dhe  te  degjonte  e  te  regjistronte  nje  kenge  labce,  nje  dolli  e  nje  miresi,  te  ulej  ne  nje  qoshe  e  te  degjonte  si  diskutohej  ne  oden  e  burrave   (grave),  etj.  Keto,  te  gjitha  jane  e  mund  te  sigurohen  ne   fshatin   tone   por   ceshtja   shtrohet   te  dime  ti  paraqesim  sa  me  afer  kerkesave  te  turisteve  te  mundshem.  Permiresimi  i  rrugeve  lidhese,  eshte  i  domosdoshem.  Turisti,  vertet  kerkon  te  ece  ne  kembe,  per  te  shkelur  e  per  te  pare  cdo  gje  te  mundur,  por  kerkon  qe  makina  e  vogel  e  tij  ta  ndjeke  nga  pas.  Si  keto,  ka  plot  kerkesa  te  tjera  te  cilat  do  te na  i  parashtroje  jeta;  ato  jane  plotesisht  te  realizueshme, me  kusht   qe  Kerkesat  do  ti  bejne  realitet  kalivacasit,  jo  ata  qe  do  te  vijne  per  te  bere  turizem.  Vetem  atehere,  kalivaci  yne  i  dashur  do  te  behet  sic  e  duam  te  jete.

Teme  e  ndjeshme,  ka   qene   e   mbetet   mergimi.  Dikush, me  te  drejte   e   ka   njesuar  ate   me   mjerimin,   nje   tjeter   me   mallkimin   e   ku   ta   di   une. Por,   jo   ne   cdo   rast,   mergimi   ka   rezultuar   i    tille.  Ka  dhe  mjaft  raste  kur  mergimtaret,  kane   vajtur  e  jane  ngulur   ne   nje   vend   tjeter,   te   vetmuar  apo  se  bashku  me  familjen  dhe  ndihen  mire;  ne  ndonje  rast,  me  mire  se  ne  Kalivac  dhe  kane  ndihmuar  per  grumbullimin  rreth  tyre  mjaft  te  tjere.  Rasti  i  Luanit  te  Mete  Medinit,  mendoj  se   i   tille  eshte.  Shembulli  pozitiv  i  Nuri  Hamza  Mehmetit, eshte  njeri  nga  rastet  e  mire.  Po  sa  te  tjere  jane  integruar,  qendrueshem  ne  jeten  e  vendasve  dhe  kane  ecur  mire.

Me  emocionon  nje  rast  tipik;   ai  i  djalit  te  kalivacasit  Maksim  Haderaj,  i  cili,  ne  moshen e  adoleshences,  luan  futboll  dhe  eshte  i  talentuar.  Perspektiva  e  tij  eshte  e  qarte,  suksesi  eshte  i  garantuar,  po  te  kemi  parasysh  vullnetin  dhe  durimin  me  te  cilin  djali  stervitet  dhe  interesimin  e  prinderve  te  tij.  Kemi  dhe  raste  kur  kalivacas  te  vecante, si  Luani  i  Rexhep  Ahmetit, i  cili,  ne  kerkim  te nje  jete  me  te  mire,  u  shperngul,  nga  Greqia  ne  nje  vend  me  te  zhvilluar,  ashtu  si  djali  i  Kadri  Rrapos,  i  cili  u  bashkua  me  vellane,  ne  nje  vend  me  demokraci  te  konsoliduar  ku  dhe  perfitimet  materiale  jane  me  te mira.  Rruge  te  tille  ndoqen  dhe  femijet  e  Haxhi  Xhemalit,  per  t’u  bashkuar  njeri  me  tjetrin  e  per  te  jetuar  me  mire. Te  mos  hidhemi  ne  Itali, ku  mjaft  kalivacas,  sic jane  djemte  e  Petrit  Sheme  Zenelit,  binjaket  e  Kastriot  Agos,  djemte  e  Mehmet  Musait,  vajza  e  Nelo  Resmiut,  ajo  e  Selman Resulit, vajza  e  Qamil  Pashos,  Natasha  e  Rexhepit,  Neta  e  Skenderit,  etj.  te  cilet,  sillen  mire,   punojne  e  jetojne  per  bukuri, me  djersen  e  ballit.

Ai   qe   e   mban   ne   kurriz,  e   di   me   mire   kete.  Sido  qe  te  jete,  mergimi  eshte  i  rende. Mergimtaret,  vertet  jane  te  nderuar,  por  dhe  te  detyruar  te  braktisin  fshatin  e  tyre.   Me   pare,  kalivacasit,  largimit  per  ne  vende  te  tjere,  per  te  kerkuar  nje  jete  e  nje  shperblim  me  te  mire,  i  kane  thene  kurbet.  Kjo   fjale,  ka   marre   si   epitet  “ mjerimin”  se  i  tille  ishte  dhe,  ne  fakt  mjerim  sillte  ne  vatrat  kalivacase.  Le  te  rrugetojme  ne  kohe,  ne  vitet  kur  bashkefshataret  tane,  nje  nga  nje  apo   ne   grupe,  sipas  perkatesise  fisnore   apo   sipas   lidhjeve   miqesore  qe   kishin,  me  nje  torbe   ne   krah   ku   zakonisht  mbanin   ushqim,  per   aq   dite   sa   te   mberrinin   ne   vendin   e   piketuar   dhe   ndonje   pale   nderresa,   te   kerrusur   nga   barra   e   halleve   qe   mbanin   mbi   supe   e   te   menduar,  rrugetonin,  dite  e  nate,  ne  kembe  e  ne  mot  variabil,  te  lodhur  e  te  raskapitur,  ne  vere  u  thahej  buza  per  nje  pike  uje  e  ne  dimer  kishin  mall  te   uleshin  prane  zjarrit. Rrugetonin  te  ngrysur  e  te  menduar,  duke  thithur  duhanin  qe  kerciste,  nga fortesia.  Ata  linin  pas  nenen,  shpesh  kercure,  babane, po ta  kishin  ne  jete,  vatren  ku  kishin  lindur,  nusen  e  re,  te  ciles  akoma  nuk  i  kishin  shijuar  nuserine,  nje  mal  me  halle  dhe,  duke  bere  paralelizma,  mendonin  se  edhe  mund  te  mos  ktheheshin  me  si  te tjere  para  tyre.  Shembujt  negative  nuk  mungojne,  madje  jane  me  tepri.  Se  shumti  bashkefshataret  tane,  merrnin  udhen  per  ne  Anadol  (  Turqi );  te  pakte shkonin  ne  Greqi  e  ne  Itali  dhe  akoma  me  te  pakte  ishin  ata  qe  kapercyen  Oqeanin  Atlantik  e  preken  “ token  e  premtuar ”.  Po  cfare  sillnin  andej?  Nje  ose  disa  valixhe  me  placka,  se  shumti  si  dhurata  per  familjaret  dhe  te  afermit  e  tyre.  Vetem  Demir  Rrapo  Zenelaj  (  Mucoimaj ),  pruri  nga  Bostoni  ku  punonte  libra  e  revista,  ne  gjuhen  shqipe,  me   te  cilat  hapi  nje  kurs.  Ata  qe  ktheheshin  nga  kurbeti  ne  Turqi,  sillnin  shtresa  e  mbulesa ( dysheke  e  jorgane ),  ene  te  bakerta  dhe   ndonje  qese  me  flori,  te  varur  ne  qafe.  Me  keto  para,  dikush  bente  shtepi,  nje  tjeter  blinte  troje,  toke,  apo  bageti,  nje  i  trete,  martohej  dhe  borxhlinjte  hallemedhenj shlyenin borxhet. Veshtroni  me  kujdes:  Mjerimi  ka  qene  i  pranishem  ne  cdo  udhe  qe  merrnin  kalivacasit,  per  te  bere  kurbet,  prandaj  kurbeti  eshte  nemur  e  mallekuar  me  shpirt.  Sa  kalivacas   kane   humbur   udheve   te   kurbetit?   Disave   nuk   u   dihet   as   historia;   as   varri.   Asim  Malua;  Qazim  Alikua;  Malko  Binua; Selman  Nelua;  vellai  i  Zagoll  Salikos;  vellai  i  Mane  Tafilit; Mino  Jacja;  Hamza  Rushani  etj. njihen sit e tille. Po  ata  qe  kaluan  neper  male  e  disa  nuk  u  kthyen  prej  andej  por  i  kerkojne, sot  e  kesaj  dite  femijet  qe  jane  rritur  pa  baba?

Nuk  mund  te  mohohet  fakti  se   edhe   brenda   ketij   mjerimi,   kishte   dicka   pozitive. Prandaj,  jo   cdo   gje   duhet   ta  cmojme   bardhe   e   zi  dhe  ta  vizatojme   me  ngjyra   te  erreta.  Po  ti  referohemi   praktikes  kalivacase, ata   qe  shkonin  ne  kurbet,  rrugetonin  larg  e  veshtronin ( njihnin )  te  tjere  sinore,  jetonin  atje  per  aq  kohe  sa  mundnin  dhe,  kur  ktheheshin,  kishin  “ marre ”  dicka,  mbi menyren  e  te  jetuarit,  shkembenin  kulturat,  perfitonin  dhe  te  mira  materiale, me  te  cilat permiresuan  jeten  ne  Kalivac.

E  zgjata  kete ceshtje, jo per tju bezdisur por se me   duket   aktuale  dhe   e  ndjeshme.  Dihet   se   kohet   kane   ndryshuar   e   njerezit   nuk    jane po ata.  Si paraardhesit e tyre,  ne   vitet  ’90   te   shekullit   qe   percollem,  por   dhe  ne  vazhdim,  vajzat  dhe  djemte  e  Kalivacit,  kur  krijohen  kushtet, marrin   udhen   e    emigracionit. Aktualisht  kushtet   jane  te  tille,  qe  mund  te  udhetohet  larg  e  brenda  nje  kohe  te  shkurter.  Kalivacasit,  tashme  i  gjen  jo  vetem  ne  vendet  fqinje,  por  dhe  ne  distance  te  larget.  E bija  e  Mehmet  Azis  Kalemaj,  ka  emigruar  ne  Australine  e  larget;  Gjylua  e  Qemal  Sherifit,  banon  ne  Boston;  Rexhepi  i  Hamza  Sheshos,  gjithashtu  ka   shkuar  ne  Shtetet  e  Bashkuara  te  Amerikes;  djemte  binjake  te  Kastriot  Agos,  punojne  e  jetojne  ne  Itali.  Ne  kete  vend,  jetojne  e  punojne  dhe  dy  djemte e  Petrit  Sheme  Zenelaj,  dy  djem  te  Mehmet  Musait,  vajza  e  Skenderit  dhe  Silvana  e  Nelos,  Adelina,  Majlinda  e  shume  te  tjere.  Ne  Suedine  e  ftohte,  jane  sistemuar  femijet  e  Haxhi  Xhemalit,  ne  Greqi  punojne  e  jetojne  dhjetra  bashkefshatare  e  bashkefshatare. Ne Belgjike  punon  e  jeton  Altini,  i  biri  i  fisnikut  Ali  Muharremi  etj.  Ne  Krete,   punon   e   jeton  kalivacasi  zemerzjarr  Pellumbi  i  Llakajve,  i  cili   e  do  shume  Kalivacin.  Ne  Greqi    eshte  vajza   dhe  disa  djem   te  Tahir  Muharremit,  Maksimi i  Jashar  Banushit, Asllani i  Muharrem  Kamberit  dhe  te  tijet,  Luani  i   Mete  Medinit  etj.  Edhe   ne   Britanine   e   Madhe,  kane  shkuar disa   kalivacas,  te  cilet  punojne  e  jetojne, me  djersen  e  ballit  dhe  na  nderojne.  Perparimi  i  Takajve,  i  cili  eshte  i  malluar  per  fshatin,  te   cilin  e  do  shume  e mezi  prêt  te  shkoje. Atij  i  mungon  shtepia  prinderore,   te   tijet,   guret   dhe   perrallet  e  bregoreve,  ka  mall  te  punoje  token  e  te  ushqehet  si  bashkefshataret,  me  fasule  e  me  trahana.  Ai  me  ka  lene  mbrese  dhe  me  faktin  se,   ndonese  punon  ne  nje  fabrike  se  bashku  me  rreth  700  te  tjere  dhe  banon,  ne  nje  mjedis  te  huaj,  ku  njerezit   nuk  flasin   gjuhen  e  tij  jo  vetem  qe  nuk  e  ka  harruar  gjuhen  shqipe, por e flet ate –shqip. Ne  kete  vend  me  demokraci  te  konsoliduar  punojne  e  jetojne  dy  djemte  e  Kadri  Rrapos;  djali  i  Neki  Kasemit i  cili   mban  nje  emer  shume  te  nderuar,  ate  te   Xhemal  Haxhiut  te  paharruar .

Do  te  me  duhej  te  shkruaja   gjate, se  e meriton  plotesisht, per  nje  kalivacas  te  radhes  se  pare, i   cili  i  ka  bere  nder  qe  ne  vaktit  fshatit  tone ( qe ne rinine e tij),  por  edhe  tani,  ne  vitet  e  pjekurise,  larg  Kalivacit  ku  u  lind  e  u  mekemb, me  dashurine  qe  i  mekuan  prinderit,  per  cdo  pellembe  toke,  te  Brinjes  se  Beut,  e  cila  mori  emrin   Ruc,  por  dhe  per  tere  Kalivacin,  Nuri  Hamza  Mehmetaj,  mbetet  nderi  i  fshatit  tone.  Gazetari  me  emer, dinjitari  i  zgjuar,  zemerzjarrte  e  fjaleshpate,  tani  kur  ka  mbi  shpine  shume  vite   jete  teper aktive, te  mbushur  me “ prodhimtari te begate”,  e  nuk  eshte  kerrusur,  as  nga  vitet,  as  nga  hallet  e  nga  bamiresite,  gjallon  si  dikur,  ne  rinine e tij,  i  palodhur,  i  sakte,  fjaleqarte  e gojemjalte, mendjekthjellet, i  dhimbsur  e  i  gjendur  si  ai.    Nuriu   u  ndodh  me  fat  qe  u  lidh  me  njeren  nga  vajzat  me  te  bukura  e  me  te  mencura  te  fshatit,  me  fisniken  Xhemile  Mehmetaj  Zenelaj,  te  bijen  e  Ahmet  Selfos,  nga  Ahmetajt.  Nuriut  ia  shton  shume  vlerat  veprimi  i  tij  qe  i  kapercen  kufijte  e  humanizmit  e  te  perkrahjes  fisnore.  Ai,  ne  kushte  qe  dihen,  emigroi  ne  shtetin  Austriak  dhe  u  vendos  ne  Grac.  Mirepo,  xha  Hamzai,  ne  cift  me  te  miren  Sose,  kishte  lindur  e  kishte  rritur shume  femije,  te  cilet  e  duan  shume  Kalivacin  por  per  te  jetuar  me  mire,  i  hodhen  syte  larg.  Ne  Austri ( Grac ),  ata   gjeten  perkrahjen  dhe  mbeshtetjen  e  Nuriut  e  te  Xhemiles. Ndoshta  kemi  te  bejme  me  nje  rast  unik,  kur  nje  deli  djale  si  Nuriu  i  Hamzait,  ka  grumbulluar  rreth  vetes  nje  komunitet  te  tere  kalivacas,  te   cileve   u   rreh  zemra   per  vendin  tone  dhe  per  Kalivacin  e  bekuar. Sa  hapsira  ka  qe  duhen  shfrytezuar,  per  te  arritur  nje  kohezion  kalivacasish, larg  Kalivacit.

Pa  medyshje,  edhe  pse  nuk  e  kam  perjetuar,  puna  ne  emigracion  eshte  teper  e  rende  dhe  jetesa,  ne   kushtet  larg   vatres  ku  te  ka  “ rene  koka ”  nuk  eshte  si  e  banoreve vendas.  Nese  emigrantet  bejne  pune  te  renda  e  te  rendomta,  pavaresisht  shkalles  se  kualifikimit  dhe  aftesive  intelektuale  e  fizike  te  tyre  dhe  nuk  shperblehen  sic  punojne,  kjo  eshte  e  kuptueshme e nuk ha koment.  Keshtu  ka  ngjare  dhe  me  pare  e  keshtu  do  te  jete.  Punedhenesi  i  huaj,  te merr  ne  pune  qe  te  fitoje  vete,  jo  qe  te  pasurohesh  ti,  ca  me  pak  ne  kurriz  te  tij.  E kunderta  ndodh,  rendom.  Askujt  nuk  i  ka  tepruar  te  vere  doren  ne  zemer  e  te  mendoje  per  ty.  Mendoni  se  keni  emigruar  ne  nje  vend  te  huaj,  nga  halli,  jo  nga  qejfi,  me  synimin  per  te  gjetur  kushte  me  te  mira  pune  dhe  jetese  dhe  nje  page relativisht  me  te  larte.  Dakort,  keshtu  duhet  te  ndodhe.  Por,  ne   fund   te   fundit,  sejcili  duhet  ta  kete  te  qarte  se  shfrytezimi  kapitalist  mbetet  shfrytezim,  pavaresisht  se  i  veshur  me  petka  te  tjera  e  i  bojatisur nga reklama marramendese.  Çdo  emigrant,  ka  nje  synim  dhe  kur  e  prek  ate ( kur  realizon  qellimin  per  te  cilin  ka  lene  vatren)  ai,  kthehet, andej  nga  ka  ardhur,  ose, kur  gjen  nje  shteg  nga  ku  mund  te  shkoje  ne  nje  vend  tjeter  ku  jetohet  e  punohet  me  mire  kalon  nga  njeri  shtet, ne  tjetrin.  Shembujt  nuk  mungojne.

Kalivacasit, si njerez te zgjuar,  i  nuhatin   shpejt  koniunkturat  dhe  veprojne   vrullshem  ne  pershtatje  me  zhvillimin   e   ngjarjeve.  Me  kane  lene  mbrese  te  thelle,  dy  raste:  Djali  i  kalivacasit  Maksim   Haderit,  nga  Ahmetajt, si  i  talentuar  ne  futboll;  Luani  i  Sulajve,  vajza  e  te  cilit  Lela,  ka  bere  emer  ne  mes  te  Athines, shumemilioneshe, me  mjeshterine  qe  ushtron.  Nuk  mund  te  le  pa  permendur,  atdhetarine  e  zjarrte  te djalit  nga Leshnja,  Pellumbit  te Llakajve  fisnike, i  cili ka ngjare nga rrenja dhe mburret me perkatesine kalivacase, atje, ne Kreten e gurte, si Kalivaci yne.  Keshtu dhe  rolin   teper  aktiv  te    vajzes   te  Tahir  Muharremit, ne  rjetet  sociale, e  cila, si  burrereshe  perballon  jeten  e  veshtire  te  emigracionit,  ne  ishull,  por  mendon  e  ndihmon,  konkretisht, familjaret e saj.

Emigracioni  te  lodh e  te  merzit  dhe  shpesh  behet  i  padurueshem,  por,  aktualisht,  me  teper  shqiptare  jetojne  jashte  vendit  ame   se  sa  brenda  tij.  Brengat  dhe  lodhja  jane  te  shumta,  por,  dhe  perfitimet,  nuk  duhet  ti  hedhim  poshte.  Nje  emigrant,  kudo   ku   ndodhet  e  cdo pune   qe   ben,  ka  disa  prfitime. Se  paku, ai  ka  pare  e  di  dicka   me   teper   nga  ndonje  bashkefshatar  i  tij mundet  edhe  i  se  njejtes  moshe,  nga  ata  qe  e  vrasin  kohen,  tek  lokali  i  Fatmirit  te  Sulos,  ne Maje  te  Derrases,  apo  ne  hijen  e  nje  peme, duke  luajtur  me  letra  ose  me  domino.  Kam  vene  re    mjaft  emigrante,  te  cilet,  kur  jane  kthyer,  nga   kurbeti   jane  te  veshur  ndryshe,  kane   tjeter  komunikim,  paraqesin  kulture  e  horizont  dhe,  pervec  te  hollave  qe  kane  rezervuar  nga  puna  me  meditje,   kane  sjelle  edhe  nje  menyre  tjeter  jetese.  Veshtroni  fshatin  tone  si  eshte  ndryshuar? Jane  ndertuar  banesa te  reja,  me  nje  e  me  dy  kate,  me  planimetri  te  re  dhe  brenda i  kane  mobiluar,  sipas  mundesive  dhe  deshires se tyre.   Eshte  e  vertete  qe  ato  para i kane  mbledhur  me  shume   sakrifica;  sic  kane  thene  ne  Kalivac, “ si  kemba  qelbin ”,  duke  hequr  shpesh  edhe  nga  goja  e  tyre,  por  mundimi   nuk  u  ka  shkuar  kot;  ndryshimi   qe  kane  bere  eshte i  dukshem.  Pa veshtroni ullinjte?  Ata  jane  mbjelle  sipas  teknologjise  te  kohes,  jane  grumbullore  e  nuk  ka  nevoje  te  shqyhet  njeriu  neper  catallat  e  azdisura,  me  nje  shufer  ne  dore.  Keshtu  dhe  rrushi  e  kultura  te  tjera,  te arave apo  peme  frutore.

Vite  me  pare  ishja  ne  shtepine  e  nje  njeriut  tim, i  cili  ishte kthyer  nga  emigracioni  ne  shtetin  fqinje  te  jugut.  Vajta   te   intervistoja  kusheriren  time  te  moshuar,  e  cila  nuk  eshte  me  ne  jete.   U  mrekullova   nga  mjedisi   qe   kishte   krijuar   i    biri.   Pastertia  dhe  rregulli,  ne  banese,  ne  bahce,  ne   rruge  e  kudo,  mbreteronin.  Edhe  makine  te  vogel   te  tipit  Benz  kishte  blere  nipcja.  Ne  tavoline  u  shtruan  gatime  me  shije  dhe  te  pastra,  aksesoret  konkuronin  me  restorantet  me  te  mire  te  kryeqytetit;  elektroshtepiaket  ishin  fringo  te  reja  dhe  te  kohes. Shtepia  e  lyer,  jashte  e  brenda  dhe  dashuria  e  familjareve,  nje  mrekulli  me  vete.

Pa  shkare  ne  propagande  te  rendomte, dua  tu  bej  me  dije  emigranteve  se  Bota  e sotme  eshte,  jo  vetem  ne  coroditje,  por  dhe  ne  nje  krize  te  gjithaneshme.  Mos  u  ligeshtoni  nga  kufizimet  qe   ndeshni, te  cilat  jane  “prurje ” te  kohes  qe  percjellim,  por  besoni  tek  krahet  dhe  ne  aftesite  tuaja,  dhe  kujtoni  qellimin qe i  keni  vene  vetes,  kur moret udhen e mergimit.  Ju  keni  dy   perparesi  te  dukshme,  te  cilat  nuk  iu  lene  ne  balte: Jeni  te  rinj  ne  moshe  dhe keni lere e jeni rritur ne Kalivac te Tepelenes dhe keni tipare  kalivacasi.

Kalivaci  i  Tepelenes,  sic  del  nga  interpretimi  i  zbulimeve  te  pjeseshme  arkeologjike  te  koheve  te  fundit,  te  cilat, lipset  te  kene  vijimesi,  mund  te  jete  njeri  nga  fshatrat  me  te  lashte  e  me  te  medhenj  te  treves  tone.  Mund  te  mendohet  se  edhe  ndonje  fshat  tjeter, rreth  Kalivacit  te  jete  formuar  nen  ndikimin  e  drejtperdrejte  te  fshatit  Kalivac  te  Tepelenes.  Kalivaci  i  sotshem  ngjan  sikur  eshte  shkeputur  nga  Mali  perballe  i  Kudhesit  ( Mali  i  Bardhe ), kurse  lumi  i  Vjoses, sikur  ka  gerryer  e  ka  formuar  vendrrjedhen  shumeshekullore.  Behet  fjale  per  shume  shekuj  te  shkuar, ndoshta  dhe  per  epoka  te  tera.  Arkeologet  dhe  historianet,  gjithe  ata  qe  merren  me  keto  pune,  ne  te  ardhmen,  mesiguri  qe  do  te  impenjohen  me  shume  e  do  t’u  japin  pergjigje  nje  sere  ceshtjeve  qe  ka   hedhur  mbi  tavoline  koha.  Ne,  tani  per  tani,  mbi  bazen  e  atyre  qe  lexojme,  veshtrojme  e  qe  prekim,  na  lind  e  drejta  te  fantazojme,  mbi  bazen  e nje  realiteti  te  dukshem.  Shpellat  e  lashta,  dhe  hambari  ne  faqen  Jugore  te  shkembit  qe  zbret  mbi  lume,  toponimet  me  vlere   qe  gjenden  sheshit,  kudo  neper  fshat,  te  cilat,  kalivacasit  i  kane  pare  e  i  kane  prekur  por   i  kane  shtyre  me  kembe  nga  padija,  dikush  dhe  i  ka  demtuar, ka  ardhur  koha  te  cmohen seriozisht.  Ato  mund  te  sherbejne  si  argument  i  pakontestueshem,  mbi  lashtesine  e  Kalivacit  te  Tepelenes.

Ne  dore  kemi  nje  argument  te  pakundershtueshem.  Kalivaci  i  Tepelenes  eshte  vend  i  bekuar. Bekimi  eshte  konkret;  i  dukshem  e  i  prekshem.  Zona  ku  shtrihet  fshati  yne  i  perket  Makje  shiblakut. Klima  dhe  bimesia  e  tij,  jane  te  pershtatshme  per  jeten  e  njeriut.  Terreni,  toka,  uji,kullotat, peshku,  etj. e  bejne  Kalivacin  te  begate  e  te  lakmuar.  Ne  vite,  Kalivaci  ka  qene  i  lakmuar,  si  nga  fqinjet  dhe  nga  me  te  largetit,  ne  distance.  Prandaj  popullsia  e  fshatit  tone  eshte  e  perzier.  Dyndjet  nuk  kane ngjare  ne  nje  dite;  as  ne  nje  vit  apo  ne  nje  shekull.  Ndoshta  ka  rrjedhur  me  teper  kohe  qe  te   ndodhte  kjo.  Kalivacasi  autokton,  nuk  ka  qene  e  nuk  eshte, ksenofob;  as  racist.  Vecse,  ata  qe  jane  ngulur ne  Kalivac,  nen  trysnine   e  kohes  dhe  te  kushteve  reale,  kane  qene  te  detyruar.  Per  te  mbijetuar,  ata  jane  pershtatur  me  vendasit, dhe  jane  afruar  e  jane  miqesuar  me  ta.  Kesisoj,  mes  kalivacasve  autoktone  dhe  te  ardhurve,  jane  krijuar  lidhje  te  shendosha  e  te  qendrueshme,   te  cilat  kane  qene  faktor  baze  i  mosshkermoqjes te fshatit.

Ne  mungese  te  shkrimeve,  per  te  argumentuar  ate  qe  them,  jam  i  detyruar  ti  referohem  kujteses,  pa  cenuar  privatesine. Ne  fund  te  fundit,  ato  qe  do  te  shkruaj  jane gjera te njohura,  dhe  per  kalivacasit  nuk  perbejne  risi. Eshte  historikisht  e  vertetuar dhe  e  pranuar  se  Mucoimajt,   te  ardhur  ne  mehallen  Ahmetaj,  ne  trojet  e  dajos  se  tyre,  Bektash  Sakos,  fillimisht  kane  qene  vellezerit  Sherif  dhe  Demir  Rrapo.  Bektashi, ne  liidhje  martesore  me  Dylben,  nuk  lane  trashegimtare,  prandaj  ishin  te  detyruar  te  merrnin  ne  shtepi  dy  niperit  e  lartpermendur. Te  ardhurit  nga  Toci,  fillimisht pranuan  llagapin – Sakaj,  me  vone,  ne  rrethana  te  tjera,  ata  u  regjistruan  – Zenelaj.  Ne  fakt  ata  ishin  e  mbeten  Mucoimaj. Dajo  Bektashi  dhe  bashkeshortja  e  tij  –  nikoqirja – Dylbe,  si te tjeret, e  paten  jeten  te  limituar.  Me  qellim  qe  ata,  te  dy  ( Sherifi  dhe  Demiri),  te  mos  ndiheshin  te  vetmuar  kerkuan  dhe  gjeten,  me  mencuri,  lidhje  te  reja.  Djali  i   madh  i  xha  Sherifit – Qemali,  lidhi  martese  me  Hatemen,  te  bijen  e  fisnikut  Musa  Brahush  Bilaj,  nga   Hasanimerajt.  Edhe  djali  i  dyte  i  xha  Sherifit,  Tekiu,  nje  atdhetar  i  zjarrte   dhe  luftetar  i   oreve  te  para,  u  martua,  ne  rrethana  lufte,  me  Nasibene,  te  bijen  e  bashkefshatarit  Ahmet  Fejzo  Pashaj,  nga  mehalla  e  Hysodosajve, e  cila  doli  partizane. Keshtu , familja Mucoimaj, u lidh me miqesi te reja, me kalivacas autoktone e te fuqishem.

Sherif  Rrapua  dhe  vellai   i   tij,  Demiri,  nuk  mund  te  ishin  te  perjetshem.  Ata  iken   por  lane  pas  pinjolle,  te  cilet  e  nderojne  Kalivacin  dhe  u  zihet  emiri  ne  goje.  Muhameti,  djali  i  vetem i  Demirit,  ka  qene  njeri  nga  djemte  me  te  mire  te  fshatit  tone,  ne  te  gjitha  kohet.  Keshtu  dhe  dy  djemte  e  tri  vajzat  e  Tekiut,  te  cilet  jane  te  zotet  e  vetes  dhe  “ bejne  pete ” edhe  per  te  tjere.  Kam  takuar,  te  birin  e  Muhametit – Shkelqimin, ne  Tirane.  Ai  ka  nje  djale  adoleshent,  i  cili  nuk  ka  qene  asnjehere  ne  Kalivac,  por  thote,  plot  gojen  se  eshte  kalivacas  dhe  kerkon  te  dije  sa  me  shume  per  fshatin.  Ah, sikur  te  gjithe  prinderit  kalivacas,  pavaresisht  se  ku  banojne,  ti  mesonin  femijet  e  tyre,  si  Shkelqimi  i  Muhametit. Per  fat  te  keq,  gjendet  edhe  ndonje  90  vjecar,  i  cili  nuk  e  ka  fort  per  zemer  qenien   kalivacas.

Kalivacasit  e  dine   se  ne  Specove,   prej  kohesh  eshte  vendosur  e  jeton  nje  komunitet  i  ardhur  nga  fshati  Dorez.  Ata  jane  natyralizuar  si  kalivacas  dhe  jetojne  ne  harmoni  me  vendasit, madje,  kane  formuar  lidhje  miqesie  me  ta.  Te  ardhur  ne  Kalivac  jane:  Mehmetajt, ne Brinjen e Beut  dhe  pinjollet  e  Coban  Dules  e   Llakajt,  ne  Leshnje;  Pashajt  ne  Hysodosaj;  Bakajt  ( Celajt ),   ne  Bozanaj;  Xhaferajt,  ne  Mecaj,  etj,  Edhe  babai  i  Arif  Qamilit, i  cili  u  vendos  ne  Kalivac,  prej  Vasjarit,  per  t’u  ndjere  ngrohte,  ne  Bregun  e  Hysodosajve  ku  era  te  ckul,  nga  rrenjet,  u  martua  me  te  ndjeren  Sadefe,  motren  e  Laze  e  Banush Xhezos, nga  Ahmetajt.

Ne  kete  shkrim  dua  ti  bej  homazh,  nje  burri  te  vecante,  nje  labi  me  tipare  e  me   pamje  kreshniku,  nje  burri  plot  burreri  e  bese,  nje  trimi  e  nje  njeriu  me  shpirt  njeriu.  E  kam  fjalen  per   te  ardhurin  nga  Doreza,  Muharrem  Qerim  Mehmetaj.  Eshte  nje  rast  i  vecante  e  i  paperseritshem.  Muharremi  dhe  kusheriri  i  tij,  Hamza  Sheshua,  u  shperngulen  nga  Doreza  dhe  u  vendosen  ne  Kalivac,  ne  vendin  e  quajtur  Brinja  e  Beut,  ose,  sic  njihet  rendom  nga  kalivacasit;  ne  Ruc.  Xha  Muharremin,  te  cilin,  te  tijet  e  therrisnin,  me  te  drejte – Baba,  e  kam  njohur  personalisht  dhe  ruaj,  per  ate  burre  tere  autoritet  e  miresi,  kujtime  te  cmuara.  Xha  Muharremi,  erdhi  ne  Kalivac  si  i  huaj  por,  me  sjelljen  e  tij  te  mendafshte, plot  korrektesi  dhe  me  zotesi,  u  hyri  ne  zemer  banoreve  te  Kalivacit,  te  cilet  e  pranuan  si  djalin  e  tyre  dhe,  duke  cmuar  vlerat  e  tij,  e  zgjodhen,   disa  here  kryetar  te  Keshillit  Popullor  te  fshatit. Ne  kete  menyre,  Muharrem  Qerimi,  u  be jo  vetem  babai  i  fisit  por  dhe  i  fshatit.  Jo  vetem  kaq,  Muharrem  Qerimi  lidhi  martese  me  te  bijen  e  Barjam  Delos  e  te  Hatixhese,  motren  e  Tefik  Barjanit,  i  cili  mbante  mbiemrin  Isufaj. Nje  lidhje  e  zgjuar, nga  te  dy  krahet,  e  cila  bashkoi   disa  familje,  me  miqesi  te  sinqerte.

Gjykuar  edhe  nga  ky  fakt  si  dhe  nga  raste  te  ngjashem, mund  te  arrihet  ne  perfundimin  logjik  se  martesat  e  te  ardhurve   me  vendase  dhe  e  kunderta,  ne  Kalivac  te  Tepelenes, jane  shfrytezuar me  zgjuarsi,  mencuri  e  me  largpamesi,  si  rruge  efektive  per  te  forcuar  lidhjet  e  per  te  arritur  kohezionin  egzistues.

Mjaft  kalivacas,  ne  fshatin  tone  dhe  kudo  ku  kane  shkuar,  i  jane  futur  biznesit.  Sipas  mundesise  dhe  aftesive  te  protagonisteve,  bizneset  kane  qene  e  jane  te  natyrave  te  ndryshme.  Ferrik  Çobani,  i  shquar  si  gurgdhendes,  kur  pa  se  nga  zanati  i  tij  kishte  fitim,  te  gjithe  familjen  e  ktheu  ne  gureskalites. Sot,  pinjollet  e  tij,  e  kane  zgjeruar  gamen,  duke  u  kthyer  ne  lider,  ne  fushen  e  ndertimit. Dikujt  i   ka  ecur  mbare  biznesi  e  ka  nxjerre  fitime, te  tjere, jane  perpelitur  ne  dallget e  konkurences,  nuk  ia  kane  dale  mbane  e   kane  falimentuar.  Mund  te  them,  jo  pa  baze  se  tiparet  e  kalivacasve  jane  mjaft  afer  me  ato  qe  nevojiten  per  te  qene  nje  biznesmen i  suksesshem.   Historikisht,  ne  fshatin  tone,  edhe  nje  dyqan  kafeje  qe  ishte  ne  qender  te  fshatit  te  madh(  ne  godinen  e  Teqese  te  Harakopit),  pronar  kishte   Todin,  nga  Policani  i  Gjirokastres. Xha  Telhai  i  Shatrafileve,  i  cili  u  mor,  me  nje  tregti  te  vogel  duke  shitur  me  dore  te  dridhur,  bojra,  penj,  basme,  gjilpera,  rruaza,  etj.  nuk  ishte  nga  Kalivaci,  por  nga  Luzati.  Ndonje  i  moshuar  mund  te  mbaje  mend,  nje  dyqan  me  artikuj  te  kufizuar,  ne  katin  e  pare  te  shtepise  te  Demir  Seitit,  te  cilin  e  menaxhonte  Sulo  Beqiri,  etj.  Ka  nje  lidhje,  te  cilen  nuk  mund  ta  quajme  rastesi.  Arif  Qamili,  ne  kohen  kur  fshati  ishte  i  organizuar  ne  kooperative  bujqesore,  hapi  ne  Hysodosaj  nje  dyqan  shtepie,  me  sende  ushqimore  te  domosdoshme;   djemte  e  tij,  sot  kane  organizuar  e  menaxhojne  biznese  te  suksesshem. Qazo  Mehmeti  e  me  vone  Zaimi  i  Xhemal  Haxhiut me Sadon,  me  shume  sakrifica  organizuan  biznese  te  kufizuar,  me  mall  te  vetin  apo  shteteror  dhe,  ne  kushte  qe  dihen  furnizuan  popullsine  e  kalivacit,  me  sende  te  domosdoshme. Sa  mundesi  te  tjera  ka  qe  nuk  shfrytezohen  dhe  ne  rrime  e  veshtrojme,  si  iken  guri  i  bregoreve  tona, per  zbukurimin  e  shesheve  e  te  ndertesave  te  fqinjeve;  si  ka  ikur  Kocimarja,  ne  fushen  e  druve  te  Fierit   dhe  si  eshte  shemtuar  gryka  e  lumit, nga  te  pangopurit  e  te  paskrupulltit  te  cilet,  mund  ti  quaj  “ Vampire ”.  Konstatoj,  me  keqardhje  se  disa  vlera  te  qenesishme  te  kalivacasve,  te  cilat,  me  kohe  kane  fituar  forcen  e  tradites  te  mire, po  zbehen  dhe  perpjekjet  per  te  dale  nga  amullia  jane  te  pakta.  U  them,  me  zemer  ne  dore kalivacasve  qe  e  duan,  me  shpirt  fshatin  e  tyre  dhe  kerkojne  ta  veshtrojne  ate,  atje  ku  i  takon,  ne  balle  te  fshatrave  te  rrethit  te  Tepelenes, si  fshat  turistik,  me  mundesi  te  shumta  e  me    resurse  te  pashterrshme. Dy   fjale  zemre  bashkefshatareve  te  mi  e  ndjej  si  detyre  tua  them  hapet:  Mos  u  largoni  nga  tradita  e  mire  shumevjecare  e  fshatit,  por  perterijeni  ate  se  u  afron  e  u  bashkon  me  njeri-tjetrin.  Ngazellehem,  kur  veshtroj  kalivacas  qe,  pavaresisht  nga  bindjet, nga  perkatesia  partiake  dhe  nga  miqesite  apo  armiqesite,  ne  raste  morti  bashkohen,  si  nje  trup  i   vetem  dhe  percjellin  te  ndjerin  (  te  ndjeren ).  Kam  pare  kusherinjte  Hysenaj,  nga  Leshnja,  fisniket:  Sadik;  Qemal;  Skender  dhe  ndonje  tjeter,  te  marren  udhen  e  te  vijne  ne  Tirane,  ne  raste  te  tille.  U  them,  plot  gojen:  “  Bravo  u  qofte ! Ju , keshtu nderoni veten dhe fshatin”! Kjo  eshte  tradite  qe  duhet  ruajtur,  edhe  pse  eshte  per  raste  fatkeqe.  Ne  Kalivac,  ne  raste  te  ngjashem,  kur  “  i  helmuari ”  i  mban  syte  nga  dera,  jane  mbeshtetje  e  fuqishme.  Edhe  ne  raste  martesash,  i  gjithe  fshati,  sipas  fiseve,  burra  e  gra,  vershojne  ne  shtepine  e  dhendrrit,  per  te  uruar  e  per  te  pare  nusen.

Ka  qene  tradite,  kur  te  vjen  tjetri  ne  shtepi, ta  presesh  me  bujari  e  ta  pecjellesh  me  dhurata.   Nje  dite  ishja  ne  familjen  e  te  ndjerit  Serjan  Aliko  Muharremaj,  i  cili,  ishte  njeri  nga  dy  djemte  e  Kalivacit  qe  u   martua,  ne  vitet  ’50  te  shekullit  te  shkuar,  me  nje  te krishtere,  duke  thyer  keshtu nje  tabu.  Djali  i  Serjanit,  Beni, ne  nderim  te  nenes  se  ndjere,  kishte emertuar  te  bijen – Kristine.  Kristina  e  re  dhe  e  ema  e  saj,  ndonese  nuk  kishin  qene  kurre  ne  Kalivac,  deklaronin  se  jane  nga  Kalivaci  i  Tepelenes.  Ajo  qe  me  la  pa  fjale,  ishte  percjellja  e  nuses   te  Benit,  me  dhurata  modeste,  si  ne  Kalivacin  e  dikurshem.  Bashkeshortes  te  Mehmet  Azis  Kalemit,  kur  vajti  per  here  te  pare  ne  Kalivac,  ne  vitet  ’50  te  shekullit  te  shkuar  i   kishte  lene  pershtypje  fakti  qe  grate,  e  puthnin  dhe  kur  u  largua  nga  fshati,  e  percollen  me  dhurata.  Po  humbasim  traditen  e  pergatitjes  te  zaireve  per  dimer,  thurjes  te  trikove  e  corapeve  me  fije  leshi; tezgjahut  e  ndoshta  do  te  humbasim  dhe  traditen  e  hollimit  te  peteve,  nxjerrjes te vajit te ullirit  me  kembe  etj. etj.

Na  e  ka  qejfi  qe  fshatin  tone  ta  bejme  sic  eshte  piketuar,  si  fshat  turistik.  Ata  qe  banojne  ne  Kalivac  dhe  ne  te  gjithe,  te  bejme  ceshte  e  mundur,  per  mos  ta  humbur  kete  shans  historik.  Qe  te  behet  kjo,  sejcili  ti  beje  pyetjen  vetes  dhe  gjitonit,  fisit, e  tere  fshatit:  A  jemi  ne  ne  ate  nivel  qe  kerkon  turizmi  familjar?  Une  them: jo!  Turisti  qe  merr  udhen  e  vjen  tek  ne,  kerkon  te  kenaqe  syte,  barkun  si  dhe  te  flere  mire.  Siguria  eshte  ceshtje  qe  nuk  mund  te  vihet  ne  diskutim. Dua te  them  se  nje  turist  nuk  i  nxjerr  lehte  parate  nga  xhepi,  mbasi  nuk  i  ka  te  teperta.  Ai  kerkon  te  veshtroje  e  te  shijoje  ato  gjera  qe  nuk  i  ka  ne  vendin  e  tij.  Po  sikur  te  kerkoje  te  dije  historikun  e  fshatit  dhe  veglat  e  punes  e  orendite  qe  jane  perdorur.  A   ka  ndonje  konferencier competent  per  kete?  Turizmi  eshte  nje  fushe  e  palevruar  per  fshatin  tone;  disa  gjera  mund  te  parapergatiten,  pa  menduar  se: “ Kur  te  futemi  ne  uje  do  te  mesojme  not”

Ne  shkrimet  e  meparshem,  te  cilet,  nuk  mund  te  jene  pa  kritike,  jane  shtjelluar  mjaft  tipare  te  banoreve  te  Kalivacit,  por  nuk  eshte  theksuar  nje  tipar  qe  na  vecon  nga  te  tjeret.  Behet  fjale  per  bukurine  femerore  dhe  ate  mashkullore  te  banoreve  te  Kalivacit.  E  them  me  plot  gojen  se, sic  ka  vajza  e  djem  kalivacas,  te  zgjuar,  te  mencur,  zemermire,  bujare  e  trima,  ka  dhe  te  dukur. E  kam  te  pamundur  te  bej  nje  evidence,  te  bukurise  kalivacase,  mbasi  edhe  njohjen  nuk  e  kam  te  plote,  sidomos  kur  behet  fjale  per  te  rejat  dhe  per  te  rinjte,  tiparet  e  te  cileve  kane  evoluar,  si  kjo  kohe.

Pa  u  rrekur  te  permend  gjithe  sa  terheqin  vemendjen  me  nurin  e  bukur,  aq  sa  kam  njohuri, mund  te  them  se  ne  rrjeshtin  e  pare  mund  te  jete  Mirjeta  e  Hysni  Jasharit  dhe  motra  e  saj- Eli. Jo  si  ne  nje  parade  mode  mbasi  nuk  me  shkon  e  nuk  me  takon,  do  te  vecoja  bukurine  e  Brunildes  te  Haderet; Eduines  te  Reizit   dhe  kusherires  te  saj – Migenes;  Enades  nga  Dulajt ne Mecaj,  Saven  e  Caushet; Jonen  e  Petrefit;  Stelinen  e  Ramajve,  Saren,  Neten  e  Butos  dhe  ate  te  Skenderit,  Memin,  Dudilden,  Anisen ,  Matilden; Halimene; Klaudian;  vajzat  e  Nelos,  vajzat  e  Tahirit,  Natashen  dhe Marcelen  e  Rexhepit, etj.etj.  Nuk  eshte  vetem  ceshtje  geni;  kushtet  e  jeteses,  shpesh  luajne  rol  percaktues.  Meqenese  jemi  ketu,  do  te  nenvizoja  se  Kalivacin  e  nderojne  dhe  bijat  e  tij,  kudo  qe  jane.  Behet  fjale  per  ato  vajza  qe  jane  nga  Kalivaci  dhe kane  vajtur  nuse   ne  nje  dere  tjeter.  Kush  te  doje  le  ta  kundershtoje  opinionin  tim:  Lume  ajo  dere  qe  merr  nuse  ne  Kalivac  te  Tepelenes. Perse  i  do,  ato  te  pergjigjen. Te  zgjuara,  te  shkatheta,  te  mencura,  te  dukura,  punetore  te  papara,  nikoqire,  pastertore,  te  dashura,  te  pritura,  te  zonjat  per  ta  ndezur  zjarrin  me  vete,  te  kujdesura  per  femijet,  per  burrat  dhe  per  fisin,  nderojne  mikun,  etj. etj.

Djemte  kalivacas,  nuk  mbeten  pas  motive  te  tyre,  si   ne  pamje  dhe  ne  pune. Romeo  Bilaj,  Klodiani i  Drites,  Xhevdet  Ahmeti  dhe  vellai  i  tij  Gjonleka;  Luani  i  Rexhepit,  Nuriu  i  Hamzait,  Xhevairi  i  Breshanit;  Xhelil   Aliu   dhe   vellezerit   e   tij;  djemte  e  Barjam  Malos;  Barjam  Dosti;  Veziri  i  Fejzo  Qazimit  e  sa  te  tjere,  jane  te  pashem  e   nuk  ua  ha  qeni  shkopin.

Se  fundi,  me  duhet  te  them  dhe  nje  te  vertete:  Keni  vene  re Ju:  edhe  niperit  e  mbesat  na  kane  ngjare.  Eshte  gje  e  mire  kur  keta  ngjajne  nga  dajot.  Gojedhena  na  thote  se   Matua  dhe  Hasani,  dy  trima te  terbuar,  qe  formuan  nje  fshat  me  tipare  luftarake,  ishin  nga  Hasanbegajt.  Luftetari  i   thekur  per  mbrojtjen  e  trojeve  amtare – Kanan  Mazja,  nga  Shkoza,  ishte  nip  ne  deren  e  Abedin  Kahremanit,  ne  Ahmetaj.  I  mirenjohuri  avokat – Idajet  Beqiri,  ne  Hasanbegaj i  ka  te  lidhura  fijet;  i   moshuari  Selman  Islami, nga  Çorrushi,  eshte  nip,  ne  Kalivac.  Historianja  e  shquar  Fatmira  Ramaj,  nga  Krahesi,  ne  Muharremaj  eshte  mbese.  Inxhenieri  i  ndertimit –  Ardjan  Xhaferri,  nga  Kalivaci  e  ka  nenen  dhe  vellezerit  me  emer  te  mire:  Ahmet  e  Gjergji  Hoxhaj,  nga  Krahesi,  nipper  ne  Ahmetaj  jane;  Astriti  i  Qani  Shabanaj  dhe  i  Velidese, ne  Kalivac  i  ka rrenjet, etj.  Sa  shume  gezohen  dajot  kur   rrethohen  nga  nipper  e  mbesa  si  ata  vete!

 

Shkrojti  Niazi  Xhevit  Nelaj                        Ne Tirane, gusht 2018.

( Vijon  perkujtimi  i  deshmoreve  te  Luftes  Nacionalclirimtare  te  Kalivacit):

Bakajt  ( Celajt )  i dhane  clirimit  te  vendit  dy  deshmore  dhe  nxorren  partizane  dy  te  tjere.  Shtepia  e  tyre  perdhese,  e  ftohte  akull,  e  mbuluar  me  pllaka  guri  te  bardhe,  pa  tavan  e  pa  dysheme  dhe  e  pasuvatuar,  me  nje  kaposh  me  placka  ne  inventor  e varfer  ne kufijte  ekstreme  te  kesaj  fjale,  u  be  strehe  per  partrizanet  dhe  vater  e  zjarrte  e  luftes  per  liri. Continue reading Sa shume u detyrohemi atyre trimave! →

I  lindur  ne  nje  familje  fisnike te  njohur  per  trimeri  e  atdhetari,  xha  Muharremi  u  rrit  ne  nje  mjedis kalivacas,  ku  kryefjale   eshte  trimeria,  burreria  dhe  besa.  Shtepia  e  Mehmet  Qazos, ne Hysodosaj,  si   te  gjitha  shtepite  ( familjet )  e  fisit, te  mehalles  e  te  fshatit  mbare  ka  qene  dere  miku   e  shtepi  bukedhene.  Ajo  ndodhej  ne  fund  te  Bregut  te  Hysodosajve,  prane  Çesmes  te  Halilet,  disi  e  shkeputur  nga  shtepite  e  tjera  te  fisit  e  te  mehalles.

Nga  kjo  familje  dhe  nga  fisi  i  Ramajve,  dolen  jo  vetem  cobane  esnafe  e  burra  trima  si  Kalo  Qazua  dhe  lundertare  te  guximshem  si  Hasan  Ramua  dhe  pas  tij  Gani  Muharremi,   te  cilet,  mateshin  me  egersine   e  lumit  tone   dhe  me  te  papriturat  e  punes  te  lundertarit,  por  dhe  burra  shteti te  ndjere  si  oficeri  madhor  i  Ushtrise  Mbreterore –  Zoto  Halili,  perhaps  te  diturise,  si  Halil  Zoto  Ramaj,  trima te  oreve  te  para  si  Sinan  Hasani;  kengetare  me  ze  bilbili  si   Klodiani  etj.

Muharrem  Mehmeti  ishte  nje  burre  i  mencur,  i  zgjuar  e  trim,  i  cili, per  gati  30  vjet,  ishte  kryeplak  i  fshatit  Kalivac  te  Tepelenes.  Ai  u  lind  ne  Kalivac  te  Tepelenes,  rreth  viteve  1874-1875;   ne  kohen  kur  Shqiperia  ishte  nen  sundimin  Osman,  shteti  i  te  cileve  shtypte  e  shfrytezonte  mizorisht  bashkefshataret   e  Muharremit.   I  rritur  ne  nje  mjedis  te  shendoshe  atdhetaresh,  ne  rinine  e  tij,  Muharremi   provoi  egersine  e  shfrytezimit  ne  dhe  te  huaj,  kur  ishte  emigrant  dhe  punonte  ne  minierat  e  Shteteve  te  Bashkuara  te  Amerikes.  Muharrem  Mehmeti  nen  ndikimin  e  faktoreve  te  brendshem   dhe  genit  qe zjente   ne  dejet  e  tij,  u  mekua  me  ndjenjen  e  urrejtjes  per  pushtuesit  e  huaj  dhe  per  shfrytezimin  qe  ata  i  benin  popullit  fukara.  Ne  zjarrin  e   lufterave   per  mevetesi  e  per  clirim  kombetar,  u  vu  ne  krye  te  vullnetareve  te  fshatit  Kalivac,  qe  u  vendosen  ne  krah  te  Plakut  te  Vlores,  Ismail  Qmalit,  ne  vitin  1912  kur  u  shpall  mevetesia  e  Shqiperise.  Ne  vitin  1920, Ai,  me  arme  ne  dore  u  radhit  ne  taborrin  e  Tepelenes  qe  udhehiqej  nga  Selam  Musa  Salaria,  ne  Luften  e  Vlores.

Atdhetarizmi  e  thirri  Muharrem  Mehmetin  te  dilte  ne  krah  te  Republikes   e  ne  mbrojtje  te  Qeverise  te  Fan  Nolit,  ne  vitin  1924, kur  forcat  regressive  te  kohes  synonin  ta  mbytnin  qe  ne  djep ” foshnjen  e  sapolindur ”.  Bazuar  ne  tiparet  vetjake  ku  prevalonin:  mencuria,  burreria  dhe vizioni  i  perparuar,  Kalivaci  e  zgjodhi   Kryeplak  te  vetin,  jo  vetem  nje  here.  Xha  Muharremi,  me  fjalen  e  menduar  mire  e  me  qendrimet  e  drejta  qe  mbajti  per  zgjidhjen  e  mjaft  ceshtjeve  serioze  qe  shqetesonin  komunitetin,  shpejt  u  be  njeri  nga  personalitetet  me  me  peshe  te  Kalivacit  te  Tepelenes.  Xha  Muharremin  e  gjeje  ne  qoshen  e  mikut,  ne  cdo  shtepi   ku  behej  dasme  e  gosti,  ne  oda   burrash  e  ne  kuvende   ku   shtroheshin  per  zgjidhje  halle  te  medha.

Muharrem  Mehmeti   e  donte  shume  Kalivacin  dhe  popullin  e  tij,  prandaj  punonte,  me  mish  e  me  shpirt,  per  zgjidhjen  e  halleve  te  shumta  te  tyre,  perfshi  shuarjen  e  sherreve  banale,  per  pajtimin  e  merive  dhe  per  ceshtje  te  tjera  jetike.  Te  gjithe  kalivacasit  e  donin,  e  nderonin  dhe  ia degjonin  fjalen.  Fjala e Tij, ne  Kalivacin  e  asaj  kohe  kishte  vleren  e  ligjes.

Pushtimi  fashist  i  vendit,  preku  thelle  dhe  lendoi   sedren   liridashese  te  luftetarit  te  regjur  per  mevetesi  dhe  per  lirine  e  vendit,  gje  qe  e  hodhi  Ate  pa  rezerva  ne  anen  e  clirimtareve.  Dy  djemte  e  tij,  Ganiu  dhe  Barjami  u  radhiten  ne  formacionet  luftarake  te  Ushtrise  Nacional  clirimtare,  deri  ne  clirimin  e  plote  te  vendit.  Vete  xha  Muharremi  u  zgjodh  ne  keshillin  Nacionalclirimtar  te  fshatit,  ku  ishte  teper  aktiv.  Roli  i  tij  ishte  pozitiv  dhe  ne  te  mire  te   qartesimit  te  bashkefshatareve   per  zberthyer,  ne  detaje,   qellimin  dhe  objektivat  e  Luftes  Nacionalclirimtare,  si  dhe  per  mobilizimin  e  te  rinjve  dhe  hedhjen  e  tyre  ne  radhet  e  Ushtrise  Partizane.

Vlerat  e  xha  Muharremit  dhe  peshen  e  fjales  se  tij,  nuk  e  njihnin  vetem  kalivacasit  e  lidhur  ngushtesisht  me  idete  e  Luftes  Çlirimtare  por  dhe  kundershtaret  e  kesaj  lufte.  Trimi  me  gjak  atdhettari,  nje  dite,  ne  moshen  e  trete  u  ndodh  perpara  nje  te  papriture  te  madhe,  pa  rrugedalje  tjeter ,  e  cila  i  kushtoi  jeten.  Muharrem  Mehmet  Ramaj,  ra  trimerisht,  me  arme  ne  dore,  sic  ia  donte  nderi i tij, i  familjes  dhe  i  fisit;  ashtu  sic  dine  te  bien  kalivacasit;  burrerisht  e  sic  dine  te  bien  trimat,  per  Lirine  e  Atdheut.   Po  cilat  ishin  ato  rrethana  teper  te  veshtira  e  pa  rrugedalje  tjeter ?

Sic  eshte  e njohur  historikisht,  me  25  korrik  te  vitit  1944, ne  fshatin  Dukaj  te  rrethit  te  Tepelenes,  u  zhvillua  nje  beteje  e  ashper,   ku   gjaku  u  derdh  si  lume,  midis  forcave  partizane   te  Brigates  se  6-te  Sulmuese  dhe  nje  grupimi  te  madh  gjermano –  ballist,  e  cila  perfundoi  me  shpartallimin  e  plote  te  ketyre  te  fundit.  Nje  bande  e  perbere  nga  10  mercenare   dhe  nga  2  gjermane   depertoi  neper  rrjedhen  e  Vjoses,  duke  shfrytezuar  erresiren  e  nates, mengjesi  i  26  korrikut te  vitit  1944 i  gjeti  ne  Donije  te  Kalivacit.

Ishte  koha  kur  fshataret  ishin  ne  “  pikun ”  e  punimeve  bujqesore  te  stines.  Ata   korrnin  dhe  shinin  grurin,  ne  are  dhe  naten,  zakonisht  e  kalonin  prane  lemenjve  te  shirjes  apo  ne  prcelat  e  grurit.  Fusha  e  mehalleve  te  Pusit,  ishte  e  populluar,  nga  te  pakten  200  burra  e  djem  te  rinj,  te  cilet,  ne  dege  te  pemeve,  krahas  torbes  me  buke  e  me  qepe  dhe  nje  botil  me  dhalle,  brenda,  kishin  varur  dhe  armen  vetjake,  per  te  mbrojtur  nderin  dhe  pronen.

Pjesetaret  e  bandes  te  armatosur,  prej  48  oresh  nuk  kishin  vene  ushqim  ne  goje  dhe  ishin  mjaft  te  uritur.  Ujet  e  ftohte  te  burimeve  te  Donijes   qe  pine   per   te   shuar   etjen,  ua  shtoi  me  teper  urine.   Ata  kerkonin  buke,  per  te  larguar urine  qe  i  kishte  kapluar.  Tek  burimet,  ne  Donije,  banditet  gjeten  nje  djale  nga  kalivaci,  i  cili  nuk  i  kishte  kaluar  18  vjetet.  Ai  po  gjuante  peshq,  me  pushke  dhe  kishte  me  vete  nje  gomar,  te  ngarkuar  me  2  bucela  druri,  me  qellim  qe  te  mbushte  uje  te  fresket,  per  familjen.  Sic  u  mesua,  djali i  ri  quhej  Haki  Sulo  Sulaj,  i  biri i   luftetarit  te  shquar  Sulo  Beqir  Sulaj,  nje  sakat  natyral, i  cili calonte  nga  te  dyja  kembet.  Hakiu, i  lindur  i  tille,  rridhte  nga  soj  trimash.  Babai i  tij,  Sulua,  ishte  komandant  i  njesive  partizane.  Ai  ishte  trim  me  flete  dhe  trimerine  e  kishte  shpalosur  ne  disa  luftera,  per mbrojtjen  e  trojeve  ametare  dhe  per  mevetesine  e  Shqiperise.  Fati  e  kishte  denuar  Hakine  te  lindete  sakat,  por,  ai  kishte  ngjare  nga i  ati  e  nuk  binte  lehte  ne  kurth  ose,  sic  kane  thene  ne  Kalivac,  “  nuk  e  hante  thate”.

Banditet  vendosen  ta  shfrytezonin  sakatin,  per  ti  cuar  ne  ndonje  shtepi  ne  periferi  te  mehalles,  ku  te  mos  kishte  shume  njerez.  Djali  i  kapur  peng,  duhet   te  shkonte  brenda  shtepise  e  te  kerkonte  buke  per  te  pangrenet,  kurse  ata  do  te  benin  roja.  Hakiu,  me  zgjuarsi  e  me  dredhi,  i  coi  banditet  tek  shtepia  e  Muharrem  Mehmet  Ramaj,  e  cila,  ishte  ne  fund  te  mehalles  dhe  i  plotsonte  kerkesat  e  banditeve.  Hakiu,  nga  ana  e  tij,  dinte  ku  i  shpuri  te  uriturit.  Ne  shtepine  e  xha  Muharremit  ishte  vete  ai,  i  moshuar,  dy  nuset  e  djemve  partizane,  nje  vajze  adoleshente   dhe  2  femije.  Kasollja  e  xha  Muharremit  ishte  larg  nga  shtepite  e  tjera  te  mehalles  Hysodosaj.  Ja  si  e  spjegon  kete  ndodhi  i  moshuari  Selman  Z  Islami,  nga  fshati  Çorrush,  i  rrethit  te  Mallakastres,  ne  gazeten:  “  Zeri  i  Popullit ”  te  dates  6  gusht  2010:

“… Plaku  drodhi  cigaren  dyte,  e  ndezi  dhe  po  shikonte  se  si  po  flinte  djali, ( i  aferm i plakut,  qe  kishte  ardhur  nga  njesiti  partisan  ku bente pjese; me leje)  ashtu  si  qengj  dhe  thoshte:  “ Ah  djaleri,  djaleri,  ku je ” ?,  sepse  ai,  per moshen  dhe  natyren  e  tij  vuante  per  gjume.  Ne  kete  moment,  degjohet  nje  ze,  nga  jashte.  O  xha  Muharrem;  o  xha  Muharrem.  Plaku  u  ngrit  dhe,  per  te  mos  i  prishur  gjumin  djalit,  nxorri  koken  ne  dritare  dhe  u  pergjigj me  ate  fjalen  karakteristike  te  atyre  aneve:  “  Lepe ” !  Kush  eshte ?  Dil !  Dil pak  te  dera –  erdhi  pergjigja  nga  jashte.  Kur  doli  tek  dera,  shikoi  se  ishte  Haki  Çalua,  djali  i  lagjes,  hipur  mbi  gomarin  te  ngarkuar  me  bucelat  e  ujit.  Mercenari,  sic  u  mesua  me  vone,  ishte  shtrire  pas  nje  rrenje  trendafili,  me  pushken  gati  per  zjarr  dhe  plaku  nuk  e  pa.

Ç’kemi  mor  Haki,  qe  na  erdhe  ne  kete  kohe  dhe  nuk  po  zbret  nga  gomari;  cfare  te  ka  ndodhur? Hakiu  pergjigjet  se  nuk  ka  ndodhur  asgje,  por  kane  ardhur  disa  njerez  e  duan  buke.  Plaku  e  pyet  se  c’jane  ata  njerez;  jane  partizane  apo  cfare  jane?  Hakiu I thote:  “  Nuk  jane  partizane,  por  me  duket  balliste  dhe  xhandare.  Plaku  beri  nje  hap,  brenda  deres,  rrembeu  pushken  qe  e  kishte  varur  ne  mur,  doli  dhe  i  tha  Hakiut:  “ U  thuaj  atyre  ballisteve  a  xhandareve,  cfare  jane,  te  dorzohen  se,  per  ata  nuk  ka  buke  me  por  vetem  plumba;  puna  e  tyre  tashme,  mori  fund”.  Dhe  ashtu,  me  pushken  gati  per  zjarr,  beri  te  levize  perpara.  Ne  kete  moment,  mercenari  qe,  sic  me  thane,  ishte  shtrire  pertoke  dhe  me  pushken  gati  per  zjarr,  e  qelloi,  drejt  e  ne  kraharor  dhe  plaku  i  nderuar  u  shtri;  gjysme  jashte  e  gjysme  brenda  deres…  Me  te  degjuar  krismen,  fshataret  e  Kalivacit  qe  punonin  ne  fushe,  lane  punet,  rrembyen  armet dhe  asgjesuan  banden”.

Muharrem  Mehmet  Ramaj,  u  percoll,  sic  e  meritonte;  sic  percillen  ata  qe  bien  per  te  mbrojtur   vatren,   nderin  e  familjes,  te  fisit,  te  fshatit  Kalivac  dhe  te  Atdheut.  Varrimi  i  tij,  fillimisht  u  be  ne  Hysodosaj,  prane  te  tijeve,  me  nderime,  sic  e  meritonte.  Pas  shume  diskutimesh  e  peripecish  protokollare,  Muharrem  Mehmet  Ramaj,  u  shpall  “ Deshmor  i  Atdheut ”  e  sot  renditet  mes  10  yjeve  te  pashuar  te  fshatit  Kalivac  te  Tepelenes.

• I paharruar  qofte  kujtimi  i  tij !

 

Shkroi  Niazi  Xhevit  Nelaj, ne  Tirane,  qershor  2018.

Monografi- kushtuar kalivacasit të thjeshtë Xhemal Idriz Ago

Brezat, percjllin njeri-tjetrin. Njerezit; gjithashtu. Sejcili, bart e le pas, gjurmet e historise qe ka shkruar vete. Dihet, gjeja e tjetrit nuk i ngjitet askujt. Ajo eshte e tij dhe vetem e tij. Keshtu ndodh dhe ne historite njerezore, te cilat nuk i ngjajne njera-tjetres. Ketu e ka bukurine jeta. Sa mire e kane percaktuar kete mentaret popullore anonime: “Çdo berr varet prej kembeve te tij”! Vend per koment nuk mund te kete. Ne jeten e nje njeriu, karakteri i tij, u ve vulen gjithe tipareve te personalitetit. Ai formohet dita-dites e pak nga pak, nen ndikimin e faktoreve natyrore dhe te atyre shoqerore. Vija qe formon nje karakter i qendrueshem, shpesh ravijezohet si nje trajektore ne ngjitje. Nuk mund te jete ndryshe. Ne Kalivacin e dikurshem, njerezit, kur benin fjale per karakterin e nje njeriu, perseritnin, jo pa te drejte sloganin: “Sic e nisi; e bitisi”, gje qe ka te beje me pandryshueshmerine e karakterit. Continue reading Oratori pa shkollë →

Nuk  eshte  fjala  per raportet  mes  njerezve  ne karriere  por,  per  ndikimin  e  fuqishem  emocional   qe lene  ne  jeten  e  njeriut   disa   vese.  Them  vese  mbasi  e  kam  te  veshtire  ta  emertoj  tjetersoj perjetimin  e  disa  dukurive  negative,  te cilat  i  ndeshim,  jo  rralle.  Ta quash  ves,  jam  i  vetedijeshem se  eshte  me  e  pakta   dhe  nuk  e  shpreh  plotesisht  domethenien  e  kesaj  fjale.  Pare  ne  siperfaqe, lind  ndjesia  e  gabuar  se  kjo  dukuri,  nuk  ka  te  beje  e  nuk  u  perket  bashkefshatareve  tane kur,  ne fakt,  nuk  eshte  teresisht  keshtu.  Levizja  e  lire  e  njerezve,  emigracioni  dhe  migracioni,  pavaresisht nga shkalla e pjesemarrjes  te njerezve  dhe  distanca  e  pershkuar  ndikojne  fuqishem  ne  globalizimin e  dukurive  negative,  ndaj  te  cilave,  askush  nuk  mund  te  jete  I  imunizuar.  Jetojme  ne  kohe   kur japim  e  marrim  me  te  ndryshem  dhe  mes  atyre  qe  na hyjne  ne  pune,  perthithim   dhe  vese  apo prapesi   te  cilat  nuk  jane  tonat,  por “na ngjiten”,  sikur  te  mos  na  mjaftonin  ato  qe  kemi trasheguar.

Eshte  e  vertete  qe  cdo  njeri  ka “ filtra”  per  te  pastruar  ate  qe  thith,  por,  eshte  gjithashtu  e vertete  se  sita  apo  shosha,  nuk  I  mban  dot  persiper  te  gjitha  llozhurat;   disa  nga  te  cilat deprtojne   e  perzihen  me  drithin e mire.  Pa  u  rrekur  te  angazhohemi  gjate,  me  argumentimin teorik  te  problemit,  le  te  zbresim  ne  terrenin  praktik,  i  cili  eshte  dhe  me  i  prekshem  e  me  i kapshem.

Disa  pijedashes  ( per  fat  te  keq,  nuk  jane  pak),  nga  perdorimi  sistematik  i  pijeve  alkoolike, pavaresisht  se  veprimit  te  tyre  mundohen  ti  vene  nje  justifikim  teorik  (  se  shumti,  veprimin  e tyre  e  spjegojne  si  reagim  ndaj  halleve  qe  i  kane  pllakosur), i  ka  bere  te  varur  nga  alkooli,   aq  sa nuk  bejne  dot  pa  pire.  Veshtroni  per  nje  cast  deren  e  pijetores  qe  keni  prane  shtepise,  ku  dergjen  ne  radhe  e  mezi  presin  sa  te  hapet  lokali,  per  te  rrokullisur  nje  gote,  esell,  qe  ne mengjes.  Ka  te  tjere  qe  e  hapin  deren  e  pijetores,  sapo  feks  dhe  e  mbyllin  ate  kur  vjen  mengjesi  i  dites  tjeter.  Hyjne  ne  pijetore,  me  mendjen  e  tyre  e  dalin  prej  saj,  me  mendjen  e alkoolit.  Deri  sa  te  hapet  pijetorja,  ata  lepijne  buzet  e  imagjinojne,  veprimet  e  tyre  e  te shitesit. Kete  dukuri  e  kam  vrojtuar  vete  e  nuk  e  kam  te  deftuar.

Dikur,  ne  Berat,  ne  lagjen  “ Murat Celebie”,  hyra  ne  nje  local,  ku  tregtoheshin  sende  ushqimore dhe  pije  te  forta.  Me  kishin  thene  se  ne  ate  local  tregtohej  yshmer  cilesor,  me  shije,  sic  dine  te bejne  grate  e  Kalivacit. Mbajta  radhe,  ishja  pas  nje  burri  me  moshe  e  me  shtat  mesatar,  i  cili synonte  te  blinte  dozen  e  zakonshme  te  alkoolit.  Burrit,  i  mbeten  syte  tek  shitesi  e  dukej  sikur po  perpinte  veprimet  e  tij.  Kur  shitesi  mbushte  goten  e  radhes,  me raki,  nga  shishja  qe  mbante ne dore,  klienti  qejfli  pijesh,  lepinte  buzet  e,  nga  padurimi  i  dridheshin  duart.  “Miku”  u  qetesua,  vetem,  kur  mori  ne  dore  goten  plot  dhe,  pa  vajtur  tek  vendi  i  caktuar,  rrufiti,  dy-tri  here,  lengun e  bardhe  e “ te terbuar”.  Sa   te   tille   kemi   ne  mjediset  tona ?  Krejt  natyrshem,  e  dalengadale,  te tille  njerez,  kalojne  ne  vartesi  te  alkoolit  e  nuk  ndahen  lehte  prej  tij,  edhe  pse  e  kuptojne  demin e  madh  qe  ai  sjell,  per  shendetin  dhe  per  xhepin.

E  kam  te  veshtire  te  besoj,  se  nuk  keni  pare  si  sillen  ata  qe  kane  kaluar  ne  vartesi  te  bixhozit. Disa  mbajne  radhe  perpara  lokaleve  ku  xhvillohen  lojerat  e  fatit,  me  veshtrim  te  turbullt  e  me  sy  te  zgurdulluar,  si  te  hutuar  e  ne  shqetesim  sikur  dicka  u ka  humbur,  me  shpresen  mashtruese,  se  do  ti  ndihmoje  fati  per  te  perftuar  nje  shume  parash,  pa  punuar.  Kur  nuk  mund  te  futen  ne mjediset  e  lojerave  te  fatit,  ata  qe  jane  te  varur  nga  bixhozi,  sajojne  lojera  te  tjera,  si  ajo  me target  e  makinave, me  kapelet  e  kalimtareve   deri  tek  pergojimi  i  veshjeve  te  femrave  e  te meshkujve,  me  vecori  ne  paraqitjen  e  jashtme.  Bixhosciut,  kur  e  ka  te  mbyllur  sallen  e  lojerave te fatit  (  te cilat,  per  fat  te  keq  jane  shtuar  mjaft  e  jane  bere  si ato  shushunjat qe thithin gjak),  “ i kruhet trupi “  po  nuk  i  hodhi  “ zaret”  edhe  duke  rrugetuar  ne  mjegullen  e  fatit.

Po  duhanpirja  dhe  vartesia  nga  nikotina?  Johan  Nikoti,  i cili,  e  solli  duhanin,  si  bime  aromatike, qe  pertej  oqeanit,  ne  Mesjete,  zor  se  do  ta  perfytyronte  demin  e  madh  qe  u  shkaktoi  njerezve  duhanpires.  Organet  e  frymemarrjes  dhe  rruget  neper  te  cilat  kalon  tymi  i  duhanit,  nga  pirja sistematike,  vishen  me  nje  cipe  nicotine,  e  cila  demton  bartesit  dhe  ata  qe  jane  perqark  tyre.  Ai qe  pi  duhan  dhe  qe  ka  kaluar  ne  vartesi  te  nikotines,  nuk  mund  te  qendroje  pa  te;  ia  kerkon trupi,  thone  te  varurit  prej  nikotines.  Edhe  ushqimin  eshte  gati  te  sakrifikoje  ai,  per  hir te duhanpirjes.  Ndalimi  i  pirjes  se  duhanit,  nuk mund te behet,  as me ligje,  te  cilet  nuk  mungojne,  as me  propagande.  Para  se  gjithash,  braktisja  e  duhanpirjes   eshte  ceshtje  vullneti  e karakteri.

Vartesia,  si  term  eshte  pafundesisht  i  larmishem  dhe  shfaqet  ne  forma  nga  me  te  ndryshmet.  Nje  gjahtar,  nuk  e  shtyn  dot  diten,  pa  shkuar  per  gjah  ose  pa  hedhur  grepin,  ne  uje.   Aq  te varur  jane,  kjo  kategori  njerezish  nga  gjuetia,  sa  qe,  po  te  mos  dalin  nje  dite,  u  duket  sikur  nuk  mbushen  dot  me  fryme.  Vatresi  e  nje  lloji  tjeter  eshte  prirja  e  nje  kategorie  njerezish  ndaj  seksit.  Rendom,  meshkujt  dhe  femrat   qe  rendin  pas  kesaj  dukurie,  quhen  manjake,  por jo te gjithe  e  meritojne  kete “ nofke”.  Kur  nuk  e  arrijne  ate  qe  synojne,  te  tille  individe,  byllen  ne  “strofken”   e  tyre  dhe  vene  ne  levizje  fantazine  e  semure.

Vartesi  eshte  dhe  renja  ne  vorbullen  e  thashethemeve.  Eshte  semundje,  eshte  ves,  apo  eshte mani,  emertojeni  si  te  doni, kjo  nuk  ka  shume  vlere.  E  rendesishme  eshte  se  te  tillet,  pergojojne  cilindo  qe  munden;  synojne  te  prekin  personalitetin  dhe  integritetin  e  tjetrit  dhe,  natyrisht,   perpiqen  te ngrene  veten  ( u duket sikur e ngrene),  duke  tentuar  te  ulin  tjetrin.  Ne  nje  fare  mase eshte  ceshtje  karakteri,  por,  mendoj  se  kufizimi  i  kesaj  dukurie,  mund  te  behet  dhe  kur  i  kundervihet  bartesit  opinion i shendoshe  qe  e  rrethon.  Rreziku i thashethemeve,  nuk  ka  te  beje vetem  me  ate  qe  eshte  bartes   por,  duke  shpifur  e  pergojuar   te  tjeret,  cenohet  uniteti  e lulezojne  grindjet  dhe  percarjet.

Ne  jete   ndeshemi   me  lloje  nga  me  te  ndryshmit  te  vartesive.  Patjeter  qe  u  ka  rastisur  te  veshtroni  lypes  rruge,  nga  ata  qe   kerkojne   lemoshe  e  qe  duan  te  perftojne,  pa djersitur.  Nisur nga  ndjesia  humane  dhe nga  shpirti i  mire,  ndoshta  dhe  u  keni  dhene  lemoshe.  Nje  lupsar,  nuk  mund  te  rrije  pa  lypur,  edhe  po  ti  gjesh  nje  pune  e  te  kete  te  ardhura.  Nje  lypsar  (lypsare),  e  ka  ves  te  lypurit.  Ai  ( ajo),  si  dhe  shitesi,   me  kohe  behen  psikologe.  Lypesi  e  kupton  cili  nga kalimtaret  do  te  jape  lemoshe,  ashtu   sikunder  nje  tregtar  me pervoje, e  kupton;   a  do  te  bleje dicka,  ai  qe  hyn  ne  dyqan,  apo  thjesht  ka  hyre  ne  shitore,   per  te  vrojtuar  asortimentet  dhe cmimet.

Nje  kategori  e  vecante  njerezish,  kane  kaluar  ne  vartesi  te  profesionit  qe  ushtrojne.  Patjeter  u  ka  rene  ne  sy  nje  muzikant  i pasionuar,  i  cili,  edhe  ne  rruge,  kompozon,  luan  ne  instrument   (imiton),  ose  ben  dirigjentin.  Nje matematikan,  kur  shpik,  papritur  nje  formule  te  re  apo  kur  zgjidh  nje  ekuacion  te  veshtire,  e  shkruan  zgjidhjen   ku  te  mundet,  edhe  ne  kapakun  e  shkrepses  apo  te  paketes  te  cigareve.  Nje  berber, kur  kalon  prane  dyqanit,  te  veshtron  nga  floket;  nje  kepucar  nuk  i  heq  syte  nga  kepucet  qe ke  mbathur,  nje urbanist,  edhe kur kalon ne rruge per punet e  tij,  nuk  harron  te  beje  verejtje,  per  projektin  e  zbatuar,  per  fasaden,  zgjidhjen  e  nje  ndertimi  etj.

Ne  keta  raste  e  ne  te  tjere,  te  cilet  nuk  u  permenden,  kemi  te  bejme,  patjeter me  nje  vartesi  nga  profesioni.  Provoni  te  bisedoni  me  nje  jurist!  Ai,  ne  bisede  te  lire (  jo  vetem  ne  zyre),  do  te  kerkoje  qe  cdo  mendim  te  jete  i  kopsitur  e  i argumentuar  me fakte  te  shkruara ne dokumente. Dokumente  te  shkruar,  perndryshe  mendimet  jane  te  pavlere.  Kam  ndeshur  nje  coban  dhensh,  i  cili  kishte  lene  bagetite,  ne  mal  e  ishte  veshur,  nenoficer  aktiv,  ne  detyren  e  kujdestarit.  Lumemadhi  ishte  mesuar  te  komunikonte  me  dhente  e  tij,  ne  gjuhen  e  tyre  dhe,  kur  shkonte  ne fjetine  per  te  zgjuar  ushtaret  u drejtohej  atyre  me sinjalet:  “ Rr-rr-rr” e me “ Hej – hej- hej”.  Kam pare  dhe  nje  bujk  kalivacas,  arat  e  te  cilit, kur  punoheshin  prej  tij,  ngjanin  si  te  pikturuara.  Ai,  nuk  e  hidhte  faren,  pa  pare  me  pare  se  siperfaqja  e  tokes,  kishte  zene  shtrat  merimange  dhe kur ulej mbi nje plis, i  ngroheshin  te  ndenjurat. etj.  etj.

Per  ti  vene  “ koke”  ketij  shkrimi,  me  duhet  te  them  se  burimet  dhe  llojet  e  vartesise,  jane  te ndryshem  e  pa  limit; por  dhe  lufta kunder tyre,  nuk  mund  te  behet,  me  sukses,  pa vullnet, kembengulje  e  durim.  Po  te  kuptohet  se  cdo  ves  e  vartesi  eshte  dicka  jo  e  brendshme  e  njeriut por  e  huajtur  dhe  po te  perdoren  metoda  lufte  efektive,  edhe  shmangja  e  tyre,  besoj  se  do  te sjelle  rezultate  konkrete.

Shkrojti  Niazi  Xhevit  Nelaj,  ne Tirane, mars 2018

 (Sipas kujtimeve vetjake te viteve ’50 te shekullit qe shkoi)

Kushtet klimateriko-tokesore te treves, kane bere te mundur popullimin e Kalivacit prej koheve me te lashta. Datimi i ekzistences te fshatit tone  si vendbanim,  pas interpretimeve te zbulimeve arkeologjike te koheve te fundit,  ka per njesi matese,  jo  vitet e shekujt,  por epoka te tera.  Hamendesite dhe perpjekjet e lavderueshme  te mentareve nga ky fshat,  tashme kane nevoje te korrigjohen e te permiresohen.  Nuk behet fjale per saktesime mbasi,  nje gje e tille,  praktikisht, tani per tani, do te ishte e pamundur. Continue reading Ahmetajt, njera nga mehallet me te medha e me te lashta te fshatit →