( Nje  veshtrim   biografik,   sipas   rrefimeve   te   vellezerve   dhe   femijeve  te saj)

(Pjesa  e  dyte)

Ne  shtepine  e  Sulo  Barjamit,  ne  Krahes  Nr.2, ate  dite   u  be  dasme  e  madhe.  Bregu   i   Llakajve,  ate  dite  gumezhinte  nga  kenga  e  nga  vallja   labce  dhe  gjemonte   nga   te   shtenat   me   arme.  U  theren  nje  kope  me  te  imeta,  te  cilat  u  poqen  ne  hell  e   u  shtruan  ne  trapeza  te  ngrohta.  Ai   breg,  disa  dite   kundermonte  nga  era  e  mishit   te  pjekur.  Rakia   rakia   u   derdh   si   lume.   Plaku   i   mocem – Sulo   Barjami,   drejtonte   dasmen   dhe   priste   urimet   e   shokeve   e   te   miqve   te   shtepise.   Muhamet   Ramadani  dhe  vellai  i  tij,  Tahiri   ishin    ne   “qiellin   e   shtate”.   Vellezerve   te   Tefikut:   Baros;   Muharremit   dhe   Haxhiut,   nuk   u   zinte   kemba   dhe.  Ata  ishin  ne  krye  te  puneve  te  dasmes   se   madhe.  Hasime   Mahmutja,  Nena  e  Tefikut   nuk   e   fshihte   gezimin   dhe  nuk   dinte   si   ta   perjetonte   ate.   Ajo,  here   tek   nje   pale   gra   e   here   tek   burrat;   priste   urimet,   merrte   pjese   ne   kenge   e   ne   valle   dhe   gezonte   si   e    marre.   Kishte   shume   te   drejte   per   ta   bere   kete.  Ajo  “ futi”   ne   shtepi   ate   deli   vajze,   te   cilen   e   beri   nuse  shtëpie  per   djalin   e   pare  te  barkut   te   saj.   Nusja   ishte   nga   ai   cike   fshat,   nga   i   cili   Hasimeja   ishte  dhe   vete,   e   ia   dinte   tabiatet.   

Karafil   Mahmuti   dhe   vellai   i   tij   Refati,   ne   cilesine   e   dajove   te   Tefikut,   ishin   nga   njerezit   me   te   nderuar   te   asaj   dasme.   Ata,   jo   vetem   qe   nuk   e   fshihnin   gezimin   por   prisnin   urimet   dhe   merrnin   pjese   gjallerisht   ne   te   gjitha   veprimtarite   dasmore;   me   duce   ne   dore.   Shaqja,   bashkeshortja   e   vellait   te   madh  ( me   babe)   te   Tefikut,   e   cila   ishte   menaxhere   e   ekonomise   familjare   te  Sulo   Barjamit,   e   la   te   hapet   sepeten   ku   kishte   te   mblojturat   dhe   i   la   hapet   kapaket   e   qypave   ku   mbante   gjalpin   dhe   nenproduktet   e   tjera   blegtorale ose qypat  me  vaj  ulliri.  Keshtu  dhe  produktet  e  tjere  ushqimore,  ne  vecanti  miellin  e  grurit,  sheqerin,   orizin,  niseshtene  etj.  te  cilet  ishin  deficitare  e  siguroheshin  me  veshtiresi.

Familja   e   Sulo   Barjamit,   i   kishte   rrenjet   ne   mehallen   Shamaj   te   Krahesit   Nr. 2   ku   e   kishte   mbiemrin   Silaj.   Ajo   kishte   zbritur   ne   kodren   e   Llakajve,   ne   pronat  e  saj   ku,   me   djersen   e   ballit,  e  pa   i   hyre   njeriut   ne   hak,   kishte   akumuluar   kapital   te   lakmueshem  dhe   nje   mireqenie   qe   binte   ne  sy.   Plaku   i   shtepise –  Sulo   Barjam   Llakaj,   nje   burre   fisnik,   me   pamje kreshniku   e  me  sjellje  te  “embel”,  pervec    bujqesise   dhe   blegtorise,  kishte  hobi   ndreqjen   e   oreve.   Ne   shtepine   e   tij,   kam   pare   ore   tavoline,   te   llojeve   te   ndryshme   dhe   pajisjet   e   mjeshtrit   autodidakt   per   riparimin   e   tyre.   Burrerise   dhe   esnaferise   te   tij   i   shtohej   intelekti   i   zhvilluar   me   te   cilin   ai   diktonte   dhe   likuidonte   defektin.   Ne  ate  shtepi,   pushteti   i   xha   Sulos   ishte   absolut,   ndonese   ekonomine   familjare   e   menaxhonte   djali   i   madh   i   tij ( nga  martesa  e  pare)   Baro   Sulua   dhe   bashkeshortja   e   tij  –   Manushaqja  ( Shaqja).

Sulo  Barjam  Llakaj,  u  lind,  perafersisht  ne  vitin  1889  dhe  u  nda  nga  jeta  ne  vitin  1958.  Ai  jetoi  se  bashku  me  nusen  e  re  ( Lumturine)  gati  nje  vit.  Hasime  Mahmutja,  gruaja  e  tij  dhe  vjehrra  e  Lumturise  u  lind,  perafersisht  ne  vitin  1900  e  u  nda  nga  jeta  ne  vitin  1984.  Ajo  jetoi  me  Lumturine,  nuse  e  djalit  te  pare,  gati  13  vjet  dhe  u  inganuan  bukur,  te  dyja,  ne  hallet  dhe  problemet  e  familjes.  Cifti  Hasime  dhe  Sulo  Barjam  Llakaj  sollen  ne  jete   djemte:  Tefik;  Muharrem  dhe  Haxhi,  si  dhe  vajzen  Selvi.  Barua,  djali  i  madh  i  Sulo  Barjamit  ishte  djale  i  gjetur, per  Hasime  Mahmuten.  Ai  ishte  pjelle  e  marteses  te  pare  te  plakut  te  asaj  shtepie.

Familja  e  xha  Sulos  zoteronte  mjaft  toka  e  troje,  ne  Hyzez;  Kamina;  Hamulla;  Mocali  i  poshtem;  Sheshi  i  Plepit;  Gropa  e  Haxhiut;  Ara  e  Metes;  dhe  kullotat  ne  Freshja;  Shkoza  e  Vadhes;  Lisat  e  Sulos  etj. dhe  nje  tufe  te  madhe  bagetish  te  imeta,  nje  mushke  dhe  nje  pende  qe  e  nje  lope  trupvogel  e  me  prodhim  te  kufizuar  qumeshti.  Shtepia  ku  banonte  familja  e  Sulo  Barjamit  ishte  nje  perdhese  me  dy  dhoma,  njekateshe,  me  mur  guri  te  zinj  te  lidhur  me  balte  e  me  breza   druri.  Shtepia  ishte  pa  dysheme  e  pa  tavan;  catia  mbulohej  me  pllaka  guri  ne  ngjyre  te  zeze.  Dritaret  e  shtepise  ishin  tip  frengjie,  te  orirentuara  nga  Perendimi.  Ato  ishin  te  pajisura  me  hekura  dhe   mbylleshin  me  kapake  dhoge,  te  trashe.  Te  ushqyerit  e  familjes  ishte  tradicional,  si  i  te  gjithe  bashkefshatareve  te  tyre.  Ajo  dere  kishte  shume  shtroje  e  mbuloje  te  leshta.  Orendia  me  me  vlere   ne  ate  familje  ishte  nje  tezgjah  ( kac),  i  vendosur  ne  fund  te  shtepise,  ne  te  cilin  punonte   ( endete  fije  leshi)  Manushaqja ( Shaqja  e  Baros).

Mund  te  thuhet  se  familja  e  Sulo  Barjamit  ne  Krahes  Nr.2  ishte  me  nivel  mesatar.  Ajo  zoteronte  mjaft  toka,  bahce,  ullishte,  bageti  te  imeta  e  te  trasha  dhe  me  teper  akkumulonte  se  sa  harxhonte.  Kesisoj, menyra  e  jeteses  te  familjes  nuk  ishte  sic  ishin  kushtet  materiale  te  saj.  Tefiku  ushtronte  zanatin  e  mbareshtimit  te  bagetive  te  leshta;  Ai  ishte  mjeshter  i  vertete  i  mbareshtimit  te  dhenve.  Vellai  i  madh  i  tij,  Barua,  menaxhonte  punet  e  arave  dhe  ishte  administrator  i  ekonomise  familjare.  Ai  ishte  dhe  teper  aktiv  ne  ceshtjet  e  pushtetit dhe  fjala  e  tij  degjohej,  ne  familje,  ne  fis  e  ne  fshat.   Vellai  tjeter  me  nene  e  me  baba,  Muharremi,  pas  perfundimit  te  shkolles  fillore,  ne   fshatin   e  lindjes,  hyri  ne  Shkollen  e  Bashkuar  te  Oficereve,  ne  Tirane,  u  titullua  oficer  kembesorie,  u  gradua  nentoger  dhe  ne  vitin  1957,  se  bashku  me  njeriun  e  tij  te  fisit –  Veli  Muhamet  Llakaj,  u  emerua  ne  njesine  e  kembesorise  ne  Korce.  Vellai  i  “vogel”  –  Haxhiu,  pas  kryerjes  te  sherbimit  te  detyrueshem  ushtarak,  ne  Kukes,  qendroi  ne  repart,  nenoficer  i  sherbimit  aktiv.  Ai  u  martua  me  Manon  ( Manushaqen),  e  u  vendos  ne  Kukes,  me  gjithe  familje.  Motra  e  tyre  –  Selvia,  u   martua   ne   fshatin  Rabije   te   rrethit   te   Tepelenes.  Kur    erdhi   nuse   Lumturia;   ne   familjen   e   burrit   gjeti:  Dy   pleqte   e   shtepise:  Sulo   Barjamin   dhe   Hasime   Mahmuten;  ciftin:   Shaqe   e   Baro   Sulo   dhe   bashkeshortin   e   saj  –   Tefikun.   Gjitone   te   tyre   ishin   vellezerit   Muhamet   dhe   Tahir   Ramadan   Llakaj;   dy   njerez   e   dy   familje   te   qeta   e   te   shkuara   me   Sulo   Barjamin   dhe   me   femijet   e   tij.   Te   trija   keto   familje,  ne   Bregun   qe   mori   emrin   e   mbiemrit   te   tyre,    Llakaj,   jetonin   ne   mirekuptim   e   ne   paqe   me   njera  – tjetren.  Ato   shkembenin   edhe   kripen,   vajgurin   madje   dhe   zjarrin   e   vatres   me   njera   –  tjetren.   Ne   cdo   rast   e   per   cdo   ndodhi  ato  i   gjendeshin   njera  –  tjetres.   

Ne   dasmen   e   saj   me   Tefik   Sulon,   Lumturia   nuse    qendronte   ne   kembe   ( nuseronte),   ne   fund   te   dhomes   qe   ishte   caktuar   per   grate.   Aso   kohe,   nuset,   detyrimisht   duhet   te   nuseronin   ne   shtepine   e   burrit,   kurse   miqte,   mund   te   shtroheshin   per   te   ngrene   e   per   te   pire,  madje  edhe  mund   te   flinin   tek   ndonje   gjiton.    Prane   Lumes   qe   nuseronte   qendronte   nje   karrige   bosh.  Ne  ate  karrige   mund   te   ulej   pak   nusja,   per   te   pushuar,   por   vetem   me  lejen  e  zonjes   vjehrre.   Sapo   te   hynte   nje  njeri   ne   dhome,  qofte   edhe   femije,   sidomos   kur   ai   ishte   i   seksit   mashkull,   nusja   duhet   te   ngrihej   ne   kembe   e   te   vijonte   nuserimin.

 Keto   rregulla   Lumturise   ia    kishte   mesuar,   kur   pergatitej   per   t’u   bere   nuse,   Zonja   e   Madhe   e   Binajve   dhe   xhaxheshat   e   saj:   Zonja   e   Vogel,   Ninija,   Loloja,   gege   Tajanja,   Memja   etj.   Mbasi   ishin   larguar   nga   dhoma   e   nuses   grate   e   mehalles   e   te   fshatit,   Lumturia,   para   se   te   flinte   me   vemendje,  pa  rene  ne  sy  te  familjareve,  vrojtonte   shtepine   dhe   pyeste,   me   delikatese   Hasime   Mahmuten,   me   te   cilen   gjykonte   se   ishte   me    e   afert;   si   bashkefshatare   dhe   per   faktin   se   me   vellezerit   e   saj,   familja   jone   ishte   ne   nje   lidhje   te   lashte   miqesore   ( sic   dihet,   Refati,   vellai   i   dyte   i   saj    ishte  i  martuar   me   Mushon,  te   bijen   e   xha   Musait,   te   cilen   e   kishim   kusherire).

 Pyetja,   te   cilen,   si   rregull   benin   te   gjitha   nuset   ishte:  “ Te   gjitha   keto   rroba   qe   jane   shtruar,   enet,   orendite   dhe   pajisjet,  jane   tonat,   apo   i   keni   marre   hua.   Kur   merrte   pergjigje   pozitive,   Lumturise    sedermadhe   i   ngrohej   shpirti  e  i  qeshte  nuri   dhe   ne   mendjen   e   saj  thurte   plane  per   ti   ndryshuar   gjerat.   Ajo   zjente   se   brendshmi   nga   ngarkesa   negative   qe   mori,   fillimisht,   lidhur   me   menyren   e   jeteses.

 Revolta   e   saj   e   brendshme   ishte:  ”  Familja   e   burrit   tim   paska   gjithe   kete   pasuri;   ajo   mund   te   jetoje   ne   kushte   me   te   mira”.   Pavaresisht   se  atje  ku   ishte   rritur   e   aty  ku  erdhi  nuse,   ne   nje   familje  tradicionale,   trysnia   e   tradites   mashkullore   dhe   fanatizmi   ishin   te   medha,   ne   heshtje,   Lumturia   projektoi   e   nisi   te  aplikonte,  sapo   iu   dha   rasti,   ndryshimet  e  nevojshme.  Se   pari   ajo   nisi   te   bente   ndryshime   ne   menyren   e   te   ushqyerit   dhe   e   pasuroi   dieten,   jo   me   ndonje   asortiment   kushedise   cfare,  por   me   perpunim   me   cilesor   te   produkteve.   Nena   e   saj,   Zonja   e   Madhe,   e   cila,   ne   mehallen   Ahmtaj   e   me   gjere   shquhej   si   “kuzhiniere”   dhe   e   aktivizonin   ne   dasma   e   ne   gostira,   ne   rolin   e   tiganxheshes  ( gruas   qe   gatuante   me   shije),   i    kishte   mesuar   te   bijes   menyren   e   gatimit   tradicional,   me  cilesi.

Nuk   ishte   e   lehte   per   motren   tone   te   thyente   nje   tradite   per   te   praktikuar   nje   menyre   tjeter   jetese,   tek   familja   tradicionale   ku   vajti   nuse.   Hall   i   madh   ishte   ruajtja   e   raporteve   te   kunaterimit   me   Shaqen,   e   cila,   prej   kohesh   kishte   aplikuar   nje   menyre   tradicionale   gatimi.   Lumturise  i   duhej   te   ruante   te   dy   polet;   si   marredheniet   e   mira   me   kunaten   e   madhe   dhe   te    mos   “lendonte”   plakun   e   mocem   te   asaj   shtepie  –   Sulo   Barjamin,   i   cili   dukej    qe    po   ngryste   ditet   e   fundit   te  jetes  se   tij.   Sulo  Barjam   Llakaj    ishte   burre   zakoni;    i   zgjuar   e   i  mencur,   i   familjarizuar   me   praktiken   shumevjecare   te   familjes,  e   te   fisit te tij, ne harmoni me zakonet e asaj zone. Ai nuk ngjante si kreshnik vetem nga pamja e jashtme.  Vjehrra   e   Lumturise   –  Hasime   Mahmutja  ndodhej   ne   mes   te   dy   zjarreve.    Nga   njera   ane   nuk   donte   tja   prishte   nuses   te   madhe,   Shaqes,   me   te   cilen   bashkejetonte   prej   vitesh   dhe   e   njihte  e  kishte  formuar  bindjen  se  Ajo  ishte  Zonje  shtepie  kompetente  dhe   nuses   te   re  –  Lumturise,   te   cilen   e   kishte   si   Selvine   e   saj.   Qendrimi   i   dyzuar;   sjellja   ndaj   Lumturine   si   vjehrre  dhe   si   hallo,   ishte   teper   i   veshtire.   Qendrimi  i  dyzuar  i   Nene   Hasimese   ndaj   motres   tone,   mbeti   i   pandryshuar   deri   ne   fund   te   jetes   te   saj.

Vajtja   nuse   e    Lumturise   ne   ate   dere   te   fisme,   i   gezoi   te   gjithe,  si  ne  Binaj  dhe  ne  Llakaj;    por   jeta   e   saj   nuk   rrodhi   sic   do   ta   donim.   Pa   mbushur   5   dite   nuse  ne  ate  prag   dhe   pa   e   pare   akoma   fshati,  sic  ishte  zakoni  i  vendit,   Lumturia   ishte   e   detyruar  ( u  urdherua)   te   dilte   ne   pune   ne   brigaten   e   arave,   e   cila   ne   ato   dite   hapte   toke   te   re,   mbi   nje   siperfaqe   te   mbuluar   nga   brazima   dhe   ne   nje   mot   te   ftohte   sa   te   binte   per   thonjsh.   E   keqja   e   madhe  e  kesaj  pune  ishte   se   te   gjitha   grate   e   brigates   dhe   nusja   e   re  –  Lumturia   jone,   ishin   te  detyruara   te   punonin   mbi   brazime,   zbathur.   Kur   kunata   e   madhe,  Shaqja   e   Baro  Sulos   i   tha   te   dilte   ne   pune   e   te   punonte   zbathur,   si   shoqet   e   brigates,   Lumja   u   pergjigj:  ” Ja  tek  i  kam   kepucet  qe  me   ka   blere   babai;  do   te   punoj   me   kepuce”!  Dhe  deftoi  kepucet  qe  kishte  prure  ne  paje.  Jo,   u   pergjigj   Shaqja;   kepucet   e   nuserise   do   ti  perdoresh     per   “te   dale”   ne   mehalle   e   ne   fshat.   Dhe   nusja   e   re,   ca   per   hir   te   tradites   e   ca  nga droja  per  te  kundershtuar  kunaten  e  madhe,   beri   sic  i  tha  ajo.

 Kur   vajti   ne   te   pare,   ne   Kalivac,   Lumturia,   midis   te   tjerave    iu   ankua   Babait,  edhe   per   punen   e   kepuceve.   Ai    ndermori   disa   hapa   qe   ndodhia   te   mos   perseritej.   Ne   ate   palce   dimri,   puna   ne   are   zbathur   ishte   nje   “ denim”,   sidomos   per   nuset   e   reja.   Xheviti,   edhe   pse   i   pashkolle,   me   pervojen   e   jetes   si   blegtor,   i    kuptonte   keto   dukuri,  me  gjithe  rrjedhojat  qe  do  te  vinin  ne  jeten  e  vajzes  – nuse,  e  cila  do  te  behej  nene.

  Midis  atij  fukaralleku   qe   e   kishte   zene   per   fyti ,  Ai  mendonte   per   kocen   e   tij   te   vetme,   qe  Ajo   mos  ta  ndjente   peshen   e   rende   te   tradites  e  te  mos  plevitosej.  Xheviti   provoi   ti   mbathte   koces   nje   pale   kepuce  cilesore   me   qafe,  te  cilat  i   kishin   rene     ne   pako,   kur   punonte   ne   Selenice.  Kepucet  e  kuqe,  te  prodhimit  cekosllovak  ishin  te  vogla  edhe   per  kemben  time  qe  ishja  me  i  vogel  se  ajo.  Lumturia  vajze   ishte   rritur  kembezbathur  e   kemba   e   saj   ishte   rritur   shume.   Edhe   pse   i   cau,   me   thike,  ne  kurriz,   kepucet   prapseprap   nuk   mund   ti   mbathte   motra   jone.   Ishte   shansi   i   Dilaverit,   i   cili,  ne   ate   kohe   vazhdonte   shkollen   fillore   te   fshatit   dhe   i   perdori   ato   per   te   luajtur   futboll,  ne   Sheshe. 

Lumturia   u   kthye   ne   te   pare,  pas   dy   javesh,   nga   dita   e   dasmes   te   saj.   Xheviti   dhe   Reshati   i   Resmi  Nelos,  nje   dite   te   bukur,  pa   shi,   te   lare   e   te   nderruar,   moren   kalin   e   xha   Lazes,   i   cili   ishte   i   urte   e   trupvogel   dhe   e   mbajten   vrapin,   ne   Krahes   Nr . 2,   ne   Bregun   e   Llakajve.   I  moshuari   Sulo   Barjami   dhe  bashkeshortja  e  tij,   Hasime   Mahmutja,   dy   pleq   te   dashur  e  te  pritshm,   fluturonin   nga   gezimi   se   po   pritnin   ne   shtepine   e   tyre   dhe   u   jepej   rasti   ti   benin   nderet   e   duhura   krushkut   te   ri;   Xhevit   Malkos,   nga   Kalivaci.   Pjesetaret   e   tjere   te   familjes  se  tyre  ishin   vene   ne   levizje,  disa   dite   me   pare.   Lumturia   nuse   mezi   e   permbante   veten.   Asaj   i   gufonte   gjoksi   e   i   rrihte   fort   zemra   se   do   te   takonte   xhaxhakon   dhe   Reshatin   qe   e   shoqeronte,   te   cilet,   Ajo    i    donte   shume.  Dy   javet   pas   marteses  Lumturise   i   ishin  dukur   si   dy   vjet.

 Ne  darken  e  shtruar  per  te  nderuar  miqte  e  rinj,  Krushku   ne   qoshene   e   djathte   dhe   xha   Sulua   ne   te   majten;   te   tjeret   ne   vendet   qe   u   perkisnin   sipas   hierarkise   familjare,   zune   vend   mbi   shiltete   e   shtruara;   me   ranxhaten   e   rakise   dhe   me   pjaten   me   meze   perpara,   ku   dukshem   shquheshin   thelat   e   mishit   te   pjekur  ne  hell.  I  zoti  i  shtepise,  per  te  gostitur  Krushkun  e  ri  kishte  therur  nje  goxha  qengj, pires.   Hengren,   pine   e   biseduan,   per   probleme   nga   me   te   ndryshmet.

 Pas  informacionit  te  ndersjellte  per  ceshtjet  e  dy  familjeve  ne  krushqi,  biseda  rrodhi  ne  hulline  e  problemeve  te  kohes  ku  kryefjale  ishte  mbarevajtja  e  puneve  ne  koopertaivat  bujqesore  te  sapokrijuara.  Nuk   u   deh   njeri,   mbasi   asnjeri   nga   meshkujt   qe   moren   pjese    ne   ate  darke  miku   nuk  ishte  teriaki ( qejfli)  rakie.

  Kur   shtruan   per   te   fjetur,   Lumturia   u  shtri   ne   te   njejtin   jatak   me   Reshatin.   Te   dy   ishin   te   malluar   per   njeri  –  tjetrin.   Kur   ishim   te   vegjel,   ata, te  dy   se   bashku   me   mua   dhe   me   Nelon,   flinim   ne   nje   jatak   e   pinim   sise   tek   nenat   e   njeri  –  tjetrit.   Nuk   ndaheshim  kurre   prej   njeri  –   tjetrit;   ishim   si   vellezer   e   shkuar   vellait.   Edhe   kur   u   rritem,   madje   edhe  kohet  e  fundit,    kur   motra   jone  jetonte  ne  familjen  dhe   me  femijet  e  saj,   lidhjet   e   gjakut   dhe   hallet   qe   kaluam,   si   ne   femijeri   dhe   me   pas,   na   afruan   akoma  shume   me   njeri  –  tjetrin.  Te   dy,   si   Lumturine   dhe   Reshatin,  te  cilet   ishin   shume   te   malluar   per   njeri   tjetrin   dhe   nuk   i   zuri   gjumi   ate   nate.  Ata  kujtuan   femijerine   e   mjeruar  te  tyre,   sollen   nder   mend   edhe   ate   kohe   te   shkurter   te   “ lulezimit”   te   ekonomise   familjare  te  perbashket,   kur   nuk   kishim   ene   per   te   hedhur   bulmetin   e   dhenve   te   qinosise   me   Haxhiajt,  si  dhe  sollen  ne  mendje   kohen   e   “ zeze”,    kur   rronim   me   lakra   te   zjera,   pa   kripe   e   pa   vaj,   etj.

Lumturia   mezi   priste   te   vinte   ne   Kalivac.   Kasollja   shtepi,  i   ngjante   me   nje   kala   madheshtore   e   nuk   i   hynin    ne   sy,   as   shtepite  si   saraje  te   bashkefshatareve   te   kamur   te   fshatit.   Ate   e   kishte   pikur   malli,   per   Xhaxhakon;   per   Lulen   ( keshtu   e   therriste   Ajo   Zonjen   e   Madhe,  nenen  tone ),   per   Dilaverin   dhe   per   vellane   e   madh,   i   cili   nuk   mundi   te   vinte   ne   dasmen   e   saj.   Ajo   kishte   mall   pervelues   per   Nelon   dhe   per   Reshatin,   me   te   cilet   ishte   rritur   e   i   kishte   si   vellezer;   nuk   duronte   sa   te   takonte   Zonjen   e   Vogel   te   Binajve,   e    cila   iu   be   nene   e   dyte,   per   Ninijen  ( Hysnijen  e  Musa  Mehmetit),   per   gege   Tajanen,   per   Memen   e   Muharrem   Hasanit;  per  Lolone   (Mbeten  e  Resul  Nelos),   per   Nefizene   e   xha   Lazes,   per   Lalane   e   dajo   Banushit;   per   Avizene   e   Abedin   Kahremanit,   per   teze   Lalane  nga   koshtani;   per   Samon   e   xha  Breshanit  e  me  radhe,  per  te  gjitha  grate  e  per  burrat  e  mehalles, deri   tek  familjet  e   vellezerve  Ahmet   e   Novruz   Selfos   dhe   grate   e   tyre:   Xhixhon   dhe   Lulen   e   me  tej   ne   Bexge   ku   kishte   ngritur   kasollet   Agai   ( Resul   Nelua)  etj.  Lumen   e   kishte   marre   malli   te   dilte   tek   Buza   e   te   veshtronte   Shuret,   Gurishtet,   Llomerat,  Grykat,   Mocalet,  Bishtjet,  Kullustrat,  Trapin   e   Cesmes,   Kocimaren,  Doken,   Margellicin,   Zezanin  e  Shkozes   e   ate   te   Corrushit   dhe   per  Lumin  ujeplote,  per  Goricen,  per  Fushen   e   begate   te   Kalivacit   e   te   takonte   sa   me   shume   njerez   te   fisit   te   saj   e   te   fshatit   mbare.

  Kishte   qene   koce   pulash   e   ishte   bere   nuse;   Ajo   vinte   ne   Ahmetaj,   tjetersoj.  Kur   te   takonte   Xhixhon,   Mbeten;   grate   e   fisit   e   te   mehalles,   do   ti   bente  ato  me   dije   per   shtepine   ku   kishte   vajtur   nuse,   per   burrin,   per   vjehrrin   e   per   vjehrren,  per  kunatat   dhe   per  cdo   gje   tjeter   qe   lidhej   me   nuserine   e   saj.   E   kishte   menduar   mire   dhe   se   ku   do   te   shkonte   me   pare   e   ku   me   pas, per vizite kortezie.   Diku,  ajo  do   te   shkonte  e   ftuar   per   dreke   e   diku   per   darke.  Ate,  mesiguri  do   ta   ftonin, si  mbesen  e  shpirtit,  dajot,    ne   Koshtan,   dajot   e   babait,   ne   Hysodosaj   dhe  dere  me  dere  ne  Ahmetaj.  Ne  vizitat  e  mundeshme,  Ajo   do    te   shkonte   vete,   e   shoqeruar   nga   Zonja   e   Madhe  e  Binajve.

  Keto   gjera   mendonte   gjate   gjithe   udhes   qe   beri   te  nesermen  e  vajtjes  ne  Llakaj  te  Xhevitit  dhe  Reshatit,  per  ta  marre  ne  te  pare.  Udha  zgjati   gati   2  ore,  e  Ajo  e  hipur  mbi  kale,  mendonte  e  mendonte  dhe  nuk  e  ndjeu  fare  distancen  qe  pershkoi.  Ne  lokalitet,  u  pershendet  me  kalivacase  e  me  kalivacas,  te  cilet nuk  kishin  nevoje  te  pyesnin  per  te  mesuar  identitetin  e  saj;  ata  e  njihnin  mire,  si  Ate  dhe  Xhaxhakon  e  Reshatin  qe  hiqte  kalin.  Ne  Bozanaj kaloi  neper  Varfaj,  ne  Malaj,  ne  Dostaj,  tek  shtepia  e  Azbi  Bakos,  tek  Lisat  e  Hyset  dhe  doli  ne  Sheshe. Pa  e pare  nga  afer,  Ajo   u   cmall   ne  distance,    me   shkollen   fillore   te   fshatit  ku  kishte  mesuar  4  vjet   e  ku  kishte  provuar  te  ftohtit,  lodhjen  dhe  supen  e  ngrohte  te  pergatitur  ne  nje  kazan  ushtrie  me  bizele  qe  na  kishte  dhuruar  UNRA.  Ne  te  tatepjeten  e  theksuar  qe  zbret  tek  shtepia  e  Cizo  Selfos,  ishte  e  veshtire  te  rrugetoje  mbi  kafshe.  Reshati  shoqerues,  e  mbajti  per  krahu,” motren”  edhe  pse  i  paket  nga  shtati,   per  te  dale,  neper  udhen  e  shulme,  mbi  shtepine  e  xha  Hysniut  e  me  tej  ne  Buzen  legjendare.

Kur   kali   i   xha   Lazes   me   keloresen  ne  shpine   u   fut   tek   shtegu   me   tel   i    avllise,   e   para   e   pershendeti   e   ema,   Zonja   e   Madhe   e   Binajve,   te   cilen   e   kishte   marre   malli   shume   per   kocen   e   vetme   qe   e   kishte   rritur   mes   halleve.  Ajo,  plot  emocione,  me  sy  te  perlotur,  por  dhe  me  krenari  se  ishte  e  sigurte  qe  e  bija  e  kishte  nderuar,  iu  drejtua  Lumturise  me  fjalet:  “ Te  keqen  nena  jote!  po  nga  na  dole  moj  bije  qe  ne  pike  te  mengjesit,  akoma  pa  zene  dielli  dhene.  Erdhi  e  te  mori  Babai  se  e  kishte  pikur  malli  per  ty!  Po   sa   me   qenke   rritur   e   me  je  zbukuruar  moj  koce.  Po  Nenen  e  ka  marre  malli  shume  per  ty;   tek   ti   e   kam   patur   mendjen,   gjithe   keto   dite”; etj. etj.  fjale  zemre  peshperiste  Nena,  e  lumturuar  qe  i  erdhi  vajza.  Ato  fjale   i   dilnin  Zonjes  te  Madhe  te  Binajve,  si  vullkan,  nga  thellesite  e  shpirtit  te  saj.  Sa  sistemuan  kafshen  dhe  u  kujdesen  per  hejbete,  shoqeruesit,  Lumturine  e  pushtoi  ne  krahe  e  ema,  me  lotet  qe  i  rridhnin  curke,  nga  gezimi  e  nga  malli.  Ajo  e  pushtoi  kocen,  ne   gji,  sic  bente  dikur  kur  e  pati   femije   dhe   “ e   mbyti”  me   te   puthura   nene.  Nderkohe,  tek  shtegu  i  avllise  te  perbashket  u  dha  Zonja  e  Vogel,  me  nje  kazan  llamarine  me  uje  buimi,  ne  koke  dhe  me  nje  shufer,  ne  dore.  Ajo,   sapo   la   kazanin   me   uje  te  fresket   ne   sofat,   beri   si   kunata   e   saj,   me   duart   e   me   zerin   qe   i   dridhej   nga   emocionet   e   te   papritures.  Tajanja   e   Muharrem   Kamberit, po   fshinte   avlline.  Ajo,   me   te   pare   ate   skene   interesante,   la   fshesen  ne  shesh   dhe   i   beri   kembet   cope,   neper   rrugicen   e   ngushte   tere   popla,   e   u   dha   tek   shtegu,   e   gatshme   per   te   shuar   mallin   qe   i   vlonte   ne   gji.   Tajanja   ishte   mjaft   e   dashur,   bujare   dhe   me   nje   kuriozitet   te   shtuar,   per   cdo   levizje   ne   ate   pjese   te   mehalles.  Cfaredo   qe   te   ngjante   ne   ate   grumbull   shtepish,   ne   mehallen   e   Ahmetajve,   Tajanja   e   Muharremit   do   ta   merrte   e   para   informacionin,   jo   vetem   se   shtepia   dhe   shkallet   e   saj   ishin   si   pike   vrojtimi   per   ate   zone,   por   dhe   se   kurioziteti   i   saj   ishte   i   papare.  

Pak   me   vone   erdhi   Hysnija   e   Musa   Mehmetit;  “ komandantja”   e   grave   te   mehalles,  e  cila  matej  me  burra  zakoni  Minajetja  e  Mehmet  Musait,  Memja  e  Muharrem  Hasanit   dhe   gra   te   tjera   te   fisit   e   te   mehalles.  Njoftimi  per  ardhjen  e  Lumturise  nuse,  u  perhap  si  rrufe  dhe  nuk  kishte  force  qe  ti  ndalte  grate  kurioze.  Ne  Kalivacin  e  atyre  viteve  ishte  nje  zakon  i  pashkruar  por  i  ditur  e  i  pranuar  nga  te  gjithe, i  cili  zbatohej  vullnetarisht:  Kur  vinte   ne   te   pare   kocja,   te   gjitha   grate,   pas   tyre   edhe   burrat,   nxitonin   ta   takonin,   ta   pyesnin   e   ta   uronin:   “ Me   nje   djale ”!  Pyetjet  qe  beheshin  kishin  lidhje  me  pershtatjen  e  koces  te  tyre  ne  shtepine  e  re,  cilet  jane  pjesetaret  e  familjes  te  re?  Si  shkon  me  burrin,  me  vjehrren  e  me  vjehrrin,  me  kunatat,  si  e  ndjen  veten  ne  ate  mjedis  te  ri?  etj. etj.

 Sa  te  vinin  grate  e  tjera,  te  cilat  kushedi  se  ku  ndodheshin  ( per  uje,  per  dru,  ne  mulli,  per  te  mbledhur  lakra  te  egra  ne  fushe,  per  t’u  shpure  buken  burrave  qe  ishin  ne  kullote,  me  bageti,  etj.  etj,  grate  qe  u  ndodhen  te  parat  ne  avlline  tone,  u   sulen  brenda   kasolles  shtepi  dhe  hapen  hejbete,  per  te  pare  gatimet  dhe  dhuratat  qe  kishte  prure  Lumturia. Si  rregull,  kur  vajza  e  bere  nuse  vinte  ne  te  pare,  sillte  nje  revani  te  tradites,  te  pjekur  ne  sac;  nje  cyrek  gruri  dhe  dhurata  te  ndryshme.  Mes   dhuratave   binin   ne   sy   corape,   per   babane,   per   xhaxhallaret,   per   vellezerit,   per   kusherinjte   e   afert   etj.   Ato   ishin   te   punuara   me   dore,   me   grep   apo   me   shtiza,   te   thurura   me   fije   leshi.  Grave   mund   t’u   sillte   ndonje   fustan,   shami   koke,   fute,  corape,   sapune   tualeti   etj.   Zonja   e   Madhe   e   Binajve,   si   nene   e   koces   –  nuse,   i   shperndante   dhuratat,   dere   me   dere   e   koke   me   koke,   me   merakun   qe   ato   te   shkonin   ne   destinacion.  

Dy   jave   “ leje”   i   kishin   dhene   nuses   Lumturi   vjehrra   Hasime   dhe   vjehrri   Sulo.   Ditet   e   lejes   rrodhen   shume   shpejt   sic   nuk   kane   duk   ditet   e   vajzes   ne   te   pare.   Kishte   cfare   te   kujtonte   motra   jone   ne   ato   dite  “ pushimi”,  ne   shtepine   ku   ishte   lindur   e   ishte   rritur.   Cfare   te   kujtonte   e   ke   te   harronte   Lumturia   jone?   Femijeria   e   saj   kishte   kaluar   ne   mjerim;   pubertiteti   i   saj   kishte   qene   i   ndrydhur,   shtegtimi   i   zgjatur   nga   njera   shtepi   ne   tjetren   e   kishte   merzitur   shume,   mbasi   ishim   muhaxhire   ne   mehallen   tone,   shoqet   e   ngushta   te   femijerise   me   te   cilat   u   nda   e   nuk   dihej   nese   do   te   takoheshin   me;   fejesen   me   nje   njeri   te   cilin   nuk   e   njihte   e   nuk   e   kishte   pare   asnjehere   etj.   etj.   As   u   shlodh   e   as   u   shmall   ne   ato   dy   jave.   Koha   rrodhi   aq   shpejt,   sic   iken   vesa   e   prillit   mbi   bar.  

Sipas  nje  tradite  te  mire,  e  cila  ka  ekzistuar  e  vazhdon  te  funksionoje  sot  e  ksaj dite, vajzen  nuse  qe  kthehej  ne  te  pare,  e  ftonin  gjitonet, te  afermit, miqesia  e  ku  ta  di  une,  te  gjithe  dashamiret  e  saj  e  te  familjes;  kush  per  dreke  e  kush  per  darke,  ne  gostira  respekti.  Nje  dite  e  ftoi,  per  dreke  Hysnija  e  Musa  Mehmetit.  Ne  dreke moren pjese:  Minajetja, nusja  e  asaj  shtepie; dy  Zonjat,  Lumturia,  Tajanja  e  Muharrem  Kamberit,  e  cila  nuk  mund  te  mos  ishte  e  pranishme,   kurrsesi,  per  vete  karakterin  e  saj  bujar dhe  shpirtin  e  mire  te  njohur  nga   te  gjithe  dhe  Mushua  e  Refat  Mahmutit.  Shtepite  tona  ishin  prane  njera – tjetres. Ato  i  ndante  nje  rrugice  me  shtrat  te  gurte. Ishte  dreke  me  biseda  grash  nga  me  te  ndryshmet.  Mes  te  tjeresh,  grate  kujtuan  vitet  ’50  te  shekullit  te  njezete. Ne  Ahmetaj  ishte  perhapur  thashethemi  se  nje  e  vdekur,  pas  varrimit  ishte  ngjallur  lugat.  Aso  kohe  nga  mjaft  njerez  besohej  se  jeta  mbas  vdekjes  vazhdonte  dhe  se  ringjallja  e  njeriut  te  vdekur  mund  te  behej  si  lugat,  kukudh,  xhind  etj.  Perhapesit  e  thashethemit qe  te  deftoheshin  ne  syte  e  njerezve  sa  me  te  besueshem  ne  ato  qe  sajonin,  benin  be  e  rrufe  se  e  kishin  pare  me  syte  e  tyre  lugatin  dhe  se  ai  i  kishte  sulmuar  me  gure.

Ne  vere,  disa  nga  grate  e  fisit  tone  si  Hysnija;  Zonjat,  te  dyja;  Minajetja;  Tajanja;  Lumturia;  Engjellushja   dhe  ndonje  tjeter,  te  cilat ishin  me  shtepi  prane  e  prane  nga  frika  e  lugatit,  e  kalonin  naten  ne  avlline  e  Musa  Mehmetit,  te  strukura  njera  pas  tjetres.  Hysnija  e  Musa  Mehmetit,  ishte  kryetare  e  grave  te  fisit  e  te  mehalles.  Ajo,  si  burrneshe  e  trime,  i  grumbullonte  grate  e  fisit  rreth  vetes  e  i  mbronte  ato,  sic  mbron  kllocka  zogjte.  Por  grave  nuk  u  dilte  lehte  frika   se  mund   te  shfaqej  lugati  i  frikshem  edhe  aty, ne  avlline  e  xha  Musait.  Xha  Musai,  nje  burre  i  rralle  per  nga  trimeria  dhe  mencuria  e  percillte  naten  ne  pronat  e  tij,  ne  Margellic.  Atje  Ai  kujdesej  per  bagetite  e  imeta  dhe  pe r gjedhet,  si  dhe  per kalin  kuqo.  Plaku  i  mencur  e  trim,  Musa  Mehmeti,  te  cilin  vitet  e  pleqerise  nuk  e  kishin  vene  dot  posht,  shkeputej  nga  Margellici  dhe  hipur  mbi  kalin  kuqo,  trupmadh  e  te  fuqishem  por  disi  i  ngathet,  vinte  ne  avilli,  veshtronte  grate  te  strukura  njera  pas  tjetres,  e  ikte  perseri.  Ai,  e  bente  kete  pune  disa  here  brenda  nje  nate,  me  llogari  qe  drita  e  dites  se  neserme  ta  gjente  prane  arave  dhe  bagetive  qe  mbareshtonte,  ne  Margellicin  e  begate.

Kaluan  dy  jave  e  u  sosen  “ pushimet” per Lumturine.  Erdhen  ne  kasollen  tone  njerezit  e  Tefik  Sulos  dhe  e  moren  nusen  e  tyre –  Lumturine.  Sic  ngjan  ne  keto  raste,  ne  familje,  ne  fis  e  tek  te  gjithe  miqte  e  dashamiresit  e  familjes  tone,  ra  perseri  merzitia.  Me  teper  e  ndjeu  kete  merziti  Zonja  e  Madhe,  te  ciles  i  dukej  sikur  e  shkeputi  per  here  te  pare  kocen  e  shpirtit,  nga  gjiri  i  saj.  E  ndjene  thelle  dhe  shoqet  e  saj  te  aferta,  te  cilat  nuk  do  ta  kishin  me  ne  lojerat  e  femijerise  vajzerore   dhe  gjate  ruajtjes  te  pulave  te  detit  apo  ne  rrugetimin  per  te  mbushur  uje  ne  burim, i  cili  shnderrohej  ne  nje  thashethemnaje  te  cuditshme  ku  vajzat  qanin  hallet  e  vajzerise,  perhapnin  moden  e  mjeruar  dhe  i  transmetonin  njera – tjetres  pervoje  jete.

Sic  qe  tradita,  Zonja  e  Madhe  e  percolli  te  bijen  me  gatimet  e  nevojshme,  ku  vendin  kryesor  e   zinte  revanija   e  pjekur  ne  sac  dhe  dhuratat.  Ne  menyre  strikte  dhe  me  korrektese  maksimale,  ne   te   tille  raste  ruhej  nje  lloj  reciprociteti;  nje  baraslargim  i  merituar.  Veshtiresisht  i  perballueshem  ishte  casti  i  ndarjes.  Perqafime,  puthje  te  ngrohta,  lote  dhe  porosi  kishte,  me  shumice  ne  ndarjen  e  koces  nga  Nena  e  dhimbsur.  Keto  dukuri  prekese,  nuk  ishin  me  te  pakta  kur  u  nda  Lumturia  nga  Ninija,  nga  Zonja  e  Vogel,  nga  Minajetja,  nga  gege  Tajanja,  nga  Izja,  nga  Loloja,  nga  Memja  e  nga  te  gjitha  grate  qe  e  percollen.  Burrat   ishin   po   aq   te   emocionuar,   ne   vecanti   Xhaxhakua,   por   ata   e   mbanin   e   nuk   e   leshonin   veten.   Zaten,   burreria   bente   beli   edhe   ne   kete   cast.   Ishte   vjeshte   e   prasme   dhe   lotet   e   grave   percjellese,   i   shtonin   rrekete   e   shiut   qe   binte   parreshtur.

Ne   pushimet   e   dimrit  pasardhes,   ne   muajin   janar   te   vitit   1958,   vajta  prane  familjes   ne   Kalivac   te   Tepelenes.  Mbasi   takova   te   mite   ne   Ahmetaj   e   ne   fshat,   mora   udhen   per   ne   Krahes   Nr.2.  Nje  dite,  qe  ne  mengjes,  u   nisa    per    te    shkuar    ne    shtepine   e   krushqve,   ku   kishte   vajtur   nuse   ime   moter  –   Lumturia.  Babai   dhe   Nena,   kur   me   nisen,   me   dhane  nje  mal  me   porosi.  Ata   me   deftuan   udhen   nga   do   te   kaloja   dhe   kujdesin   qe   duhet   te   beja   per   t’u   mbrojtur   nga   qente   e   stanit,   te   cilet   ishin   te    eger  e  te  sulmonin.  Ata   qendronin   prane   staneve  me  dhi, ne  kopete  e  bagetive  qe   kishin   populluar,    Gonene   ku   kishte   mjaft   llastare  perralli  e   shkurresh  te  tjera   dhe   gjate   udhes   per   ne   Llakaj.   Fshatrat,   ne   ate   kohe   nuk   ishin  te   kolektivizuar   ne   te   gjithe   komponentet  e  ekonomise  bujqesore;  disa  tufa  te  shkeputura   me  bageti   te   imeta,  i  kishin  prane  zoterimeve  te  mepareshme  dhe  i  ruanin  me  qen  stani.  Goneja,   psh,  ishte   e   mbushur  me  vatha  e  me  kasolle  ku  dimeronin   dhite  e  shtegtareve  te  ardhur  nga   krahinat   malore  te  Zagorise  e  te  rrethit  te  Permetit;  Bregadova,  ishte  plot  me  stane  dhensh.

 Porosia   kryesore   ishte   si   te   sillesha   e   si   te   nderoja   miqte   e   rinj,   duke   e  paraqitur   veten   perfaqesues   te   denje   te   fisnikerise   nga   rridhja.   Do   te   behesha   dajo   se   afermi   ne   ate   prag   dhe   ky   emer   simbolik   ka   nje   domethenie   te   madhe.  Te  qenit  dajo  eshte,  ne  te  njejten  kohe   nderim   dhe   obligim.  Duhet   te   pergatitesha   dite   pas   dite   per   ta   merituar   pozicionin   e   pritshem.   Ne   shtepine   e   krushqve   te   rinj   mberrita   mbasdite,   neper  nje   shi   qe   nuk  kishte  te  pushuar.  Te  zotet  e  shtepise  me  priten  me  respekt,  si  djale   krushku.  Ata  ishin  njoftuar  qe  me   pare  per  vajtjen  time.  Te   parin   takova   plakun   e   mocem   Sulo   Barjam   Llakaj,   babane   e   kunatit    dhe    Nene   Hasimene,   vjehrren   e   sime   motre.   Pastaj   i   takova,   me   radhe,   te   gjithe   familjaret,   me   radhe:   Baro   Sulon;   Shaqen;   Muharremin;   Tefikun   e   me   ne   fund    motren   time  –   Lumturine.   Ishte   dimer   e   njerezit   nuk   kishin   pune   ne   are.   Ky   ishte   nje   favor,  ne   anen   time   se   i   gjeta   lehtesisht,   ne   shtepi,   ata   qe   duhet   te   takoja.   Pak    me   vone   erdhen   gjitonet,   per   te   me   takuar   e   per   te   me   nderuar.   Te   moshuarit   Muhamet   Ramadani   dhe   vellai   i   tij  –   Tahiri,   se  bashku   me   grate,  u   shfaqen,   ne   cast   prane   meje   e   me   takuan   me   ngrohtesi.   Pritej   te   vinte   darka   e   te   shtrohej,   sufraja   e   mireseardhjes.  Shenjat   ishin  te  qarta.  Ne   ate   darke   miku,   do   te   ishin   te   pranishem   vetem   pjesetaret   e   familjes,   te   cilet   nuk   ishin   te   paket.  

U   ulem,   sipas   tradites.   Jo   rreth   sufrase   por  njeri  pas  tjetrit,  mbi  shiltet  prej  leshi,  te  endura  nga   Shaqja,   ne   kacin  ( tezgjahun)  qe   ishte   kapardisur   ne   fund   te   shtepise. Sejcili  kishte   nje   jastek   te  leshte  prapa   kurrizit.   Biseden   e   kryesonte   plaku   i   shtepise   Sulo   Barjam   Llakaj.   Me   takonte   te   ulesha   pas   tij.   I  ulur  kembekryq,  si  te  tjeret,  i   mbaja   syte   nga   motra.   Me   vigjilence   te   shtuar,   veshtroja   te   kapja   ndonje   isharet   ( shenje)   prej  saj,   me   gjeste   apo   me   gjuhen   e   trupit.   Nuk   ia   ndaja   syte   dhe   per   faktin   se   me   kishte   marre   malli   sa   s’behej,   per   te,   ca   me   teper   se   nuk   pata   mundesi   te   merrja   pjese   ne   dasmen   e   saj.   Kur   erdha   ne   shtepi,  nga  Korca  e  nuk  e  gjeta  motren e dashur ne vater. M’u  duk  shtepia  bosh  e  nuk  me  hynte  asgje  ne  sy.  Tani  e  kisha  aq  prane,  e  une  e  veshtroja  ne  sy  e  nuk  ngopesha  se  pari.  Edhe  ajo  me  veshtronte  e  nuk  mi  ndante  syte.  Nena  dhe  Babai  me  kishin  porositur  si  e  kur  do  te  beja  urimin, ne  raki,  te  mos  deftohesha  grykes  ne  te  ngrene  se  neser  do  te  behesha  dajo  e  kjo  nuk  shkonte.  E  shume  e  shume  porosi  te  tjera,  nje  pjese  te  te  cilave  i  harrova  udhes.

Sapo  nisi  darka,  ku  mesa  me  kujtohet  te  pranishem  ishin  vetem  njerezit  e  familjes  patriarkale  te   plakut  te  mocem  Sulo  Barjami;  nisi  urimi.  Eshte  fjala per  urimin  e  pare,  sapo  nis  darka.  I  pari  filloi  te  bente  traditen  i  moshuari  Sulo , si i  zoti  i  shtepise.  Ai  me  uroi  mua  te  parin,  si  djale  i  krushkut.  Sic  uronin  ne  fshat  ne  ate  kohe:  “ Gezuar !  Ti  qe  me  gjete  deren  te  gjette  e  mira!  Te  te  rrojne  Nena  dhe  Babai;  motra  e  vellai!  Miqesia  qofte  e  pandare!  Qofshi  te  nderuar  e  te  gezuar  ngahera”!  etj. etj.  Pastaj,  Ai uroi  te  gjithe  njerezit  e  shtepise,  me  radhe.  Formula  e  urimit  ishte   e   perafert,  thuajse  kishim  te  benim  me  nje  stampe  apo  me  nje  fotokopje.   Mbaroi  urimin  i  zoti  i  shtepise;  thithi  nje   gurmaz  raki  nga  ducja  qe  mbante  mes  gjunjeve,  mori  dhe  pak  meze  e  ma  “ dorzoi “ mua  stafeten.

 Veshtrova   perqark,  mora  guxim  se  mu  kujtuan  porosite  e  prinderve    dhe   rrembeva   faqoren  (fliten)   time.   Nisa   urimin.   Te   parin  urova   plakun   Sulo;   te   dyten –  krushken  –  Hasimene,  e  cila   qendronte   ne   kembe;    te   tretin   Baron   dhe  bera  sic  beri  dollibashi  (  plaku  Sulo  te  cilin  perzgjodha  si  model;   rrufita    nje   gllenjke   nga   faqorja   qe   me   kishin   vene   perpara.   Miqte   e   mi   nuk   qeshen,   me   “gafen”   time   se   nuk   e   lejonte   tradita  ( ishte   turp   te   qeshje   me   mikun  e  shtepise)  dhe   fisnikeria  e  tyre.   Ata   pane   njeri  –  tjetrin   ne   sy,  (se   merreshin   vesh   me   nje   te   pare,   vune   buzen   ne   gaz   dhe   kaq  qe  reagimi  i  tyre.   Vija   ne   ate   shtepi   pas   vajtjes   te   babait  tim.   Ate   e   kishin   pritur   me   qengj   pires  nga   ata   te   lashtet   qe   jane   gjithe   dhjame   qumeshti   e   shkrijne,  kur  piqen  ne  hell.  Krushkut  Xhevit,  pritesit   i   kishin   hedhur  nje   hise,  te  madhe,  sipas   zakonit. Mes  thelave, nishani   i  nderimit  te  mikut  ishte   bishti.  Per  mua  kishin   therur   nje   kaposh   deti,   te   ushqyer   me   brume,  te  ngjeshur   me  vaj  ulliri  dhe  me  kokrra   ulliri.  Mishi  i  kaposhit  te  detit  ishte  mjaft  i  shijeshem. Ate e kishin pjekur ne sac dhe kundermonte shtepia ere te mire.   Per  te  me  nderuar,  si   dajua   i  ardhshem  i  femijeve  qe  priteshin,  me  nderuan  duke  me  gostitur  me   kraherorin   e   kaposhit. Me vinte turp ta mbaja ate “shenje”;  tentova   tja   kaloja   plakut   te   shtepise –   Sulo   Barjamit.   Kishja   ndjenjen   e   turpit   se   cilidoqe   te   ishte   statusi   im,   une  perfaqesoja  nje   cunak   16  vjecar   e   nuk   ndihesha  mire   te  shqepja   kraherorin   perpara   nje   te   moshuari  si   plaku   Sulo   Barjami;   te   cilit   i   hodhen   kerbishtjen.   Mirepo  ndesha  ne  nje  rezistence  kategorike  te  te  zotit  te  asaj  shtepie, i  cili  nuk  e  pranoi  ate  qe tentova  te  beja une.  Atehere,  m’u  dha  dhe  e  copetova  kraherorin  e  kaposhit  dhe  ua  shperndava,  disave  nga  qe  ishin  ulur  per  te  ngrene  darke    si:  xha  Sulos,  Baros,  Hasimese  dhe  ndonje  tjetri.

 Ate  nate,  darka  kaloi  per  bukuri;  nuk  u  pi  shume  raki  ( mosha  ime  e  parritur  ishte  faktor  frenues)  por  u  be  nje  bisede  e  kendshme  me  shume  vlera.  Perftova  goxha  nga  ajo  darke,  nga  ata  njerez  te  mire  qe  ishin  me  te  regjur  ne  gostira  dhe  nga “ gafa”  ime nga padituria.  Fjeta, si  “pasha”;  ngrohte,  mes  shtrojeve  e  mbulesave ( velenxave)  te  leshta, i  sigurt  mbasi  me  rrethonin  njerez   qe  ushqenin  dashamiresi  ndaj  meje.  Lumturia  shtroi  prane  meje.  Gjithe  ate  nate  nuk  me  zuri  gjumi.  Motra  donte  te  bisedonim  dhe  me  pyeste  per  te  gjithe  njerezit,  per  kafshet,  per  bagetite,  per  punet;  madje  dhe  per  qente.  Mendova:  Kaq  shpejt  e  paska  marre  malli motrem time?  Dhe  sa  shpejt?  Ne  dhomen  e  miqve,  ku   duhet  te  flija,  kishte  depertuar  era  e  kendshme  e  mishit  te  kaposhit  te  detit  te  pjekur ne  sac,  era  e  alkoolit  dhe  tymi  i  duhanit  qe  pinin  burrat  e  shtepise.  Pyetjeve  te  Lumturise:  kush  ka  lere,  e  kush  eshte  ndare  nga  jeta;  kush  ka  vajtur  ushtar  e  kush  eshte  liruar  nga  ushtria; kush  u  fejua  e  kush  u  martua,  kush  ka  lere  e  cfare,  etj.etj.  Pergjigjet  e  mija  ishin  te  cunguara;  disa  gjera  i  dija  e  disa  te  tjera  jo,  prandaj  beja  sikur  nuk  i  kuptoja  ato  qe  nuk  dija  mesiguri.

Ne  mengjes  nikoqirja  e  shtepise,  gruaja  e  Baro  Sulos,  Shaqja,  na  poqi  petulla,  me  gjalpe  e  me  vaj  perzier. U  ngrita  heret,  se  ishja  mesuar  ne  konvikt,  ku  cdo  veprim  ditor  kryhej  me  orar.  Keshtu  ishte  ne  konviktin, ne  Korce;  keshtu  kishte  qene  dhe  ne  konviktin  e  Tepelenes,  dikur.   Shtrihesha   per  te  fjetur  e  cohesha  me  orar, si  ne  ushtri.  Te  zotet  e  shtepise  ishin  ngritur  me  heret.  Dikush  kishte  nxjerre  bagetite,  nje  tjeter  kishe  vajtur  per  te  prere  dru  lisi,  aty  prane.   Lumturia  kishte  leshuar  pulat  shqirake  nga  qymeci  e  ato  te  detit,  nga  kasollja,  u  kishte  hedhur  per  te  ngrene  dhe  kishte  fshire  avlline  me   nje   palice  dhe  priste  te  ngrihesha  une,  nga   rrobat.  Kur   dielli   kishte  zene  dhene,  u  ndava  nga  miqte  e  mi  te  mire,  me  mbresa  te  pashlyera.  Kishin  dale  te  gjithe  te  shtepise  per  te  me  percjelle,  tek  shtegu  i  avllise.  Takova,  te  parin  xha  Sulon,  Baron,  Tefikun,  Haxhine  dhe  pastaj  grate  e  asaj  shtepie  e  cila  ishte  shtepi  miku.  Hasimeja  me  shtrengonte  e  nuk  me  leshonte.  Ajo  me  puthte, ne  te  dyja  faqet  e  nuk  pushonte  se  porosituri.  Fliste  me  ze  te  larte,  mbasi  ishte  e  “vrare”  nga  veshet.  Nuk  kishin  te  mbaruar  te  falat  qe  me  dha.  Vjehrra   e  Lumturise,  Hasime  Mahmutja  ishte  bije  ne  Kalivac.  Tek  po  me  percillte, ne  intimitet,  gjeti   rastin,  ne  mevetesi,  te  me  jepte  te  fala  per  vellezerit  e  saj:  per  Karafilin  dhe  Refatin,  per  bashkeshortet   e  tyre:  Bedrine  dhe  Mushon  e  per  te  gjithe  fisin  e  saj  ne  Hasanimeraj  si  dhe  per  krushqit  e  rinj.   E   veshtire   ishte   ndarja   nga   ime   moter  –   Lumturia.   Ajo   vetem   qante,  ne  nje  cast   u   ngasherye   nga   te   qaret;   donte   te   fliste   por   fjala   i   mbetej   ne  gurmaz.   Nuk   i   vura   faj;   Ajo   kishte   lere   e   ishte   rritur   ne   tjeter   mjedis   dhe   tani   i   duhej   te   pershtatej   me   jeten   e   re.   Gjithashtu,  kishja   parasysh   se   vendlindja   eshte   shume   e   dhimbsur  e   kete   e   kishja   provuar   vete,   kur   vija   ne   fshat,    nga   larg.   Bera   si   bera,  jo  pa  veshtiresi   “rreshqita”  nga   krahet   e   saj   e   bera   te   dilja   nga   shtegu.  Po  ku  me  leshonte  Lumturia.  Me  shume  veshtiresi,  u   shkeputa    prej  kraheve   saj   dhe  kaperceva   shtegun   e   avllise   e  “mora”  udhen  e  verber,  cila  te  conte  ne   rrugen   kryesore   te   mehalles.   Zbrita   teposhte   kodres,   kaperceva,  gure  me  gure   perroin   qe   vinte   nga   Harakopi   dhe   mblidhte   ujerat   e   faqes   kodrinore   pas   te   ciles   eshte   mbeshtetur   fshati   i   Krahesiit  dhe   dola   ne   udhen   automobilistike   qe   te   con   ne   Fier.  

Ajo   udhe   eshte   piketuar   e   ndertuar   si   trase,   qe   ne   kohen   e   “Italise   te   Pare”,   ( ne   vitet   e   Luftes   se   Pare   Boterore)   por   nuk   u   shtrua   me   asfalt   ne   ate   kohe;   as   ne   vitet   e   Luftes   se   Dyte   Boterore,   kur   krahina   u   be   teater   luftimesh  dhe   shume   ura   dhe   vete   traseja   u   shkaterruan.  Ajo   udhe   automobilistike   nuk   te   conte   deri   ne   Tepelene,   por   ishte   riparuar   dhe  funksiononte  vetem   ne   segmentin:   Krahes   –   Fier.   Ne   kete   udhe   qarkullonte   vetem   nje   kamion  i  tipit  Zis  i   mbuluar   me   mushama   e   i   pajisur   me   stola   druri,   mbi   te   cilet   uleshin   udhetaret.  Shofer   i   ketij   kamioni   ishte   nje   burre   i   mire,   “bakull”,   me   emrin   Kamber.   Mezi   e   pritnin   Kamberin   dhe   makinen   e   tij    fshataret   e   zones,   te   cilet   e   kishin   emertuar   kete   makine  –   korriere.

Ne   Kalivac   mberrita   para   mesdites. Me  prisnin  qe  tu  rrefeja  per  misionin  qe  kishja  kryer.  Dilaveri   ishte   ne   shkolle,   siper   ne   Majen   e   Tendes.  Kalova  prane  shkolles  por  nuk  u  ktheva.  Xhaxhakua   i   kishte   nxjerre   dhente,  neper  yrtrat   mbi   shtepine   e   Hysni   Metes,   ne   menyre   qe   te   ishte   prane   shtepise   dhe   dhente   e   tij   te   brinin   ndonje   fije   bari   apo   te  pertypnin  ndonje   gjethe.   Zonja   e   Madhe,   i   kishte   shpure  cobanit  nje   tas   te   bardhe   cingo,   me   pershesh   dhe   me   priste   mua.  I   takova   aty   ku   zbriste   udha   e   verber  ku  kalonin  nxenesit   e   shkolles   se   fshatit;   mbi   ullirin   e   madh   kaniniot   qe   ishte   ne   brinjen   e   pjerret,   poshte   shegeve   dhe   fiqve   prane   murit   te   arishtes   te   Azis   Ramos.   Te   dy,   mezi   me   pritnin   edhe   pse   Xheviti   nuk   e   jepte   veten    perpara   meje   dhe  ne  syte  e  te   shoqes.   Ata   donin   te   mesonin   hollesira   nga   vajtja   ime   e   pare   ne   cilesine   e   dajos   te   pritshem   ne   shtepine   e   re   te   motres   tone –  Lumturise.   U   deftova,   fije   per   pe,   te   gjithe   ndodhine,   aty,   ne   kembe,   mes   asaj   bokerrime.   U  rrefeva  dhe    “ gafen “   qe   bera,   gjate   urimit.

 “E   kalova   klasen”   me   nje   “kritike”,   e   cila   ngjante   me   teper   me  nje  keshille  prinderore.  Ndryshe   nga   sjellja   e   Babait   me   mua,  ne  raste  te  tjere,  kur  beja  gabim.  Kur  gaboja,   Ai   me   zinte   prej   veshesh,   me   ngrinte   lart;   pastaj   me   leshonte.   Kesaj   here,  Ai   u   mjftua   me   nje kritike:  “Po   pse  mor  bir   i   babait;   une   te   porosita,  kur   u   nise”!   “Po   harrova   o   Xhaxhako”,   i   thashe,   se   ishte   hera   e   pare  qe  u  ndodha  ne  qoshe   e   me   mbyten   emocionet.  Ia   hodha   me   nje   keshille,   e   cila   ngjante   me   shume   si   derzhitje   ( versulje)   dhe   terheqje  te   vemendjes   se   tjeter   here,   do   te   bente   ate   qe   dinte,   ai   burre   i   ashper,   i   cili   nuk   toleronte   te   tilla   “gafa”.   Sic   duket   kesaj   here   e   kishte   mundur   malli   per   djalin   e   madh,   te   cilin   nuk   e   kishte   pare   prej   disa   muajsh.

Pas  darke,   ne   kasollen   tone   vershuan   disa   gra   e   disa   burra   te   fisit.  Sejcili   me   kuriozitetin   per   te   mesuar   dicka   per   ate   vajtje   interesante   timen,   tek   krushqit   e   rinj,   por   dhe   me   shpoti.   Ata   donin   te   mesonin   nese   i   kishja   nderuar   apo   i   kishja   turperuar,    me   sjelljen   dhe   me   qendrimin   tim   tek   miqte   e   rinj   dhe   a   e   kishja   paraqitur   veten   dinjitoz   perpara   tyre,   si   dajo   i   ardhshem   i   femijeve   qe   priteshin.   Biseden   e   kryesonte   Hysnija   kapedane.  Babai   im   i   kishte   deleguar   asaj   gruaje   burrneshe   gjithe   kompetencat   qe   kerkonte   drejtimi   i   nje   bisede   te   tille.   Zonja   e   Madhe   kujdesej   qe   zjarri   ne   vater   te   digjej   kalafak,   me   drute    qe   kishte   prure   nga   Kocimarja   ne   Gryka   e   ne   Trapin   e   Cesmes.  Zonja  e  Vogel  e  Binajve;  Mbetja;  Memja;  Tajanja;   Selmani; Reshati  e  te  tjeret   qe  ishin  te  pranishem  ne  ate  bisede,  ishin  me  pak  aktive.  Kur   u   rrefeva   si   kishja   harruar   te   beja   urimin   e   te   gjithe   miqve   te   pranishem,   por   u   mjaftova   me   urimin   e   tre   te   pareve,   ne   kasollen  tone,  ku  njerezit  ishin  shtrenguar  pas  njeri – tjetrit,  mbasi  nuk  i  nxinte  vendi,   plasi   gazi   e   nuk   pushoi  per  shume  kohe.  Kishte  ngjare  e  pangjara.

Ne   deren   ku   vajti   nuse   Lumturia,   sic   do   te   vepronte   cdo   nuse   e   re,   fillimisht,   Ajo   u   njoh   me   shtepine,  ( me  mjdiset,  me  plackat  e  me  orendite ),   pastaj   me   gjitonine   e   me   vone   me  shoqet   e   brigates   ku   do   te   punonte;  dicka   me   vone  Ajo   pyeti   e   u   njoh   me   rrethin   miqesor   te   familjes   te   re.  Dera  e  Sulo  Barjam  Llakaj,  ne  ate  breg  e  ne  ate  fshat  ishte  dere  e  madhe,  ishte  dere  miku  dhe  nje familje  me  ndikim  te ndjere, ne  mehalle,  ne  fshat  e  me  gjere.  Ajo  ishte  familje  e  qete,  fisnike,  bujare  dhe  qe  veshtronte  punet  e  saj.  Plaku  i  asaj  shtepie,  Sulo  Barjami,  me  moshe  rreth  te  tetedhjetave,  i  kishte  bere  vend  vetes,  me  mencuri, burreri  e  me  urtesine  karakteristike.  I  biri,  Barua,  ishte  aktivist  i  pushtetit,  njeri   me  reputacion  ne  fshat  dhe  nje  bujk  i  mire.   Zgjuarsia  dhe  urtesia  e  Tefikut,  benin  miq  edhe  mes  atyre  qe  grindeshin  kot  se  koti.  Muharremi,  pas  kryerjes  te  Shkolles  se  Bashkuar  te  Oficereve,   u  perfshi  ne  forcat  e  armatosura, oficer  dhe  u  adaptua  te  jetonte  me  rregull  e  me disipline. Me  i  vogli  i  djemve  te  xha  Sulos,  Haxhiu,  ndonese  disi nevrik,  por  zemermire,   meqenese  ishte  me  i  riu  i  djemve  te  asaj  shtepie,  gjykimi  i  tij  nuk  kishte ndonje  peshe  te  madhe  ne  ate  familje.  Gjitone  te  familjes  te  xha  Sulos,  ishin  burra   te  mencur,  dinjitare  e  me  burreri  si  Muhamet  Ramadani  dhe  vellai  i  tij  –  Tahiri.  Ata,  se  bashku  me  Sulo  Barjamin  dhe  me  bashkeshortet  e  me femijet  e  tyre  formonin  nje  komunitet  kompakt,  te  qendrueshem  e  me  fryme   paqetimi e me   dashuri  per njeri – tjetrin.  Ai  qe  lidhej  me  miqesi,  me  njerin  nga  femijet  e  Sulo  Barjamit,  pas  ndarjes  se  tyre,  behej  mik  i  te  gjitheve,  jo  vetem  virtualisht  por  dhe  me  vajtje  – ardhje,  sipas tradites.

Lumturia  jone  u  ndodh  me  fat  qe  hyri  nuse  ne  ate  familje  fisnikesh  dhe  ne  ate  kominitet  ku  sundonte  qetesia,  respekti  i  ndersjellte,  dashuria  dhe  perkrahja   per  njeri – tjetrin.  Si  vajze  nga  Kalivaci  i  Tepelenes,  Ajo  trashegoi  nga  paraardhesit   dhe  nga  fisi  ku  u  lind  e  u  rrit  tiparet  me  te cmuara  njerezore,  duke  kultivuar  dhe  vlerat  e  vajzave  nga  ai  cike  fshat.  Me  zgjuarsine  natyrale qe  e  karakterizonte,  Lumturia  u  pershtat  shpejt  me shoqet,  me  normat  e  jetes  ne  familjen  e  re,  Ajo  u  familjarizua  shpejt  me  pjesetaret  e  familjes  dhe  me  gjitonet.  Veshtiresite  e  jeteses  qe   percolli   ne   femijeri  dhe   punet   e   renda  qe  perballoi  ne  nje  kohe  kur  akoma  nuk  ishte  rritur  e  formuar  si  konstrukt  e  kishin  pjekur  para  kohe  motren  tone.  Ky  ishte  shkaku  qe  edhe  kur  ishte  akoma  nuse,  Asaj  i  degjohej  fjala  e  i  zinin  vend  mendimet  per  punen  dhe  per  jetesen.

Si  kalivacase  e  vertete,  Ajo,   shpejt,  me  kembengulje  e  me  kujdes   iu  perfill  punes  per  te  realizuar  synimet  e  saj,  nga  te  cilat,  me  kryesoren  Ajo  konsideroi  ndryshimin  e  mjedisit  dhe  permiresimet  ne  menyren  e  jeteses.  Por  ky  ishte  nje  proces  mjaft  i  veshtire. Sic dihet,  e  reja  can  me  veshtiresi  e  ne  lufte  me  traditen  me  te  cilen  njerezit  jane  familjarizuar  e  papritur  u  kerkohet  ta  ndryshojne  ate.  Ne  ndonje  rast,  mundi  dhe  mendja  e  saj  nuk  mjaftonin;  duhej  dhe  fryme  ballafaqimi.  Po  te  cvendosemi  pak  ne  kohe,  fillimet  e  jetes,  pas  marteses, per  nje  femer   ishin  thuajse  skllaveruese.  Konservatorizmi,  i  rrenjosur  e  i  praktikuar  prej  kohesh  ne  jeten  e  fshatareve  te  asasj  kohe,  kerkonte  qe  femra,  ne  vecanti  nusja   re  te  ishte  “ pa  goje”.  Ajo   e  kishte  vendin  ne  fund  te  shtepise,  ne  kembe  dhe  e  gatshme  t’u  sherbente  edhe  te  vegjelve.  E shtypur  nga  opinioni  shoqeror  dhe  e  ndrydhur  nga  statusi  i  nuses,  ajo  vetem  duhej  te  bindej  e  te  bente  sic  i  thoshin  me  te  medhenjte  e  shtepise,  perfshi  dhe  bashkeshortin.  Keshtu  ngjau  dhe  me  Lumturine.  Ajo  e  kishte  te  qarte  veshtiresine  qe  duhej  te  kapercente,  per  te  “ bere  zakon  te  ri  ne  fshat  te  vjeter”,   por  ishte  guximtare.  Pjekuria  e  parakoheshme,  zgjuarsia  dhe  shkathtesia  e  Lumturise  prevaluan  mbi  traditen  e   familjes  dhe  mbi  mentalitetin  e  kohes.  Si  punembaruar  e  sedermadhe  qe  ishte,   motra   jone,  Ajo   e  fitoi  betejen  me  konservatorizmin  ne  familje.   Ne  kete   “ beteje”  Ajo   pati   dhe   perkrahjen   e   vjehrres,  Hasime  Mahmutja  e  cila,  gjithashtu  ishte  kalivacase,  pra,  e   gatuar  nga  i  njejti  brume.

Me  ndarjen  nga  jeta   te  plakut   te  asaj  shtepie,  Sulo  Barjamit,  ne  vitin  1958,   ekuilibret   qe   ishin   formuar,   me  kohe,  ne  ate  familje,  u   prishen;  kerkoheshin  ekuilibre  te  rinj.  Pavaresisht  se  nuk  mund   te   dilte   fare   hapet,   deshira   e   Lumturise   per   te   kryer   ndryshime,   u   gjallerua,   brenda   saj.   Pengonte,   jo   vetem   slogani   sipas   te   cilit,  “zakon   te   ri   ne   fshat   te   vjeter   nuk   mund   te   besh”,   por   dhe   mentaliteti   ekzistues   se   “kali,   nuk   meson   dot   revan   ne   pleqeri”.

Ne   vitin   1962,   u   nda   nga   trungu   familjar,   vellai   i   madh   i   familjes,   Baro   Sulua,   i   cili   kishte   ardhur   ne   jete   nga   martesa   e   pare   e   plakut   Sulo   Barjami.   Per   te   bere   ndarjen   e   baneses,   te   truallit   dhe   te   pasurise   te   levizshme,   u   desh   te   thirrej,   sipas   tradites,   nje   “plak”;   i   mencur   e   i   paaneshem.    Ai    u   gjet   brenda   fisit  Llakaj.   Me   te   drejten   e   atij   qe   vendos,   e   nuk   mund   te   kundershtohej   nga   palet   u    pranua   kusheriri   Muhamet   Ramadani,   i   cili   kishte   kryer   detyren   e   taksambledhesit   dhe   ishte   me   prvoje   jetesore.   Nga   ana   tjeter,   ndarja   u   be   qete  –  qete;   pa   grindje   e   pa   qejfmbetje;   ne   mirekuptim   e  ne  paqe   te   plote.

  Baros   i   takoi   pjesa   e   shtepise,   perdhese,  me   dy   dhoma,   ajo   ku  mblidheshin   femijet.  Njera   nga   dhomat   i   takoi   Baros,  kurse   tjetra   iu   dha   Muharremit.   Ky,  i  fundit   ia   shiti   pjesen  e  tij  te   shtepise,  vellait  Baro,  kundrejt  nje  pagese  prej   900   lekesh;   aq   sa   ishte   paga   muajore   e   nje   oficeri   te   ri,   sic   ishte   vete   Muharremi,   aso   kohe.   Tefiku,   se   bashku   me   vellane  tjeter,   Haxhine,  i   cili,   aso   kohe   ishte   nenoficer   aktiv   ne   Kukes,   moren   shtepine   e   dyte   te   prinderve,   me   dy   dhoma;   njera   per   Tefikun;   tjetra,   per   Haxhine.

 Muhamet   Ramadani,  nje   burre   me   mend   ne   koke   dhe   me   pervoje   te   gjate   jete,   qysh   ne   ndarjen   e   pare,   kur   u   shkeput   Barua   nga   trungu   familjar,  e  deftoi  veten  vizionar  kur   parashikoi   dhe   ndarjen  e  pritshme;   ate   te   Tefikut,   nga   Haxhiu,   kur   ky   i   fundit   te   kthehej   nga   Kukesi.   Meqenese   ishin   kater   djem   dhe   gjendja   e   konakeve   prinderore   ishte   kater.   Cdo   vellai,   Muhameti,   i   caktoi   nje   dhome.   Ketu   qendron   mencuria   dhe   paanesia   e   atij   burri    te   ndiere  kokeplote.

  Meqenese   shtepia   si   objekt   kryesor   i   ndarjes   ishte   parashikuar,   shkeputja   e   Haxhiut   nga   vellai   i   tij   uterine, –  Tefiku   u   be  me  mirekuptimin  e  dy  vellezerve,  pa   thirrur   ndonje   njeri   per  “plak”.  Kjo   ndarje,   u   realizua   ne  vitin   1969,   dy   vjet   mbasi   Haxhiu,  i  martuar   me   Manushaqen,  bije   nga   Krahesi   i   Tepelenes   dhe   me   nje   femije   ( Namikun),   u    kthye   nga   Kukesi   ku   kishte   sherbyer   kapter   karriere, ne  repartet  e  kufirit,  ne  Krahes,  ne   pronat   qe   i   la   babai.

  Me   qellim   qe   njeren   nga   dhomat   e   shtepise  me  dy  dhoma,   ta   shfrytezonte   Haxhiu   me   femijet,   Tefiku   dhe    Lumturia   ngriten   nje   kasolle,  sipas  modelit   te   kasolles   qe  kishte  ngritur     Xheviti,  ne   Kalivac.   Ne   ate   kasolle,   mblidheshin:  femijet  ( grate,   burrat   e   shtepise   dhe   femijet   e   tyre).   Kasollja   kishte   permasa   te   medha   e   ishte   e   larte.   Ne   vitin   1969,   kur   zona   u   lekund   nga   nje   termet   i   forte,   ne   kete   kasolle   mblidheshin   te   gjithe   femijet   e   nje   gjaku   dhe   prinderit   e   tyre.   Aty,  ata   kalonin   naten,   mbasi  qendrimi   i   tyre   ne   ato   shtepi   te   ndertuara   me   mure   guri,   te  lidhura   me   llac  balte,  ishte   i   pasigurte.   

Kur   Barua   u   shkeput   nga   trungu   familjar,   Hasime   Mahmutja,   se   bashku   me   femijet   e  barkut   te   saj:  ( Tefikun;  Selvine;  Muharremin  dhe  Haxhine)  u mbeshteten pas Tefikut dhe Lumturise.  Kur   dolen   me   shtepi   dhe   me   ekonomi   te   veten,   sic   ngjan   rendom   ne   keta   raste   cifti  i  ri   iu   perfill   punes,   me   shume   perkushtim  e  seder  te  mire,   per   te   mbajtur   te   hapur  “cerdhen”  qe  ngriten  se  bashku   te  fuqishme  e   te   kamur   dhe   deren   te   hapet,   per   te   gjithe   miqte   dhe   per   fisin.   Te   dy   ata,   burre   e   grua   u   rakorduan   shpejt   me   njeri  –  tjtrin    dhe    Hasimeja,   nuk   ua   prishte.   Ate   qe   mendonin   dhe   vendosnin   ata,   te   dy,   ishte   pune   e   mbaruar.  

Ne   fillim   te   vitit   1961,    cifti   Lumturi   e   Tefik   Llakaj   u   shtua   me   nje   vajze.  Ata  sollen  ne  jete  femijen  e  pare  –   Fiqretin.   Tradita   mashkullore   e   zones   e   donte   qe   femija   i   pare   te   ishte   djale.   Qellimi   kryesor   i   ketij   mentaliteti   ishte   trashegimnia.   Djalit,   cifti   do   ti   trashegonte   pasurine   dhe   mbiemrin;   perndryshe   familja   shuhej.   Nga   lindja   e   vajzes   cifti   ne   fjale   nuk   u   deshperua.   Ata   menduan   se   ishin   te   rinj    dhe   se  do   te  shtoheshin  edhe  me  femije  te  tjere.

 Lumturia,  me   seder   te   madhe,   iu   perfill   punes   per   te   bere   ndryshimet   e   nevojshme    ne   menyren   e   duhur.   Ajo   tashme   ishte   zonje   shtepie   dhe   kishte   kompetenca   te  plota.  Nuk   i   mungonte  deshira   e   mire,  as  aftesite   per   te   bere   ndryshimet   qe   sipas  kohes.   Ndryshimet   ngjane   ne   menyren   e   organizimit   te   jetes   ne   familje;   ne  sistemimin   e   shtepise;  ne   permiresimin   e   dietes   se   ushqimit   dhe   ne   menyren   e   gatimit.   Ndryshime   ndodhen   ne   veshjen   e   pjsetareve   te   familjes   dhe   ne   sistemimin   e   mjedisit.

 Duke   shfrytezuar   faktin   se    familja,   akoma   ishte   me   pak   anetare;   derisa   te   vinin   shtesat   e   tjera   natyrale,  Lumturia  dhe  Tefiku  synuan   te   akkumulonin,   aq   sa   i   kishin   mundesite, kapital    me  qellim  qe   te   krijonin   ndonje   rezerve   materiale   dhe   monetare  per  me  tej.   Fshati   ishte   organizuar   ne   kooperative   bujqesore   dhe   vlera   e   dites   se   punes   ne   kooperative   ishte   e   ulet.   Ekonomite   bujqesore   sapo   kishin   dale   nga   nje   sistem    e   kishin   hyre   ne   nje   tjeter   sistem   ekonomik   e   politik (nga  pronesia  private,  kaluan  ne  ate  kolektive).  Mundesite   per   te  “hequr   dicka   menjeane”   e   per   te   zgjeruar   kapitalin   ishin   te   kufizuara.   Lumturise   dhe   Tefikut   iu   desh   te  benin  pleksjen   e   kapitalit   qe   trasheguan   nga   ekonomia   vetjake   me   fitimet    si   anetare   te   kooperatives   bujqesore.

Statuti   tip   i   kooperativave   bujqesore   nuk   lejonte   kapercimin   e   numerit   te   krereve,   te bagetive   te   imta   dhe   te   gjedheve;   perfshi   kafshet   e   ngarkes    e   ato   te   punes,   tej   tavanit   te   caktuar.   Familjet   mund   te   mbareshtonin   shpende,   pa   limit,   me   kusht   qe   ato   te   mos   futeshin  e  te  demtonin  mallin   e   kooperatives.   Fillimisht,   te   dy,   burre   e   grua,   punonin   ne   are,   ne   perberje   te   brigatave   te   arave,  ku  ndarja  e  punes   penalizonte   grate,  te  cilat,  edhe  ashtu   ishin   te   diskriminuara.   Lumturia,  me   sedren   e   madhe   qe   kish,   u   be   nxitese   qe   edhe   Tefiku,   zemermire  por  disi   flegmatik   te   sinkronizohej   me   te   e   te   vepronin   se   bashku, ne akord    e   te   mos   mbeteshin   prapa   te   tjereve.  Shoket   e   brigates   dhe   ne   teresi   kooperativistet,   e   donin   Tefikun   dhe   kerkonin   ta   kishin   mes   tyre.   Pervec  zemermiresise  te  tij  te  njohur,  Tefiku  deftonte  barcaleta  “ me kripe”  dhe  sajonte  qyfyre   me  ironi  thumbuese,  per  kohen  dhe  per  regjimin,  te   cilat  u  pelqenin  shokeve  te  tij.  Tefiku  ishte  shume  i  mprehte  dhe  nese  fliste  rralle, ama,  kur  fliste,  Ai  ngulte “ gozhde  trari”  e  nuk  bente  bla-bla-bla.

Ne   vitin   1964   erdhi   ne   jete   femija   i   dyte   i   ciftit   Lumturi   e   Tefik   Llakaj –  Sulua.   Meqenese   i   vune   emrin   e   plakut   Sulo   Barjami,   te   parit   te   asaj   dere,   sipas   tradites   vendase,   nisen   ta   therrisnin   Busho,   “ novke”,   te   cilen   Ai   mban   dhe   sot.   Ne   vitin   1967,   pas   me   pak   se   tre   vite,   u   lind   Mimoza.   Kesisoj   familja   e   re    e   Tefik   Sulos   u   shtua   e   u   be   me   6   vete.

   Po   ne   ate   vit   u   kthye   nga   Kukesi   vellai   i   Tefikut,   Haxhiu,   i   cili   ishte   i   martuar   me   Manushaqen,   te   cilen   e   therrisnin:   Mano.  Ajo   ishte   “mall   vendi”,  vajze   nga   fshati   i   tij.   Kur   u   kthyen   nga   Kukesi,  pergjithmone,  ata   kishin   sjelle  ne  jete  nje  djale  –   Namikun.   Mentari   Muhamet   Ramadani,   kur   beri   ndarjen   e   Baros   nga   trungu   familjar,   kishte   parashikuar   nga   nje   dhome,   per   cdo   djale   te   xha   Sulos.   E   dinte  nga  pervoja  e  jetes  dhe  nga  psikologjia  e  treves   mentari   se   djemte  e  martuar,   ne   mos   sot,   neser   do   te   dilnin   ( ndaheshin)   me   vete.

 Pas  kthimit  te  Haxhiut  prane  trungut  familjar, familja  e  tyre  u ndodh  ngushte  me  siperfaqe  banimi  banese;  situata  kerkonte  zgjidhje  te  shpejte.   Haxhiu, i  cili  i  zuri  njeren  nga  te  dyja   dhomat   prindrore  dhe  banoi,  se  bashku  me  familjen  e   Tefikut,  dy  vjet,  kur  pa  qartesisht  se  ishin  ngushte,  ne  vitin 1970,   i  ndertoi  Tefikut, nje  dhome,  ne  banesen  e  vjeter,  e  cila  kufizonte  trojet  e  Sulo  Barjamit  me  ata  te  Tahir  Ramadanit.  Pas  kesaj,  Tefiku,  u  shtrengua  te  ndertoje  nje  dhome  tjeter,  ne  te  njejten  cati;  dhomen  qe  ndertoi  Haxhiu,  Tefiku  e  shfrytezoi  per  te  mbledhur  femijet  dhe  per  te  sistemuar  rrangullat  e  shtepise.   Haxhi  Sulua  u  vendos  ne  te  dyja  dhomat  e  perdheses  se  vjeter  ( prinderore).

Tefiku  dhe  Lumturia,  duke  punuar  ne  brigaten  e  arave  te  kooperatives  bujqesore  te  fshatit  shtuan  familjen  e  re   me  anetare  te  rinj,  por  ndertuan  dhe  shtepi tjeter; ate shulthi ( veri- Jug).  Femijet  u  erdhen  njeri  pas  tjetrit  dhe  kpital  rezerve  nuk  kishin.  Ne  ata  kushte  e  ne  ate  ngushtesi,  ata  sakrifikuan, “ shtrenguan  rripin”  dhe  shtuan  siperfaqen  e  banimit.  Lumturia,  fillimisht  punoi   ne  brigaten  e  arave, me  kazme  e  me  lopate;  pastaj  e  caktuan  ne  farishten  e  duhanit   ku,   pervec  veglave  te  krahut  Ajo  vuri  ne  perdorim  dhe  njohurite  teknike  e  u  be  specialiste  e  farishteve  te  duhanit.

 Kur  kryesia  e  kooperatives  bujqesore  formoi  bindje  per  ndershmerine  e  karakterit   dhe  per  aftesite  qe  ajo  kishte,  e  caktuan  Lumturine  te  menaxhonte  stallat  e  pulave  te  kooperatives,  qe  te  kujdesej  per  gjendjen  fizike  dhe  pjellshmerine  e  pulave.  Me  qellim  qe  malli  te  ishte  ne  nje  dore  te  sigurte  dhe  tek  pjesetare  te  se njejtes  familje,  u  gjykua  qe  Tefiku  te  ishte  roja  nate,  ne  sistemin  e  koteceve  te  pulave.  Me  pune  te  ndershme  e  me  te  shtrenguar  rripin,  ne  vitin  1978,  Tefiku  dhe  Lumja,  ndertuan  shtepite  e  reja,  te  cilat  perbehen  nga  dy  dhoma;  njera  sherben  si  kuzhine  e  tjetra  per  te  pritur  miq.  Po  si  e  me  cfare  te  ardhurash  u  ndertuan  shtepite  e  reja?  Vicat  qe  bente  lopa  laramane,  kur  mbushnin  nje   vit,  ata  i   shisnin;  tregtonin  dhe  ndonje  dele,  shtonin  te  ardhurat  nga  ditet  e  punes  dhe,  me  to, ngriten  shtepine  perdhese,  me  dy  dhoma.

Kalendari,  te  cilin  nuk  do  te  doja  ta  shkruaja  kurre…

Ne  ecejaken  qe  pershkonte  motra  jone  duke  i  shetitur  femijet,   me  radhe,  fundi  i  takoi  tek  Bushua,  djali  i  saj  i  madh.  Sic  beja  vazhdimisht,  cdo  dite  e  telefonoja  e  Ajo,  me  veshtiresi  pergjigjej,  ose,  ne  disa  raste,  nuk   me   dilte  fare,  ne  telefon  mbasi   ngaterronte  butonet  e  celularit.

 Me  28   gusht   te   vitit   2018,   rreth   ores   09.30   e   telefonova   motren,  per   te   marre   informacion   mbi   shendetin   e   saj   dhe   per  ti  bere   psikoterrapi.  Ne  anen  tjeter  te  telefonit,  nuk  u   pergjigj   Lumturia,  por  Bushua.  Po  shkoja  ne  percjelljen,  ne  Sharre   te   nje   kolegu   pensionist.  Fjalet  e  kursyera   te   Bushos,  me  sollen  nje  shqetesim  te  madh:  “ E  kam   te   semure   Lumen,   tha   nipcja;   e   ka   goditur   tensioni   i   larte   i   gjakut;   ketu  jane  mjeket,  po  i  bejne  serum  e  po   i  japin  medikamente”.  Kaq  me  mjaftoi  per  te  me  vene  ne  nje  levizje  te  paprovuar.  

Pas  varrimit  te  kolegut,  u  ktheva  ne  shtepi. I  telefonova  Dilaverit  dhe  djemve.  Ne  oren  19.00,  se  bashku  me  Oltionin  dhe  me  Dilaverin,  u  nisem  per  ne  Krahes.  Ne  timon  te  makines  se  tij  Benz –  mercedes  ishte  vete  Oltioni,  i  cili  eshte  shofer  klasi.  Pas  3  oresh  rrugetimi  te  sigurte,  ishim  ne  shtepine  e  Bushos,  ne  Krahes.  Aty  gjetem:  Fiqon,  e  cila  kishte  ardhur  nga  Fieri.  I  fola  Lumturise;  Ajo  nuk  me  njohu  e  nuk  reagoi.  E  kishin  shtrire  ne  kuzhine,  ne  nje  divan.  Familjaret  ishin  te  tronditur  e  te  shqetesuar.  E  pashe  qe  levizi  njeren  dore  dhe  njeren  kembe.  Me  dha   shprese  jete.  E  provokova  duke  rrefyer  nje  rast  kur  nena  jone  ngatrroi   nje  fjale,  ( dikur);  Lumja  me  korrigjoi.  E  paska  mendjen,  thashe  me  vete  e  mu  shtuan  shpresat.

Vitua,   ( bashkeshortja  e  Bushos),  me  gjithe  hallet,  na  beri  darke.  Kishte  harxhuar nje  pule  dhe  mish  qengji.  Hengra  pak;  piva  nje  gote  vere,  nga  ajo  qe  ka  nxjerre  Bushua.  Rreth  ores  24.30,  erdhen  nga  Sauku:  Astriti;  Mira  dhe  djali  i  tyre  i  vogel –  Nolan.  Ata  ishin  mjaft  te  lodhur  e  shume  te  merzitur.  Fjeta  ne  krevatin  dopio,  se  bashku  me  Oltionin.  Gjume  i  thencin.

 Dje,  kur  erdhem;   nga  Fieri,  deri  sa  mberritem  ne  Krahes,  Dilaveri  ishte  i  semure  por  nuk  na  tha  asgje.  Te  nesermen,  me  29  gusht  2018  u  nisem  nga  Krahesi  per  ne  Tirane.  Rruga  na  eci  mire  e  nuk  ndaluam  asgjekundi.  Ne  oren  07.45  ishim  tek  shtepia  ime,  ne  Selite  te  Vogel.  Tatjana  kishte  blere  uje  dhe  e  kishte  ngjitur;   makina  e  ujit  ishte  akoma  aty.

Bushua  ka  shkuar  ne  Tepelene,  ku  ka  marre  mjeken  neurologe  – Stoli  Selmani.  Mjekja  e  ardhur  nga  Tepelena,  gjate  keqyrjes  te  Lumturise,  konstatoi  se  ajo  kishte  kaluar  nje  insuficience  cerebrale  dhe  tensionin  arterial  e  kishte  te  larte.  Sipas  opinionit  te  saj,  ky,  ( tensioni i larte)  perben  rrezikun  kryesor  per  jeten  e  te  semures.  Ajo  rekomandoi  ti  vazhdonin  serumet  dhe,  brenda  lengut  fiziologjik  ti  futnin  preparat  intravenoz,  per  te  mos  lejuar  ngjitjen  e  nivelit  te  tensionit  arterial.  Zaten,  mbajtja  e  tensionit  ne  nivele  te  pranueshem  ishte  porosia  kryesore  e  saj.  Infermierja  nga  Krahesi,  Thelleza,  e  shoqeruar  nga  bashkeshorti,  u  angazhua  me  berjen  e  serumeve.  Ajo  e  ndoqi  procesin,  nga  afer  por  kishte  veshtiresi  per  ti  gjetur  venat.  E  kishte  nxirre  Lumen,  ne  te  dy  krahet,  aq  sa  nuk  kishte  ku  ta  shponte.  Ne  qendren  sanitare  te  zones,  nuk  gjendej  as  vigon,  gje  qe  e  detyronte  infermieren  ta  shponte  te  semuren,  sa  here  i  bente  serum.  Krahet  e  Lumturise  ishin  bere  sterre  te  zinj  e  nuk  kishte  vend  ku  te  shpohej.  Nga  ishulli  Samos   i   Greqise,  kishte  mberritur  Nazifi  dhe  Mimoza.

1  shtator  2018. Rreth  ores  15.30,  ne  shtepine  tone,  ne  Blokun:  “ Vasil  Shanto”,   erdhen:  Dritani;  Alda  dhe  Diellina.  U  nisem  per  ne  Krahes.  Ne  Lushnje ( tek  gjysherit),  lame  Diellinen.  Ate   e  kishte  zene  gjumi  sapo  kaluam  Rrogozhinen.  Ndaluam  vetem  per  ti  futur  makines  karburant.  Rreth  ores  19.00  mberritem  ne  Krahes,  ne  shtepine  e  Bushos. Aty  gjetem: Ardjanin;  Armandin;  Berten;  Bushon;  Zengjinen  e  Veledinit;  Manon;  infermiere  thellezen;  Selimene;  Mimozen;  Pecon  dhe  bashkeshorten  e  tij;  Fiqon;  Viton;  Irenen;  Edin  dhe  Mbarimen.  Lunturia  e kuptoi  qe  kishja  shkuar  per  ta  pare.  I  afrova  buzet  tek  veshi  e  i  fola:  “ Lume,  jam  une  –  Niaziu”!  Ajo  zgurdulloi  syte  e  peshperiti,  me  ze  gryke,  dy  here:  “ O  vella!  O vella”!  Me  kishte  njohur  e  reagoi.  Ky  ishte  komunikimi  i  fundit  imi,  me  motren.  Nje  bote  e  tere  perfshihej  ne  ato  dy  fjale  “ magjike”.   Mirepo  Lumja  nuk  pranonte  as  uje;  as  kos  e  as  lengje  te  tjere,  nepermjet  te  cileve  ti  jepnim  medikamente  te  tretur,  per  te  ulur  tensionin.  Doren  dhe  kemben  e  majte  nuk  i  urdheronte  fare.  Une  e  mbuloja,  ajo  zbulohj  me  doren  qe  levizte.   Mimoza  qante,  tek  koka  e  t’emes.  Fiqua,  si  me  e  madhe,  i  fliste  motres  qe  te  mos  qante  teksa  qante  vete.

Hengrem  darke.  Vitua  kishte  pergatitur  nje  qumeshtor,  byrek,  sallate  me  perime  dhe  tasqebap.  Ardjani,  gjate  darkes  dhe  pas  saj,  ndonese  kishte  shume  siklet,  per  shendetin  e  Halles,  “i  shkriu”  grate  e  moshuara   te   fisit,  me  shakate  e  tij  te  rendomta.  Rashe  per  te  fjetur  ne  krevatin  dopio,  ne  ate  krevat  ku  fjeta  me  Oltionin,  disa  dite  me  pare.  Ardjani  eshte  nisur  ne  oren  04.30,  ne  drejtim  te  Vlores.  Ne  mbremje  i  thashe  te  me  merrte  deri  ne  Tirane,  se  ka   makine  luksoze,  por  Ai  me   tha  se  do  te  shkonte  ne  Vlore,  per  punet  e  tij  dhe  se  mua  nuk  mund  te  me  merrte   ne   makine.

2  shtator  2018 –  eshte  dite  e  diele.  Albani  po  nderron  shtepine. Ai  do te  banoje  ne  te  njejtin  pallat  por   do  te  zbrese  nga  kati  i  nente  ku  banon  aktualisht,  ne  katin  e  katert,  ku  mendohet  se  do  te  jete  me  mire.  Bani  ka  sjelle  ne  shtepine  tone  njerin  nga  djemte  binjake  –  Giordin,  me  menaxhimin  e  te  cilit  eshte  angazhuar  Tatjana.  Ne  shtepine  tone,  erdhi  Dritani.  Ai  luajti  me  nipin  e  vogel –  Giordin.  Hengrem  dreke  e  u  shtrime.  Na  zuri  nje  gjume  i  thelle,  te  dyve.  Rreth  ores  17.00  erdhi  Albani  e  mori  Giordin. I  telefonova  Fiqos,  e  cila  ndodhet  ne  Krahes.  Mbesa  me  beri  me  dije  se gjendja  shendetesore  e  Lumes  eshte  renduar.  I  bera  mesazh  te  bijes  qe  banon  ne  Itali –  Danieles.  Ajo  ishte  duke  komunikuar  ne  telefon  me  Dilaverin –  vellane  tim.

3  shtator  2018 –  gjndja  shendetesore  e  motres  tone,  vazhdon  te  jete  e  renduar.  Ne  Krahes  ndodhet  Dilaveri.  Ai  e  ka  lene  te  birin  me  mire,  ne  Tirane  dhe  ka  shkuar  ne  Krahes.  Mbreme,  Albani  eshte  futur  ne  shtepine  e  re.  Oltioni  dhe  femijet  jane  ne  Greqi,  me  pushime.  Prenotimet  jane  bere  kohe  me  pare.

4  shtator  2018 –  Lunturia  ka  rene  ne  koma.  Dje  kane  qene  ne  shtepine  e  Bushos,  ne  Krahes,  per  te  pare  Lumen:  Reshati;  Xhikua  dhe  Kushulla.  Situata  po  behet  serioze,  jeta  e  motres  mbahet  ne  fije  te  perit.  Dilaveri,  sot,  do  te  kthehet  ne  Tirane.  Ndodhem  ne  siklet  te  madh.  Jam  ne  pritje  te  ndonje  telefonate  ogurzeze.

5  shtator 2018 –  Lumja  vazhdon  te  jete  ne  koma.  Rreth  ores  08.00  do  te  nisemi  per  ne  Krahes,  me  Dritanin  ne  timon, se  bashku  me  Tatjanen.  Dilaveri,  mbreme  eshte  kthyer  nga  Krahesi  por  nuk  eshte  mire  me  shendet.  Kjo  situate  e  rende  na  ka  pllakosur,  si  mua  dhe  Dilaverin.  Ne  Golem,  qendruam  per  te  pire  kafe,  ne  breg  te  detit.

  Lumen  e  gjetem  ne  koma;  Ajo  merrte  fryme  me  shpatulla.  Nuk  komunikonte  me  njeri  e  nuk  pranonte  te  merrte  asgje,  nga  goja.  Serumet  qe  rekomandoi  mjekja  e  ardhur  nga  Tepelena,  jane  mbaruar  dhe  mbetet  problem  serioz  ulja  e  tensionit  arterial.  Transportimi  i  saj   ne  Tirane  ose  ne  ndonje  qytet  ne  udhen  per  ne  metropol,  ku  sherbimi  shendetesor  eshte  me  i  kualifikuar,  eshte  i  pamundur.  Rreth  saj  qendronin  ne  heshtje:  Bushua;  Fiqua;  Mimoza;  Armandi;  Astriti;  Vitua;  Mira;  Berta;  Liria  e  Muharrem  Sulos;  Manua  e  Haxhi  Sulos;  Nazifi;  Mbarimja;  dhe  gjitonet  me  grate  e  tyre.

 Pas  drekes,  dritani  dhe  Tatjana,  shkuan  ne  Tepelene; i  prita  ne  rrugen  nacionale,  me  qellim  qe  te  niseshim,  se  bashku  per  ne  Tirane.  Nderkohe  qe  po  prisja   te   ktheheshin  nga  Tepelena, Tatjana dhe Dritani.  Tek  kthesa  qe  te  con  ne  perrua,  u  kthye  nje  taksi.  Ajo  vinte  nga  Kalivaci.  Shofer  ishte  Ylber  Agaj,  djali  i  Haredin  Cizos  dhe  i  Nailese  tone.  Ne  makine  ishte  Luto  Resuli,  gruaja  e  tij  –  Hysnija  dhe  i  biri  i  tyre  –  Sotiri.

 Para  se  te  ngjiteshin  tek  shtepia  e  Bushos,  atje  ku  Tefik  Sulua  kishte  bere  nje  kopesht,  Ylberi  kishte  fikur  motorrin,  kishte  hapur  karahun  dhe  rrinte  ne  pritje  te  pasagjereve  qe  pruri.  Per  cudi,  se  bashku  me  Ylberin  qendronte  Sotiri.  Ai  nuk  ishte  ngjitur  me  prinderit,  per  te  pare  Hallon qe lengonte.  I  takova,   te  dy,  por  nuk  me  erdhi  aspak  mire  per  sjelljen  e  Sotirit,  te  cilin,  ne  nje  fare  menyre  e  kam  nip.  Mendova: ” Si  jane  bere  keta  te  rinjte  e  sotem?   Erdhen:  Tatjana  dhe  Dritani.  Ata  donin  te  takoheshin  edhe  nje  here   me  Lumen  dhe  me  ata  qe  e  pergjonin.  U  ngjita  dhe  une  me  ta,  por  nuk  hyra  ne  shtepi;  qendrova  ne  makinen e Dritanit.

Rreth  ores  17.30,   te  tre,  u  nisem  per  ne  Tirane.  Ishte  buzembremje.  Rrugetimi  na  shkoi  mbare.  Dritani  eshte  mjaft  i  kujdesshem  ne  timon.  Ai  njeh  mire  e  zbaton  me  korrektesi  rregullat  e  qarkullimit  rrugor  dhe  eshte  altruist.  Qendruam  ne  Lushnje;  pime  kafe  me  prinderit  e  Aldes.  Ne  Tirane  mberritem  rreth  ores  21.00.  Ishim  te  lodhur  e  te  derrmuar.

6  shtator  2018.  Rreth  ores  06.30,  nje  telefonate  ogurzeze,  me  erdhi  nga  vellai  i  vetem –  Dilaveri.  Ai,  me  ze  te  mekur  me  njoftoi  se,  duke  u  gdhire  data  6  shtator  2018,  rreth  ores  04.00,  ne  shtepine  e  te  birit –  Sulo  Tefik  Llakaj,  ne  Krahes  te  Tepelenes,  eshte  ndare  nga  jeta  motra  jone  e  vetme,  Lumturia.  E  prisja  kete  njoftim  te  kobshem.

 Mbreme,  vone,  u  ktheva  nga  Krahesi,  se  bashku  me  Tatjanen  dhe  me  Dritanin.   E  lame Lumturine  ne  koma;  Ajo  merrte  fryme  me  shpatulla.  Nuk  kalonte  asnje  pike  uje  qe  ti  tretnim  ilacin  per  uljen  e  tensionit.  Me  kembenguljen  e  Dritanit,  komunikova  me  Ardjanin,  ne  Tirane  qe  Ai  te  konsultohej  me  ndonje  mjek  kardiolog,  kompetent,  per  te  gjetur  ndonje  mundesi   bashkekohore  per  uljen  e  tensionit.   Ardjani  e  ka  bere  konsulten  dhe  pergjigja  e  tij  ishte  e  prere:  “ Vetem  ne  Spitalin  “Nene  Tereza”,  ne  Tirane,  ka  aparatura  dhe  specialiste  per  ta  bere  kete,  por  pacinti  duhet  te  jete  vazhdimisht  nen  monitorimin  e  mjekut  specialist.  Prandaj,   tha  Ardjani,  Ajo  do  te  konsumoje  veten   e  do  te  fiket.  Hall  i  madh  na  ka  zene.  Mendimi  i  Ardjanit,  si  nip  i  saj  e  kirurg  me  pervoje,  ne  kete  rast  eshte  shterrues.  Pike  e  zeze,  hajde  bej  durim.  Perjetova  nje  gjendje  tmerri;  nje  situate  te  paprovuar,  te  cilen  nuk  ia  uroj  askujt.  Njeriu  yt  i  dashur,  vuan  e  nuk   ka  deshire   te  fiket,  merr  fryme  me  shpatulla;  te  ndjen;  ti  e veshtron  tek  vuan  e  nuk  e  ndihmon  dot.

Kam  qene  mjaft  i  lidhur  me  Lumturine,  qysh  prej  kohes  kur  ishim  femije  e  ngroheshim  me  frymen  e  njeri – tjetrit.  Edhe  tani  qe  u  moshuam  e  ndjejme   shume  nevojen  e  perkrahjes  te  shoqi – shoqit.  Shumecka  na  lidhi  pazgjidhmerisht.  Nuk  paska  gje  me  te  keqe  nga  veshtrimi  i  njeriut  tend  te  dashur  tek  jep  e  merr,  tek  kacafytet  me  mortjen  qe  i  qendron  mbi  koke,  te  lutet  ta  ndihmosh   e  nuk  mundesh  te  nderhysh  per  ta  shpetuar.  Ca  me  teper  kur  te  eshte  drejtuar  per   ndihme,  duke  zgurdulluar  syte  apo  me  gjeste  te  tjere . Ato  dy  fjale  qe  peshperiti me  ze  gurmazi  kur  i  afrova  veshin  tek  buzet:  “ O vella!  O  vella”!  Tani  qe  po  e  hedh  ne  leter  reflektoj  e  them  se  ne  ato  fjale  permblidhet  nje  filosofi  e  tere.  Ardjani  eshte  ndodhur  prane  Lumturise,  kur  ajo  po  ndahej  nga  jeta.  Ai,  si  per  ti ”  vene  furka”  e  ka  ngritur  ulur mbi  te  ndenjura,  se  bashku  me  bushon  qe  e  mbante  nga  prapa  dhe  ne  krahet  e  te  birit,  ka  dhene  shpirt.

Sapo  mora  njoftimin  nga  Dilaveri,  njoftova  Dritanin  dhe  Albanin  e  pak  pas  tyre,  i  telefonova  Valentines,  Pajtimit,  dhe  Teutes.  Ata  jane  te  helmuar, si  une  por,  me  kete  qe  ngjau,  helmi  zuri  helmin.  U  bashkuam  tek  kafe  “ Sorkadhja “  ne  bllokun  “Vasil  Shanto”  e  u  nisem  per  te  shkuar  ne   Krahes.  Albani  dhe  Dritani  erdhen  me  makinat  e  tyre.  Varrimi  i  se  ndieres,  do  te  behet,  sot,  ne  Krahes,  ne  oren  12.00,  ne  varrezat  e  familjes.

 U  sistemuam  ne  makina  dhe  u  nisem  njeri  pas  tjetrit.  Ne  ekipin  tone  te  permortshem,  nuk ndodhet  Oltioni  dhe  te  tijet,  mbasi  ndodhen  ne  Greqi,  per  pushime  e  nuk  kemi  mundesi  ta  njoftojme.  Mirela  ka  dy  binjake,  te  mitur  e  nuk  ka  kujt  tja  lere.  Alda,  gjithashtu  ka  vajzen  e vogel,  ne  shtepi  e  nuk  mund  te  levize.

Dita,  sot  ne  Tirane,  u  gdhi  e  vranet,  me  shkrepetima  e  me  bubullima.  Rruges  nuk  ndaluam,  jo  vetem  per  te  mberritur  ne  kohen  e  varrimit.  Tradita  e  donte   te  ishim  atje,  per  te  pritur  ngushellimet,  se  jemi   vellezer  te  se  ndjeres.  U  ngjitem, me  makina  ne  ate  te  perpjete  qe  te  shpie  tek  shtepia  e  Bushos.  Nje  mori  njerezish,  te  njohur  e  te  panjohur,  kishin  mbushur  avlline,  shkallet,  sheshpushimin dhe  dhomat.  Disa  njerez  na  priten  tek  shtegu  e  na  ngushelluan.  Ca  i  njohem  e  ca  te  tjere  nuk  i  njohem.  Ishja  i  shokuar;  syte  dhe  logjika  me  ishin  erresuar.  Vetiu  u  vume  ne  kolone  per  nje:  Une;  Dilaveri;  Tatjana;  Valentina;  Dritani  dhe  Albani.  E  nisa  nga  nderimi  per  te  ndjeren,  te  cilen  e  kishin  vendosur  ne  arkivol,  ne  dhomen  e  grave,  te  rrethuar  nga  te  dashurat  e  saj  e  te  mbuluar  me  lule.  Takova  disa  gra  qe  ishin  prane  arkivolit, Fiqon  dhe  Mimozen  etj.  zbulova  e  putha  te  ndjeren  motren  time  pastaj  kalova  ne  dhomen  e  burrave.

 Te  parin  takova  e  ngushellova  Bushon;  pas  tij  Astritin;  Armandin  e  te  tjeret,  me  radhe.  Reshati  ishte  i  ulur  ne  kolltukun  ku  ishte  dhe  Bushua;  Ai  priste  ngushellime  e  nuk  u  spostua  as  kur  mberritem  ne, dy  vellezerit  e  saj.  Fundja , Ai  eshte  vellai  i  madh  yni  e  i  takon.  Dhoma  ishte  plot  me  miq  e  shoke;  disa  vinin,  benin  traditen  e  ua  linin  vendin  te  tjereve,  pambarim.  Shtepia  ishte  plot  me  njerez.  Sejcili  ndjente  dhe  shprehte  hidherimin,  sic  e  mendonte.  Sherbimin  e  kishte  marre  persiper  Arshiu,  djali  i  Veledin  Licos,  nga  Zhulajt,  kusheririt  tone  te  pare   dhe  i  biri  i  Tahir  Ramadanit, nga Llakajt.

 Djali  tjeter  i  Veledinit,  Luani,  mesues  ne  nje  fshat  te  Fierit,  te  cilin  nuk  e  njihja,  po  pergatiste  fjalen  e  lamtumires.  Ai  me  njihte  dhe  i  dinte  prirjet  e  mija  letrare,  me  terhoqi  ne  dhomen  fqinje,  ku  me  lexoi  ate  qe  kishte  shkruar  dhe,  se  bashku  e  korrigjuam  dhe  e  plotsuam  materialin. Nje  burre  rreth  te  gjashtedhjetave,  te  cilin  nuk  e  njihja,  me  sygjeroi:  “Jam  nga  fisi  Shabanaj,  nga  trungu  i  Bektash  Likos, mikut  te  fisit  tone.  Te  kam  kerkuar  e  shyqyr  qe  te  gjeta, tha  burri  i  panjohur- jam  dhenderr  ne  Kalivac;  ti   dhe  Dilua  nuk   duhet  e  kni  vendin  aty;  ju  duhet  te  prisni  ngushellimet”! E  falenderova   te   nderuarin   Muhamet   Shabanaj,   per   dashamiresine   qe   deftoi   dhe   i   bera   me   dije   se   kemi   lene   Reshatin  atje,   te  cilin  e  kemi  vella   te   madh. Aty,   ne  shtepine  e  Bushos,  nga  ata  qe  vinin  per  ngushellim,  takova,  per  here  te  pare  Gjergjin,  te  birin  e  Pashakos  te  xha  Isufit,  i  cili  mu  prezantua  vete.

 Ne  oren  e  caktuar,  arkivolin  me  kufomen  e  te  ndjeres  e  nxorrem  nga  shtepia.  Ne  castin  kur  arkivoli  po  zbriste  neper shkalle,  Reshati  me  tha: “ Do  ta  bej  nje  zhurme,  une”!  Donte  te  thosh  se  do  te  ulerinte,  sipas  tradites ( do  te  vinte  kujen).  “ Jo,  i  thashe,  se   jetojme  ne  te  tjera  kohe”! U  bind  sivellai im  e  beri  sic  i  thashe.  Meqenese   Lumturia,  sa  qe  gjalle  e  kishte  kembe,  e  mbante  vrapin  tek  shtepia   e  Reshatit, ne  Kalivac,  te  cilen,  Ajo  e  kishte  “dere  babe.  Atje  e  kishte  koken  motra  jone.

  Kembengulte  motra  jone   qe  te  qendronte  sa  me  gjate  e  mundesisht  te  flinte,  ne  shtepine  dhe  ne  dhomen  ku  u  nda  nga  jeta  bashkeshorti  i  saj  –  Tefik  Sulua.  Kembengulja  e  saj  lidhej  me   dy   probleme: Se  pari;  ate  shtepi Ajo  dhe  Tefiku   e  kishin  ndertuar  “  me  thonj”  e  me  shume  sakrifica.  Se dyti; Lumturia  dhe  Tefiku,  duheshin  shume  dhe  ishin  “shkrire “  me  njeri  tjetrin.  Lumjes  i  pelqente  te  qendronte  ne  dhomen  ku  dha  shpirt  i  shoqi,  flinte  rehat  ne  krevatin  ku  u  dergj  Ai,  i  shijonin  gjerat  qe  pergatiste  ne  enet  e  perbashketa.  Lumturia  nuk  linte  rast  pa  shkuar  prane  varrit  te  Tefikut,  dhe  vazhdimisht  lutej  ti  shkonte  prane,  sa  me  shpejt.  Ajo,  edhe  kur  e  lane  fuqite,  mjaftohej  me  qendrimin  ne  avlline  e  shtepise  dhe,  sa  per  tu  gjendur  ne  pune,  shkulte  barerat  qe  kishin  mbire  ne  hapsirat  midis  pllakave  te  gurit.

Mbajtesit  e  arkivolit,  per  te  respektuar  deshiren  e  se  ndieres,  e  vendosen  arkivolin,  ne  nje  vend  te  larte,  ne  avlline  e  preferuar  te  Saj,  ku  e  lane  1  minute.  Pastaj  arkivoli   u  vendos,  ne  varrezat  familjare,  prane  varroshit  te  mermerte  te  Tefik  Sulos,  afer  varroshit  madheshtor  te  Elidionit, te  cilin,  Ajo,  e  donte  shume.  Kush  e  ka  provuar,  mund  ta  ndjeje,  sa  e  tmerrshme  eshte  ti  hedhesh  dhe,  me  dore,  atij  qe  ke  dashur  gjithe  jeten.  Ishja  plotesisht  i  shokuar,  e  nuk  e  kujtoj  saktesisht  ate  tmerr.  Me  theri  zemra  kur  i  hodha  motres  dhe.  Ke  te  mbanin  njerezit  me  pare:  Mua,  Dilon,  Bushon,  Fiqon,  Mozen,  Astritin,  Armandin,  Mbarimen   e   gjithe  ata  qe  ndjenin  dhimbje.  Dikush  me   mbante  per  krahu  por  qenja  ime  ishte  e  drunjte.

 Pas  ceremonise  mortore,  ata  qe  me  mbanin  per  krahu,  me  ndihmuan  per  te  dale   jashte  varrezes  te  familjes.  Ne  udhen  prane,  pashe  e  njoha  disa  nga  ata  qe  moren  pjese  ne  ate  ceremoni   ulerimash  ku  hapesira  ngjante  e  vogel.  Vura  re  pranine  e: Pajtimit;  dy  djemve  te  Jonuzit;  Behijes,  djalit  te  Fiqretit  dhe   Mistos,  nga  Dhemblani;   Gezimit  te  Veledinit; e  gjithe  mehalla  e  Llakajve, burra  e  gra,   pervec  djalit  te  Baros, Dilaverit; Kishte  ardhur  Musai,  nga  Marikajt;  djali  i  Syrjait,  Gezim  Goga,  Namiku  i  Haxhi  Sulos,  dhe  bashkeshortja  e  tij –  Shqiponja; Manua; motra  e  tij  me  burrin;  Liria  e  Muharremit;  Desilda  e  Fiqos  etj. etj.  Nga  Kalivaci  kishin ardhur:  Reshati;  Xhikua;  Kushulla;  Petrefi;  Myftari;  Lutua;  Hysnija  dhe  Nure  Lazja,  i  cili  nuk  na  eshte  ndare;  dhe  Binua  i  Xhelo  Resulit;  Auguri  i  Refat  Mahmutit  dhe  e  shoqja.  Nuk  di  perse  nuk  erdhi  Selmani  dhe  Ilmiu,  nga  djemte  e  Resul  Nelos.  Sherif  Mahmut  Pashaj,  thjshte  si  bashkefshatar  e  dashamires,  nga  Hysodosajt,  me  telefonoi  e  me  ngushelloi  dhe  me  dergoi  nje  pakete  cigare,  sipas  tradites  te  vendit,  me  Myftarin,  djalin  e  Reshatit.  Kjo,  per  mua  ishte  surprize  e  asaj  dite. Me  befasoi  pjesemarrja  ne  varrim  e  bashkeshortes  te  Ardjanit  –   Enkeledes.  Ajo  erdhi   me  taksi  (  sic  tha),  por  u   ndje  keq,  kur,  disa  plaka, sic  eshte  tradita  e  zones, e  kishin  puthur,  ne  faqe.

  Femijet  e  Lumturise,  nen  drejtimin  e  djalit  te  madh  te  saj  –  Bushos,  i  cili,  per  hir  te  se  vertetes,  ka  shoqeri   e  ndikim  ne  ate  lugine,  kshin  marre  masa  per  dreken  mortore,  tek  restoranti  “ Kurora”,  ne  Fushe  te  Krahesit.  Pjesemarrja,  si  ne  varrim,  dhe  ne  dreke  ishte  e  jashtzakonshme;  e  papare  ne  ate  zone.  Kjo  fale  personalitetit  te  Lumturise,  e  cila,  gezonte  dashurine  dhe  respektin  e  te  gjithe  asaj  zone.  Ndoshta  gaboj  po  te  them  se  ne  dreke  ishin  jo  me  pak  se  300  vete,  te  ulur.  Ushqimi,  pijet  dhe  sherbimi,  ishin  si  ne  lokalet  me  te  mire  te  Tiranes.  Ne  celje  te  asaj  dreke  mortore,  foli  Bushua;  shkurt.  Ai  falenderoi  pjesemarresit  dhe   vijoi  dreka.   Menaxhimin  e  drekes  e  beri  Arshiu  i  Veledin  Licos.  Pas   drekes,  njerezit  u  shperndane  e  u  larguan  per  ne  vendbanimet  respektive,  duke  lene  zbrazdesi, zymtesi  e  dhimbje  ne  ate  lugine  e  ne  ate  maje  bregu.

Me  dy  makina,  sic  vajtem,  u  kthyem  ne  Tirane,  rreth  ores  19.00.  Me  Albanin  rrugetuan: Pajtimi; Valentina  dhe  Dilaveri,  te  cilet banojne ,  prane  e  prane  ne  lagjen  “ Ali  Demi”.  Une  dhe  Tatjana  qe  ishim  ne  makinen  e  Dritanit  qendruam  te  shtepia  jone.  Do   te   perjetojme  nje  nate  te  tmerrshme,  me  dhimbjen  per  motren,  por  pa  te.  Me  dhimbje  e  shqetesime i  poercolla  dhe  disa  dite  te  tjera;  pas  varrimit.

8  shtator  2018 –  une,  dhe  Alda,  me  Dritanin  ne  timon,  morem  udhen  per  ne  Krahes.  U  nisem  nga  Tirana  rreth  ores  09.00.  I  beme  llogarite  ti  gjenim  njerezit  ne  shtepine  e  Bushos,  por  u  vonuam  udhes.  Dreka  per  te  tretat  e  motres   do  te  shtrohej  ne  oren  11.30.  Ne,  shkuam  me  vonese.  Udhes  kembyem  telefonata,  me  Bushon  dhe  me  Armandin,  kur  ndodheshim  ne  Levan  te  Fierit;  ne  Greshice,  tek  karburanti  etj.  Ata,  ne  oren  e  caktuar  kishin  nisur  dreken  dhe  na  u  desh  te  shkonim  drejt  e  ne  lokal.  “Ekipi”  yne  ka  mangesi  ne  njerez.  Ardjani   dhe  Enkelejda  ndodhen  ne  Diber  te  Madhe;  Oltioni  dhe  femijet  vazhdojne  te  jene  ne  Greqi;  Dilaveri  nuk  mund  te  vinte, mbasi  te  semureve  te  familjes  se  tij  i  eshte  shtuar  dhe   Ermiri.  Te  dy  te  semuret  kane  nevoje  per  sherbim.  Vendin  tim  ne  krye  te  tavolines se  madhe  e  kishin  lene  bosh.  U  ula,  drejt  e  tek  vendi  bosh.  Pa  u  ulur  mire  nisen  qortimet  per  vonesen.  Flamurin  e  kritikave  e  mbante  vellai  i  madh  i  Vitos.  Nuk  vura  agje  ne  goje.  Dreka  e  te  tretave,  ishte  thuajse  si  ajo  mortore,  per  nga  pjesemarrja.  Pas  drekes,  u  kthyem  ne  Tirane.  Qendruam  pak  ne  Lushnje,  ne  hyrje  te  udhes  qe  te  con  ne  shtepine  prinderore  te  Aldes,  sa  morem  Diellinen.

10   Tetor  2018 –  Se  bashku  me  Dilon,  kujtuam  Lumturine,  me  rastin  e  te  dyzetave.  E  beme  llogarine  tu  jepnim  pjesemarresve  nje  kafe  ne  shtepine  e   Reshatit,  ne  Kalivac,  te  cilen  Ajo  e  cmonte  si  “ dere   babe”.  Pas  kafes,  menduam  te  shtronim  nje  dreke  perkujtimore,  per  te  gjithe   te  pranishmit, ne  lokalin  e  nipit  te  fisit  tone –  Fatmirit  te  Sulo  Musait,  ne  Maje  te  Derrases. Petrefi  i  Reshatit dhe  Binua  i  Xhelos,  moren  persiper  te  negocionin,  me  Fatmirin  e  te  siguronin  dreken;  por  nuk  na   u  pergjigj  Pajtimi,  djali  i  trete  i   Reshatit.

 Atehere,  te  detyruar,  ndryshuam  variant;  e  shtruam  dreken  e  te  dyzetave,  ne  lokalin  me  emrin   “ Kurora”,  ne  Fushe  te  Krahesit,  atje  ku  u  shtrua  dreka  mortore  dhe  ne  te  tretat.  Njoftuam  njerezit  qe  do  te  merrnin  pjese  ne  dreke.   Erdhen  femijet  e  Lumturise,  pervec   Mimozes,  Nazifit  dhe   femijeve,   te   cilet   banojne  ne  Samos  te  Greqise.  Erdhi  Syrja  Barjam  Shehaj  me  Nurijen;  djali  i Jonuzit;  Behija  e  dajo  Kadriut;  familja  e  Haxhi  Sulos;  Musai,  Engjellushja  e  dajo  Adushit;  Mbarimja  dhe  i  biri,  Edi.  Arshiu  i  Veledinit  po  ne   sherbim  te  njerezve.  Nga  Kalivaci  erdhen:  Reshati;  Xhikua;  Kushulla;  Petrefi;  Binua;  Hysnija;  Myftari;  Bashkim  Azizi;  Hysen  Lico  Malaj   dhe  Nure  Lazja.  Me  beri  surprize  ardhja  e  Sami  Mehmet  Nelaj,  nga  Vlora,  i  cili  vuan  nga  syte  dhe   e  ka  lene  bashkeshorten  te  pamundur. E  paralajmerova,  ne  telefon  nipin e  i  thashe  te  mos  vinte  por  Ai   ka   koken   e   tij   kalivacase.  Gjithashtu, me  iniciative  e  me  vendosmeri  erdhen:  Skender  Muharrem  Nelaj  dhe  gruaja  e  tij  Halimeja.  Keta,  na  e  bene  borxh.  Dilaveri  erdhi  se  bashku  me  Kozeten,  e  cila  ka  qene  me  pune  ne  Itali.  Dreka   kaloi  shume  mire.  Para  drekes,  beme  nje  vizite  ne  varrezat  e  fisit  ku  vume  buqeta  me  lule,  tek  varri  i  Lumturise;  tek  varroshi  i  Tefikut  dhe  tek  ai  i  Elidionit. Pime  dhe  nje  kafe  tek  shtepia  e  Bushos.  Pas  drekes,  u  kthyem  ne  Tirane.

P  e  r  j  e  t  i  m  e  t

Njeriun  qe  ke  dashur  shume,  sa  kohe  eshte  ne  jete  dhe  ke  mundesi  te  komunikosh  me  te,  nuk  e  ndjen  plotesisht  dashurine  qe  ke  per  te.  Kur  Ai  ndahet  nga   jeta   e  mbasi  fshihet,  nis  e  kerkon,  me  deshperim  por  nuk  arrin  ta  gjesh e  ngushellohesh me  te  prasmit  e  me  kujtimet  qe  ka lene,  te  cilat  i  rizgjon   te  shoqeruara  me  psheretime. Edhe  une  e  ndjeva  sa  shume  e  paskam  dashur  motren  e  vetme,  kur  ate  e  mbuloi  dheu  e  nuk  ishte  me  mes  nesh.

  E  kishja   kthyer  ne  rit,  biseden  me  te  cdo  dite,  rreth  ores  09.00.   Kur  nuk  e  merrja  une,  per  arsye  te  ndryshme, me kerkonte ajo. Per  tradite  vazhdoj  ta  telefonoj  edhe  sot,  pas  kaqe  kohesh  nga  ndarja  e  saj.  Mirepo  aparatin  celular  te  saj  e  ka  e  bija,  Fiqreti,  e  cila  banon  ne  Fier.  Ne  anen  tjeter  te  telefonit  me  del  fiqreti  e  une  i  telefonoj  e  i  telefonoj  asaj,  sikur  te  ishja  ne  lidhje  me  motren  time.  Me  krijohet  ndjesia  sikur  po  e  pjesetoj  dhimbjen  me  time  mbese,  por  sejcili  ka  dhimbjen  e  vet   e  ajo  nuk  eshte  e  njejte.  Nuk  i  ve  faj  Fiqos;  Asaj  nuk  do  ti  thote  me  goja:  Mama  ( sic ishte mesuar ti drejtohej).  

Me  qellim  qe  ta   kete  me  te  lehte  kujtesen  per  Nenen  e  saj,  Fiqua,  pervec  celularit  me  numerin  e  Lumes,  ka  ruajtur  dhe  dy  bluza,  njeren  nga  te  cilat  e  mban  cdo  dite;  nje   perparese,  te  cilen  e  vndos  kur  ndodhet  ne  shtepi;  shamine  e  kokes,  me   eren   e  saj  dhe  nje  pale  corape,  te  gjata,  te  zeza.   Ajo  ruan  dhe  kreherin  e  kokes,  me  te  cilin  Lumja  krihte  floket. Nuk   thone  mekot:  “ Vajza  si  vajze”!   Edhe  Mimoza,  ruan  nje  shami  te   Lumes,  me  eren  e  saj.  Daniela,  vajza  e  madhe  e  Fiqos,  e  cila  banon  ne  Itali,  kur  e  njoftova  per  ndarjen  nga  jeta  te  gjyshes  te  saj,  me  shkrojti  ne  facebok: “ … Po  me  ther  zemra  per  Nojen, o  dajo;  Ajo  me  ka  rritur…”!  Burrat  kane   tjeter  menyre  perjetimi.  Nen  kujdestarine  e  Bushos,  ne  shtepine  e  prinderve,  ruhen  disa  objekte  qe  perdornin  prinderit,  si   bastuni,  tespijet,  kutija  e  duhanit,  syzet  etj.

Meshkujt,  me  se  shumti  ruajne  kujtime  vetjake,  te  cilet, ne  fund  te   fundit  kane  karakter  te  kufizuar  ne  kohe  e  me  kalimin  e  kohes  i  mbulon  pluhuri  i  harreses  por,  kur  jane  te  shkruara,  ato  nuk  shuhen  kurre .  Neper  faqet  e  ketij  shkrimi  biografik,  sido  qe  eshte,  jane  endur  kujtime,  nga  me  te  ndryshmet,  te  njerezve  qe  Ajo  donte  dhe  e  donin.  Lunturia  e  ka  dashur  shume  Ardjanin  dhe,   djali  im  i  madh,  e  donte  dhe  e  respektonte  shume  Ate.  Nuk  mund  ta  harroj,  ate  dite  kur,  Ardjani  shoqeronte  Lumen,  duke  e  mbajtur  per  krahu,  neper  korridoret  e  Urgjences  Kirurgjikale  te  Spitalit  “ Nene  Tereza”,  me  qellim  qe  ti  bente  disa  analiza  e  kontrolle. Ai,  me  kenaqesi  e  jo  pa  krenari,  u  thosh  punonjesve  me  bluza  te  bardha:  “Kjo  eshte  Halla  ime  e  vetme”!  Nga  analizat  qe  beri,  Adi  dhe  koleget  konkluduan  se  Ajo  kishte  kaluar,  pa  e  kuptuar,  nje  ischemi  cerebrale  e  me  tha,  me  gjuhen  e  tij  te  rendomte: “  Lumja  ka  ikur  per  lesh…”!

Nje  dite  tjeter,  kur  Adi,  u  kthye  tek  Bushua,  ne  Krahes,  pas  nje  rrugetimi  te  gjate  dhe  aty  gjeti  Hallen;  i  lodhur  e  i  pergjumur,  u  shtri  ne  divan  ku  e  kaploi  gjumi.  Lumja  iu  fut  prapa  kurrizit,  i  merrte  ere  dhe  i  puthte  duart.  Cfare  dashurie  per  nipin  qe  e  donte  aq  shume?   Kur  ishte  femije  dhe  ne  adoleshence,  Ardjani  shkonte  shpesh  ne  Krahes  ku  i  donte  dhe  e  donin.  Gjente  mjedis  te  ngrohte   e  ndihej  mire  djali,  ashtu  si  dhe  vellai  i  tij  uterine –  oltioni,  prandaj   Qendronte  gjate,  prane  Halles  dhe  kusherinjve.  Lumja,  ne  dite  festash  (  me  teper  ne  festa  fetare),  gatuante  dy  bakllava;  njeren   me  therrime  brenda,  per  njerezit  e  familjes  dhe  tjetren,  ate  qe  ishte  me   arra,   e  rezervonte  per  te  qerasur  mysafiret.  Ardjani  i  kishte  rene  hiles  dhe  hante  nga  bakllavaja  e  mysafireve,  nga  tepsia,  poshte  krevatit;  Bushua  hante  nga  bakllavaja  me  therrime, ne  mes.  Kete  veprim,  Ai  e  bente  fshehurazi  nga  Bushua, i  cili, gjithashtu  synonte  bakllavane.

Ardjani  kujton  dhe  nje  rast  tjeter,  kur  ai  zbuloi  shtemben  plot  me  gjalpe  brume  e  cila  ishte  vulosur  ne  gryke  me  nje  pllake  lumi  dhe  Lumja  e  kishte  lidhur me  gjalme  pas  veriges.  Adi  e  zgjidhte  lidhesen,  hante  gjalpin  dhe  e  lidhte  sic  e  gjeti.  Tek  tentoi  te  hante  sheqer,  nje  dite,  Ai  derdhi  sheqer,  ne  toke. Lumja  e  diktoi  rrjedhjen  dhe  pyeti:  “ Kush  e  ka  derdhur  sheqerin”?  Adi  iu  pergjigj  me  sinqeritet  dhe  Ajo  nuk  beri  telendi.  Kur  Lumja  punonte  ne  stallen  e  pulave,  Ardiani   “pekul”  i  saj,  mbushte  xhepat  me  veze  te  paziera,  i  hipte  gomarit  per  te  vajtur  ne  shtepi  por   vezet  thyheshin  udhes,  duke  e  bere  ti  rridhnin  vezet  e  thyera. Dhalles,  defton  Ardjani,  Lumja  i  hidhte  uje  e  ajo  perseri  mbetej  e  bardhe.  Shuanim  etjen  me  dhallen  e  saj,  rrefen  Adi.

 Nder  kujtimet e  shumta  qe  ruan  Ardjani   per  Hallen,  jane  dhe  mbresat  qe  ka  per  gatimin  qe  Ajo  bente,  me  qellim  qe,  ne  ate  ngushtesi  ekonomike   te   mund  te  ushqente  familjaret  e  shumte te saj. “ Me  kujtohet,  thekson  Adi –   si  na  pergatiste  supe  me  lule  kungulli,  gjelle  qe  behej  e  shijeshme  dhe  kishte  vlera  te  larta   ushqimore”!  Aq  shume  e  donte  dhe  e  respektonte  Lumturine,  Ardjani,  sa  qe  iu  ndodh  prane  edhe  ne  ditet  e  veshtira  te  lengimit  te  saj,  deri  sa  dha  shpirt.

Kujtime  me  vlere  me  solli  dhe  djali  tjeter;  Oltioni,  i  cili,  kur  ishte  adoleshent  shkonte  shpesh  e  qendronte  gjate,  ne  shtepine  e  Halles  Lumturi.  Ne  nje  rast,  Oltioni,   duke  e  kujtuar  ne  pronesi  te  Halles,  goditi  me  gure  e  vrau  nje  pule  fushe  te  gjitonit.  Nipi,  me  krenari,  duke  e  paraqitur  veten  si  nishanli,  iu  drejtua  Lumes,  me  fjalet:  “ Pa  shiko  moj  Halla  ime,  sa  i  zoti  e  c’nishan  kam?  E  vrava  pulen,  me  nje  gur”!   Pu,  pu,  pu,  cbere  i  miri  i  halles,  po  pula  nuk  eshte  imja;  ajo  eshte  e  gjitoneve”!  Nuk  donte  e  paqta  Lume  ti  binte  ne  qafe  njeriu.  Kur  qendroja  ne  Krahes –  rrefen  Oltioni,  gjithe  diten  e  kaloja  prane  Halles,  tek  stallat  e  pulave.  Kur  Ajo,  linte  punen  e  shkonte  ne  shtepi,  kalonim  nga  parcela  me  pjeshke,  ne  Kamina,  ku frutat  “ ta  benin  me  sy”!  Si  keto,  kujtime  te  tjera  vershuan  ne  kujtesen  e  djalit,  por  ato  ngjajne  me  ato  te  Ardjanit,  me  te  cilin  ata  shkonin  tek  Halla,  se  bashku  e  ne  te  njejten  kohe.

 Ky  shkrim  modest, i  cili  nuk  mund  te  jete  pa  verejtje,  perpiqet  te  kape  situata  e  caste  te  vecanta  te  jetes  te  saj,  dhe  ti  beje  te  jene  prone  jo  vetem  jona  dhe  e  njerezve  tane,  por  te  marrin  njohuri  dhe  ata  qe  deshirojne  te  dine  me  teper.

• I  perjetshem  qofte  kujtimi  i  saj  i  ndritur!

Humori  i  kendshem  i  Tefik  Sulos

 Tefiku,   i   dhene   pas   punes   dhe  i  preferuar  ne  komunitetin  ku  bente  pjese,  me  zgjuarsi  dhe  me  pak  humor nisi  nje  lloj   tregtie,   me   leverdi.  Fillimisht,  Ai   e   nisi   tregtine   me  njerezit   e   Lumturise,  ne   Kalivac,  te  cilet  ishin  dhe  te  tijet.  Mirepo  tregtia  me  te  tijet  nuk  i  eci  mbroth  dhe  Tefik  Sulua  u  detyrua  te  “ korrigjonte  shenjestren”;  me  pas  u  pleks   me  te  tjere.  Ne  nje  fare  menyre  u  vertetua  nje  thenje  e  vjeter  e  banoreve  te  Tiranes,  sipas te ciles: “  Me  njeriun  tend,  ha  e  pi  por  dallaver   (tregti  mos  bej”.  Blerjen   e   pare   e   beri   nga   Nelo   Resmiu.   Nelua   ishte   kusheri   i   afert   i   Lumturise;   shtepine   e    tij   ne   Kalivac,   Lumja   e   kishte   “dere   babe”.   Ne   shtepine   e   Nelos   dhe   ne   ate   te   vellait   te   tij  –   Reshatit,   Ajo   hynte   e   dilte   si   ne   shtepine   e   saj   dhe   partohej.   Nelua   kishte   nje   lope   rrace,   laramane,   trupmadhe,  pa   brire ( shyte),   e   cila   jepte   shume   qumesht   dhe   bente   vica   te   shendetshem   e   te   mbare,   cdo   vit.   Tefiku,   i   cili   u   be   baba   i   shume   femijeve  dhe   ne   familje   beheshin   8   njerez,   iu   duk   me   leverdi   kjo   tregti,   prandaj   e   bleu   lopen   e   rraces   laramane,   me   bri   te   thyer.

 Ne   Kalivac   dhe   kur   erdhi   ne   kasollen   e   Tefik  Sulos,  ne  Krahes,  lopes,  meqense   briret   i   kishte   te    thyer,   i   kishin   vene   emrin  –   Shyte.   Me   shaka   e   jo   pa   humor,  Tefiku   dhe   femijet,   kur  behej   fjale   per   lopen  laramane,   thoshin:  ” A   i   dhate   uje   “  hallo   Shytes” ?  ose: ”A   i   keni   hedhur  per  te  ngrene   hallo  Shytes” ?  etj.  etj.  Mirepo   edhe   pse   ishte   shaka   dhe   e   thene   per   te   bere   humor,   Lumturise    i    hipte   inati   e   kundershtonte.  Beri   si   beri,  Tefik   Sulua   dhe   e   shiti   lopen   laramane;  ne  vend  te  saj  bleu  nje  lope  vendi,  trupvogel,  e  cila  jepte  me  pak  qumesht  dhe  vica  bente  cdo  vit.  Shkaku  i  vetem  i  shitjes  te  lopes  laramane   ishte  se  ajo  vertet  jepte  shme  qumesht  por  donte  te  hantetere  fushen e Krahesit.

 Lopa  qe  bleu  ne  kembim  te  se  pares,  kulloste  atyre  aneve  dhe  mezhdave  te  ugarit.  Ne  grazhd   lopes  qe  bleu,  Tefiku  i  hidhte  ushqim  radhe:  hime,  lepushka,   bar,   kashte,  gjethe fiku  e  mjaft  ushqime  te  tjera,  te  gjelbera  e  te  thata.  Nuk   i   eci   tregtia   e   pare   Tefikut,   me   “ deren   e   babes”   te   Lumturise,  por  nuk   hoqi   dore  nga  ky  lloj  veprimi.

 Reshati,  vella   i   Nelos  dhe   kusheri   i   Lumes   kishte   mbetur   pa   gomar.  I  nevoitej  Reshat  Resmiut  kafsha  e  dores,  per  te  kryer  sherbime  te  ndryshme,  ne  interes  te  ekonomise  shtepiake.  Tefikut   i   kishte  “ngecur”  nje  gomar,  te  cilin  donte  ta  “hiqte  qafe “.   Gomari   i   Tefikut   ishte   i   forte   dhe  ishte  ne  gjendje  te  kryente  lloj  –  lloj  sherbime  te  dobishme  me  ngarkese,   por   ishte    i  vjeter  dhe  sapo  errej  ngulte  kembe  e  nuk  bente  tutje.  Kishte   degjuar   Reshati,  per   kafshen   e   ngarkeses   te   Tefik  Sulos   dhe   vendosi   tia   blinte  gomarin  kunatit,  me  para  ne  dore,  por  me  dy  keste.  E  pranoi   Tefiku  kerkesen  dhe   e   beri   gati   kafshen,    per   ta   “ shtyre”.   Erdhi   Reshati,  ne   Krahes   (  Llakaj),  si  miku  tek  miku,  e  pa  gomarin,  e   pelqeu  dhe   u  fut  ne   pazar,  me   te   zotin. Meqenese  ishin  ne  rreth   miqesor,  ne  mirebesim  me   njeri  –  tjetrin,  rane   dakort   qe   parate   te   shlyheshin   ne   dy   keste.  

  I   hipi,   u   kapardis   mbi   veshegjatin   e   vajti   kaluar   ne   shtepine   e   tij,  ne   Kalivac.   E   shfrytezoi   kafshen,   per   te   mbushur   uje,   ne   Donije,   per   te   mbajtur   dru,   ne   Kocimare   e   ne   Kullustra;   mbajti   demeke   me   lepushka   e   me   te   lashta   ne   fushe   dhe   kreu   sherbime   te   tjere.   Diten,   gomari   ikte   per   bukuri,   por   sapo   binte   erresira,   ngulte   kembe   e   nuk   levizte,   as   duke  e  terhequr  per  kapistre;  as  duke  e  goditur, me  shkop  vitheve.  Nje  dite  te  bukur,  Reshati  shaloi    gomarin  e   vajti   ne   shtepine   e    Tefikut,  per  te  paraqitur  ankesen  se  gomari  qe  kishte  blere,  nuk  veshtronte  naten.  E  degjoi,  me  respekt  Tefiku,  ankuesin   dhe,  po  me  respekt,  por  jo  pa  humor,  iu  pergjigj  mikut:  “ Po  ti  mor  im  kunat,  vizitoje  gomarin  tek  mjeku,  bliji   nje   pale   syze   miopi,  se   eshte   plakur;   pastaj,   po   deshe,  hipi   e   lexo   gazeten  udhes”.    “E   kaloi   klasen”  edhe   kesaj   here,   Tefiku,  por  nuk  hoqi  dore  nga   pramatite  ( tregtia)  me   te   tijet.  

Ne   Krahes   e   me   gjere,   Tefik   Sulua   njihej    si    coban  esnaf. Ai  ishte  mjeshter   per   mbareshtimin   e   dhenve.   Dhente   e   Tefikut   dalloheshin  per  se  largu.   Ato   ishin   te   nje   dashi,   te   pastra,  te  parjepura  dhe  nga  nje   race   e   preferuar.  Mirepo   kooperativa   bujqesore   nisi   hapjen   e   tokave   te   reja   dhe   kullotat ( lendinat)  u   paksuan.   I   shkembeu    dhente   me   dhi,   cobani   Tefik   Sulo,   koke   per   koke ( nje  dele,  u  shkembye  me  nje  dhi).   Shkembimi   nuk   paraqiti   probleme,   telashet   rrodhen   me   pas.   Vete   Tefiku   u   lashtua   e  i  rane   fuqite.   Ai   nuk   kishte   me   kellqe,   per   te   bredhur   pas   dhive,  te  cilat   shetisnin   gjethe   me   gjethe   e   varen   dege   me   dege.

 Ne   keta   kushte,   Tefik   Sulua   vendosi   ti   shiste   dhite   e   te   merrej   me  shitjen  e  kaponjve  te    detit,   qe   nxirrte   bashkeshortja   e   tij.  Tregtia  e  kaponjve  te  detit,  aso  kohe  ishte  pune  me  leverdi.   Dhive   te   Tefikut   iu   be   goxha   reklame.  Ato  u  paraqiten  si   bageti  qe  pillnin   cdo   vit,   nga   nje   e   nga   dy   kecerr   dhe   jepnin   shume   qumesht.  Fjala   e   mire   vajti   ne   veshet   e   Luto   Resulit,  ne   Kalivac,  gjithashtu  kusheri  i  Lumturise,  i   cili   kishte   nevoje   per   dhi   dhe   kullota   prane   shtepise   te   tij,  ne  fund  te  Sheshit  te  Veldonit   ishte  e  pershtatshme  dhe   sheshit. Perralli,  mbretja,  ilqja, lendet  e  perrallit  etj,  ishin  me  tepri,  ne  Arat  e  Buta,  ne   Kurrizin   e  Mbretes   e   gjetke.  I   bleu   dhite   e   Tefikut –  Lutua,  i  shpuri  ne  Kalivac,   u  ndreqi  kasollen,  u  beri  sherbimet  e  nevojshme  e  i  nxorri  nga  dimri  dhe  priste  rezultatin.  Por,   kur   beri   bilancin, ne   pranvere,   nuk   i   doli   sic   i  kishin  thene.  Sic  perflitej  ne  Kalivac  e  me  gjere  per  dhite:  “  Nje   ngordhi;   nje   shtiu;   nje   mbeti   shterpe   vetiu”.  Keshtu   i   ngjau   dhe   Luto   Resulit, me  dhite  qe  bleu  nga  Tefik  Sulua; “kaposhi  u  katandis  nje  thele”.  

 Mori   udhen   Lutua,   qe   ne   pike   te   mengjesit  e  vajti  ne  Bregun  e  Llakajve,  tek  Tefiku.  Per  te  mberritur  heret  ne  shtepine  e  Tefikut,  Luto   Resuli,  i  ra  per  shkurt.  Ai  kaloi  nga  Margellici  e  nga  Mali  i  Thanes,  e  doli  nepermjet  fshatit  Zhulaj,  tek  kodra  ku  banojne  Llakajt.  E  gjeti  kunatin  ne  shtepi.  Lutua  i  paraqiti  ankesen  Tefikut    se   dhite   qe   bleu   prej   tij,   nuk   i   kishin  dale,  ashtu,    sic    i    thane.   Pergjigja   qe   mori   nga   Tefik  Sulua,   ishte   interesante   dhe   shteruese.   Tefiku   i   tha   mikut   nga   Kalivaci:  “ Po   une,  or  mik   te   shita   dhite, nuk  te   shita   edhe   merane   (kulloten).  Kullota   mbeti  atje  ku  ishte, ne   Korien   e   Zhulajve   dhe   perqark   mehalles”!   U   sqarua      Lutua   e   ia   mbathi   nga   kishte   ardhur.

Tefik   Sulua,  nga   keta   tre   raste   nxorri   mesime   me   vlere.  Ai   arriti   ne   perfundimin   logjik,   sipas   te   cilit,  tregtia  me  njerezit  e  tu  nuk  para  ecen.  Dhe  qe  prej  asaj  dite,  Tefikut,  te  cilit  nuk  i   kishte   ecur   mbare   tregtia   me   njerezit   e   bashkeshortes,   e   hodhi  veshtrimin  gjetke.  Fushe  per  te  tregtuar e per  te  bere  qyfyre,  ne  ate  kohe   kishte  pambarim. Le te kthehemi pak mbrapa ne kohe:

Me   5   mars   te   vitit   1953,   u   nda   nga   jeta   Stalini.  Gjeme   e   madhe   shpertheu   ane  e   mbane   dheut.  Tefik   Sulua,  ne  ate  kohe  ishte  ushtar  i  sherbimit  te  detyrueshem.  Ate  dhe  shoket  e  tij,  i  kishte  merzitur  sherbimi  i  rojes  dhe  vprimet  me  hap  rrjeshtor,  kudo.  Kur  ndodhi  gjema,  ushtaret  nuk  bene  sherbim  roja  e  nuk  ecen  me  hap  rrjeshtor,  tri   dite  me  radhe.  I   tille  ishte  urdhri  i  komandes.  Tefiku,  si   qyfyrexhi,  ne  rreth  te  ngushte  shokesh,  me  kete  rast,  tha: ” Mbase  vdes  edhe   ndonje  udheheqes  tjeter  qe  te  bejme  edhe  tri  dite  te  tjera  pushim”!  E  degjoi  spiuni,  ferkoi  duart  dhe  e  coi  raportimin  ne  vendin  e  caktuar; atje   ku  beheshin  spiunimet.  E  izoluan   te   gjorin  Tefik,  disa  dite,  ne  dhomen  e  izolimit,  derisa  i  doli   inati  atij  qe  vendosi  per  izolimin  e  tij.

Kur  funksiononte  kooperativa  bujqesore,  Tefik  Sulua,  kishte  fejuar  djalin  e  madh –  Bushon  dhe   gezonte  se  do  te  behej   vjehrr.  Nusen  e  djalit – Viton,  do  ta  merrte  ne  Kalivac;  atje  ku  ishte  nip  dhe  dhenderr,  njekohesisht.  Ekonomikisht,  familja  e  Tefikut  ishte  e   brishte,  si  gjithe bashkefshataret.  Nusja,  meqenese  distanca  nga  Kalivaci,  ne  Krahes  ishte  e  konsiderueshme;   duhej  nje  kamion  per  te  transportuar  dasmoret,  burra  e  gra.  Nje  kamion  te  tille  kishte  vetem kooperativa   bujqesore.  Tefiku, i  ndodhur  ngushte,  iu  paraqit  kryetarit  te  kooperatives,  Avdulit,  si  dashamires  i  familjes  se  tij  dhe  si  njeri  punembaruar.  Ai  i  kerkoi  kryetarit  ti  vinte  ne  dispozicion  kamionin  e  kooperatives. Avduli,  me  dashamiresi,  i  tha  kooperativistit  te  rregullt Tefik  Sulo:  “ Ja  tek  e  ke  kamionin dhe shoferin;  gjej  benzine  dhe  merre”!  U  mendua  hallexhiu  dhe  e  nxorri  qyfyrin  nga  goja:  “ Shoku  kryetar;   une,  po  te  kishja  benzine, do  te  mbushja  cakmakun  tim,  te  cilin  e  kam  vene  ne  kamare,  prej  disa  muajsh”!  Qeshi  kryetar  Avduli;  qeshen  dhe  ata  qe  ishin  te  pranishem.

Si  anetar  i  kooperatives  bujqesore,  Tefik  Sulua  ishte  i  rregullt,  i  disiplinuar  e  i  perkushtuar. Te  gjithe  kooperativistet  e  donin  dhe  e  respektonin,  sic  dhe  i  donte  Ai.  Nje   dite  Tefiku, na   vajti  me  vonese  ne  pune.  Brigadier  Demiri,  i  kishte  caktuar  ne  punera  te  ndryshme  anetaret  e  brigates  se  tij.  Ata  ishin  larguar  nga  qendra  e  brigates.  Kur  u  paraqit  Tefiku,  Demiri  i  caktoi  nje  pune  te  preferuar:  Te  kepuste  shalqinjte  e  pjekur  e  ti  bente  tok.  I  pelqeu  puna  Tefik  Sulos  e  nuk  tha  jo. Mirepo  “ heroi  yne”  nuk  kishte  vjele  ndonjehere  shalqinj.  Ai,  vertet  ishte  esnaf  per  mbareshtimin  e  dhenve,  por  nga  bostani  nuk  kishte  njohuri.  Ai  e  njihte  shalqinin  vetem  kur  e  cante  dhe  e  hante.  Nisi  nga  puna  Tefiku  dhe  i  keputi  me  radhe shalqinjte;  te  pjekur  e  te  papjekur.  Erdhi  brigadier  Demiri,  ne  fund  te  dites  se  punes,  per  te  marre  ne  dorezim  punen  e  Tefikut.  Kur  pa  se  Ai  kishte  keputur  shalqinjte  e  pjekur  dhe  ata  qe  nuk  ishin  bere  akoma;  qeshi,  vuri  te  dyja  duart  ne  koke  e  i  tha  fajtorit:  “ Po  cfare  ke  bere  o  xhako”?  Dhe  i  preu  nje  flete  gjobe. Pergjigja e Tefikut dhene brigadierit ishte shterruese. Ai  tha: “ O  brigadier  Demiri;  une  nuk  i  kam  bere  scopi  stomakut   tim  qe  me  dhemb, nga  do  ti  bej  shalqinit”?  E  telendisi  Lumturia,  Tefikun  kur     mesoi   “ gafen “  e  tij.

Kooperativisteve,  here   pas   here,  ne  are,  dikush  nga  ata  qe  lexonin  rrjedhshem,  u  lexonte  gazeten.  Ne  ate  kohe  pak  gazeta  dilnin;  me  e  preferuara  ishte  gazeta  “ Zeri  i  Popullit”.  Nje  lajm  i  bujshem  kishte  pushtuar  faqet  e  gazetes:  Kooperativa  Bujqesore  e  Pojanit,  ne  rrethin  e  Korces  kishte  prodhuar  shume  grure;  ajo  kishte  thyer  rekordin  kombetar.  Njoftimin  e  kishte  marre  Enver  Hoxha,  i  cili  i  pakenaqur  me  kete  arritje,  ishte  shprehur:  “  Ka  akoma  rezerva”!  Tefiku,  mes  shokesh  te  brigates  se  arave,  kur  mbaroi  se  lexuari  lektori   tha:  “ Ai   nuk   ngopet,  edhe   sikur   ti   peshosh   dheun   e   ares”!   Qeshen,  nen   ze   ata   qe   e   degjuan.

Baro  Sulon, Tefiku  e  kishte  vella,  nga  i  ati.  Barua  ishte  nga  ata  burra  te  rralle  fshatare,  qe  nuk  pinte  duhan  e  nuk  perdorte  alkool.  Ai  pinte  vetem  sherbet. Tefiku  i  bente  te  dyja  keto  “prapesi”. Madje  duhanin  e  pinte  te  forte  e  me  llulle.  Nje  dite,  mes  njerezve  te  brigates  te  arave,  kur  pa  qe  Tefikut  i  nxirrte  tym  “oxhaku”  e  nje  re  tymi  i  mbyste  ata  qe  rrinin  prane  tij,  Barua  i  tha  vellait:  “Aman  dhe  ti  o  Tefik,  na  mbyte  me  kete  duhan”!  E  degjoi  Tefiku  e  nuk  e  la  pa  pergjigje vellane  e  madh: “ Si  mendon  ti  o  im  vella,  duhanin  ta  le,  rakine  ta  le,  te  le  me  mire  dhe  buken  e  jam  ne  rregull  pastaj”!  Per  ironi  te  fatit, Barua  u  nda  nga  jeta, kur  ishte  74  vjec;  Tefiku  jetoi edhe  shume  vite  pas  tij.

Tefik  Sulua  nuk  ishte  nga  ata  njerez  qe  spekulojne;  madje  e  urrente  spekulimin.  Ai,  si  esnaf  per  rritjen  e  dhenve,  njihej    ne   fshat   e   ne   zone,  per  sinqeritetin  dhe  korrektesine  qe  e  karakterizonin,  ne  jete.   Kooperativa  bujqesore  i  paksoi  kullotat  e  dhenve,  kur  hapi  toka  te  reja.  I  detyruar  nga  situata,  Tefiku  i  kembeu  dhente  me  dhi.  Kullote  per  dhite,  rreth  bregores  te  Llakajve,  kishte  me  shumice. Ne  ate  kohe  nuk  ishte  zhdukur  akoma  as  korija  e  Zhulajve,  me  lisa  te  dendur.  Mosha  e  Tefikut  u  rrit  e  fuqite  e  tij  rane.  Tefiku   nuk  bridhte  dot,  si  me  pare,  pas  dhive.  Lumturia  nxorri  e  rriti  kaponj  deti,  te  cilet  aso  kohe  shiteshin  pa  shume  mundim  ne  ane  te  udhes  kombetare  qe   te  con  ne  Greqi. Tefiku  u  bente  sherbim  kaponjve  te  detit,  kur  ata  ishin  zogj.  Ai  i  ushqente  me  mellage  te  grire  dhe  me  hime  te  njoma. Hanin  ushqimin,  ne  pellemben  e  dores  te  Tefikut,  zogjte  dhe,  kur  mbarohej  ushqimi,  i  cupitnin  Atij  pellemben  e  dores.  Ne  prag  te  vitit  te  Ri,  Tefiku,  me nje  tufe  kaponjsh deti,  doli  ne  ane  te  udhes  dhe  shiti,  jo  keq.  Shoferet  greke,  kur  veshtronin  tufen  e  kaponjve  me  lafshe  te  kuqe  e  te  ngrehosur,   ndalonin,  per  te  pushuar  pak;   benin  dhe  pazar  me  leverdi.  Ne  ato  vite,  shitblerja  behej  me  monedhen  greke  dhrahmi.  Tefiku  nuk  i  njihte  dhrahmite,  dhe,  ne  ndonje  rast, ndonje   shofer  i  vendit  fqinje  i  dha  Tefikut  monedha  te  falsifikuara.  Zakonisht,  shofret  greke,  ndodheshin  ne  vendin  ku  behej  tregtia  e  kaponjve  te  detit,  ne  kohen  kur  dita  ishte  “thyer”  e  kur  afrohej  mugetira.  Ata,  duke  pare   se   koha   “po   mblidhte”   dhe   kaponjte   ishin  akoma   te   pashitur,   mendonin  se Tefiku,  detyrimisht  do  ti  kthente  ne  shtepi,  i  kerkuan   Atij  tu  ulte  cmimin.  E   gjeti  pergjigjen  mentari   yne:  “ Ai  u  deftoi  shofereve  te  huaj,  shputat   e   duarve   te   cilat   i   kishte   vrima  –  vrima  e  u  drejtua  shofereve  te  huaj,  me  fjalet:  I  shikoni  keto  vrima?   i  kam  ushqyer  ne pellembe  te  dores  kaponjte,   qe  kur  kane  qene  te  vegjel;  ata  i  kane  cupitur  duart  e  mija  e  ju  me  thoni  ul  cmimin”.  Nuk   luajti    nga   pozicioni  i  tij  Tefiku  dhe  shoferet,  deshen,  s’deshen  i  blene  kaponjte  e  detit  me  cmimin  qe  u  diktoi  shitesi.  Shoferet  e  huaj,  sic  duket  i  bindi  “argumenti”  qe  perdori   Tefiku  se  kaponjte  e  tij  ishin  te  ushqyer  me  ullinj  dhe  se mishi  i   tyre  ishte  shume  i  shijshem.

Tefiku   vuante   nga   stomaku   dhe   ankohej   shpesh   prej   dhimbjes.  Mjeket   kompetente,   kishin   konkluduar   se   Ai   vuante   nga   ulcera,  dhe,  qe   te  sherohej,  duhet  te  bente  nje  nderhyrje  kirurgjikale.  Kur  i  kishja  njohjet  e  nevojshme  dhe  mundesite   e   mora   Tefikun,  nga   Krahesi,  e  solla  ne  Tirane  dhe  e  shtrova  ne  Spitalin   e   Pergjithshem  Uashtarak,  ne  pavijonin  e  kirurgjise.   U  bene  pergatitjet  paraprake  per  te  realizuar  nderhyrjen.   U   caktua   data   kur   do   te   kryhej   operacioni   dhe  u  percaktua   mjeku   qe    mori   persiper  nderhyrjen.   Ne   parim,   Tefiku   ra   dakort,   por   droje   kishte.   E   veshtroja   te   menduar   dhe   tek   tymoste   dendur. Dicka bluante ne koke.   Nuk   i  dhashe  shume  rendesi   ketij   fakti,   nisur   nga   mendimi  se  te  tille   e   ka    tipin   Ai.   Por   nuk   me   doli   profcia.   Ne   ate   heshtje,  Tefiku  bente  plane   dhe  krkonte   rrugedalje   nga   situata.

   Nje   dite   perpara   se   te   kryhej   nderhyrja   kirurgjikale,   i   vajta   ne   pavijon,   per   ta   pare   e   per   ti   dhene   kurajo.   E   njoftova   se   te   nesermen,  ne   oren   09.00,   Tefiku   do   te   futej   ne   sallen   e   operacionit,   prandaj   duhet   te   hynte  ne  salle,    i   pangrene.   U   mora   me   punet   e   percaktimit  dhe  njohjes   te   personelit  qe   do   te   bente   te   mundur   kryerjen   e   nderhyrjes.   Kur   u   ktheva   ne   pavijon,   kunati   im   kishte   hedhur   xhaketen   kraheve   e   me   tha,   prere:   “  Nuk   do   te   behem   operacion,  se   jam   shume   mire,  nuk  kam  me  dhimbje ”!   Nuk   e   prisja  nje  pergjigje  te  tille.  Deklarata   e   tij  befasuese   me   ra   si   bombe;   “  i   turperuar  ”   e   shoqerova   ne   shtepine   time.  Te   nesermen,  Tefiku   zuri  vend   ne   autobusin   e   linjes   Tirane  –   Gjirokaster   e   u   nis   per   ne   Krahes.  Refuzimi  i  tij  per  tu  operuar,  habiti  jo  vetem  mua.

  Mirepo   ulcera   e   stomakut   nuk   sherohet   pa   nderhyrje   kirurgjikale.  Tefiku   “ u   aratis”   nga   spitali   ku  do  te  kryhej  nderhyrja, me   besimin  se  koha  do  te  bente  mrekulline, por   semundja  mbeti   ne   trupin   e   tij.   Atehere,  im   kunat   iu   referua   metodave   te   mjekesise   popullore.   Dikush   i   tha   se   rakia   e   forte,  e  pire   esell,  e  sheron  ulceran.  I   besoi   rekomandimit  te  mikut   hallemadhi   Tefik    dhe,   pak   nga   pak   e   mbaroi   damixhanin   me   rakine   e  forte  qe   kishte    mblojtur   Lumja  nikoqire.  Rakia   u   mbarua   e   i   erdhi   radha   damixhanit   me   uthull   te   forte,   i   cili  ndodhej   prane   te   parit.   Tefiku,   mori   nje   fije   kashte   thekrri   dhe   e   thithi   te   gjithe   uthullen.   Kur   e   pikasi   Lumturia   kete  paudhesi,  e   alarmuar,  Ajo   iu   drejtua    burrit:   “ Po   uthullen,   kush   e   ka   pire? –   o  Tefik ”.   Tefiku,  cilterisht  e  pranoi  fajin  duke  pohuar  se  paudhesia  ishte  veper  e  tij.

Nuk   i   beri   efekt,   as   rakia   e   forte;   as   uthulla   e   rrushit,   e   mblojtur  nga  Lumja   dhe  Tefiku,   nje   dite   u   drejtua   tek   mjeku   i   qendres   sanitare   te   Krahesit   ( qender).   Mjeku   ishte   i   specialitetit   patolog;  me   origjine   nga   Minoriteti   Grek   ne   Shqiperi.   Ai   quhej   Pelo   dhe   ishte   mjaft   i   dobet, si   skelet.  U   drejtua    pacienti  Tefik  Sulo  Llakaj,   me   dhimbje   te   padurueshme   stomaku,  ne   dhomen   e   mjekut.   Aty   gjeti   ndihmesmjeken,  te   cilen   e   njihte;   mjeku   kishte   dale,   per   punet   e   veta,   pa   bluzen   e   badhe   te   veshur.  “ Ulu,  tek   ky   krevati   ketu –   o   xha   Tefik;    i    tha   vajza   e   njohur  dhe   vere  xhaketen   nen   koke   (ky   ishte   mentaliteti  i  fshatareve)   –   sa   te   vije   doktorri”!   U   ul   Tefiku   dhe   priti  sa  te  vinte  mjeku.  U  merzit   duke   pritur dhe nuk iu durua.  Ai  nuk   e   njihte   mjekun   dhe   nuk  e  vuri   re   futjen   e   tij   ne   dhomen   e   vizitave.   Ne   dhome   hyri   nje  burre,  por   ai   nuk   kishte   veshur   bluze   te   bardhe   si   ata   qe   sherbejne   ne   mjekesi.   Tefiku   iu   drejtua   vajzes   nga   fshati:   “ Po   ku   e   ke   doktorrin,   moj   koce”?   Ja,   tek   e   ke   o   xha   Tefik,   gjegji   ajo   dhe   deftoi  me  koke  te  ardhurin.   E  veshtroi  Tefiku,   nga   koka,  tek   kembet,   burrin   shendetlig,  qe   i   deftoi   infermierja,   vuri   buzen   ne   gas,   me   qesendi,  hodhi   xhaketen   kraheve   e  tha,   duke   dale:  “ Ti   paske   mbaruar   per   vete,  or  qyq,   na   do   me   sheroc   mua”?   Ndodhia   mori   dhene   e   mjeku   minoritar    u    pergojua    gjate.   Tefik   Sulua,   nuk   u   sherua   qe   nuk   u   sherua,  por   e   mori   ulceren,   me   vete  ne  udhen  pa  kthim.

Ne   kohen   e   tufezimit   te   gjese   te   gjalle,   Lumturia   dhe   Tefiku,   per   te   perballuar   nevojat   ushqimore  te  familjes,   kur  ata   u   bene   me   nje   vater   plot   me   femije,  dhe   shume   te   tjere   qe  vinin  e  iknin,   menduan   te   blinin   nje   gic.  Rritja  e  nje  derri   ishte   gje    e   re   ne   fshatin   e   lashte  te  besimit  mysliman.   Tefiku   e   sistemoi   gicin,   ne   nje   kthine   te   vecante,   tip   bufari,   ne   kasollen   e   dhenve.   Atje   i   beri   dhe   nje   korite   ku   i   hidhte   hirre,   lende,   mbeturina   dritherash,   kishte   raste   dhe   hime  e  buke.   Femijet  dhe  te  rriturit  kujdeseshin   shume   per   gicin   e   mezi   pritnin   qe   ai   te   rritej.  “Mysafiri”,   hante   e   nuk   ndihej;   ai   shtonte   ne   peshe   dite   per   dite.  Gjitonet  e  dinin  kete  gje,  por  asnjeri  nuk  e  hapte  gojen.

  U   rrit   gici   e   kishte   me   teper   oreks.   Ai   kishte   dhe   me   shume   ze   e   protesta   e   tij, me humgerrima,   degjohej   edhe   ne   udhen   qe   zbret,  ne  anen  Veriore   te   mehalles.  Zeri   i   tij   degjohej   ne   udhen   qe   zbriste   nga   bregu   i   Llakajve   ne   Perruan   e   Krahesit.  Nje   dite,   spiuni   kaloi   aty   prane   dhe   e   degjoi   hungerrimen   e   derrit.   U   gezua   lumemadhi  per  “ gjahun”,    ferkoi    duart   dhe   mendoi   si  e  ku  do  te  jepte  informacionin  ( lexo  spiunimin).   Spiuni   e   mbajti   vrapin   ne   keshillin   e   fshatit   ku  raportoi  menjehere.   Nje  dite,  kryettari   i  Keshillit  te  fshatit  i  shoqeruar  nga  suita,  me   informacion  te  sakte,  qe  ne  mengjes,  zbriti  ne  Llakaj.   Ai   thirri   Tefikun   e   i   tha:  “  Ne  kasolle,  ke   futur  e  mban   Beqir   Ballukun;  nxirre   nga   kasollja   armikun   e   popullit”!   Tefiku   e   kuptoi   nentekstin   e   urdhrit   te   kryetarit,   por   ia   donte   puna   te   bente  rolin  e  atij  qe  nuk   kupton  dhe  u   pergjigj:   “  Shoku   kryetar;   po   une   e   di  se  Beqir  Balluku  eshte  pushkatuar  si  armik  i  popullit”!  Plasi  gazi   dhe   derri   kaloi   ne   giotine.  E   pagoi   “ demin ”  kafsha   e   gjore!  

Kur  ne  fshat funksiononte  sistemi  kooperativist  bujqesor  dhe  kryesia  e  kooperatives  Bujqesore  te  fshatit  Krahes  Nr .2,  formoi  bindje  ne  ndershmerine  e  ciftit:  Lumturi  e  Tefik  Llakaj,  i  caktoi  ata  te  menaxhonin  sektorin  e  pularise.  Lumja,  si  mjeshtre  e  mbareshtimit  te  shpendeve,  kujdesej  per  to  gjithe  diten;  naten  bente  roja,  ne  nje  kasolle  te  ngritur  posacerisht  prane  angareve  te  pulave.  Te  dy  shperbleheshin,  me  dite  pune  fikse,  vec  e  vec  dhe  kjo  u  leverdiste  te  dyve,  me  qellim  qe  te  shtoheshin  te  ardhurat  e  familjes  bujqesore.  Tefiku  kishte  pergatitur  nje  shtrat,  me  drure  e  me  fier  dhe  mbulohej  me  nje  jorgan,  te  cilin  e  kishte  marre  nga  shtepia.  Siper  jorganit,  Tefiku  hidhte  nje  xhup,  se  nata,  sidomos  afer  mengjesit  freskohej.  Me  qellim  qe  te  percillte  naten,  Tefiku  pinte  shume  duhan  dhe  te  forte.  Tashme,  duhanin  e  pinte  me  cibuk.  E  ngjishte  fort  cibukun  qe  djegja  e  duhanit  te  forte  qe  mbante  ne  nje  kuti  alumini  te  vazhdonte  sa  me  gjate.  Mirepo,  nje  nate  na  e  kapiti  gjumi  rojan  vigjilente,  me  cibukun  ne  goje,  te  ndezur.  E  zuri  nen  vete  kur  u  rrotullua  dhe  jorgani,  ra  ne  kontakt  me  zjarrin  e  duhanit  qe  digjej.  Mori  zjarr  jorgani  e  me  pas  xhupi  dhe,  kur  e  ndjeu  Tefiku  se  po  digjej,  kishte  marre  zjarr  e  gjithe  kasollja  prej  shkarpash  e  prej  kashte.  Tefiku  shpetoi  nga  zjarri  se  u  ngrit  shpejt  e  ia  mbathi  vrapit, neper korijen  me  lisa, ne  ate  gryke.  Kasollja  ku  kalonte  naten Tefik Sulua,  u  dogj  plotesisht. Per  fat, ate nate  nuk  frynte  ere  e  flaka,  nuk  kaloi  tek  angaret  e  pulave  dhe  demi  nuk  qe  aq  i  madh…

Ne   fund   te   vitit   kalendarik,   anetareve   te   kooperatives   bujqesore,   mbasi   beheshin   llogarite   permbledhese,  u   jepej   nje   sasi   te   hollash.   Kooperativistet,  ne   pritje   te   parave  te  fundvitit,   ishin   grumbulluar   prane   zyrave   te   kooperatives  bujqesore.  Ata  pritnin  te  vinte  kryetari  i  kooperatives.  Pritjen  e  tyre  e  theu  ardhja   e   kryetarit  Laze   hipur   mbi   motorr.   Dikush   nga   ata   qe   pritnin  ardhjen   e tij,   iu   drejtua   me  fjalet:  “ E  shkou   kryetar,   a   do   te   na   japesh   gje,  sot”?  Tefiku,   ironine   e   te   cilit   e   pelqenin   bashkefshataret,  mbasi   u   mendua   pak,   krojti   koken,  thithi  cibukun   dhe  nderhyri:  “  Ne  e  dime  qe  para  nuk  do  te  marrim,   por,   te   pakten,   o   kryetar   Lazja,   na   jep   motorrin   te   bejme   nga   nje   xhiro”!   Kaq   deshen   te   pranishmit   dhe   shperthyen   ne   te   qeshura e ne ironi.  Merzitia  qe  kishin  u  kaloi  shpejt  sapo  nisi  shperndarja  e  parave.

Tefik   Sulua,   mbante   lidhje   te   ngushta   miqesore   me   bashkefshatarin   Xhelo  Qamili.   Xhelua,  ashtu  si  Tefiku,  ishte  mjaft   i  zgjuar  e  i  mprehte  dhe  me  humor  te  kendshem.  Buzeqeshja   e   tij   ishte   jo   vetem   simpatike.  Ajo   dhe   syte   e   tij   te   mprehte   e   te  vemendshem   shprehnin   shumecka.   Te   dy   burrat   me   humorin  e  tyre  te  njohur,  “i  benin  iso”  kenges   te   shoshoqit.  Ata   ishin   dhe   ne   nje   lidhje   miqesore   me   njeri  –  tjetrin   dhe,   kur   beheshin   tok,  nuk   linin   njeri   pa   stigmatizuar.   Ne   nje   vaki,   ishin   thirrur   te   dy,   ne   te   shtatat   e   nje   te  ndjeri.   Mbasi   hengren   sa   u   denden,   i   thane   njeri  –  tjetrit.   Hajde   bejme  dhe  ne  te   shtatat   tona,   se   per   te   vdekur   kemi;   te   pakten   te   hame   e   te   ngopemi   vete,  sa   jemi   gjalle,   perse   te   na   i   hane   te   tjeret   te   shtatat  tona?

Humorit  te  Tefikut  nuk  i  shpetoi  as  “ ortaku”  i  tij  i  zgjedhur –  Xhelo  Qamili.  Ndodhia  eshte  teper  gazmore  dhe  i  perngjan  nje  “ gare”  te  pashpallur  mes  dy  qyfyrexhinjve.  Tefiku  kishte  nje  palo  gomar  plak  e  dembel,  te  cilin  donte  ta  hiqte  qafe.  Gomari  ishte  i  seksit  femer  dhe  familjret  e  kishin “ pagezuar” me  emrin  emrin  – Bardha.  Xhelua  e  kishte  pare  gomarin  me  emrin  Bardha,  kushedi  sa  here  ne  kamina  e  ne  Hamulla  dhe  neper  mezhdat  me  bar.  Ai  e  dinte  dhe   qellimin  e  Tefikut.  Rreze  kodres  se  Llakajve,  ne  rrugen  buze  perroit,  nje  dite  kaloi  nje  vargan  me  shetites  me  ngjyre  ( sarakacane).  Ata  blinin  kafshe  ngarkese,  i  stervitnin  e  prap  i  shisnin  me  cmime  me   te  larta.  Tefiku,  ua  shiti  Bardhen  arixhinjve,  per  nje  dore  para.  Keta,  si  ustallare  te  kembimit  te  kafsheve,  e  rrahen  Bardhen  qe  te  merrte  frike,  e  pastruan  dhe  e  zbukuruan,  i  vune  ne  kurriz,  nje  samar  te  mire  dhe  ngjiten  fshatin  perpjete.  Xhelo  Qamilit  i  duhej  nje  gomar;  e  pa  Bardhen,  e  pelqeu, por  nuk  e  njohu  fare  dhe  e  bleu.

I  hipi  gomarit  qe  bleu,  Xhelua  dhe  vajti  tek  motra  e  tij, Kezja  e  cila  ishte  martuar  me  Tahir  Ramadanin,  ne  Llakaj.  E  lidhi  gomarin  pas  shtylles  aty  prane  shtepise,  me  kapistren  e  saj,  dhe  u  ngjit  tek  motra,  ne  katin  e  siperm  te  ngrehines,  per  te  pire  nje  kafe.  Sa  te  bente  Kezja  kafene,  Xhelua  dergoi  Lordin,  djalin  e motres  te  therriste  Tefikun,  qe  ti  shiste  mend,  per  gomarin  qe  kishte  blere  pa  shkuar  ne  pazar.  Nderkohe,  Bardha,  kishte  nxjerre  kapistren  nga  koka  dhe  e  kishte  mbajtur  vrapin  ne  kasollen  e  saj,  tek  grazhdi  ku  ishte  ushqyer  gjate   e  po  hante  byk. Hasimeja,  nena  e  Tefikut,  kur  vajti  per  tu  hedhur  lopeve,  ne  kasolle,  pa  Bardhen  qe  po   ushqehej  e   i   bertiti  te  birit  te  vinte  per  ta  pare.  U  habit  Tefiku,  por  nuk  u  ndie  e  nuk  e  dha  veten.

 Erdhi  Lordi  dhe  e  njoftoi  Tefikun  qe  te  ngjitej  lart,  se  e  kerkonte  Xhelo  Qamili,  dajua  i  tij.  Avash – avash,  pa  e  prishur  terezine,  Tefiku  u  ngjit,  takoi  mikun  dhe  beri  te  paditurin.  Xhelua,  per  ti  bere  surprize  mikut  shakaxhi,  doli  ti  deftonte  atij  cfare  gomari  kishte  blere.  Mirepo  lidhur  pas  shtylles  kishte  mbetur  vetem  kapistra.  U  habit  Xhelua;  por  e  qetesoi  Tefiku, me fjalet: “ Cfare  kerkon  o  Xhelo  vellai?  Bardha  ka  shpetuar  nga  kapistra  e  eshte  futur  ne  kasollen  time.  Ajo  po  ha  byk,  ne  grazhdin  e  saj”.   Atehere  Xhelua,  i  ra  kokes  me  grusht  e  tha: “Me  dreket  e  Xhelos;  po  une  qorr  qeshe  qe  nuk  e  njoha  Bardhen  tende; Po  une  Bardhen  tende  e  kam  pare  dite  per  dite  ne  Ferren  e  Zallit  dhe  ne  yrtra,  duke  ngrene  gjembace,  here  te  penguar  e  here  te  leshuar, hergjele  dhe  nuk  e  njoha  po  e  bleva  nga  arixhinjte ”!  Kjo  shaka  mes  shokesh,  e  fituar  nga  Tefiku,  u  perhap  shpejt  e  mori  dhene.

Bace   Ganiu   ishte   vellai   i   Manos,   bshkeshortes   te   Haxhi   Sulos.   Ai   ishte  dajua   i   femijeve,  te  vellait   te   Tefik   Sulos,   por   ishte   i   sakatuar  e   me   nje   dore.   Ate   fundviti   moti   erdhi   me   shira   e    beri    shume    llohe.   Mbeti   gruri   i   pa  mbjelle.  Bacja,  tredylymshin   e   kishte  lene   per   grure  dhe  po  te  mos  ta   mbillte  ne  veren  e  ardhshme  do  te  mbetej  pa  drithe.  Te  perafert  e  kishte  situaten  e  mbjelljeve  te  vjeshtes  edhe   Tefik   Sulua.

  Dha  e  mori,  dajo  Bacja  e  “iu  fal”  gomarit   qe  mbante  ne  kasolle.  Nje  dite,  neper  shi,  Ai  mprehu   gomarin   ne   parmende   dhe   nisi  te  mbillte  mbillte   grurin,  ashtu  sic  ishte,  me  nje  dore.  Lumturia,   te   ciles   nuk   i   shpetonte   asgje,   e   pa   kete   skene   e    iu   “pervesh”   te   shoqit,   me   fjalet:  “  Po   ti   mor  Tefik,  nuk   e   veshtron   Bace  Ganiun  me   nje   dore   dhe    po   e   mbjell   grurin?   Ti   i   ke   te   dyja   duart   dhe   e   le   grurin   pa   mbjelle ”!   U   vu   ne   seder  Tefik   Sulua,   priti   sa   e   mbaroi   mbjelljen   e   grurit   miku   i   shtepise   dhe   i   preu   udhen,   per   shkurt,   e   i   doli   perpara.

 Bacja,   i   lodhur   e   i   rraskapitur,   i   lagur   e   i   pangrene,   me   cap   te   rende,   po   ngjitej   drejt   shtepise.   I   doli   perpara   Tefiku   dhe   e   pyeti:  “  A   e   hodhe   grurin,   o   Bace   Ganiu”?  “ E   hodha,  po   neper   shi e neper  qamet ”;   gjegji   tjetri,   pa   te   keq  dhe  priste  ndonje  fjale  te  mire  nga  miku  i  shtepise.  Tefiku,  tere  nerva,  “mbushi  gojen ” :  “ Mos  e  hengersh”!  Ne   vend   qe   ti   thosh:  “ Ta   hash   gezuar”,   sic   e   kerkonte   etika   dhe   tradita   e   zones.  “ A   je   ne   vete,   o   Tefik ?  I   tha,  i  befasuar  Bacja;   cfare   nxjerr  nga   goja,  ashtu,  une  mbolla  aren  time ”?  Tefiku,  me  humorin   e   tij   te   holle,  e   kishte  “ne  xhep”   pergjigjen.   Ai   doli   nga   situata,   duke    e   “shitur”   pergjegjesine:   “  Po  ti  me  ndave  nga   gruaja,  mor  i  uruar;   kur   te   pa   ty   qe  po   mbillje   grure   me   gomar   e   neper   shi,  Lumturia   me  qesendisi   e   me   nxiti   te    rrembente   parmenden.   Ishin   miq   prej   kohesh   dhe   nga   i   njejti   fshat   ata    e   njiheshin   mire   dhe   e   kuptonin   njeri  –  tjetrin,   edhe   pa   fjale  prandaj  Baces  nuk  i  mbeti  hatri.

Ne  shtepine  e  Lumturise  e  te  Tefik  Sulos,  si  dere  e  Madhe  e  bukedhene,  mblidheshin,  pervec  femijeve  te  tyre  edhe  mjaft  te  tjere.  Dy  djemte  e  medhenj  te  mite:  Ardjani  dhe  Oltioni,  atje  e  “kishin  koken”;  Miri  i  Dilos;  gjithashtu.  Tefik  Sulua  mbante  ne  shtepi  edhe  nenen  time  dhe  Danielen  e  Fiqretit,  te  ciles,  Zonja  e  Madhe  e  Binajve  i  thoshte: Ganela.  Per  te  ngrene,  benin  si  benin,  gjithe  ajo  “ ushtri”,  por  ne  vape  ata,  edhe  pse  te  parritur  donin  te  pushonin.  Tefiku,  si  njeri  zemermire  e  tolerant,  u  drejtohej  femijeve: “ Hengert  buke?  Tani  fet  te  arra.  Ne  bahce  ishte  nje  arre  e  madhe  e  cila  bente  hije  per  shume  njerez.  Atje, ne  gjirin  e  nenes  natyre   i  orientonte  te  shkonin  per  te  pushuar  femijet, disa  nga  te  cilet  ishin  bujtes.  

Humori   i   kendshem   i   Tefik   Sulos,   njeh   numera   pa  kufit;   une,   pa   pretenduar   se   ju   kam   rrefyer   rastet   me   te   mire,   me   perulje  e  me  ciltersi,   ju   bej   me   dije   se   kaq   munda   te   remoj   e   te  qemtoj.  Te  tjere,  pas  meje,  mesiguri  qe  do  ta  plotsojne  rrefimin  tim.

E p i l o g

Jeta  e  njeriut  eshte  lufte. Luftohet  per te  jetuar  jeten.  Nuk  jam  i  pari  qe  e  theksoj   kete  dhe  besoj  as  i  fundit.  Ceshtja  eshte:  perse  behet   kjo  lufte;  ke  ke  perballe  dhe  sa  kohe  zgjat  ajo.  Dihet;  jetet  e  njerezve  nuk  i  ngjajne  njera – tjetres.  Jeta  e  motres  tone,  ishte  e  vecante.  Jo  se  ishte  jona.  Ajo  i  ngjan  nje  furtune  qe  nuk  di  te  ndalet.  Furtuna  qe  e  pranishme   deri  ne  fund  te  jetes  te  saj.

 Po  te  tentoja  ta  ngjishja  e  ta   permblidhja   me  pak  fjale  kalvarin  e  jetes  te  saj,  do  te  thoja  se  Lumja  jone  ishte  hallemadhe.  Kete  nuk  e  them  pa  baza.   Si  ne  kohen  kur  ishte  vajze  ne  Kalivac,  dhe  kur  erdhi nuse  ne  Krahes,  deri  sa  u  nda  nga  jeta,  atij  njeriu  nuk  iu  sosen  kusuret.  Do  te  thote  dikush:  Cdo  njeri  ka  hallet  e  tij  e  ato  nuk  ngjasojne  me  njera  – tjetren.  Dakort,  ashtu  eshte  vertet,  por  motra  jone  ishte  teper  e  ndjeshme;  Asaj  nuk  i  shpetonte  asgje  nga  vemendja  por  i  perjetonte  intensivisht  e  i  merrte  prane  vetes,  ndodhite  rreth  saj.

Gjate  kohes   kur  Ajo  jetoi  ne  Kalivac,  prane  prinderve  dhe   njerezve  te  saj,  Lumturia  ishte  teper  aktive  dhe  e  perpjekur  per  tu  bre  krahe  e  prinderve  hallemedhenj.  Ajo  ishte  femija  i  pare  dhe  donte  te  luante  rolin  qe  i perkiste.   Duke  punuar  e  jetuar  prane  dy  njerezve  si  ata, te dy,   motra  jone  “ bleu”  prej  tyre  tiparet  me  te  mira  njerezore,  si:  ndershmerine;  te  qenit  e  drejte;  bujarine  e  shpirtit;  mikpritjen;  besnikerine;  fjalembajtjen;  shpirtin  e  gjere  dhe  fjalen  e  embel;  sedren  e  mire  dhe  perpjekjet  per  ta  kthyer  ate  dere,  sic  kishte  qene:  (pritese  dhe  bukedhene).  Lumturia  ishte  punembaruar  e  sedermadhe.

U  martua,  ne  Krahes,  me  Tefik  Sulo  Llakaj;  hyri  ne  nje  familje  fisnike,  me  mall  e  me  gje.  Perpjekjet  e  saj,  me  seder  te  shtuar,  nuk  rreshten, as  aty  ku  erdhi  nuse,  per  ta  bere  jetesen  e familjes  gjithnje  e  me  te  mire.  Erdhi  koha   kur  Ajo  doli  si  familje  me  vete,  se  bashku  me  bashkeshort  Tefikun,  vjehrren   Hasime  dhe  femijet,  te  cilet  erdhen  ne  jete  njeri  pas  tjetrit  e  u  ngjane  prinderve.  Pas  daljes  me  vete,  Ajo  iu perfill  nje  pune  te  papare, me  seder  e  me  inat,  per  te  shtuar  mallin  e  gjene  dhe  per  te  ndertuar  shtepi.  Ne  perpjekjet  e  saj  “ titanike”  Lumja  terhoqi  bashkeshortin  e  saj,  Tefikun,  i  cili  kishte  tipare  mjaft  te  mira,  por  qe  nuk  ishte  aq  i  shkathet,  ndonese  nuk  i  linte  asgje  mangut  shoqes  te  jetes,  per  nga  zgjuarsia  dhe  miresia  e  shpirtit. Koha  rrodhi  e  Lumja  u  moshua.  Sedren  e  mire  dhe  inatin  i  kishte  por  fuqite  i  rane.  Pastaj  iu  nenshtrua  ligjit  te  natyres,   te  cilin   nuk  mund  ta  shmange  asnjeri.  Por,  ate  pleqeri  e  ate  fund,  motra jone  nuk  e  kishte  hak.

F i z i k u   d h e   t i p a r e t

Lumturia,  nga  shtati  kishte  ngjare  nga  prinderit  e  saj;  nga  Zonje  Temja  dhe  nga   Xhevit  Malkua.  Ajo  ishte  shtatshkurter,  por  me  trup  mjaft  te  shkathet  e  te  forte.  Lumja  ishte  e  paket  nga  shtati  por  me  shpirt  te   mire  e   te  pamate,  e  dritheruar  per  njerezit  dhe  flakerime,  ne  pune.

Me  ate  fytyre  bardhoshe  e  me  sy  larush,  me  floke  te  verdhe  qe  anonin  nga  nuanca  bionde,  Ajo  njihej  si  njera  nga  vajzat  me  te  zgjuara  e  me  te  shkatheta  te  fisit.  Kur  gjitonet  ose  grate  e  fisit  donin  te  perfundonin  nje  pune,  me  ngut,  shpejtonin  te  therritnin  Tutken  ( keshtu  e  therrisnin  me  perkedheli  te  sajet ),  e  Ajo  gjithmone  e  gatshme  u  gjendej  per  ndihme.  Zgjuarsia  e  Lumturise  ishte  natyrale  dhe  e  vecante.  Ajo  “i  lexonte”  shpejt  njerezit  por  ishte skeptike ( mosbesuese).  Ne  kete  pike,  Lumja  ngjante  nga  Babai  yne,  i  cili  ndiqte  “parimin”:  ” Tjetrin  besoje  por  krahet  mos   ia  kthe”!

Lumturia  jone  ishte  Zonje  shtepie,  me  pushtet  e  me  autoritet  te  padiskutueshem. Tipike  ne  karakterin   e  saj  ishte  dhurimi,  pa  kufi  i  dashurise  per  njerezit.  Motra  jone  i  donte  shume  e  u  falte  dashuri,  pa  kufi  si  femijeve  te  saj  dhe  atyre  te  vellezerve  te  saj,  te  cilet  i  shkonin  shpesh  e  qendronin  gjate  ne  shtepine  e  saj.  Por  ajo  donte  e  u  dhuronte  shume  dashuri  femijeve  te  mehalles,  te  cilet  vraponin  pa  droje  tek  ajo,  si  zogjte  e  kllockes,  duke  cicerruar  e  me  britma  gezimi  se  e  dinin  ku  do  te  shkonin:  “ Lolo –  o –  Lolo”!  e  ajo  u  jepte  nje  cope  buke  te  lyer  me  gjalpe,  me  gjize,  apo  me  cfare  ti  ndodhej,  shpesh  duke  e  hequr  edhe  nga  goja  e  femijeve  te  saj.  Ata, ( femijet  e  gjitonve  e  te  mehalles)  vertet  i  mbante  shtepia  e  tyre,  por  ajo  qe  u  servirte  Loloja,  sikur  ishte  tjeter,  dicka  e  vecante,  e  embel,  ledhatuese.  Ndodhte  keshtu  mbasi  Lumturia  ne  ate  qe  falte,  fuste  shume  dashuri  dhe  ua  jepte  me  gjithe  shpirt.  Femijet  e  gjitoneve  e  te  mehalles,  i  turreshin  ( mblidheshin)  Lumes  tone  si  nenes  se  tyre  dhe  gjenin  tek  Ajo  fjalen  e  embel   dhe   dashurine,  pa  kufi.  Shprehjet  e  saj  dashamirese:  “ Kurban  nena”;  “ Te  marrsha  te  keqen  nena”;  “ Kurban  une  per  ty”  etj.  etj,  shprehnin  shume  dashuri  e  afersi.  Dua  te  theksoj  se  dashuria  e  pamate  qe  te  falte  Lumja,  pervec  ledhatimit,  kishte  brenda  dhe  nje  lloj  detyrimi.  Kjo  e  bente  te  vecante  ledhatimin  e  saj.  Brenda  dashamiresise  dhe  perkedhelise,  femijet  gjenin  jo vetem   kenaqesi,  por  dhe  detyrimin  per  tu  bere  dikushi  ne  jete.  Ajo  i  donte  ata  qe  perkedhelte  te  beheshin  te  zote  ne  jete,   jo  te  terhiqeshin  zvarre  pas  te  tjereve.

Duke  trasheguar  nga  e  ema,  nje  tipar  karakteristik  te  saj,  Lumturia,  shpesh,  kur  perkedhelte,  kendonte  apo  thurte  bejte.Bejtet e saj ishin sipas objektit qe kishte perpara dhe improvizoheshin aty per aty.  Ne  dhjetediteshin  e  pare  te  muajit  shtator  te  vitit  2012,  kur  Valentina,  motra  e  Tatjanes  do  te  martonte  Kreshnikun  (djalin e madh te saj)  dhe  e  kishte  te  veshtire  te  niste  dasmen  me  nje  valle  dyshe  te  kenduar  grash,  te  kenduar,  Lumja  i  erdhi  ne  ndihme  me  nje  te  tille  improvizim,  ne  nje  bisede  telefonike  rutine.  Motra  jone  e  sajoi  tekstin  dhe  motivin,  sikur  te  ishte  profesioniste  e  fushes:

“… Kur  kercen  sorkadheja;

Sa  lezet  ka  valleja;

Ben  e  zonja:  Marshallah;

O  ju  miq  qe  vini  e  shkoni;

Marshallah  dasmes  i  thoni;

Marshallah  ciftit  ti  thoni…”

“ kompozimi”  i  Lumturise,  funksionoi,  per  mrekulli  e  u  pelqye  nga  dasmoret.

Meraku  i  saj  i  madh  ishte  te  mos  krijonte  qejfmbetje  e  te  mos  lendonte  asnjeri.  Ajo  ishte  bujare  ne  shpirt  dhe  bujaria  e  saj,  ndihej  ne  cdo  hap.  Shpirti  i  saj  bujar  dhe  dashamiresia  per  njerezit,  u   shpalosen  e  u  ngjiten  me  lart,  tek  pasardhesit  e  saj,  te  cilet  i  ngjajne  ne  kete  drejtim.  

Femijet  e  shumte  qe  erdhen  njeri  pas  tjetrit  dhe  u  rriten  ne  ngushtesi,  neper  kembet  e  njeri – tjetrit,  edhe  pse  perjetuan  kufizimet  e  kohes   nuk  ua  degjoi  njeri  zerin  e  ankeses;  as  kur  ishin  te  uritur  e  te  paveshur  si  duhet.  I  rriti  me  “therrime”  te  pese  femijet  qe  solli  ne  jete,  i  edukoi  me  tiparet  me  te  mira  qe  manifestonte  Ajo  dhe  Tefik  Sulua  dhe  i  arsimoi,  sic  ishin  kushtet  dhe  mundesite,  por  nuk  i  la te  pa  shkolluar.

Lumturia  e  kishte  mjaft  te  veshtire  te  pajtohej  me  inferioritetin  e  femijeve  te  saj.  Kur  bente  krahasimin  e  tyre  me  bashkemoshataret  Ajo  deshironte  qe  femijet  e  saj  te  qendronin  mbi  nivelin  dhe  aftesite  e  shokeve.

  Shtepia  e  Tefik  Sulos,  ne  Krahes,  si  ajo  e  babait  te  tij,  vazhdoi  te  ishte  shtepi  bukedhene  dhe  e  pritur.  Ajo  ishte  shtepi  miku  dhe  e  kishte  deren  te  hapur,  ne  cdo  kohe.

 Morta  jone,  kujdesej  me  teper  per  femijet  e  njerezve  te aferm  te  saj  qe i  vinin  dendur  ne  ate  shtepi,  ku  gjenin  ngrohtesi  e  bujari  dhe  i  percillte  fjala  e  “embel”.  Ajo  u  kujdes  per  nje  kohe  te  gjate  per  nenen  e saj –  Zonje  Temen;  per  femijet  e  vellezerve  dhe  per  ata  te  vajzave  etj.  Mund  te  theksoj,  plot  gojen  se  Lumturia  nuk  veshtronte   qe  “ vetem tymi  i  oxhakut  te  saj  te  shkonte  drejt”,  por  kujdesej  edhe  per  fisin  e  per  miqesine  e  shtuar  te  asaj  dere.

Sic  thote  vellai  im,  Dilaveri: ” Edhe  kur  ndonjerit  nga Nelajt,  ne  kalivac   i  dhembte  dhemballa,  Lumturia  do  te  linte  cdo  pune  e  do  ta  mbante  vrapin  ne  Kalivac,  per  te  pare  ate  qe  vuante”.  Bazuar  ne  kete  tipar  te  vecante  te  saj,  mund  te  them,  se  Lumturi  Xhevitja  ( slogan,  i  cili  perdoret  rendom  ne  Kalivac  te  Tepelenes  per  te  deftuar  atesine)   mbante  mbi  supe,  jo  vetem  hallet  e  saj.

Bazuar  ne  tiparet  e  saj  te  vecanta,  dikur  mbledhja  e  popullit  te  fshatit  Krahes  Nr. 2  ne  rrethin  e  Tepelenes,  e  zgjodhi  Lumturine   anetare  te  Keshillit  Popullor  te  fshatit.  Ne  kuvend,  Asaj  i  degjohej  fjala,  mbasi  ishte  e  zgjuar,  e  mencur,  e  drejte  dhe  me  vizion  te  qarte.  Puna  e  saj,  ne  kooperativen  bujqesore,  ka  qene  me  te  vertete  heroike.

Kur  punonte  ne  brigaten  e  arave,  ajo  kerkonte  vazhdimisht  punet  me  te  veshtira  ku  shperblimi  ishte  me  i  larte  e  nuk  i  ndahej  pikes  per  dite  pune.  Dikur,  kryesia  e  kooperatives  bujqesore  te  fshatit  i  besoi  te  kujdesej  per  farishtet  e  duhanit.  Ajo,  si  halla  e  saj  ne  Shkoze  te  Vlores,  Shaza  u  be  mjeshtre  e  kultivimit  te  farishteve  dhe  e  pergatitjes  te  fidaneve  te  duhanit,  edhe  pse  kishte  kryer  vetem  arsimin fillor  te  fshatit.

Prej  shume  vitesh,  para  se  te  dilte  ne  pension  pleqerie,  Lumturia  menaxhoi,  me  nteresim  te  shtuar  e  me  sherbim  cilesor  tufen  e  shpendeve  te  kooperatives  bujqesore.  Kryesia  e  kooperatives  ia   besoi  kete  sherbim,  nisur  nga  tiparet  e  qenesishme  te  saj,  ku  ndrinte  besnikeria  dhe  ndershmeria.   Per  kete  vlere  te  saj,  cdo  koment  do  te  ishte  i  pavend  po  te  mendohet  se  aty,  malli  ishte  sheshit,  si  persa  i  takon  numerit  te  kerereve   dhe  prodhimit  te  tyre,  vezeve.  Ajo,  kur  punonte  ne  kete  sektor  delikat,  edhe  ne  shtepi,  kur  pushonte,  mendjen  e  kishte  tek  kotecet  e  pulave,  me  merakun  se  mos  shpendet  mbytnin  njera  – tjetren  ose  mos  thyheshin  vezet.  Kryesia  e  kooperatives  bujqesore,  punoi  me  mend  qe  caktoi  Ate  dhe  Tefikun,  dy  njerez  nga  me  te  ndershmit  ne  fshat  e  ne  zone,  njeren  menaxhere;  tjetrin  roja  te sektorit me vlere te pularise. Nen kujdesin  dhe  menaxhimin  e  tyre,  sektori  ishte  nga  me  rentabilet  e  kooperatives  bujqesore  te fshatit.

Lumturine  nuk  e  lodhi  e  nuk  e   rrezoi   puna  sa  e  derrmuan   hallet  qe  percolli  ne  dallget  e  jetes  furtune.  Asaj  i  rane  mbi  koke  halle  te  renda.  Nuk  qene  pa  halle,  te  afermit  e  saj,  ne  te  dy  krahet;  si  ne  Kalivac  dhe  ne  Krahes,  por  Lumturia   i   perjetonte   keqas   ato  mbasi  i  merrte  shume  prane   vetes.  Dhimbjet  e  saj  dhe  ato  te  te  afermve,  e  rrezuan  ate  grua  qe  matej  me  burrat  e  mire,  ne  pune  e  ne  kuvend.

Ne  vitet  e  shnderrimeve  demokratikete  vendit,  djemte  e  saj:  Bushua,  Astriti  e  me  vone  Armandi,  kur  u  krijuan  mundsite,  hodhen  torben  ne  krah  e  moren  udhen  e  emigracionit, ne  shtetin  fqinje  te   Jugut.  Kur  percillte  djemte  per  udhe  te  gjate  e   te  pasigurte,  me  nje  torbe  me  buke  e  me  nderresa,  ne  maje  te  shkopit, Ajo  nene  e  dhimbsur  ndjente  nje  therje  te  forte  ne  gjoks,  i  “cahej”  zemra   se   e  dinte  qe  ata  shkonin  drejt  te  panjohures,  i  merrej  fryma  e  i  erresohej  gjykimi,   por  mellefin  qe  kish,  nuk  dinte  si  e  kujt  tja  shfrente.  Prandaj  e  brente  perbrenda  meraku  per  ata  qe  mezi  i rriti.

Po  te  hapje  nje  torbe  emigranti,  pa  veshtiresi  do  te  dalloje  ngjeshjen  e  nderresave  se  bashku  me   ushqimet  per  udhe. Ushqimi  me  rezistent  ne  ate  rrugetim  qe  zgjaste,  pa pushim,  naten  e  diten, rreth  4  dite,  ishte  nje  kulac  i  gatuar  me  miell  gruri,  i  pjekur  ne  tigan,  me  vaj  ulliri;  petulla;  llokume  vendi,  veze  te  ziera,  ndonje  pule  te  skuqur  e  cfare  ti  ndodhej.  Ne  torbe,  Nena  e  dritheruar,  fuste,  me  shume  se  sa  tesha  e  ushqime,  dashuri  nene,  per  djemte  e  saj,  dashuri, e  cila  i  kalonte  kufijte  e  njerezores.

Rrugetimi  4  ditor,  zakonisht  kryhej  naten,  kur  ishte  erresire,  me  qellim  qe  emigrantet  te  mos  diktoheshin  nga  policia  dhe  nga  ushtria  greke  qe  patrullonte  parreshtur  ne  zonat  “ e  nxehta ”.  Djemte  e  Krahesit,  ashtu  si  djemte  e  tjere  nga  ajo  zone,  niseshin  per  ne  emigracion, ne  grupe   sipas  fiseve,  sipas  mehalleve,  sipas  lidhjeve  miqesore  dhe  njohjeve  vetjake.  Te  preferuar  ishin djemte  qe  e  njihnin  udhen  e  malit ( udhe  pa  udhe)  dhe  shtigjet  e  kalimit,   ata  qe  kishin kaluar nje  here  e  ishin  kthyer,  pa  probleme.

I  percillte  Lumturia  djemte  e  saj,  sic  benin  dhe  nenat  e   tjera,  me  zemer  te  copetuar, por  nuk mund  ta  largonte  mendjen,  per  asnje  cast  nga  ata  qe  mezi  kishte  rritur.  Djemte  rrugetonin  e  gjate  rruges  ndeshnin  ne  pengesa  e  ne  veshtiresi  nga  me  te  ndryshmet,  por  nenes  se tyre,  derisa  te  merrte  njoftimin  e  mire,  mbi  mberritjen  dhe  sistemimin  e  djemve  te  saj,  nuk  i  fliste  dot  njeri  me  goje.  Ne  vetmi;  e  pangrene  dhe  e  pagjume,  Ajo  grua  kushedi  sa  here  e  kishte  pershkuar   me fantazine  e  saj  te  zhvilluar  e  me  merak  te  madh,  rrugen  qe  benin  djemte  e  saj,  edhe  pse  nuk  kishte  qene  asnjehere  ne  emigracion.  Me  fantazine  e  saj  dhe  me  dhimbsurine  e  nenes,  Lumturia,  shkonte  ne  mendje  lloj – lloj  situatash  dhe  vuante,  pa  shkak.  Po  cfare  “ ndillte ”  ajo  mendje  nene  me  fantazine  e  saj  te  shfrenuar?

Disa  mendime  qe  bluante  ne  mendje  ishin: ” Djali  im  iku  nga  mali,  ne  rruge  pa  rruge,  po  ku  e  ka  kaluar  kufirin?  Mos  valle  e  kane  pikasur  kufitaret  apo  ushtaret  dhe  i  eshte  dashur  te  manovroje  duke  kaluar  neper monopatete  rreziksheme, ka  kapercyer  perrenj  te  rrembyeshem  e  vnde  te  thepisur?  Kur  lodhet,  ku  e  si  shlodhet?  Mos  e  vrasin  opingat?  Mos  behet  me  djerse  e  i  thahet  djersa  ne  trup ?   Mos  e  ka  kapitur  gjumi  e  ma  kapin ?   Kohet  ishin  te  pasigurta  e  krimet  sheshit.  Jeta  e  nje  njeriu,  ne  ate  kohe,  kushtonte  fare  pak.  Nenes  te  gjore,  ndonese  nuk  donte  ta  pranonte,  i  shkonte  mendja  dhe  tek  e  keqja  e  madhe,  te  ciln  e  largonte  nga  vetja.

Kur  ne  mehalle  apo   ne  fshat   vinte  ndonje  djale  apo  grup  djemsh  qe  punonin  ne  Thive,  Lumja  e  mbante  vrapin  ne  shtepine  e  tij  dhe  pa  u  shmallur  me  te  tijet,  i  ardhuri  nga  kurbeti,  gjendej  perballe  vales  te  pyetjeve   te  Lumturise,  te  cilen  e  respektonin  per  personalitetin  e  saj  dhe  per  sjelljen  humane  te  njohur.  “E  bombardonte”,  Lumturia  te  ardhurin,  me  pyetje  lloje – lloje  e  nuk  shkulej  nga  shtepia  e  tij  pa  merre  pergjigjet   e  pyetjeve  qe  kishte  bere.  Shpirti  i  saj  i  trazuar  gjente  qetesi  vetem  kur  i  vinin  djemte  e  saj  tek  dera,  kur  ti  perqafonte  e  ti  puthte,  kur  ti  prekte  me  dore,  duke  i  perkedhelur  si   dikur  dhe  kur  tu  degjonte  zerin.

Nese  dikush  do  te  me  kerkonte  ta   etiktoja   motren   tone   me   pak   fjale  do   te  mjaftohesha  me  fjalet:  Lumja  jone  ishte  sedermadhe,  merakmadhe  e  punembaruar.  Ne  respekt  te  personalitetit  te  saj  te  rralle,  mehallalinjte: Burra,  gra  e  femije,  e  therrisnin  Lolo.  Kete  “ novke” e  cila  ka  ne  perberje  vetem  dy  tinguj  te  njellojte,  por  domethenien  e  ka  te  pamate.  Ate,  njerezit   nuk   ta   japin  mekot,  por  duhet  merituar.  Ajo  eshte  respekt  dhe  nderim  i  merituar.  Arrij  ne  perfundimin  se  Lumja  e  meritonte  dashurine  dhe  nderimin  e  komunitetit,  nisur  dhe  nga  fakti  se  ne  percjelljen  e  saj,  jo  vetem  qe  moren  pjese  nje  lume  njerezish,  nga  fshati,  nga  zona  dhe  nga  vise  te  larget  te   vendit  por  kjo  gje   vihej  re  ne  lotet  dhe  psheretimat  e  tyre. Nuk  kishje  ku  te  hidhje  kokrren  e  molles  e  kjo  nuk  eshte  pa  domethenie.

Motren  tone  e  “rrezuan “  disa  ndodhi  fatkeqe  te  cilat  Ajo  i  perjetoi  dhimbshem.  Sejcila  nga  ndodhite  fatkeqe  qe  i  rane  mbi  koke   pati  ndikimin  e  saj  ne  perkeqesimin  e  gjendjes  shendetesore  dhe  ne  humorin  e  saj.  Moshen  nuk  e  kishte  per  te  ikur ( kaq  shpejt),  ne  udhen  pa  kthim,  por  jeta  nuk  i  erdhi  sic  do  ta  deshironte  e  situata  qe  iu  krijua  ishte  pa  rrugedalje.  Po  paraqes  disa  ndodhi  tipike  ku  fatkeqesia  qe  me  ndikim  te  fuqishem  e  te  drejtperdrejte,  ne  qenjen  e  saj.

Ne  vitin  1983,  Lumturia,  aksidentalisht,  pesoi  nje  goditje  te  forte   prapa  kokes  nga  e  cila  humbi  shikimin.  Per  kontroll  e  per  mjekim,  Ajo  u  shtrua  ne  Spitalin  e  qytetit  te  Tepelenes  ku  qendroi  e shtruar  21  dite.  Gjate  kohes  qe  ishte  e  shtruar,  Lumja  kishte  nevoje  per  asistence  dhe  kete  ia  plotsoi  Fiqreti,  vajza  e  madhe  e  saj,  e  cila  qendroi  prane  saj  21  dite;  sikur  te  ishte  e  shtruar.  Se  bashku  me  Tatjanen  dhe  Dilaveri  me  Halimene,  shkuam  nga  Tirana,  per  ta   pare  e  per  ti  dhene  kurajo  motres   tone.  Rikthimi  i  veshtrimit  tek  Lumturia,  pas  tri  javesh  ne  erresire  solli  nje  gezim   te  papare,  per  te  aksidentuaren,  per  femijet  dhe  familjaret  e  saj  dhe  per  shoqerine  e  miqesine  e  asaj  familje;  per  te  gjithe  dashamiresit e  saj.

Ne  nentor  te  vitit  1999,  u  nda  nga  jeta  vellai  i  Tefikut –  Haxhi  Sulua,  i  cili  ishte  kunat  i  prasem  i  motres  tone;  njeri  i  mire  e  i  dashur  edhe  per  Lumturine  dhe  femijet  e  saj.  Ai  lengoi  gjate  ne  shtrat,  i   paralizuar  nga  nje  ischemi  cerebrale.  Vdekja  e  tij  hidheroi “ gure e drure”.  Astriti,  djali  i  dyte  i  Lumturise,  ne  ate  kohe  punonte  taksist,  ne  linjen:  Tirane –  Athine.  Ne  nje  rrugetim  rutine,  ne  fshatin  Rrapez  te  rrethit  te  Lushnjes,  rreth  ores  04oo,  ne  nje  mot  me  mjergull  te  dendur  dhe  kur  akoma  nuk  kishte  rene  dita, u  perplas me  nje  traktor  qe  doli  befasisht  nga  rruga  dytesore  e  fshatit  ku  aksidentoi  dy  njerez.  Per  fat  te  mire,  asnjeri  prej  te  aksidntuarve   nuk  humbi  jeten.  Astritin  e  ndaluan  dhe  e  derguan  ne  paraburgim.  Meraku  per fatin  e  metejshem  te  te  birit,  derisa  i  erdhi  ne  shtepi  e  derrmoi  Lumturine.

Tronditje  te  thelle  pesoi  motra  jone  me  3  dhjetor  te  vitit  2003;  kur  djali  i  Bushos,  Elidioni,  14  vjec,  u  aksidentua  me  vdekje,  nga  nje  furgon  taksi   me  targa  te  Permetit,  ne  mesdite,  kur  po  kthehej  nga  shkolla,  sapo  zbriti  nga  autobusi  qe  transportonte  nxenesit.  Aksidenti  i  rende   ngjau,  ne  rrugen  nacionale  automobilistike,  perballe  shtepise  te  Bushos. Gjeme  e  madhe,  me  permasa  te  papara  hidherimi  ngjau  ate  dite.  Lumja,  si  gjyshe  e  djalit  te  aksidentuar,  u   trondit   thelle  nga  ngjarja    dhe  e  perjetoi  me  shume  dhimbje ate. 

Merakmadhja  sederlije  i  rriti  e  i  veseliti  te  pese  femijet  qe  solli  ne  jete  ( tre  djem  e  dy  vajza), me  “ therrime”.  Lumturia  dhe  Tefiku,  te  perkushtuar  si  ata,  me  sakrifica  te  panumerta,  shpesh  duke  shtrenguar  rripin,  i  shkolluan  femijet,  sa  e  si  munden,  sipas  kushteve  te  kohes  dhe  u  gezuan  ne  dasmat  e  tyre.   Edhe  ne  ceshtjen  e  perzgjedhjes  te  krushqise  spikati  zgjuarsia  dhe  mencuria  e  dy  bashkeshorteve fatlume.  Ata  u  kujdesen  te  mos  shkelnin  traditen  dhe  krushqite  e  reja,  per  shkaqe  qe  dihen,  te  mos  beheshin  larg  e  familjet  respektive  te  ishin  te  denja  per  deren  e  tyre  fisnike. Bushua,  “kafshita  e  pare”  e  mori  nusen  ne  fshatin  fqinje, ne  Kalivac  te  Tepelenes  keshtuqe,  Ai,  ne  fshatin  ku  ishte  nip,  u  be  dhe  dhenderr.  Njelloj  si  babai  i  tij –  tefiku. Fiqreti  u  martua  ne  Gadurove  te  rrethit  te  Fierit,  fshat,  i  cili  nuk  eshte  me  larg  se  90  minuta, ne kembe,  nga  Llakajt.  Astriti  e  mori  nusen  ne  Fratar,  ne  nje  distance  pushke.  Armandi  e  mori  nusen  ne  Levan  te  Beratit  dhe  vetem  Mimoza  u  martua  pertej  lumit  te  Vjoses,  ne  fshatin  Golimbas,  ne  nje  familje  fisnike;   brenda  rrethit  miqesor.

Te   pese  femijet  e  Lumturise  e  te  Tefikut,  si  pinjolle  te  atyre  cike  prinderve,  kane  ngjare  prej  tyre  e  jane  bere  dikushi.  Ata  shquhen  mes  te  tjereve.  Te  gjithe,  jane  “te  perpjekur”  e  punembaruar.  Bushua,  ne  trojet  e  paraardhesve,  me  shume  mund  e  djerse,  ka  ndertuar  nje  goxha  vile,  prej  guri  te  bardhe,  te  skalitur dhe rreth saj,  ka  krijuar  nje  “ciflig”.  Punimet  e  ndertimit  te  kesaj  ngrehine  u  shtrine  ne  vitet 1994 – 1998;  familja  e  tij  hyri  ne  shtepine  e  re,  ne  Diten  e  Veres  te  vitit  1998.  Astriti  dhe  Armandi,  me  fitimet  nga  puna  ne  emigracion,  blene  toke,   ne  vitin  1998  dhe,  mbi  truallin  e  blere,  ngriten,  ne  vitin  2007,  nje  vile  trekateshe, ne  fshatin  Sauk,  ne  rrethina  te  Tiranes.  Fiqreti  ka  zene  Fierin  kurse  Mimoza  e  ka  shperngulur  “ seline”  ne  ishullin  Samos  te  Greqise.  Atje,  ne  emigracion  ekonomik,  se  bashku  me  bashkeshortin  e  saj, Nazifin  dhe  me  dy  djemte  si  dy  yje,  Ajo  ka  ngritur  nje  ekonomi  familjare  te  begate.  Per  te  gjithe  femijet  e  ciftit  Lumturi  e  Tefik  Llakaj,  jetojne  me  femijet  e  tyre,  jane  me  shtepi  e  me  katandi;  jetojne  me  djersen  e  ballit  e  i  falen  punes  se  tyre.

Lumturia,  me  tipin  e  ndjeshem  e  te  dhimbsur,  edhe  kur  femijet  e  saj  nisen  jete  te  pavarur,  kur  ata  formuan  familje  me  vete,  kerkonte  ti  kishte  te  gjithe  tok;  ti  veshtronte,  ti  prekte,  ti perkedhelte  e  ti  monitoronte.  Madje,  kjo  gje  shtrihej  edhe  tek  pinjollet  e  femijeve  te  barkut  te  saj.  Besoj  se  nuk  e  teproj  po  te  them  se  motra  jone  i  perngjante  asaj  kllockes  qe  kerkon  ti  kete  zogjte  gjithnje  zogj   e  ti  mbeshtjelle  me  krahet  e  saj.

 Prandaj,  edhe  ne  vitet  e  fundit  te  jetes  te  saj,  sa  kohe  ishte  me  kembe  e  me  dore  nuk  qendronte  dot   shume  kohe   tek  asnjeri  nga  femijet.  Kur  ishte  tek  Bushua  dhe  kishte  perpara  Ate  dhe  femijet  e  tij,  mrakun  e  cvendoste  ne  Sauk,  tek  dy  djemte  e  tjere.  Te  kunderten  bente  kur  ishte  ne  Sauk  e  me  radhe.  Qendresen  me  te  gjate  e  bente  tek  e  bija,  Fiqreti,  ne  Fier,  e  cila  edhe  pse  ne  ngushtesi  ekonomike  dhe  me  siperfaqe  te  kufizuar  banimi,  kujdesej  shume  per  Nenen  e  saj. Tek  Moza,  ne  Samos,  Lumja  nuk  arrinte  dot,  edhe  pse  qejfi  ia  kishte.  Distanca,  viza,  peripecite  e  rrugetimit  te  gjate,  pjeserisht  me  makine   e  nje  pjese  te  udhes   me  mjet  lundrues  ia  veshtiresonin  shume  vajtjen  tek ajo.

Lumturise  “i  ra  llotaria”  ti  percillte  ditet  e  fundit  te  jetes  e  “te  shuhej”  ne  Krahes  te  Tepelenes,  ne  shtepine  e  djalit  te  madh,  te  saj,  Sulos,  te  cilin  e  kishte  shume  per  zemer  dhe  e  degjonte  shume,  me  06  shtator  te  vitit  2018,  ne  oren  04.oo.  “Llotaria” qe  i  ra  motres  tone  ishte  e  rende  e  i  kushtoi  jeten.  Ndoshta  nuk  e  meritonte  ate  fund,  ai  njeri  i  rralle.   Po  te  ndodhej  ne  rrethina  te  Tiranes  apo  ne  afersi  te  saj,  ku  mjetet  e  vecanta  te  nderhyrjes  te  specializuar  dhe   personeli  qe  i  shfrytezon  ato  te  ishte  i  mundur,   rikuperimi  i  saj  pas  goditjes  cerebrale,  mund  te  ishte  me  i mundur   dhe  mund  ta  kishte  shtyre  edhe  ca,  kohen  e  jetes  e  te  lengimit.  Ajo  u  “fik”  brenda  9  ditesh  dhe  me  e  keqja  ishte  se,  ne  Krahes,  ne  ato  kushte,  kur  mjekesia  eshte  ne  nivelet qe njihen,  mundesite  per  ti  ardhur  ne  ndihme  nje  te  semuri  te  kesaj  natyre  jane  te  pamundura,  ishte  ne  fatin  e  saj  te  keq  ta  mbyllte  kaq  shpejt  jeten,  duke  lene  pas  nje  emer  e  mbresa   te  mira   por  dhe  shume  brenge  e  dhimbje.

Le  te  jete  ky  shkrim  qe  evokon  jeten  e  saj,  nje  lapidar,  per  ta  kujtuar   e   per  mos  ta  harruar  njeriun  e  mire,  e  cila  nxirrte  nga  goja  “mjalte “ e  punonte  sa  per  shtate!

Shkrojti  Niazi  Xhevit  Nelaj;  vella  i  Lumturise.                    Shkruar  ne  Tirane,  gjate  muajve  janar –                                                                                         

                                                                                                          Shkurt 2019