Disa thesare të popullit tonë

• Që në gusht e nga një grusht!
• Burrë e grua- mish e thua!
• Mos i shiko gunën, po vështroji punën!
• Gurë-gurë, bëhet mur!
• Dhentë e dhitë e Zerës; nami i Hasan Qerës!
• O alo, të hëngërt tenja; e ke butaraqen brenda!
• Nga e thëna, në të bërë, është në mes një det i tërë!
• Ç’e do mall e ç’e do gjënë, kur s’ke burrë për të qenë!
• Është hesap i Zylalit, sa lakra i vë kalit!
• Tek ka rrjedhur, do pikojë!
• Inati i botës, dëm i kokës!
• Koka bën; koka pëson!
• Rrite Duken, të të hajë kukën!
• Ja fol e mba; ja ... e ha!
• Kur s’ke pula, hoish, mos bën!
• Kali i botës të lë në mes të udhës!
• I duruari, i fituari!
• Kur s’ke pulën, ha dhe sorrën!
• Moti i mirë duket që në mëngjes!
• Bëmë baba, të të ngjaj!
• Tjetrin mos e duaj, po hisenë ia ruaj!

Vijon...

Vijon:

• Kur të vijnë mendtë, nuk i hanë as qentë!
• Miku i mirë, në ditë të vështirë!
• Gjëja e bardhë, për ditë të zezë!
• Kalova lumin, të... kalin!
• Mos bëj ho-pa, pa kaluar kanalin!
• Fisnikja; po s’të tha fjalën, do të të bëjë djalën!
• Pyet atë që ka rënë nga fiku!
• Paska ardhur nga Korça!
• Mat, shtatë herë e pre një herë!
• E dashka me sëpatën e dardharit!
• Bjeri drejt se ke lehtësira!
• Uji fle; hasmi s’fle!
• Gjuha, kocka s’ka po kocka thyen!
• Korr e mos lidh!
• Parë tok e pas rrëmujë!
• Derrat, një turi kanë
• Pordha e madhe, gris brekët e reja!

vijon...

Vijon, vijimi...

• Dardha bie nën dardhë!
• Sikur e ka nxjerrë nga hundët!
• Ai nuk kapet as me gjethe fiku!
• Sheh rrushi - rrushin e piqet!
• Nusja: Rrofsh moj Nënë 9 vjehrrë) që më mësove!
• Vjehrra: Rrofsh moj bijë që më dëgjove!
• Të keqen o Sulejmen! Vetë të rrosh po djem mos bën!
• Të presin sipas gunës e të përcjellin sipas kokës!
• Kush mëngoi- bloi!
• Ç’të mbjellësh, do të korrësh!
• Vate djali në Kolloz; vate shul e erdhi lloz!
• Kur i vjen ngodhja qenit, përmjerr tek dera e Xhamisë!

Vijon e nuk mbaron...

Vijon...

• Një burrë pyeti gurin: "Ku vete, o gur i shkretë?" Guri buzëqeshi e, me shpoti tha: "Do vete ta shkretoj gjetke!"
• Kur zihen atllarët; shkelmat i "pinë" gomarët!
• Po s’i bërë nënën, nuk të njeh për babë!
• Fjala jote, në veshë të Perëndisë!
• Flokë gjatë; mendjeshkurtër!
• Qejf pa prishur, punë pa bitisur!
• Mali me malin nuk piqen!
• Buka e thyer, nuk ngjitet!
• Ditë e re, nafakë e re!
• U nxi koha, u prish moti, mjerë ai që s’qe i zoti!
• Atë që sjell dita; nuk e sjell moti!
• Nuk mbahet shtëpia me miell hua!
• Motra jemi, po shoqe s’jemi!
• Kur thonë: More-more; do të thonë dhe mjerë-mjerë!
• Shtëpinë e prish i zoti!
• I lirë, plenci është!
• Miqtë i shto; të vjetrit mos i harro!
• Qeraxhiu me hanxhinë, piqen!
• Një ngordhi; një shtiu; një mbeti shterpë vetiu...!
• Ra shiu, e piu toka!
• Mos ma mburr; mos ma lëvdo, nesër mbrëma do t’ia shoh!
• Paska qenë iti; duket se ta ka kërryer thellë!
• E bërë dobiçin, dili për babë!
• Moj shtëpia bukëdhënë, do bëneç siç keshe qenë!
• Pulë e botës, duket më e majme! Vijon...

Vijon...

• Mortja, të merr 6 muaj më parë!
• Uthulla e fortë, prish enën e vet!
• Kush i hap gropën tjetrit, bie vetë brenda!
• Fëmijën e rritin përkëdhelitë e nënës dhe e dajos!
• Fati im, kushedi ku rrokullis gurë!
• Unë të heq gurin e themelit!
• I zoti e di ku i pikon çatia!
• Humbi, si sëpata, pa bisht!
• Gomari ngarkuar, i zoti s’e sheh; i plaçin të dy; i plaçin të tre!
• Atij, dymbëdhjetë i rreh sahati!
• Të gjithë vënë e vijnë; burri im harroi shtëpinë!
• Gusht e gunë!
• I paska marrë koka erë!
• I mbyturi, të mbyt!

Vijon...

• Rrondokop, o rrondokop, drekë e darkë t’i hash tok!
• Po vuan të zitë e ullirit, i gjori!
• Duket sikur ka hyrë në ujë!
• Qethet me shelëgë!
• Rrugës së Perëndisë!
• Raki e Çane Deliut; shëndeti i Bektash Haxhiut!
• I bën petullat me ujë!
• Po nuk hëngre hudhra, nuk mban erë!
• Ulu mal, të dalë hëna, të stoliset Kadena!
• Shumë e për lumë; pak, por paq!
• Po hodhe? do të presësh!
• Atë që të bën fëmija, nuk ta bën as Perëndia!
• Ia do goja por nuk ia lë hunda!
• Guri nuk luan; burri-luan!
• E hodhi, pa lagur!
• O ti njeri me mend, hidhe në vuxhutin tënd!
• Sikur ha, me fajde!
• Nga vure thembrat; vër majat!
• Nata është e huj!
• Punët e ditës, nuk bëhen natën!
• Qeshin krushqit; qesh dhe nusja!
• Qull o qen e ha o dosë!

vijon...

Vijon...

• Ngordhi dhia; u menderos miqësia!
• Nuk më dhemb koka vetëm në njërën anë!
• I ka varur turinjtë sikur i ka ngrënë gomari bukën!
• Nusja e bën kulaçin të shtrembër!
• O dervish, mjekër kënaçe, mos e merr punën inace, se Baxhinë e kemi fshaçe!
• Paska vajtur si kova, në pus!
• Ku dhemb dhëmbi, vete gjuha!
• E paska parë, plot sytë!
• Moj e zeza Vanke; që bërë viskën; Pse s’i preve kockën, po i preve kërthizkën?
• Buzë e plasur, nuk qesh kurrë!
• Si më do, të daça; si ma ke, ta paça!
• U tërbofsh e hëngërsh të zonë!
• O byrek, more byrek, ku jemi nesër, për drekë? Tek filani, me shelëg!
• Ai ta lë bishtin në dorë!
• Besën jepja, por krahët mos ia kthe!
• Ia dha drurit - e çau; ia dha gurit- e thërmoi; ia dha njeriut, e duroi!
• Nga ferrë e vogël, del lepuri i madh!
• Nga ferra, del trëndafili!
• I fundit, o qan; o qesh!
• Qejf o qejf që bën dervishi; pi raki, ha atule mishi!
• Moj e vogëla, me naze; kujt ia bën ato çapraze?
• Të humbte vula!
• Të humbte varri!
• O i biri i Nurkës; erdhi vakti i bukës!
• E gjeç nga mos e pandehsh!

Vijon ...

• Më mirë djepi thatë se shejtani brenda!

• Yti, mishin ta ha por kockën ta ruan!

• Qeni që leh, nuk të ha!

• Nuk mbahet shtëpia me një tra!

• Kush pordhi; kush mori groshin?

• Ruhu nga synjëri!

• Gjaku nuk bëhet ujë!

• Çfarë të hedhësh, do të presësh!

• Ja korçare; ja hiç fare!

• Këmbët e shpejta; faqja e bardhë!

• E shtrova sharkun në udhë; u bëra si i sëmurë...!

• E bëri si lopa!

• E lëshon fjalën, si lopa bajgën!

• Luftene që prish dynjanë,
  nuk do ta donja kurrë,
  po në më shkelshin vatane,
  do të luftonja, si burrë!

• Që kur polla, m’u tha zorra!

• Qeni qepën le ta hajë!

• Qep e shqep, more Rexhep!

Janë të lutur lexuesit, kush di më tepër, le ta pasurojë këtë rubrikë!

Të kërryera nga thesaret e popullit tonë:

• Syri të gënjen!
• I dhe gishtin; të rrëmben dorën!
• Qenka ngrehosur si kaposhi në majë të plehut!
• Do zërë guri vende!
• Si pordha nëpër brekë!
• Dy vetë, një hall s’e kanë!
• Thirri mendjes! O qyqar!
• Mos dil në fshat, po s’e pate zanat!
• Prit e prit, për bukaniqe- një m... e një kakeliqe!
• Ai matet me hijen e mëngjesit!
• Paska dajo kalin!

Thesare të popullit tonë (të kërryera, taze)

"... Më deshe mike, më deshe, moj mike!
Kur të vija me peshqeshe, moj mike;
Me livando nëpër xhepe, moj mike... "

• Koka bën; koka pëson!
• Ata, të dy, janë bërë bythë e brekë;
• Kanë dalë rrëketë, të mbytin lumin;
• Pirdh moj mace, bëj peroma, ca të thata e ca të njoma!
• Hekuri rrihet, sa është i nxehtë!
• Nuk pyet i laguri nga shiu!
• U mësua si kerka në polloge!
• Në shtëpinë e të varurit, nuk përmendet litari!
• Laraskë, pa bisht e femër pa u martuar, nuk mbetet!
• Larg qoftë! Në gurt e në drut!
• Ai nuk të jep një gur të çash kokën!

... vijon kur të vijnë...

Thesare të popullit tonë

Nuset janë ndoshta njëra nga shtresat më të persekutuara e me më pak të drejta në shoqërinë tonë. Ja si e trajtonin atë, dikur, në një familje fshatare:

"... Këndoi Kaposhi i parë;
Ngreu nuse! Bëna zjarrë!
Këndoi kaposhi i dytë;
Ngreu nuse! Hidhna të lajmë sytë!
Këndoi kaposhi i tretë;
Ngreu nuse! Nxirrna qetë... ".

Mbase ky kalvar ka qenë shkak për copëtimin e familjes patriarkale më shumë kurora!

Thesare të popullit tonë, të qëmtuara kohët e fundit:

• Vajta të hapja sytë; m’u hap barku!
• Kam një grua (burrë) teveqele; e dërgoj për lakra, më sjell bizele!
• Burri luan; guri- s’luan!
• Qeni që leh; nuk të ha!
• Merr sytë e mi e vështroje!
• Hekuri rrihet sa është i nxehtë!
• Një shtëpi, me dy palë shkallë!
• Kopaçet, i bën për vete!
• Plakut, dëgjoi fjalën; jo p...!
• Po s’hëngre hudhra, nuk vjen erë!
• Mali me malin nuk takohet; njerëzit takohen një ditë!
• Është e lirë kripa në Durrës, po të ha qeraja udhës!
• Muço Mustaqe kacorri, të bukur nuse që mori= mbesë shehu e bijë qorri!
• Thëngjilli i mbuluar; djeg i përvëluar!
• Qesh ai që qesh i fundit!
• Avash- avash; bëhet shelegu - dash!
• Kush u martua e s’u gëzua?
• I lirë në miell; i shtrenjtë në krunde!
• Kau lidhet për briri; burri lidhet për fjalë!
• Pyeti një burrë, gurin: "Ku vete, o mall i shkretë?" Përgjigjet guri: "Do vete ta shkretoj gjetke!"
• Të paçin në qafë, nenja me babanë; që të dhanë burrë, filan budallanë!
• Ç’ia sheh syri; ia bën dora!
• Shoqëria- shoqëri; qesja të shkojë e të vijë!
• Shtriji këmbët, sa ke jorganin!
• I zoti e di ku i pikon çatia!
• I thatë, por i thante!
• U mësua si gomari në polloget!
• Epullova; e pullova, kerken, po më hëngri miserken!

Vijon...

Në vijim të rubrikës: "Thesare të popullit tonë", po shkruaj një këngë dasme:

Kur përcilleshin krushqit, për të marrë nusen, një grup grash, në nisje të tyre këndonte këngën:

"... Kush është i pari ndër ta?
Xhumble; xhumble; marshallah;
I pari Baba Aga, (ofiq për të nderuar njerëzit e burrit);
Xhumble; xhumble; marshallah:

Qafë e sharkut, me kena:
Xhumble; xhumble; marshallah;
Bishti i kalit, me serma;
Xhumble; xhumble; marshallah... "

Sqarim Vargu: xhumble; xhumble, marshallah, është parazit. Ai shërben si refren dhe për të rimuar bukur.

Thesare të popullit tonë... vijim

• Atje, tek guri me verë, një nga një do vënë të tërë!
• Prish hambare e bëj kënaçe!
• Kashtë e koqe!
• Bukë e dhallë, e vështro halle!
• Ty Kanan, të rruatë Ademi; hunë ta vuri Alemi!
• Hedh gurin e mesheh dorën!
• Dardha e ka bishtin prapa!
• Mos qesh, se do të të qeshin!
• Ai i ka hyrë detit, në këmbë!
• Një shtëpi, me dy palë shkallë!
• Harro mushkë Valarenë, se Ali Pashanë e prenë!
• E bëri me borë!
• Lëre në fatin e tij!
• Mos të hyfte vetja në qejf!
• Bir, Selman i nënës, ke të qaj më parë...!
• Të paça mendjen!
• Fshati që duket, s’do kallaus!
• Lumi që mori Vunonë; daltë e marrte dhe Qeparonë!
• Mbeç shkretë o Qafë e Xhamisë; ç’u bëre vend i pusisë...!
• Paç fatin e K...!

Vijon... Thesare të popullit tonë

• Çfarë mban barku, e nxjerr bardhaku!
• Ujku mjegull do!
• Dil Hasan e s’do të dalë, erdhi koha për t’u falë!
• Djalë i pleqërisë, mall i Perëndisë!
• Atë nuk e qasin në fshat dhe kërkon të bijën e priftit, për nuse!
• Arabe: Kur Muhameti nuk shkon tek Mali (Arafat); atëherë ngrihet Mali e vete tek Muhameti!
• Kali që të shtje, të ngre prapë!
• U poq gruri; do korrur!
• Nuk vjen behari me një lule!
• Shtëpia me dyzet pleq; kujt t’ia prish e kujt t’ia ndreq; e zeza unë ç’po heq!
• Pirdh moj mace, bëj peroma, ca të thata e ca të njoma!
• Bëmë baba të të ngjaj
• Qejfi i ha kumbullat të tharta!
• Pika shpon gurin; fjala bind burrin!
• I urti, i hap udhën të marrit!
• Çdo njeri, thotë: "O nëna ime!"
• Një palo burrë, kur i thanë: "ka rënë zjarr, në fshat", tha: "Larg nga mëhalla ime!" Kur zjarri erdhi në mëhallë, birbua tha: "Larg nga shtëpia ime!" Dhe kur nisi të digjet çatia e shtëpisë së tij, tha: "Larg qoftë nga bytha ime!"
• Kali i kuq, e ka një huq!

Thesare të popullit tonë

• Krapi- shkodranit: "... O m’pi, me venë; o m’ço ku kam kanë!"
• Kali i kuq, e ka një huq!
• Për një plesht, djeg jorganin!
• Dro-o; dro-s’o!
• Lëre në fatin e tij!
• Tu pa; tu bo!
• Burri- burrit, ia thotë!
• Me drutë që nxjerr, me atë zjarr do të ngrohesh!
• E paska lidhur kalin!
• Më mirë djepja thatë se shejtani brenda!
• Bjeri se i bie mirë!
• Paska ikur, për lesh!
• Me të parë e me të bërë!

vijon...

Baritore; me bejte:

"... I ziu çoban me dele, vallë si do t’ia bëjë halle?
Në vuftë dhe ai kapele;
S’e besoj ta mbajë stanë... "

Thesare... vijon:

• O ceco, vdiqe rehat;
  Kokën poshtë e bythën lart!

• Kur i thonë Asmon; s’ke ci bon!

Thesare të popullit tonë vijon...

• Hëngri bukë e fiq, e vdiq!
• Botë-botë, nuk është puna jote!
• ka zë, s’është pa gjë!
• Dita-ditës, nuk i ngjan!
• Qeni qepën le ta hajë!
• M... i ati; m... i biri; m... ai që bëri t’anë!
• Ia paska marrë për shtatë palë qejfe!
• Qëllon qorri, me një sy; qëllon një e godet -dy!
• Paraja e paguar, puna e mbaruar!
• U tërbofsh e hëngërsh të zonë!
• Tra-la-la zura një galë; do ta rrit, do ta bëj djalë!
• Kur i thanë një çobani, përse nuk shkon të qash babanë, ai u përgjigj: "Unë s’qava behare, na do qaj babanë!" ... Vijon.

Thesare të popullit tonë

• Që kur polla; m’u tha zorra!
• I haka kurrizi!
• Ia do goja, por nuk ia lë hunda!
• Qesh hunda- buzën!
• Nuk më ha hunda për mish!
• Kur të jep Perëndia miellin; të fsheh shejtani thesin!
• Xhamadan për Danon!
• Ulu mal, të dalë hëna; të stoliset Kadena!
• Pordhi kali, në derë të hanit!

... vijon.

Thesare të popullit tonë... vazhdim:

• Të pjellë, për të vjellë!
• Shiu të bjerë në arën time!
• Kur ndava vëllanë; veçova belanë!
• Një shtëpi, me dy palë shkallë!
• Harapash e këmbëkuqe, ç’e bërë gjalpët moj nuse?
• Lanet pastë qeni Çumanit, hëngri gjalpët e xha Çanit, po e zonja, ku kish qenë? Po nderte grurin në lëmë...!
• Tre që e dy pendë!
• Kur gjëmon topi, pushka nuk dëgjohet!
• Ha më pak e bli biçak!
• Vishet mani, zhvishet burri!
• Qenka i shpirrur!
• Jo ashtu, po kështu, hidhe këmbën përmbi gju!
• Doli hëna, për kusare, dil moj hënë e bukur-o...!
• E paska ngarë lloha!
• Kërcen prifti nga belaja; kërcen se e gjen hataja!
• Gjella me kripë e kripa me karar!
• Njëra dorë lan tjetrën; të dyja lajnë fytyrën!
• Ai nuk të bën për burrë!
• Duket, i paska pjellë mushka!
• Të lutem: Hidhmë pak më lart se këtu kam hedhur tim atë!
• Ai flet rrallë, por, kur flet, ngul gozhdë traqi!
• Në dasmën e tjetrit kërcen kushdo!
• Fjalët e botës, si bajgat e lopës!
• Qenka hallvë e ftohtë!
• Ngushëlluese: Ia dha drurit; druri u ça; ia dha gurit; guri u nda; ia dha njeriut, Ai e duroi!
• Gjithë bota vënë e vijnë; burri im harroi shtëpinë!...vijon...

Nxjerrë nga thesaret e popullit tonë poet:

Kënga është e popullit tonë; ajo është kënduar në një kohë të caktuar. Nuk duhet të ketë qejfmbetje se nuk ka as emra, as qëllim të keq e prapamendim:

"... Shëndreu, nja katër a pesë;
Bëri Fieri një kongres;
Mblodhi lalët e Myzeqesë;
Mblodhi lale e mbajti fjalë;
U tha djemve: "Udhë e mbarë!"
Tahsin Bën' keni të parë!

Tahsini u kapardis;
Hipi pelën e u nis;
Vajti deri në Gjanicë;
Zuri zemra t’i lëvizë;
Se i thonë plumb i Partisë;
Që të merr sisë me sisë...! "

Vijim...

• Kur të jep Perëndia miellin; të fsheh shejtani thesin!
• Moj dynja, felek-felek, ca i ngre, ca i përpjek!
• Larg syve; larg zemrës!
• I duruari, i fituari!
• E mori osh e branë!
• E mori përrupia!
• Qenka protojene!
• E ka kapur dalldia!

... vijon

Vijon...

I ziu që kur kam lërë;
Yzmeqar, derë me derë;
katër këmbë s’i kam përzierë!

• Hajde baba të të mësoj arat!
• Ziheshin dy pula me njëra-tjetrën. Njëra e bënte vezën më të madhe dhe e shiste një cent më shumë. Po ti, moj korbe, i thotë shoqes, përse nuk e bën vezën një çikë më të madhe që të fitosh më shumë? Pula shoqe, me kapadaillëk e pyeti shoqen: Po sa merr ti nga ajo vezë? Pula e mirë iu përgjigj shoqes, me çiltërsi: Marr një cent, më shumë. Uaaa gjegji tjetra; për një cent, ta çaj bythën unë?